1 The title of the sixte and fourtithe salm. To victorie, a salm to the sones of Chore.2 Alle ye folkis, make ioie with hondis; synge ye hertli to God in the vois of ful out ioiyng.3 For the Lord is hiy and ferdful; a greet kyng on al erthe.

2 It is good to knouleche to the Lord; and to synge to thi name, thou hiyeste.

8 for thou were myn helpere. And in the keueryng of thi wyngis Y schal make ful out ioye, my soule cleuede after thee;

9 he schal deme puplis in riytfulnesse.10 And the Lord is maad refuyt, ether help, to a pore man; an helpere in couenable tymes in tribulacioun.

9 For alle oure daies han failid; and we han failid in thin ire. Oure yeris schulen bithenke, as an yreyn;

4 Thei schulen telle out, and schulen speke wickidnesse; alle men schulen speke that worchen vnriytfulnesse.

35 Who thanne schal departe vs fro the charite of Crist? tribulacioun, or anguysch, or hungur, or nakidnesse, or persecucioun, or perel, or swerd?36 As it is writun, For we ben slayn al dai for thee; we ben gessid as scheep of slauytir.37 But in alle these thingis we ouercomen, for hym that louyde vs.38 But Y am certeyn, that nethir deeth, nether lijf, nether aungels, nethir principatus, nether vertues, nether present thingis, nether thingis to comynge, nether strengthe,39 nether heiyth, nether depnesse, nether noon othir creature may departe vs fro the charite of God, that is in Crist Jhesu oure Lord.

16 And fro that dai the pot of mele failide not, and the vessel of oile was not abatid, bi the word of the Lord, which he hadde spoke in the hond of Elie.

39 And the erthe was slayn in bloodis, and was defoulid in the werkis of hem; and thei diden fornicacioun in her fyndyngis.40 And the Lord was wrooth bi strong veniaunce ayens his puple; and hadde abhominacioun of his eritage.41 And he bitook hem in to the hondis of hethene men; and thei that hatiden hem, weren lordis of hem.

18 For Y am redi to betyngis; and my sorewe is euere in my siyt.19 For Y schal telle my wickidnesse; and Y schal thenke for my synne.

3 For Y schal schede out watris on the thirsti, and floodis on the dry lond; Y schal schede out my spirit on thi seed, and my blessyng on thi generacioun.

4 For thou art maad strengthe to a pore man, strengthe to a nedi man in his tribulacioun, hope fro whirlwynd, a schadewyng place fro heete; for whi the spirit of stronge men is as a whirlewynd hurlynge the wal.

6 And a tabernacle schal be in to a schadewynge place of the dai, fro heete, and in to sikirnesse and in to hidyng, fro whirlewynd and fro reyn.

2 Whanne thou schalt go bi watris, Y schal be with thee, and floodis schulen not hile thee; whanne thou schalt go in fier, thou schalt not be brent, and flawme schal not brenne in thee.

8 In alle thingis we suffren tribulacioun, but we ben not angwischid, or annoyed; we ben maad pore, but we lacken nothing; we suffren persecucioun,9 but we ben not forsakun; we ben maad lowe, but we ben not confoundid; we ben cast doun, but we perischen not.

7 The Lord is good, and coumfortynge in the dai of tribulacioun, and knowynge hem that hopen in hym.

8 Which God byndith watris in her cloudis, that tho breke not out togidere dounward.9 Whych God holdith the cheer of his seete, and spredith abrood theron his cloude.10 He hath cumpassid a terme to watris, til that liyt and derknessis be endid.

21 Thou schalt be hid fro the scourge of tunge, and thou schalt not drede myseiste, ethir wretchidnesse, whanne it cometh.

26 And Jhesus seide to hem, What ben ye of litil feith agaste? Thanne he roos, and comaundide to the wyndis and the see, and a greet pesibilnesse was maad.27 And men wondriden, and seiden, What maner man is he this, for the wyndis and the see obeischen to him?

30 And if God clothith thus the hei of the feeld, that to day is, and to morewe is cast in to an ouen, hou myche more you of litel feith?31 Therfor nyle ye be bisi, seiynge, What schulen we ete? or, What schulen we drinke? or, With what thing schulen we be keuered?

6 And the womman flei in to wildirnesse, where sche hath a place maad redi of God, that he fede hir there a thousynde daies two hundrid and sixti.

19 And lo! Y haue youun to you power to trede on serpentis, and on scorpyouns, and on al the vertu of the enemy, and nothing schal anoye you.