Doença
A doença é realidade humana que a Bíblia confronta com compaixão e poder. Jesus curou toda enfermidade e prometeu ouvir a oração da fé pelos enfermos.
Jesus, o curador
Jesus percorreu toda a Galileia curando toda enfermidade e doença entre o povo. Pelo seu nome, curas continuam acontecendo.
Jisas ye duglo beglkwa yoba di tedre, God kogonmo yoba dedenabedi kamage erio dugwa
Jisas ye wan ede pi Juda yoba tauno ya dumono mudu pidre, ye ka mabuno yugu kei yeimara yugugl pi, yoba God kamo beke tedre, God yoba kingno mogl, suglno morabuka ka wakai i, yoba di togwa. Di tedre, yoba kide kane kane ya giugl kane kane prikwa i ama ere wakai ere tedre, erukwa.
Ene yoba ta kide leprosi panabuka ya kide kane kane sinaiglkwa i, ere wakai ere tedre, yoba ta goraiglkwa i, ere i kor edidre, murubuglo kide yoba meglmara suna moraiglkwa i, di meda ede teo. Ene yoko yobuglo bogl teiga pre ene yoba yoko ake ple di teo dugwa.
Ene yoba ta kide leprosi panabuka ya kide kane kane sinaiglkwa i, ere wakai ere tedre, yoba ta goraiglkwa i, ere i kor edidre, murubuglo kide yoba meglmara suna moraiglkwa i, di meda ede teo. Ene yoko yobuglo bogl teiga pre ene yoba yoko ake ple di teo dugwa.
Jisas yoba mere kaima kideno ere wakai ere togwa
Ana min paugo, yoba mere kide murubuglo kide ye meglmara suna meglkwa yu Jisas moglmara edigwa. Edigo, Jisas ka dumara i, murubuglo kide mudu di meda edidre, yoba kide sigwa i, ere wakai ere togwa. Jisas erukwa i, ka kep yagl Aisaia ka ta okna boglkwa i, pai inabedi erukwa. Aisaia yegl boglkwa,
Nono kideno kane kane paugwa i, ya guigl kane kane sugwa i, ye idre, ere wakai ere norume
di, yegl boglkwa.
Na kuguglna gaglna yeikruko, ene kugugl gagl narikwa. Kide na sugo, ene u na kanigwa. Te, na kane yugu paigo, ene na moglmara wimiwe di, yegl dinagle dugwa.
Ana na yegl dibo, yoba du moraiglkwa i, di ikne ede yegl dinaiglkwa, Yagl Kade yo, ene aunake kidan goglngo, no kandre, ene kaya mokna tomga pre dine? Te, aunake nigl goglngo, no kandre, nigl kogl tomne? Ene aunake dumo ta nem moglsre, ungo, ene i yugugl edumne? Te, aunake ene kugugl gaglnen yeikruko, no kugugl gagl tomne? Te, aunake kide ene sugwa mo ene kane yugu pai motngo, no u kamne? dinaiglkwa. Yegl dibi, na king moraglka i, yegl dinaglka, Na ene kaima di teiga, na agrama meglmara suna i, ene yoba swara ta, yoba kade mo yoba yoko kaima ta moglkwa i pra, ake ple di teigwa igne, ene na ake ple di narimiwe di, yegl dinaglka.
Yegl digo, Jisas prisre, di ikne ede yegl dugwa, Yoba kide sikrukwa i, ye dokta moglmara enaiglkwa kuno erekrumiwa. Ba yoba kide sigwa i keme dokta moglmara enaiglkwa kuno erukwa. Kuno yegl mere na yoba du munedi prikwa i, agle dinagledi ukrika ba na tadaglme yoba agle dinagledi wiwe dugwa.
Te, dumo i yoba kide ta sinabuka i ene ere wakai ere tedre, yoba dumo i yegl di teo, God ene kingno morabuka igne i ede magigl umiwe dio.
Jisas ye duglo beglkwa yagl 12-pela di bage bage edugwa
Ana Jisas ye duglo beglkwa yagl 12-pela agle dugo, ye ede magigl wigo, ye yobuglo ya namba togwa. Togwa i, ye murubuglo kide ya kide kane kane yoba sinaiglkwa i ere wakai ere tedre, te God yoba kingno mogl, suglno morabuka ka i di pene ede tenaiglmedi pre dedugwa.
Promessas de cura
Eu sou o Senhor que te sara. As Escrituras prometem cura para o corpo e para a alma aos que confiam em Deus.
Na agra ene dena muduna suna motnga i, ene kian mina wakai motnere yegl mere, ene mogl pai enatnara u wakai enan, te, ogon nagn mina ama wakai moratnedi kamage erika.
Oração pelos doentes
A oração da fé salvará o enfermo. Confessai as ofensas uns aos outros e orai uns pelos outros para serdes curados.
Te, yoba ta kide sinan, ye ene suglno yoba ta moraiglkwa i agle dinan, ye udre, kugo nuglo tau toide bre mina edidre, Yagl Kade kagie mina ye pre kamage eraiglkwa paugwa. Yoba ta kide sugwa i, Yagl Kade ye ere wakai ere tenabedi pre mediglsre, kamage eribi, Yagl Kade yoba ta kide sugwa i, ere wakai ere tenan, kidemo bu yenabuka. Te, yoba i tadaglme ta erukwa panan, Yagl Kade ye tadaglmemo kide kodo tenabuka.
Te, yoba ta kide sinan, ye ene suglno yoba ta moraiglkwa i agle dinan, ye udre, kugo nuglo tau toide bre mina edidre, Yagl Kade kagie mina ye pre kamage eraiglkwa paugwa. Yoba ta kide sugwa i, Yagl Kade ye ere wakai ere tenabedi pre mediglsre, kamage eribi, Yagl Kade yoba ta kide sugwa i, ere wakai ere tenan, kidemo bu yenabuka. Te, yoba i tadaglme ta erukwa panan, Yagl Kade ye tadaglmemo kide kodo tenabuka.
Yegl pre kide ene sinan, ene kideno bu yenabedi pribi, ene tadaglme erikwa i, ikne ikne di poglsre, kamage ikne ikne eraiglkwa paugwa. Yoba du ta morabuka i, kamage eran, ye kamagemo i, yobuglomo panabuka pre ye kamage erabara i, taragl podo plau dinabuka.
Pol ogo nagie mina kide ta sugwa
Ana God taragl kane kane na moglmara i nogugl ede narukwa i mina na mogl mitna ede dinatnedi God kanige eruko, Satan ye na ogona nagna mina kide ta na sinabedi eruko, kide i na sugwa.
Kide na sugwa i pre na ege suota Yagl Kade di prisre, kide i, i eglke ede narabedi di prika. Ye di prika ba ye kide i eglke ede narekre, yegl di narukwa, Na ene yoko kaima ere wakai ere teiga mabuno i, ene si gigle di tenabuka kuno erukwa. I siragl pre na yobuglna podo paugwa i, yoba ta yobuglo kogl paikrukwa igne, na yobuglna ye moglmara si kau si tomiwe dugwa. Ye yegl di narukwa pre na ege ege yobuglna kogl paikrume dinagledi prika. I siragl pre na yegl moraglka igne, Krais yobuglomo na bi di narabedi prika. Yegl prika pre na yobuglna paikruko, yoba na kagna ere kide ersre, na ere kide ere naramnedi erikwa mo na Krais kogonmo erimara i pre yubun kane kane plau dugo, giugl primara i pre na gun yeiga. I siragl pre na yobuglna paikrukwa igne, God yobuglomo idre, adigl gigledi moglka.
Esperança na aflição
Ele tomou sobre si as nossas enfermidades. Mesmo na doença, o coração alegre serve de bom remédio e Deus dá esperança.
Nono prumga i, God yene ere mogl, yubun tenagledi prisre, ye ere sumedi prumga. Yegl prumga ba i ta manugwa. Nono yubuno ya giuglno ye idre, giugl pre norukwa.
Nono prumga i, God yene ere mogl, yubun tenagledi prisre, ye ere sumedi prumga. Yegl prumga ba i ta manugwa. Nono yubuno ya giuglno ye idre, giugl pre norukwa.
Yoba ye kide pre tedre, mokono ye teigwa. Ye dem muduo yubun dogwa yagle moglsre, yubun kane kane pre kan erukwa. Yoba ye kide pre tedre, mokono ye tedre, kanakriko, nono ama ye yagl kade moglmedi kankrumga.
Kide podo na sugwa pre na ene meglmara keme moglsre, Jisas kamo wakai ene beke te moglka. Igne i, kide podo na sugwa pre ene yubun teiga ba na kide kandre, mokono narekrikwa. God angelomo mo Krais Jisas yene ene meglmara ta wibi, ene di inaiglmere mere na di igwa.
Ana Timoti yo, ene nigl kor keme ne motnga i kodo, nigl wain kuri ta ama akie no. Nen, ene den biglko mina kide ta magigl magigl inga i, tau aragan erabedi prika.
kaino nuglo ta yage sinabuka i koko ede tenabuka. Te, yoba okuo ta goglkribi, yoba kai ersre, kai giglage sigwa ya giugl prikwa i, okuo ama ta manabuka. I siragl pre taragl kane kane okna pamere yegl ta paikrabuka. Dudumiwe di, yegl dugwa.