Doença
A doença é realidade humana que a Bíblia confronta com compaixão e poder. Jesus curou toda enfermidade e prometeu ouvir a oração da fé pelos enfermos.
Jesus, o curador
Jesus percorreu toda a Galileia curando toda enfermidade e doença entre o povo. Pelo seu nome, curas continuam acontecendo.
ईशू रहअ कई नगरी अर गराऊंऐं डेऊई तिन्नें सभागृहा शिक्षा दैंदी, स्वर्ग राज़े खुशीए समादा खोज़दअ लागी अर सोभी रंगे दाह-खिज़ा का तिन्नां नरोगै करदअ लागी।
रोगी मणछा करै नरोगै, मूंऐं दै करै भिई ज़िऊंदै, कोहल़ निखल़ै दै मणछा करै शुचै अर भूता काढै दूर। तम्हैं दैऐ इना मुफ्त ज़िहअ तम्हां मुफ्त आसा भेटअ द।
रोगी मणछा करै नरोगै, मूंऐं दै करै भिई ज़िऊंदै, कोहल़ निखल़ै दै मणछा करै शुचै अर भूता काढै दूर। तम्हैं दैऐ इना मुफ्त ज़िहअ तम्हां मुफ्त आसा भेटअ द।
ज़ांऊं सान्ह पल़ी, ईशू सेटा लै आऐ खास्सै रोगी मणछ, तिन्नां तै भूत शाचै दै, अर कई रंगे रोग, ईशू काढै तिन्नां सोभिए भूत दूर अर सोभ रोगी किऐ नरोगै। इहअ करै हुअ ईशायाह परमेशरे गूरै बोलअ द बैण बी पूरअ,
"तेऊ च़की म्हारी कमज़ोरी आप्पू दी,
अर किऐ म्हारै दाहे शूल़ दूर।"
हुंह त नांगअ अर तम्हैं दैनै मुल्है बान्हणां लै झिकल़ै। हुंह त बमार अर तम्हैं किई मेरी कारी-फाज़त। हुंह थिअ कैदखानै, तेभै आऐ तम्हैं मुंह सेटा लै हेरा-सभाल़ा।’
"तेभै दैणअ धर्मीं मणछा तेऊ लै इहअ ज़बाब, ‘हे प्रभू, हाम्हैं कधू भाल़अ तूह भुखअ कि हाम्हैं खैऊअ? अर तूह कधू त नचिशअ कि ताखा पणैऊंअं हाम्हैं पाणीं? हाम्हैं कधू भाल़अ तूह परदेसी कि घअरै डाहअ अर कधू थिअ नांगअ कि हाम्हैं ताखा झिकल़ै बन्हैऊंऐं? तूह कधू थिअ बमार? कधू थिअ तूह कैद खानै अर कधू आऐ हाम्हैं ताह सेटा लै हेरा-सभाल़ा?’ तेभै दैणअ मुंह धर्मीं राज़ै तिन्नां लै ज़बाब, ‘हुंह खोज़ा तम्हां का सत्त कि ज़ुंण तम्हैं मुंह दी विश्वास करनै आल़ै होछ़ै का होछ़ै भाई-बैहणी मांझ़ै कहा एकी संघै बी इहअ भलअ बभार किअ, सह किअ तम्हैं मुल्है।’
इना गल्ला शूणीं बोलअ ईशू तिन्नां लै, "बैईद निं नरोगै मणछा सेटा एछदअ, पर रोगी मणछा सेटा लागा तेऊ ज़रूरी पुजणअ, हुंह निं धर्मीं लै आथी आअ द, पर हुंह आसा पापी शधाणूं आअ द।"
ज़ुंण तिधी रोगी होए, तिन्नां करै नरोगै संघा बोलै तिन्नां लै इहअ, ‘परमेशरो राज़ आअ तम्हां नेल़।’
तेखअ शादै ईशू आपणैं बारा च़ेल्लै अर तिन्नां लै दैनी मणछा का भूत काढणें अर मणछा नरोगै करने शगती अर हक। तिंयां च़ेल्लै छ़ाडै परमेशरे राज़े प्रच़ारा करदै अर बमारा ठीक करदै।
Promessas de cura
Eu sou o Senhor que te sara. As Escrituras prometem cura para o corpo e para a alma aos que confiam em Deus.
बिधाता बोलअ तिन्नां लै इहअ बी, "हुंह आसा थारअ परमेशर बिधाता, हुंह करा तम्हां हारी-बमारी का राम्बल़ै। ज़ै तम्हैं ज़िहअ हुंह बोले तिहअ ई करे अर मेरअ बधान अर हुकम आद डाहे, तै निं हुंह तिन्नां बमारी तम्हां सेटा एछणैं दैंदअ ज़ुंण मंऐं मिसर देशे लोगा लै छ़ाडी।"
"तम्हैं करै सिधी मेरी च़ाकरी, हुंह ज़ुंण थारअ परमेशर बिधाता आसा! मुंह दैणीं तम्हां थारै नाज़ा पाणीं दी बर्गत अर थारी सारी दाह-बमारी करनी मुंह दूर।
"तम्हैं करै सिधी मेरी च़ाकरी, हुंह ज़ुंण थारअ परमेशर बिधाता आसा! मुंह दैणीं तम्हां थारै नाज़ा पाणीं दी बर्गत अर थारी सारी दाह-बमारी करनी मुंह दूर।
बिधाता, तूह कर मुंह नरोगै, तै जाणअ पठी बिज़री, तूह बच़ाऊ मुंह तै जाणअ हुंह बच़ी। सह आसा तूह ज़सरी हुंह स्तोती करा।
तेऊ ई, मेरै सारै पाप माफ किऐ,
अर तेऊ किअ हुंह सोभी बमारी का नरोगअ।
बिधाता करा दुखी दिला आल़ै नरोगै,
सह करा तिन्नें देहीए ज़खमा दी मल्हम लाई नरोगै।
सह दैआ कांणै लै आछी कि तिन्नां का शुझिए।
ज़ुंण ठोहल़ लागी धरनीं पल़ै तिन्नां करा सह हाथा ढाकी आज़रै खल़ै,
सह झ़ूरा धर्मीं मणछा लै।
तिन्नां मणछा लै आसा खास्सी बर्गत ज़ुंण रैनै-गरीबो खैल डाहा,
खरीए पलका करा तिन्नें हेर-सभाल़ बिधाता आप्पै।
बिधाता करनी तिन्नें फाज़त, संघा डाहणैं तिंयां ज़िऊंदै,
तेऊ दैणीं तिन्नां लै धरती दी बर्गत,
सह निं तिन्नें दुशमणा मांझ़ै तिन्नां शोटी डाहंदअ।
ज़ेभै तिंयां दाहुऐ दै होए,
बिधाता करनै तिंयां पठी नरोगै।
ए मेरै पैरै साथी, मेरी आसा एही अरज़ कि ज़िहअ तूह विश्वासा दी बझ़दअ आसा लागअ द तिहअ ई लोल़ी तूह सोभी साबै बझ़दअ लागअ अर तूह लोल़ी देही दी राज्ज़ी-राम्बल़अ रहअ।
Oração pelos doentes
A oração da fé salvará o enfermo. Confessai as ofensas uns aos outros e orai uns pelos outros para serdes curados.
ज़ै तम्हां मांझ़ै कुंण बमार होए, विश्वासीए टोली का विश्वासी टोलीए सैणैं शादै, अर तिन्नैं करनी प्रभूए नाओंऐं तिन्नां लै तेल मल़ी करै प्राथणां। ज़ुंण प्राथणां तम्हैं परमेशरा सेटा विश्वास डाही करै करे तेता करै हेरनअ परमेशरा सह बमार मणछ तैहा बमारी का बच़ाऊई अर ज़ै तेऊ कोई पाप बी किऐ दै होए, तेते बी भेटणीं तेऊ लै माफी।
ज़ै तम्हां मांझ़ै कुंण बमार होए, विश्वासीए टोली का विश्वासी टोलीए सैणैं शादै, अर तिन्नैं करनी प्रभूए नाओंऐं तिन्नां लै तेल मल़ी करै प्राथणां। ज़ुंण प्राथणां तम्हैं परमेशरा सेटा विश्वास डाही करै करे तेता करै हेरनअ परमेशरा सह बमार मणछ तैहा बमारी का बच़ाऊई अर ज़ै तेऊ कोई पाप बी किऐ दै होए, तेते बी भेटणीं तेऊ लै माफी।
तैही मना तम्हैं आप्पू मांझ़ै एकी-दुजै सेटा आपणैं पाप, संघा करा एकी-दुजै लै परमेशरा सेटा प्राथणां, ज़िहअ करै तम्हैं भिई नरोगै होए। किल्हैकि धर्मीं मणछे प्राथणां करै सका सोभै गल्ला हई।
पर मुंह निं तिन्नां नुआहरी गल्ले बारै खास्सअ घमंड लोल़ी हुअ ज़ुंण मुखा परमेशरै रहैऊई तैही च़भेऊअ तेऊ मेरी देही दी एक कांडअ, मतलब राख्सो एक दूत कि सह मुल्है धमुक्कै बाहे ताकि हुंह घमंड निं करूं।
एते बारै किई मंऐं प्रभू का चिई बारी अरज़ कि अह लोल़ी मुखा दूर हुअ। पर तेऊ बोलअ हर बगत इहअ, "ताल्है आसा मेरअ जश ई बतेर्हअ। किल्हैकि मेरी शगती करा कमज़ोरी दी खास्सअ काम।" तैही करनअ मुंह आपणीं कमज़ोरी प्रैंदै बडै नंदा दी घमंड कि ईशू मसीहे शगती लोल़ी मुंह प्रैंदै बणी रही। एता पिछ़ू आसा हुंह मसीहा लै कमज़ोरी दी, अर निंदा दी अर दल़िदरा दी, अर लोगे बरोधा मांझ़ै मसीबता अर मसीबता दी खुश, किल्हैकि ज़ेभै हुंह आत्मां दी दुबल़अ हआ, मसीहे शगती करै हआ हुंह ज़ोरा आल़अ जोधअ।
Esperança na aflição
Ele tomou sobre si as nossas enfermidades. Mesmo na doença, o coração alegre serve de bom remédio e Deus dá esperança.
पर तेऊ ज़िरै तिंयां दुख ज़ुंण हाम्हां पल़णै तै भुगतणै,
अर ज़ुंण दाहे शूल़ हाम्हां लागणै तै दैणैं।
हाम्हैं रहै तेऊ लै इहअ सोठदै लागी कि
अह मार आसा एऊ लै परमेशरे हुणाकार।
पर तेऊ ज़िरै तिंयां दुख ज़ुंण हाम्हां पल़णै तै भुगतणै,
अर ज़ुंण दाहे शूल़ हाम्हां लागणै तै दैणैं।
हाम्हैं रहै तेऊ लै इहअ सोठदै लागी कि
अह मार आसा एऊ लै परमेशरे हुणाकार।
हाम्हैं किई तेऊ लै नफरत अर हाम्हैं समझ़अ सह बृथा,
तेऊ ज़िरै दाह-दुख अर
हाम्हैं किअ सह इहअ भाल़अ नां भाल़अ कि
तेऊए निं कोई बुगत ई आथी!
ज़ै मन्न खुश हुअ, तेता करै रहा मणछ नरोगअ,
ज़ै दिल चुटअ, सह दैआ हाडकै बी चजेऊई।
ज़ै मणछा ज़िऊंणें च़ाह हुई, सह सका बमारी का बी ठीक हई,
पर ज़ै हैअ चोल़ी हेरअ, तै लागा मरने ई आशा डाहणीं।
ज़ेभै आशा खतम हआ, तेभै चुटा दिल बी,
पर ज़ेभै मानत पूरी हआ, सह ज़ाण्हिंआं ज़िन्दगी दैणैं आल़ै हरै बूटा ज़िहअ।
ज़ेभै तैणीं मंऐं अह गल्ल निं मनी कि मंऐं आसा पाप किऐ दै,
हुंह हआ त सारी-सारी धैल़ी धकदअ लागअ द अर मेरै गल़ै हाडकै बी।
पर तम्हां का आसा थोघ कि हुंह त तधू बमार ज़धू हुंह पैहली बारी तम्हां सेटा खुशीए समादा खोज़दअ आअ। मेरी बमारी ती तम्हां लै बी कष्ट, पर तम्हैं निं हुंह बागै काढअ अर तम्हैं किई मेरी हेर-सभाल़। तम्हैं मनअ हुंह इहअ कि ज़िहअ कि तम्हैं परमेशरे स्वर्ग दूतो या मसीहा ईशूओ सुआगत सका तै करी।
आजू पोर्ही निं सिधअ पाणीं झुटदअ ई रही लागी, ताह लागा कबल्ली पेटै दाह, तेता लै कर धख-धख दाखो रस बी झुटी।
"तेऊ टुशणैं तिन्नें आछिए आशू, अर तेखअ निं कधि मौत एछणी अर नां शोग अर नां लेरा-पकारा अर नां दाह दुख। पैहलै संसारै ज़ुंण गल्ला ती, तिंयां सोभै गल्ला हणीं खतम।"