Domínio próprio

22 Goto na vuana na Gagala sa na vairoqu, na qera, na bule, na vera vamomoso, na vajonganaria na tinoni, na tokaniria na tinoni, na rarange, 23 na vaiketai, beto na kopu mulenia pana nyorogua ikeredi. Kepore sa kai vavanau sa suquturia na toa vevei aipira.

11 Ura na vairoqu vaialona tana Tamasa sa pogoso lamenia na inaalo sa sa tei bola votu tu tadira doru tinoni. 12 Ko na vairoqu vaialona isa sa totoli vatavagigalagita ko ta kilu paleniria sa na uana vavakepore Tamasa beto ira na nyorogua ikikeredi tana kasia gusu, ko ta toania gita pa oda susuvere pa kasia gusu api sa na roroqu tavagigalana, na uana tuvisina, beto na toa madina, 13 tonai taqe korapa kukulinia gita sa na rane tamanana taqe gegelenia totonai mina bola votu na neqi ta noda Tamasa lavata i Jisu Karisito na oda inaalo.

7 Ura na Tamasa nake gagala vaivapangongoro sa vanigita, goto isa tu na gagala sa vanigita na neqi, na vairoqu beto na roroqu mauruna.

5 Ko sa vei isa sa agou mu ngangali ko mu vaokoto vatalenia na toa jongana sa na miu rarange, beto mu vatavitinia na gigalaina na nyorogua tana Tamasa sa na jongana. 6 Na gigalaina na nyorogua tana Tamasa sa mu vatavitinia na kopu mulenigou pana ikerena, na kopu mulenigou pana ikerena sa mu vatavitinia na turu vangaju pana tapata. Na turu vangaju sa mu vatavitinia na pangagana na Tamasa. 7 Na pangagana na Tamasa sa mu vatavitinia na vaitamatasi, beto ko na vaitamatasi sa mu vatavitinia na vairoqu.

24 Qu tei gigila vataleamiu tu agou sa pana vaivose abutu sa soku sira qai somana vaivose abutu, ba kai memekana gu sa sa tekua na pinia. Ko sa vei sa agou mu abutu vei na tinoni mi tekua na pinia sau. 25 Doru tinoni leleo qai vaipera viviva sa qai tuti pulisiria sa na vavanaudi na leleo. Qai roiti vei sira ko qai tekua sa na pinia kode mina manyao gu, ba gita tu sa taqe korapa roiti ko tana tekua sisa mina kole jola. 26 Ko sa vei sa ara qake abutu ilalo lao lame, beto ko qake vei na tinoni bokeseni sa kole gugumai na gagale eqa gu. 27 Goto qa vapatukuria beto qa kopunia sa na tiniqu ko sa vatabesiu vei na qua pinausu, ura kita pa liguna ma taraenia na nongoro jongana poni sa ao quke pada miunisiu na Tamasa qau.

9 Ba vei munake boka aru mulenia sa na miu nyonyorogua, poni sa mu vaialava gu. Ura isa sa jongana jolania mina kole vuvurungu na nyonyorogua pa miu toa sa mu vaialava gu.

13 Doru podeke qu gosororia sa na veveidi qai tei gosororia tu ira na tinoni. Ba na Tamasa sake boka tetea nona paranga, ko minake vamalumu laogou ko bu tapodeke jolania na miu boboka sagou. Goto tonai mina lame sa na podeke sa isa mina vanigou na neqi ko muna boka vangaju palea, ko mina vadogoronigou na soana vovotuna.

8 Muke ilalo lao lame pana miu roroqu, mu suvere gegele! Ura na miu kana isa na bangaradi na tomate sa sa korapa lekogia doru eqa. Sa korapa lekogo vei na laione sa ngangara ko sa korapa nyaqo tinoni ko mi gani pipiararia sau. 9 Mu kole vamauru pana miu rarange beto mu raja kokolosia sisa. Ura qu gigilaimiu agou sira na tinoni tana Tamasa pa kasia gusu sa qai korapa tugu gosororia sira na vitigi pana ginuana qai vasosotoa na Karisito vevei tugu qu korapa gosororia agou.

Mu varoiti vataleria na vaivana tana Tamasa

7 Ego sa tei rijo tata lame tu sa na vinabetona na kasia gusu ko mu gaiti vatalea na roqumiu beto mu suvere kopu ko mu boka vavara vatale.

Mu toania na toa gabalana

1 Na Karisito sa tei gosoria tu na vitigi pa korosi, ko agou ba mu vanaqitinia ko mu gigila vatalea sa api: na tinoni sa gosoria na vitigi pa tini sa sa tei dainiaona tu sa na sela. 2 Ko na tinoni vevei isa sake tutia sa na ona nyorogua ikikerena mekana, goto pana doruna na ona toa pa peso sa toania gu sa isa vei sa nyoroguania na Tamasa. 3 Qu tei gona paleni totoso kakasana jola tu agou pana totoso qai jola pori sa na roiti qai nyonyorogua roitinia ira na tinoni karovodi. Pana miu toa perangana tonai qu oqoro vasosoto sa qu kole toaniria sa na aru vabosi, na nyonyorogua ikikerena tana tini, na toa bubuku, na vavaigitanainia na toa bubuku beto na roiti vaivakeadi beto na vavatarasae beku vaivakeadi jola. 4 Ko sa vei sa qai gabaranigou sira na tinoni rodomo ura kopira quke vaigitanai tavitiria sira pana toa lulasana sosoto qai toania. Ko sa vei sa qai vakesanigou doru paranga ikikeredi. 5 Ba ira na tinoni pira sa kode mina tabati poa na dia toa ikikerena tonai mai turu pa moena na Tamasa. Ko na Tamasa sa sa korapa vanaqiti ko mina tutiniria sira na tinoni toadi beto na matedi.

4 mu tavagigalania ai muna kopu mule venia na tinimiu mekamiu, beto mu isongia pana toa madina beto na toa pangagana, 5 muke toania na nyonyorogua roiti valulasa qai vevei ira na tinoni karovodi qaike gigilai na Tamasa.

13 Isa sa na Tamasa sa alogita pana neqi tana rodomo ko sa vakarovogita pana binangara tana Tuna isa sa roroqua, 14 na Tuna isa sa ruvatagita ko qai taleoso sira noda sela.

20 sa varoitia na Tamasa totonai sa vaturu mulea na Karisito pa mate beto ko sa vatoqoa keta pa kale matuana ko sa toqo bangara pa noka. 21 Ketakoi sa toqo bangaraniria na Karisito sira doru gagala qai bangara, ira sa poredia viva, beto ira na okokoto babangara. Isa sa ululu jolaniria pana neqi sira doru isongo poreveveidi pa totoso kopira ko mi kamua na kamua.

20 Goto gita na oda gugusu susuverena sa pa noka tu, ko taqe korapa vera kukulinia gita sa na oda inaalo, na Bangara i Jisu Karisito, mina koko vei ketakoi. 21 Isa sa mina beia na oda tini munyalana ko mina beinia na tini kikilangana tana. Isa mina roitinia sa na roiti api pana ona neqi mina aru vaikamuniria doru sakasava pana kauruna nona neqi mekana.

9 Taqe gigilai sa na Karisito sa tei tavaturu mule tu pana mate ko minake mate ligu, ura na mate sake neqi jolania si Jisu.

8 Ko ira qai toania sa na nyorogua ikikeredi tana toa tini sa qaike boka vaqerai sa na Tamasa. 9 Ba agou sa quke toania na nyorogua ikikeredi tana na toa tini goto qu toa vei tu sa totolinigou na Gagala, ura na Gagalana na Tamasa sa korapa kole pana tamugou. Na tinoni sake isongia na Gagalana na Karisito, poni na tinoni isa sa nake tana Karisito.

22 Ko kai muqisi podeke vei pana dia kole kame ti Adama sa dorudi sa qai mate, poni sa pana dia kole kame tana Karisito sa dorudi sa mai tavatoa mule. 23 Ba ira na okokoto tinoni sa mai tavatoa mule pana dia vaitutina tu. Na Karisito sa sa tavaturu mule momoe vei na vua moena, beto sa ira sa isongoria isa sa mai tavaturu mule tonai mina mule lame sisa. 24 Beto sa mina lame sa na vinabebetona na kasia gusu totonai mina vakilasaria sa dorudi na babangara beto dorudi na neqi beto na viva, beto sa mina vakarovo laoa tana Tamasa na Tamada sa na binangara. 25 Ura na Karisito tu sa mina Bangara tinganai na Tamasa mina vakilasaria sira doru ona kana beto ko mina vakole kaurairia tana Karisito.