Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.
Ana God ye yoba mudu yoko kaima ere inagledi prukwa i, erme ede nogugl u kodugwa. Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
Beke norsre, te Krais Jisas ede ikne unabedi kie ere moraiglmedi beke norukwa. Krais ye nono Godno yobuglomo podo paugwa i, moglsre, nono Ere Yugwa yagl ama moglkwa i, ye ede ikne unabuka igne ye abuglagemo podo kide nogugl sinabuka pre nono ye unabukra we di prisre, gun yenamga paugwa.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Ana Jisas taragl kane kane noro kodugwa i pre ene Jisas pre mediglmara i mabuno du eramnedi kogon podo erio. Te, ene mabuno du eraiglmara i, ama nomane wakai io. Te, ene nomane wakai inaiglmara i, ama mabuno kide ta deno muduno mina pogglau borabuka i, mane di teo. Te, ene mabuno kide mane di tenaiglmara i, yubun unabuka igne adigl gigledi molo. Te, ene adigl gigledi moraiglmara i, ene God mabunomo ta panabere i erio. Te, ene God mabunomo pamere eraiglmara i, ene agroma abaroma wakai kanio. Te, ene agroma abaroma wakai kan moraiglmara i, yoba ama deno muduno teo.
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
Pol yoba muku digwa pre ka ebrie dugwa
Ana yoba mere muku didre, ira ede okna enabedi erikwa i, nono kamga. Yoba tau mere kide muku digwa ba yoba swara keme ede okna pidre, topo ta padiglkwa i, yugwa. Kuno yegl mere ene God nono topo wakai okuo norabedi prisre, ene ye kogonmo eraiglkwa i, ake giglede ere pai molo. Yoba ta muku digwa mo kigle kane kane baiglkwa i, ye yoko wan moglsre, u kigle baglkrikwa. Ye ogono nagino sugl mogl, ere wakai ere, kogon podo yegl ersre, okuo kigle baiglkwa. Ye erikwa i, makandigle topo ibi, bugl kide erabuka pre erikwa ba nono God kogonmo ersre, topo okuo ta inamga i, aimadi kamin yenabuka. Yegl pre na yoko ta wan moglkrika. Na God kogonmo erika i, ake giglede ere, yoba muku di ede okna enamnedi erimere yegl, na ama muku di ede okna enagledi erika. Te, yoba ogono tu pagl beglkwa, kamga i, ye ogono noko, si yar edekrikwa. Ye yoba ta bogl beglkwa i, kaima borabedi noko mogl, simere yegl, na God kogonmo erika i, giglede yegl erika. Te, yoba muku di, ira ede okna enabedi erikwa i, ye ogono nagino sugl wakai meglmere mere yegl, na ama ogona nagna sugl wakai moglsre, mabuno kide kane kane ta pogglau boglkwa i, mane di teiga. I siragl pre na God kamo yoba di tenaglka ba okuo God topo ta inaiglme dugwa i, ta ikribo, kide panabedi prika. God kogonmo ake giglede ere pai moglsre, okuo topo inagledi prika.
Wakai panabuka ba mabuno kide deno muduno mina pogglau boran, ye yobuglno ta paikran, yage sinaiglkwa i wakai paikrukwa. Ye meglmara i, yegl ta plau dinagledi eran, yagl werai ere mogl, abu kor ibi, te abu werai ere mogl, ede yagl kor ebi, i wakai panabuka.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa. Ba ene pre mediglmara adigl gigledi moglsre, ye si kegl dinaiglkwa paugwa. Te, ene ama praiglkwa i, No yubun yumnere mere yegl, agroma abaroma uglo koglo koglo meglkwa i, ama yubun kuno yegl igo, no imniwe di prio.
God kogon kane kane norabuka i, eramga paugwa
Ana taragl mudu dudunabuka ege i, ede magigl u kodugwa pre ene nomane wakai idre, mabuno kide ta deno muduno mina pogglau borabuka i mane di tenaiglkwa paugwa. Ene yegl ersre, kamage eribi, kuno erabuka.
Mabuno kide okna erumnere i ta erekramga
Ana Krais ye ogo nagie mina nono giuglno prukwa i pre ene ama ye nomanemo pamere yegl idre, giugl praiglkwa i, ama pra we dio. I siragl pre yoba ta ogo nagie mina Krais pre giugl pran, okuo tadaglme mabuno ta duglo boglkrabuka. Yoba i makadigle kor wan morabuka igne i yoba mabuno kide pogglau boglko, duglo bogl wan meglmere yegl, ye duglo boglkre, God ye erabedi prumere ere pai morabuka. Ana yoba meda God kamo prikrikwa meglkwa i, ye mabuno kide erimere yegl, ene ama ere kodimedi prika. Okna ene mabuno kide kane kane bubuno goglsre, yagl abu ta bogl kunogl ne wan mogl, spak ere, erikwa. Te, ene okna pati kide ersre, nigl ne, mabuno kide ere, ama God mane dumara i, god kibi kamage ere teigwa. Okna ene mabuno yegl erikwa ba erme yoba mabuno kide yegl ere ede podo enamnedi erimara i, ene ye bogl akie erekrikwa pre ye nagino koglsre, ene ka kide di teigwa. Ba yoba i, ye okuo kot mina adiglsre, ye mabunono kide i, God gumuglo mina di poraiglkwa paugwa. God ye yoba kor meglkwa ya gogl kodigwa i kot ere tenagledi ere moglkwa.
God prukwa i, ene ye mabunomo bekidre, ogono nagino mina mabuno kide ere dinamnedi sugl wakai mogl, mabuno wakai, yoba pere wakai kanaiglkwa i keme ene eraiglmedi prukwa. Yoba meda God pre kan erekrikwa i, ye mabuno kide yegl mere ta pogglau boglkwa i, duglo boglsre, mabuno deglbi yogwa erimere yegl, God ene yegl ta ere dinaiglmedi prukwa.
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
Ye Devit gawamo ta moglsre, Devit okna ibo sia king mina ame di mogl, yoba sugl moglmere yegl morabuka. Ye king aimadi kamin morabuka. Moran, ye yoba sugl morabuka i aimadi u mere kide pi meglbi, ye kuda boglkre, deno mudno wida dinabuka. Te, ye mabuno bogl yoba sugl mogl, ede pi aimadi kamin sugl morabuka i, ye mabuno du ya wakai keme ersre, yoba sugl morabuka. Yawe, God Yobuglo Podo Paugwa i, ye yobama dem muduo norukwa pre taragl mudu i plau dinabedi erabuka.
Okna yagl kide mim erumara bitno moglko, nono atne munga ba Neno Kade nono mogl pai mogl dinaiglmedi no ere yugwa. No ere idre, i pi dumo wakaile ye Wam sugl moglmara suna edugo, munga. Ye Wam, dem muduo podo togwa ikra. Mungo, ye Wam kogon erumara i mina nono topo si ikne edidre, tadaglmeno gugl ede noro kodugwa.
God ye ama yobuglomo podo pamara i mina, ye Kere Yugwa Yagl Jisas ere i kor ede, agre i ede heven ibo ogwa. Agre i ede heven ibo pidre, ye kagie kade tedre, ogo wo kra ame dinabedi ere edugo, ame dugwa. Jisas ye God ogo wo kra ame di moglkwa i, kagie podo kide paugwa. Angelo mo murubuglo mo yoba ta ye kade mogl, yobuglno podo paugo, yoba ta suglno meglkwa i mudu Jisas moglmara atne kra meglko, Jisas swara mogl mitna kaima ede moglkwa. Ege erme munga i ya te, okuo moramga i, yoba swara ta mogl mitna ede, Jisas ta egre atne edekrabuka. Jisas swara kagie kade aimadi kamun panabuka.
Ana yoba tau yegl erikwa ba nono we, nono heven yoba munga. Nono heven yoba moglsre, te nono ere yugwa yagl, Yaglno Kade Jisas Krais i, heven ibo kide kodo, unabedi kie ere munga. Jisas unabuka igne, nono ogono nagino yobuglomo paikrukwa paugwa i, ere i ye ogo nagie pogl didre, wakai yene yomere yegl edenabuka. Taragl mudu ye kamo praiglmedi yobuglo erumara i mina taragl yegl erabuka.
I siragl pre Krais goglsre, adigl u kor ogwa i, ye aglke kor ta goglkrabuka, aimadi kamun kor morabuka. I siragl pre geglkwa yobuglomo i ye si dudu kodugwa pre ye aglke kor geglkwa mabuno i mina atne moglkrukwa.
Yegl paugwa pre yoba deno muduno goglo duglo bogl meglkwa i, God ye wakai kankrabuka.
God Murubuglomo ene meglmara kaima moran, ene deno muduno goglo mina atne moglkre, Mudu Murubuglo moglmara atne kra meglkwa. Ba Krais Murubuglomo yoba ta moglmara atne moglkran, ye Krais yobamo ta moglkrukwa.
Nono yoba mudu Adam gawama munga pre goramga keme paugwa ba nono ta Krais yugobunomo mina suna umga i, okuo adigl u kor enamga. Krais komono kana goglsre, adigl u kor ogwa. Te, God ka ta di paduglkwa i, Krais ede ikne unan, yoba ira ta ye yugobunomo mina mogl, geglkwa i, ye igne i ogono nagino mina adigl u kor enaiglmedi di paduglkwa pre nono ege i adigl u kor enamga.
Ana yoba mudu Krais yugobunomo mina atne moraiglkwa i adigl u kor ebi, mokomugl i, taragl mudu dudunabuka ege i unabuka. Yoba ta kade mogl, yobuglno podo pamedi pre, yoba suglno meglkwa i, Krais mudu si atne edidre, taragl mudu i pi God Nem swara king morabedi tenabuka. Komno kana Krais yene king morabuka paugwa. Ye king mogl, kudamo ikne mudu si atne ede kodidre, kuda ikne swara ta okuo kaima si dudunabuka i, geglkwa mem i, si dudu kodinabuka. Yegl ersre, okuo taragl mudu i pi God Nem tenabuka.