Dificuldades

Yave yina yidikaka yinza kele na beto

1 Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.

2 Nzambi kele kiswamunu mpe kiyekamanu ya beto,

yandi ke kondwaka ve na kusadisa beto na kati ya bampasi.

3 Ni yawu yina, beto kele ve na boma ata ti ntoto kuningana,

ata ti myongo kubwa na kati-kati ya mubu,

2 Mu me tuba na Yave: «Nge kele kiswamunu ya munu, kibaka ya lukengolo ya munu,

Nzambi ya munu yina mu ke sadilaka kivuvu!»

8 Mpulusu mpe nkembo ya munu kele ni na sika ya Nzambi,

ditadi ya munu ya nene, ngolo ya munu, kiswamunu ya munu kele ni na sika ya Nzambi.

9 Ni yandi ke fundisaka yinza na ludedomo,

yandi ke fundisaka makanda ya bantu na kusungama nyonso.

10 Bika ti Yave kuvwanda kiswamunu samu na muntu yina ba ke na kukwamisa.

Bika ti yandi kuvwanda mutindu kibaka ya lukengolo na bantangu ya mpasi.

9 Yave, Mfumu ya Binwani, nani kele na lulendo mutindu nge?

Yave, kukwikama ya nge me zungidilaka nge.

4 Makelele kulutila ya maza ya nene,

makelele kulutila bimpo ya mubu,

Yave ke na lulendo kuna na mazulu.

29 Yandi dingimisaka kitembo,

yandi vutulaka kizunu mpe bimpo kumaka swi.

35 Nani lenda kukabula beto na luzolo ya Klisto? Bampasi, mawa, mpasi yina bantu ke talisaka beto, nsatu, buwelo, mambu yina ke kufwaka bantu, to lufwa? Ve, ata kima mosi ve, 36 mutindu Dibuku ya Nzambi ke tubaka:

«Samu na nge, beto ke na kuzinga

konso kilumbu pene-pene na lufwa.

Beto me kuma mutindu mameme

yina ba ke na kunaka na kisika yina ba ke kufwaka bibulu✝.»

37 Kasi na mambu nyonso yina, beto ke lutilaka na kununga na luve ya Nzambi yina ke zolaka beto. 38 Ee, mu ke na kivuvu ti ata dyambu lenda kukabula beto na luzolo ya yandi: lufwa, luzingu, bambazi, bampeve ya yimbi, mambu ya ntangu yayi to yina ke kwiza, bayina nyonso ke na lulendo, 39 balulendo ya mazulu mpe ya ntoto, to bima nyonso yina Nzambi yidikaka lenda kukabula beto ve na luzolo yina Nzambi lakisaka beto na Yesu-Klisto, Mfumu ya beto.

16 Faline yina vwandaka na kati ya ndonga manisaka ve mpe mafuta yina vwandaka na kati ya diyuki kondwaka ve. Yawu salamaka mutindu Yave tubaka yawu na yinwa ya Eliya.

39 Na ntangu yandi yalumunaka dituti samu na kufuka bawu,

mpe na mpimpa, tiya vwandaka kyenzola bawu.

40 Bawu lombaka na Nzambi mpe Nzambi pesaka bawu bandeke,

mpe yandi yukutisaka bawu na mampa yina katukaka na zulu.

41 Yandi fungulaka ditadi mpe maza basikaka,

yawu mwanganaka mutindu nzadi kuna na yinsi ya kuyuma.

25 Mu vwandaka ntwenya, awa mu me nuna.

Mu me talaka ve ti Nzambi me bika muntu ya kudedama,

to bana ya yandi na kwendaka lomba dimpa.

18 Yave zaba luzingu ya bantu ya kusungama,

mvwilu ya bawu ke zingilaka bantangu nyonso.

19 Bawu ke talaka ve nsoni na bantangu ya mpasi,

na bilumbu ya nsatu, bawu ke yukutaka.

3 Mu ke mwangisa maza na ntoto yina me kondwa maza,

mu ke tula miila na ntoto yina kele ya kukawuka,

mu ke tula Mpeve ya munu na zulu ya bana ya nge,

mpe mu ke sakumuna bana ya bana ya nge.

4 Samu ti nge vwandaka kiswamunu ya muntu yina kondwaka ngolo,

kiswamunu ya mputu na ntangu ya kyadi,

kibumbamanu na ntangu ya kitembo ya ngolo,

mpewo na ntangu ya tiya,

ya tsyelika, mupepe ya bantu ya lulendo

kele mutindu kitembo ya ngolo yina ke mwangisaka bibaka.

6 Yawu ke vwanda mutindu yinzo ya mileba samu na kupesaka mpewo na ntangu. Yawu ke vwanda kiswamunu samu na mvula mpe mvula ya nene.

2 Kana nge sabuka maza,

mu ke vwanda na nge,

kana nge luta na banzadi,

yawu ke dyamisa nge ve,

kana nge tambula na tiya,

nge ke nyenga ve,

milaka ya tiya ke yoka nge ve.

8 Ba ke na kukwamisa beto bisika nyonso, kasi beto ke na kutatamana. Ba ke na kutalisa beto boma, kasi beto ke na kusala kaka kivuvu. 9 Bantu ke na kutalisa beto mpasi, kasi Nzambi ke na kubika beto ve. Bawu ke na kulosa beto na ntoto, kasi beto ke na kufwa ve.

7 Yave kele mbote,

yandi kele kiswamunu na ntangu ya mpasi,

yandi ke bakaka bunkete ya bayina ke bumbamaka na sika ya yandi,

8 Yandi ke kangaka maza na kati ya matuti ya yawu,

matuti ke pasukaka ve na dema ya maza.

9 Yandi ke fukaka kizizi ya kiti ya yandi ya kintinu,

yandi ke yalumunaka dituti na zulu ya yawu.

*

10 Yandi zungaka mutindu mulunga bandilu ya maza,

tii na kisika ya bandilu ya nsemo na kitombe ya kulutila.

21 Mpasi lenda bwidila nge ve na mambu ya luvunu ya bantu,

ntangu mpasi ya mwangusulu ke kwiza, kutala boma ve!

26 Yesu vutulaka: «Samu na yinki beno ke na boma? Beno kele bantu ya kiminu ya fyoti.» Na yina, yandi telamaka. Yandi tumisaka na ngolo nyonso kitembo mpe maza ya dyanga na kudingama, mpe bima nyonso dingamaka. 27 Bawu nyonso yitukaka mingi mpe tubaka: «Nani kele muntu yayi samu ti kitembo mpe maza ya dyanga tumama na yandi?»

30 Beno, bantu ya kiminu ya fyoti! Kana Nzambi ke na kulwatisa mutindu yina matiti yina kele na bilanga bubu yayi, mpe ba ke losa mbasi na tiya, samu na yinki yandi ke sala yawu ve ya kulutila samu na beno? 31 Beno tala ntima mpasi ve na kuzonzaka: "Yinki beto ke kudya? Yinki beto ke kunwa? Yinki beto ke lwata?"»

6 Kasi samu na kento, yandi kimaka na yinsi ya kuyuma, kisika Nzambi yidikilaka yandi kisika, samu ti yandi kuzwa madya kuna na bilumbu funda mosi na bankama zole na makumi sambanu (1 260).

19 Beno kuwa! Mu pesaka beno lulendo ya kutambula na zulu ya banyoka na ya bankala-nseke, mpe ya kumwangisa lulendo nyonso ya Satana. Ata kima ke lenda na kusala beno yimbi.