Domínio próprio

22 To gik ma Roho nyago gin hera, mor, kwe, horuok, ngʼwono, ber, bedo ja-adiera, 23 dimbruok kod ritruok. Onge chik moro amora makwedo gik ma kamago.

11 Nikech ngʼwono mar Nyasaye makelo warruok osefwenyore ne ji duto. 12 Ngʼwonono puonjowa mondo wakwed timbe maricho kod gombo mochido mag piny, kendo mondo wabed kawaritore e ngima makare mamiyo Nyasaye duongʼ e kindeni, 13 kapod warito geno mogwedhi ma en fwenyruok man-gi duongʼ mar Nyasacha maduongʼ kod Jawarwa, Yesu Kristo,

7 Nikech Nyasaye ne ok omiyowa chuny mar bedo ngoche, to nomiyowa chuny mar bedo gi teko, gihera kod ritruok.

5 Kuom mano, temuru matek kaka unyalo mondo umed ber e yieu, to bende medeuru ngʼeyo; 6 to ngʼeyo to medeuru ritruok, to ritruok medeuru horuok, to horuok to medeuru luoro Nyasaye, 7 to luoro Nyasaye to medeuru ngʼwono mar owete; to ngʼwono mar owete to medeuru hera.

32 Ngʼat ma terore mos ber moloyo jalweny,

ngʼat makweyo mirimbe ber moloyo ngʼat mamonjo dala maduongʼ.

28 Mana kaka dala maduongʼ ma ohingane omukore mogore piny

e kaka ngʼatno ma ok nyal ritore owuon.

11 Ngʼat mofuwo chiwore duto komwomore amwoma e mirimbe,

to ngʼat mariek ritore ka ogare.

19 Ka weche ngʼeny, to richo ok nyal bare ma ok obetie,

to ngʼat marito lewe oriek.

24 Donge ungʼeyo ni e piem mar ngʼwech jongʼwech, duto ringo, to ngʼato achiel kende ema yudo mich? Omiyo ringuru e yo madimi uyud mich. 25 Jangʼwech ka jangʼwech madhi e piem ritore e yore duto. Gitimo kamano mondo giyud osimbo ma ok siki; wan to waritore mondo wayud osimbo mabiro siko nyaka chiengʼ. 26 Emomiyo an ok aringi ka ngʼama okia kuma itieke ngʼwech, bende ok athor diro ngum adira ka gima agoyo yamo nono. 27 Ooyo, asando ringra mondo owinj wachna, mondo kik yud ni an awuon ok ayudo osimb loch, bangʼ yalo Injili ne ji mamoko.

9 To ka ok ginyal ritore giwegi, to onego gikendi, kata okendgi nikech kend ber moloyo ka gombo wangʼo ngʼato ka mach.

13 Onge tem museneno mopogore gi ma ji duto neno. Nyasaye rito singruokne, ok obi yie mondo otemu mohingo tekreu. To e sa ma itemoueno, obiro miyou yo munyalo tonygo mondo ubed gi teko mar timo sinani.

8 Beduru motangʼ ka ungʼeyo ni jasiku, ma en Satan, bayo kuonde duto mana ka sibuor maruto, komanyo ngʼama dongam. 9 Chungʼuru motegno kuom yie ma un-go kendo tameuru, nikech ungʼeyo ni joweteu moyie e piny ngima bende neno chandruok machal gi ma uneno.

7 Giko gik moko duto chiegni. Emomiyo beduru gi paro maler kendo ritreuru mondo ulam.

Dak kuom Nyasaye

1 Emomiyo kaka Kristo noneno sand e ringruok, un bende nyaka umanru gi paro machal gi mare, nikech ngʼat maneno sand e ringre koro oseloyo richo. 2 Kuom mano, un koro ok udak e ngima maru mar pinyni mondo uchop gombo maricho mag dhano, to udak mar timo dwaro Nyasaye. 3 Nikech ne un gi kinde malach mokadho, nutimo gik ma jopiny ohero timo kaka: dwanyruok, gombo, mer, tugo e thum, math mar anjawo kod lamo nyiseche manono. 4 To tinde ka ok uriwru gi joma kamago e oowruok mar ngima monjawni, to giwuoro kendo giyanyou. 5 Giko to nyaka ni ginihul wach man kuomgi giwegi ni Jal moikore mar ngʼado bura ni joma ngima gi joma otho.

4 to bende ngʼato ka ngʼato nyaka puonjre rito ringre e yo maler kendo malongʼo, 5 ma ok oyie mondo ringre oowre gi gombo mathoth kaka jopiny makia Nyasaye timo.

22 Pakuru Jehova Nyasaye, un gik moko duto mochweyo,

manie bwo lochne kuonde duto.

Pak Jehova Nyasaye, yaye chunya.

13 Pinyruodhi en pinyruoth mochwere,

kendo lochni osiko nyaka tienge duto.

Jehova Nyasaye chopo singruok mage duto

kendo ohero ji duto mosechweyo.

13 "Bende ne achako aneno fweny moro gotieno mi aneno ngʼat moro machalo wuod dhano kalor biro e boche polo, kodhi ir Nyasaye Maratego kendo notelne nyaka e nyime. 14 Eka nomiye teko gi duongʼ kod loch; kendo ogendini duto gi pinje duto kod jogo duto mawacho dhok mopogore opogore nolame. Lochne en loch mosiko nyaka chiengʼ, kendo pinyruodhe en pinyruoth ma ok nyal tieki ngangʼ.

2 En morna mondo anyisu kuom honni gi ranyisi miwuoro ma Nyasaye Mamalo Mogik osetimona.

3 Mano kaka ranyisi mage dongo,

mano kaka honni mage nigi teko malich miwuoro!

Pinyruodhe en pinyruoth mochwere;

loch ne osiko e tienge duto.

6 Nimar osenywolnwa nyathi,

adier osemiwa wuowi,

kendo loch nobedi e lwete.

Noluong nyinge ni

Jabura Mahono, Nyasaye Maratego,

Wuoro Manyaka Chiengʼ kendo Ruodh Kwe.

7 Lochne gi kwe mare nobed

maonge giko.

Enobed e kom loch mar Daudi

kendo e pinyruodhe,

bende enogure motegno

ka orite gi adiera kod tim makare,

chakre kawuono nyaka chiengʼ.

Jehova Nyasaye Maratego

notim ma kuom tekone owuon.

13 Nikech oseresowa waa e loch mar mudho mi okelowa e pinyruoth mar Wuode mohero, 14 Ne owarowa koweyonwa richowa.

20 ma nonyiso kuom Kristo kane ochiere oa kuom joma otho, mi omiyo obedo e bade ma korachwich e polo, 21 kuma oyombo loch duto gi teko gi telo gi nyalo kod nyinge duto minyalo chiw ok e ndaloni kende to kata e ndalo mabiro.

20 Wan to polo e thurwa, kendo warito Jawarwa Ruoth Yesu Kristo gi geno mondo obi oomwa. 21 Obiro loko ringrewa matho mondo obed gi duongʼ machal gi ringre, kotiyo gi teko maduongʼ mamiyo oketo gik moko duto e bwo lochne.

9 Nimar wangʼeyo ni kaka Kristo nochier oa kuom joma otho, ok onyal tho kendo, nikech tho koro onge gi teko kuome.

8 Joma kido mar richo chiko ok nyal moro Nyasaye.

9 To kata kamano, un ok chiku gi kido mar richo, to Roho ema chikou, ka en adier ni Roho mar Nyasaye odak eiu. Kendo ka ngʼato onge gi Roho mar Kristo ok en ngʼat Kristo.

22 Mana kaka ji duto tho nikech Adam, e kaka ji duto nobed mangima nikech Kristo. 23 To gigi nyaka timre e yo mochanore: Kristo mane okwongo chier kaka olemo mokwongo chiek, eka bangʼe joma ni kuome bende nochier chiengʼ manoduogi. 24 Bangʼ mano, giko nochopi, mi Kristo nolo joloch duto, nolo teko duto kendo nolo nyalo duto, eka nodwok pinyruoth ni Nyasaye Wuoro, 25 nimar Kristo nyaka bed gi loch nyaka chop Nyasaye lo wasigu duto, mi oketgi e bwo tiende.

2 "Loch gi luor gin mag Nyasaye;

okelo kwe e piny koa e polo.