Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
बाकुन भगवान जीव-आत्मा आपसा कह्याम जीवण्यान जीवन मां आपसा फळेन जे गुणे उजेंतु करे; परम करनु, खुस रहणु, सांती सी हेळी-मेळीन रहणु, गम खाणु, दीसरान भलाय करनु, भुरसाम रहणु, दीसरा साते भुळा बणीन रहणु, ने आपसाक कब्जाम राखणु, असला वारला कामेन काहना बी कायदान वीरुद नी करे।
काहाकी भगवानेन गीण-दया उजेंती हवे, जु आखा माणसे मां अमर छुटकारु देखाव पड़ गुयलु छे। ने हामुक लड़ीन सीकाड़े, की हामु भक्ती नी करने वाळा ने दुनीयान चीज सी मन फेरवीन ईनी कळी मां हुस्यार ने धरमेन कामे सी ने भक्ती सी जीवन जीवजे; ने तीना वारु आसेन नीते आपणा मटला भगवान ने मरण सी छुटकारु करने वाळु ईसु मसीन सेक-सींगार उजेंतु हवणेन वाट देखता रहे।
ईनी वातेक घुण इसरु; भगवान आपणु काजे डरेन जीव-आत्मा ते नी आप्यु, बाकुन ताकुतेन, ने परम करनेन ने आपसा जीवेक मानाड़नेन जीव-आत्मा आप्लु छे।
हेरे वजे सी तुहुंं आखी भातीन कुसीस करीन, आपणा भुरसा पर वारलु कामे, ने वारलु काम पर समज, ने समज पर खुद पर भुरसु, भुरसा पर दमधरीन, ने दमधरीन पर भक्ती। ने खरली भक्ती भेळा भाय-बहण्स्यान, नातो अदाड़ु ने तेरे भेळा भाय-बहण्यान मां परम अदाड़ता जावु।
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
मसी मां दवड़नु
काय तुहुंं नी जाणु की दवड़णे मां ते आखा दवड़े, बाकुन ईनाम एकुत लीन जाय? तुहुंं असात दवड़ु ने की जीतु। एक ताकतवाळु आखो काय खुद करे; चे ते एक खत्तम हवणे वाळा मुकुट काजे हात करने वाटे ज्य आखो करे बाकुन हामु ते हीना मुकुट करीन करजे जु जलम रवे। हेरेसी मे हीनी रीत सी दवड़ो, बाकुन रवलो काम करने वाळु नी, मे बी हीनीत रीत सी धुमा सी लड़ायो, बाकुन हेरेन तसु नी जे वाहळा मां ठुक्ता जाय्न लड़ायो बाकुन मे आपणा डील काजे धुमाटीन मारा हक मां लावो, असो नी हवे की दीसरा काजे परचार करीन मे खुद काहालीक रीत सी पापी ठेहरो।
बाकुन कदी चे खुद नी कर सके, ती ईयाव करे; काहाकी ईयाव करनु मन मां तरसायणे सी वारु छे।
तुहुंं काहाली असी पारख मां नी पड़्या, जे माणसेन सेण सी बाहार छे। ने भगवान भुरसा वाळु छे ने चु तुहुंं काजे ताकत सी बाहार पारख मां नी पड़नी देय, बाकुन पारखणेन साते नीकास बी करसे की तुहुंं सेण कर सकु।
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
तुंद्रु वेरी भुतड़ु दाहड़ेन वाळा नाहरेन तसु, तुहुंंक फाड़ीन खाणे करीन हेर रयु; हेरेसी तुहुंं जागली करता रवु। ईसु पर भुरसु करन्या तुंद्रा भाय-बहणस्या, जे आखी कळी मां पुगला छे, चे बी तुंद्रेन तसा दुख झेल रया, जी वात हेर करीन भुरसा मां काठा रहु ने तीना भुतड़ान बराबरी करु।
भगवानेन दान-वरदानेन वारु रीती सी देख-भाळ करने वाळा
आखी वातेन खात्मो तत्यारुत हवणे वाळो छे; हेरेसी जानकार हयन दुवा वाटे समळीन रवु।
बदलु जीवन
जत्यार की मसी डील मां हयन दुख हाकल्यु ती तुहुंं बी हेना मनसा काजे हत्यारेन तसों धर लेवु, काहाकी जु डील मां दुख हाकल्या, चु पाप सी छुट गुयु, काहाकी आवणे वाळी घड़ी मां आपणा बचला डीलेन जीवन माणसेन लालुचेन अनसारे नी बाकुन भगवानेन मरजीन अनसारे जीवन जीवु। काहाकी नी-यहुदी मरजीन अनसारे काम करने, ने लुच्चायन भुंडली हर, दारकुट्या, भुंडलो काम, पीणेवाळा, ने बेकार मुरती पुजण्या मां जां लग हामु पेहल सी टेम जावाड़ देदा, चोन बेसको हयो। हय चे सुसवारे, की तुहुंं असा भारी लुच्चाय मां हींद्रो साते नी देवु, ने हेरेसी चे भुंडो वारु कवे। हीनुक जे हय जीवतेला छे ने मरीन सर गुया आपणा कामेन लेखु-जुखु हीना मसी काजे देणु पड़से जु हींद्रो नीयाव करने वाळु छे।
ने तुंद्रे मां सी हर एक जणु चुखलु ने ईज्जत करीन आपणी लाडी साते रहणे जाणे। छीनाळाय ने चंगली हेर सी छेटे रवजु। भगवान काजे नी जाणे, असला नी-यहुदीया माणसेत असी हेर करे।
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
मे राते एक दरसन देख्यु, ने देखु, माणसेन पुर्या साय काहनुक सरगेन वादळा पर बसीन आवतेलु देखसु, ने चे तीना डाहला धड़े पुग्या, ने तीनाक चे तेरे धड़े लाया। तत्यार तीनाक असो राज, सेक-सींगार ने राज आपलो छे, ने भाती-भातीन कुळीन माणसे ने राज-राजेन माणसे ने भाती-भातीन बुली बुलने वाळा ने आखी कुळीन माणसे तेरा हक मां रवे; ने तेरो राज जलम लक टणको, ने तेरो राज खत्तम नी हवणे वाळो ठेहरसे।
मेसेक ज वारु लाग्यो की आखाम सी जुर भर्यु भगवान मेसेक जी मटला सहलाण्या ने छेलभात्या काम देखाड़ला छे, तीनुक उजेंता करो।
तेरा देखाड़ला सहलाण्या असा मटा छे,
ने तेरा चमत्कार मां काय मटी ताकत उजेंती छे, तेरो राज ते जलम छे,
ने तेरी बड़ाय पीड़ीडीट बणीन रवे।
जु भगवान आपणुक भुतड़ान आंदारला राज मां सी छुड़ायन आपसा लाटेक्ला पुर्यान राज मां ली आवलु छे। ने ईना पुर्यान साहरे आपणुक आपणा पापेन माफी जड़ली छे, आपणुक छुटकारु जड़लु छे।
ने ईनी ताकत सी भगवान ईसु मसी काजे मर्या-सर्याम सी जीवतु करीन बठु कर देदु ने तीना काजे सरगेन राजगादी पर आपसे जेवड़्ये आंग्ये बठाड़ लेदु। ने तीना ईसु काजे आखी भातीन राज-करन्या, पर ने हक-जमाड़न्या पर मुख्या ने ताकत पर, ने आखा मनार्या पर ने तीनु आखा पर तीनुक माणसे नेवतीन पुजे ने जे आखा रया खया पर हक आप देदु। ने ईनी कळी मां बी, ने आवणेवाळी नवली कळी मां बी ईसु बराबर कुय नी रहे।
बाकुन आपणो असली घर ते सरगे मां छे। चां सी आपणुक छुड़ावणे वाळु मालीक ईसु मसी आवणे वाळु छे। ने आपणु हेर करीन तेरी वाट देख र्या। चु तेरा चुखली-आत्मान ताकतेन साहरे कळीन आखी चीजेक आपसा कब्जा मां करन्यु छे, ने चु तीनाक चुखली-आत्मान साहरे, आपणा कमजुर डीलेन सीकाक बदलीन, आपणा सेक-सींगार भर्या डीलेन सीका मां बदली देसे।
काहाकी आपणु जाणजे की ईसु मसी मरलाम सी जीवतु हवीन पछु कदी नी मरे। ने तेरे पर मुतेन हक नी चाले।
ने जे माणसे डीलेन अनसारे जीवन जीवे, चे भगवान काजे खुस नी कर सके।
बाकुन जत्यार भगवानेन आत्मा तुंद्रे मां बसली छे, ती तुहुंं डीलेन अनसारे चालु बाकुन आत्मान हक मां चालन्या बणु। कदी काहनाक मां मसीन आत्मा नी हय ती चु मसी मां नी हय।
ने जसों आदम मां आखा मरे, ती असात मसी मां बी आखा जीवता हय गुया, बाकुन एकेक जणु आपणी-आपणी वारी मां सी, पेहलु फळ मसी, पछेन मसीन आवणे पर हेरा माणसे जीवाड़ी जासे। हेरे पछेन खत्तम हवसे। हीने टेमे चु आखी हकदारी, ने आखा हक, ताकत खत्तम करीन राज काजे भगवान बासेन हातेम सुप देसे। काहाकी जत्यार लग चु आपणा दुस्मन काजे आपणा पाय तळे नी लावे, तत्यार लग हेरो राज करनु जरुड़ी छे।