Dinheiro

15 પછી ઈસુએ તેઓને કહ્યું કે, ‘સાવધાન રહો, અને બધા લોભથી પોતાને દૂર રાખો; કેમ કે કોઈનું જીવન તેની મિલકતની પુષ્કળતામાં હોતું નથી.’"

21 કેમ કે જ્યાં તમારું દ્રવ્ય છે, ત્યાં જ તમારું ચિત્ત પણ રહેશે.

21 ત્યારે તેના માલિકે તેને કહ્યું કે, ‘શાબાશ, સારાં તથા વિશ્વાસુ ચાકર! તું થોડામાં વિશ્વાસુ માલૂમ પડ્યો છે; હું તને ઘણાં પર ઠરાવીશ. તારા માલિકના આનંદમાં પ્રવેશ કર.’"

5 જે કંઈ વિસાતનું નથી તે પર તું તારી દૃષ્ટિ ચોંટાડશે

અને અચાનક દ્રવ્ય આકાશમાં ઊડી જશે

અને ગરુડ પક્ષીના જેવી પાંખો નિશ્ચે ધારણ કરે છે.

4 ધનવાન થવા માટે તન તોડીને મહેનત ન કર;

હોશિયાર થઈને પડતું મૂકજે.

10 રૂપાનો લોભી ચાંદીથી સંતુષ્ટ થશે નહિ.

સમૃદ્ધિનો લોભી સમૃદ્ધિથી સંતોષ પામશે નહિ.

9 તારા ધનથી તથા તારી પેદાશના

પ્રથમ ફળથી યહોવાહનું સન્માન કર.

22 યહોવાહનો આશીર્વાદ ધનવાન બનાવે છે

અને તેની સાથે કોઈ ખેદ મિશ્રિત નથી.

2 દુષ્ટતાનો સંગ્રહ કંઈ ભલું કરતો નથી,

પરંતુ સદાચારી જીવન વ્યક્તિને મોતથી ઉગારે છે.

11 કુમાર્ગે મેળવેલી સંપત્તિ કદી ટકતી નથી.

પણ મહેનતથી સંગ્રહ કરેલી સંપત્તિની વૃદ્ધિ થાય છે.

16 સોના કરતાં ડહાપણ મેળવવું એ કેટલું ઉત્તમ છે.

ચાંદી કરતાં સમજણ મેળવવી વધારે યોગ્ય છે.

1 સારું નામ એ પુષ્કળ ધન કરતાં

અને પ્રેમયુક્ત રહેમ નજર સોનારૂપા કરતાં ઇચ્છવાજોગ છે.

16 ઘણું ઘન હોય પણ તે સાથે મુશ્કેલીઓ હોય, તેના કરતા થોડું ધન હોય

પણ તે સાથે યહોવાહનો ભય હોય તે વધારે ઉત્તમ છે.

22 માણસ પોતાની દયાવૃત્તિના પ્રમાણમાં પ્રિય થાય છે;

જૂઠા માણસ કરતાં ગરીબ માણસ વધારે સારો છે.

8 અસત્ય અને વ્યર્થતાને મારાથી દૂર રાખજો,

મને દરિદ્રતા કે દ્રવ્ય પણ ન આપશો;

મને જરૂર જેટલી રોટલી આપજો.

9 જેઓ દ્રવ્યવાન થવા ચાહે છે, તેઓ પરીક્ષણ, ફાંદા તથા ઘણી મૂર્ખ અને હાનિકારક ઇચ્છાઓમાં પડે છે, જે માણસોને પાયમાલી તથા વિનાશમાં ડુબાવે છે.

17 આ જમાનાનાં દ્રવ્યવાનોને તું આગ્રહથી સૂચવ કે, તેઓ અભિમાન ન કરે, અને દ્રવ્યની અનિશ્ચિતતા પર નહિ, પણ ઈશ્વર, જે આપણા આનંદ-પ્રમોદને માટે ભરપૂરીપણાથી સઘળું આપે છે, તેમના પર આશા રાખે;

5 દ્રવ્યલોભથી દૂર રહો; તમારી પાસે જે હોય તેમાં સંતોષ માનો; કેમ કે પ્રભુએ કહ્યું છે કે, ‘હું તને મૂકી દઈશ નહિ અને તજીશ પણ નહિ.’"

4 કોપને દિવસે દ્રવ્ય કંઈ કામ આવતું નથી,

પણ નેકી મોતથી ઉગારે છે.

11 ધનવાન માણસનું ધન એ તેનું કિલ્લેબંધીવાળું શહેર છે

અને તેની પોતાની માન્યતા પ્રમાણે તે ઊંચા કોટ જેવું છે.

14 પરંતુ હું કે મારી પ્રજા કોણ કે રાજીખુશીથી અર્પણ આપવા માટે અમે સમર્થ હોઈએ? કારણ કે જે સર્વસ્વને અમે પોતાનું માનીએ છીએ તે તમારાથી જ અમને મળેલું છે અને જે અમે તમને આપીએ છીએ તે સર્વ તમારું જ છે.

7 પ્રત્યેકને તેના જે હક હોય તે આપો: જેને કરનો તેને કર; જેને દાણનો તેને દાણ; જેને બીકનો તેને બીક; જેને માનનો તેને માન.

6 વળી એ કારણ માટે તમે કર પણ ભરો છો, કેમ કે અધિકારીઓ ઈશ્વરના સેવક છે અને તે જ કામમાં લાગુ રહે છે.

16 નીતિમાન લોકો પાસે જે કંઈ થોડું છે,

તે ઘણા દુષ્ટ લોકોની વિપુલ સંપત્તિ કરતાં ઘણું વધારે છે.

17 કારણ કે દુષ્ટ લોકોના હાથોની શક્તિનો નાશ કરવામાં આવશે,

પણ યહોવાહ નીતિમાન લોકોની કાળજી લેશે અને તેઓને ધરી રાખશે.

14 તમારાં સાક્ષ્યોના માર્ગમાં

મને પુષ્કળ સંપત્તિ કરતાં વધારે આનંદ મળ્યો છે.