1 దేవుడు మనకు ఆశ్రయం బలం,

ఇబ్బందిలో ఎప్పుడు ఉండే సహాయం

2 కాబట్టి భూమి మార్పుచెందినా,

నడిసముద్రంలో పర్వతాలు మునిగినా, మేము భయపడము.

3 జలాలు గర్జించినా నురుగు కట్టినా

పర్వతాలు వాటి పెరుగుదలతో కదిలినా మేము భయపడము. సెలా

2 యెహోవా గురించి నేను చెప్పేదేమంటే, "ఆయనే నా ఆశ్రయం నా కోట,

నా దేవుడు, ఆయననే నేను నమ్ముకున్నాను."

8 ప్రజలారా, ఎల్లప్పుడూ ఆయనను నమ్మండి;

మీ హృదయాలను ఆయన ఎదుట క్రుమ్మరించండి,

ఎందుకంటే దేవుడు మనకు ఆశ్రయము. సెలా

9 అణచివేయబడిన వారికి యెహోవా ఆశ్రయం,

కష్ట సమయాల్లో బలమైన కోట.

10 మీ నామం తెలిసిన వారు మీమీద నమ్మకం ఉంచుతారు,

ఎందుకంటే యెహోవా, మిమ్మల్ని వెదికే వారిని మీరు ఎన్నడూ విడువరు.

9 పొంగే సముద్రాన్ని మీరు అదుపులో ఉంచుతారు;

అలలను మీరు అణచివేస్తారు.

4 జలప్రవాహాల ఘోష కన్నా

బలమైన సముద్ర తరంగాల కన్నా,

యెహోవా బలాఢ్యుడై ఉన్నాడు.

29 అతడు తుఫానును గుసగుసలాడేలా చేశాడు,

సముద్ర తరంగాలు సద్దుమణిగాయి.

35 క్రీస్తు ప్రేమ నుండి మనల్ని వేరు చేయగలవారు ఎవరు? ఇబ్బందులు గాని, కష్టాలు గాని, కరువు గాని, వస్త్రహీనత గాని, ఆపద గాని, ఖడ్గం గాని మనల్ని వేరు చేయగలదా? 36 లేఖనాల్లో ఇలా వ్రాయబడి ఉన్నది:

"రోజంతా మీ కోసమే మరణ బాధ పడుతున్నాం;

వధించ దగిన గొర్రెలమని మమ్మల్ని ఎంచుతున్నారు."*

37 అయినా మనల్ని ప్రేమించినవాని ద్వారా మనం అన్ని విషయాల్లో జయించినవారి కన్నా అధికంగా ఉన్నాము. 38 మరణమైనా జీవమైనా, దేవదూతలైనా దయ్యాలైనా, నేడైనా రేపైనా, ఎటువంటి శక్తులైనా, 39 ఎత్తైనా లోతైనా, సృష్టిలో ఉన్న ఏదైనా మన ప్రభువైన క్రీస్తు యేసులో ఉన్న దేవుని ప్రేమ నుండి మనల్ని వేరు చేయలేవని నేను ఒప్పుకుంటున్నాను.

16 ఎందుకంటే ఏలీయా ద్వారా యెహోవా చెప్పిన మాట ప్రకారం జాడీలో పిండి తరిగిపోలేదు, కూజలో నూనె అయిపోలేదు.

39 దేవుడు పరచిన మేఘపు దుప్పి వారిని కప్పింది,

రాత్రివేళ వెలుగు కోసం అగ్ని నిచ్చాడు దేవుడు.

40 వారు కోరుకున్నట్లే దేవుడు పూరేడుపిట్టలను పంపించాడు.

ఆకాశం నుండి వచ్చే ఆహారంతో వారంతా తృప్తి చెందారు.

41 దేవుడు బండను చీల్చాడు. అందులో నుండి నీరు ఉబికి బయటకు వచ్చింది.

ఆ మీరు నదీ ప్రవాహంలా ఎడారి స్థలాల్లో పారింది.

25 ఒకప్పుడు నేను యవ్వనస్థుడను ఇప్పుడు ముసలివాడినయ్యాను,

అయినాసరే నీతిమంతులు విడిచిపెట్టబడడం

వారి పిల్లలు ఆహారం అడుక్కోవడం నేనెప్పుడు చూడలేదు.

18 నిందారహితులు తమ రోజులు యెహోవా సంరక్షణలో గడుపుతారు,

వారి వారసత్వం శాశ్వతంగా ఉంటుంది.

19 విపత్తు సమయాల్లో వారు వాడిపోరు;

కరువు దినాల్లో వారు సమృద్ధిని అనుభవిస్తారు.

3 నేను దాహంతో ఉన్న దేశం మీద నీళ్లు,

ఎండిన భూమి మీద నీటి ప్రవాహాలను కుమ్మరిస్తాను.

నీ సంతానంపై నా ఆత్మను,

నీ వారసులపై నా ఆశీర్వాదాలను కుమ్మరిస్తాను.

4 మీరు పేదవారికి ఆశ్రయంగా ఉన్నారు,

అవసరతలో ఉన్నవారికి తమ బాధలో మీరు ఆశ్రయంగా ఉన్నారు,

తుఫానులో ఉన్నవారికి ఆశ్రయంగా,

వేడి నుండి తప్పించే నీడగా ఉన్నారు.

ఎందుకంటే, క్రూరుల శ్వాస

గోడకు తాకే తుఫానులా,

6 అది పగలు ఎండ వేడి నుండి ఆశ్రయంగా, నీడగా, తుఫాను, వానల నుండి కాపాడే దాగుచోటుగా ఉంటుంది.

2 నీవు నీళ్లను దాటుతున్నప్పుడు

నేను నీతో ఉంటాను;

నీవు నదులను దాటుతున్నప్పుడు

అవి నిన్ను ముంచవు.

నీవు అగ్ని గుండా నడుస్తున్నప్పుడు

నీవు కాలిపోవు.

మంటలు నిన్ను కాల్చవు.

8 మేము అన్ని వైపుల నుండి తీవ్రమైన శ్రమలకు గురయ్యాం కాని నలిగిపోలేదు; ఆందోళన కలిగినా నిరాశ చెందలేదు; 9 హింసించబడినా విడిచిపెట్టబడలేదు; పడత్రోయబడినా నాశనమవ్వలేదు.

7 యెహోవా మంచివారు,

ఆపద సమయాల్లో ఆశ్రయం ఇస్తారు.

ఆయన మీద నమ్మకముంచే వారిపట్ల ఆయన శ్రద్ధ చూపుతారు.

8 ఆయన తన మేఘాలలో నీళ్లను బంధించారు

అయినా వాటి బరువుకు మేఘాలు చినిగిపోవు.

9 దాని మీద మేఘాలను వ్యాపింపజేసి

ఆయన తన సింహాసనపు కాంతిని మరుగుపరిచారు.

10 వెలుగు చీకట్ల సరిహద్దు వరకు

జలాలకు ఆయన హద్దును నియమించారు.

21 కొరడాలవంటి నోటిమాటల నుండి నిన్ను కాపాడతారు,

నాశనం వచ్చినా నీవు భయపడవు.

26 అందుకు ఆయన, "అల్పవిశ్వాసులారా, మీరు ఎందుకంతగా భయపడుతున్నారు?" అని కోప్పడి లేచి గాలులను అలలను గద్దించారు. అప్పుడు అంతా ప్రశాంతంగా మారిపోయింది.

27 వారందరు ఆశ్చర్యపడి, "ఈయన ఎలాంటి వాడు! గాలి అలలు కూడా ఈయనకు లోబడుతున్నాయి" అని చెప్పుకున్నారు.

30 అల్పవిశ్వాసులారా, ఈ రోజు ఉండి రేపు అగ్నిలో పడవేయబడే పొలంలోని గడ్డినే దేవుడు అంతగా అలంకరించినప్పుడు, ఆయన మిమ్మల్ని ఇంకెంత ఎక్కువగా అలంకరిస్తారు! 31 కాబట్టి ‘ఏమి తినాలి? ఏమి త్రాగాలి? ఏమి ధరించుకోవాలి?’ అంటూ చింతించకండి.

6 ఆ స్త్రీ 1,260 రోజుల వరకు సంరక్షింపబడేలా దేవుడు ఆమె కోసం అరణ్యంలో సిద్ధం చేసిన స్థలానికి ఆమె పారిపోయింది.

19 ఇదిగో, పాములను, తేళ్ళను త్రొక్కడానికి, శత్రు బలమంతటిని జయించడానికి నేను మీకు అధికారం ఇచ్చాను; ఏవి మీకు ఏమాత్రం హాని చేయవు.