22 पर ज़ेभै हाम्हैं पबित्र आत्में बशै रहा सह करा हाम्हां दी झ़ूरी, नंद, मेल़-ज़ोल़, भलाई, विश्वास, 23 क्रिप्पा, सबर, शरीफी, सबर पैईदा इहै-इहै कामें खलाफ निं कोहै बधान आथी।

11 विश्वासी सखाऊ इहअ ई किल्हैकि परमेशरै किअ आपणअ जश प्रगट कि सह च़ाहा सोभी मणछा तिन्‍नें पापा का बच़ाऊंणअ अर अह आसा तिन्‍नां लै दान। 12 एऊ जशा करै सखाऊआ परमेशर हाम्हां का कि हाम्हैं तिहअ बभार नां करे ज़ेता करै परमेशर खुश निं हंदअ तिहअ बभार करे ज़ेता करै परमेशर खुश हआ अर संसारे च़िज़ा लै च़ाहा डाहणीं छ़ाडे। पर एऊ जुगै हाम्हैं धर्म अर च़ाकरी डाही बभार करे ज़ेता करै शुझिए कि हाम्हैं करा परमेशरो अदर। 13 हाम्हैं तैहा महान धैल़ी न्हैल़ै लागै दै ज़ेते हाम्हां आशा आसा। अह आसा सह धैल़ी ज़ेभै ईशू मसीहा ज़ुंण म्हारअ महान परमेशर अर उद्धार करनै आल़अ आसा, सह आपणैं सारै प्रतप्पा दी पृथूई लै फिरी एछणअ। हाम्हां लागा तेते ई साबै आपणअ बभार डाहणअ।

7 परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्‍कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।

5 किल्हैकि तम्हैं आसा परमेशरे भलै सभाबा दी साझ़ू, तै निं तम्हैं सिधै मसीहा दी विश्वास करनै आल़ै रही, तम्हां लागा हर बगत होरी लै भलै करदै रहणअ लागी। तेखअ निं तम्हैं सिधै भलै करनै आल़ै लोल़ी रहै, तम्हां लोल़ी होरी लै बभारा करने समझ़ बी हुई। 6 सिधअ इहअ निं समझ़णअ कि किहअ बभार करनअ, तम्हां लागा आप्पू बी काबू दी रहणअ ताकि तम्हैं तेही बूरी गल्‍ला नां करे ज़ेता तम्हैं करनअ च़ाहा। तम्हैं निं सिधै आप्पू काबू करनै आल़ै रही, तम्हां लागा दुखा दी सबर बी करनअ। तम्हैं सिधै सबर डाहणैं आल़ै बी निं लोल़ी रहै, तम्हां लागा तेही ज़िन्दगी बी ज़िऊंणीं ज़ेता करै परमेशर खुश हआ। 7 तम्हैं निं सिधै एऊ साबै ज़िऊई ज़ेता करै परमेशर खुश हआ, तम्हां लागा एकी-दुजै संघै आपणैं टबरा ज़ेही झ़ूरी बी करनी।

32 बल रहैऊंणै का आसा सबर डाहणअ भलअ,

अर आपणअ मन्‍न बशै डाहणअ हआ सारी नगरी ज़ितणैं का बी भलअ।

28 ज़ै तम्हैं आपणअ रोश्श काबू निं करी सकदै,

तै आसा तम्हैं एही नगरी ज़िहै ज़ेता फेरे दुआल ढूल़ी दी

अर ज़ेथ कज़ेभल़ी दुशमण सका भितरी पेशी।

11 ऐडअ मणछ दैआ आपणैं दिले सारी गल्‍ला हुकरी,

पर ज़हा सोर-समझ़ हुई, तिंयां रहा सबर डाही च़ुप्पी।

19 ज़िधी खास्सी गल्‍ला हआ, तिधी हआ पाप,

ज़हा मणछा का अक्ल हआ, सह निं खास्सी गल्‍ला करदअ।

24 तम्हां का आसा थोघ कि ज़ेभै खास्सै ठुहर्नै आल़ै दहल़ै ठुहर दैणें मकाबलै लै ठुर्हा, तिन्‍नां मांझ़ै भेटा नांम सिधी एकी ई मणछा ज़ुंण ज़िता? तम्हैं ठुर्हा तिहै ई ताकि नांम ज़िती सके। 25 सोभ जोधै करा सोभी च़िज़ो फरेज़, ताकि तिंयां तेऊ मछैणैं आल़ै मुगटा ज़िती सके, पर हाम्हैं करा तेऊ मुगटे तैणीं मैन्थ ज़ुंण सदा लै रहा। 26 तैही ज़िऊआ हुंह आपणीं विश्वासा दी ज़िन्दगी नशाणैं बाखा ठुर्ही। एक कुश्ती लल़णैं आल़अ जोधअ निं बागरी दी धमुक्‍कै बाहंदअ पर सह बाहा आप्पू संघै दुजै जोधै लै। तेही ज़िऊआ हुंह आपणीं ज़िन्दगी खास मकसद डाही।

27 पर हुंह करा आपणीं देही आपणैं बशै ताकि किधी इहअ निं हआ कि हुंह होरी लै ज्ञैन खोज़ूं अर आप्पू होए हुंह बृथा।

9 पर ज़ै तिंयां आपणीं देहीए भुख आपणैं बशै निं करी सकदै, तेता का आसा तिन्‍नों बैह करनअ भलअ, किल्हैकि बैह करनअ आसा कंझ़रनै हणैं का बित्तअ।

13 पाप करने सोठ एछा हाम्हां सोभी पाक्‍कै दी। पर परमेशर आसा शुचअ, ज़ेतरी खरी तम्हैं ज़िरी सका तेता का खास्सी खरी निं सह तम्हां लै एछणैं दैंदअ। पर सह दैआ तम्हां लै बल कि तम्हैं तेता ज़िरी सके अर पाप करनै का दूर रहे।✝

8 हर बगत रहा चतैन अर बिहुदै रहा, किल्हैकि थारअ दुशमण राख्स आसा तम्हां बरैबाद करने ताका दी। सह आसा सिहा ज़ेही क्रुंगा लाई लोल़अ लागअ द कि कहा धेल़ा-च़िरा। 9 तम्हैं करा विश्वासा दी पाक्‍कै रही तेऊओ बरोध। तिन्‍नां विश्वासी भाई-बैहणी करा आद ज़ुंण सारै संसारै आसा रहंदै लागै दै तिंयां बी आसा लागै दै इहै ई दाह-दुख ज़िरदै ज़ुंण तम्हां आसा।

7 एऊ संसारो अंत आसा छ़ेक्‍कै हणैं आल़अ, तैही करा तम्हैं आप्पू सबर, संघा रहा सादै-सिधै रही प्राथणां करदै लागी।✝

1 तैही ज़ै मसीहा देही दी रहंदी दुख भुगतअ, तम्हां बी लागा तेऊ ई ज़िहै दुख भुगतणा लै तैर रहणअ। ज़ै तम्हैं मसीहे हणैं पिछ़ू देही दी दुख भुगतणअ च़ाहा, तम्हैं हेरअ तै पाप करनअ छ़ाडी। 2 एतो नतिज़अ हणअ इहअ कि आजू निं तेऊ मणछा आपणीं ज़िन्दगी कदुष्ट काम करनै ज़ुंण एऊ संसारे मणछ हर बगत करनअ च़ाहा। पर तेऊ करनअ तिहअ ज़िहअ परमेशर तेऊ लै करना लै बोले।

3 पैहलै च़ाहा तै तम्हैं इहै काम करनै ज़ेथ विश्वास नांईं करनै आल़ै मज़अ लागा त, तम्हैं करा तै आपणीं ज़िन्दगी कदुष्ट काम करना लै बरैबाद ज़िहअ कि शराब अर खाणैं पिणैं दी, कंज़रैई दी अर नशर्म नाच़-खेल्हा दी अर मुहुर्ती पूज़ा दी ज़ेता का परमेशर नफरत करा।

4 तैही हआ तिन्‍नां थारै पराणैं साथी रहैनी कि तम्हैं निं इहै भारी इना कदुष्ट कामां दी तिन्‍नें साझ़ू हंदै अर तैही करा तिंयां थारी निंदा। 5 पर एक धैल़ी एछणी एही बी ज़रूर ज़ेभै तिन्‍नां परमेशरा सम्हनै इना सोभी बूरी गल्‍लो साब-कताब लागणअ दैणअ। परमेशर आसा सोभी लोगे नसाफ करना लै तैर, च़ाऐ तिंयां अज़ी ज़िऊंदै आसा, च़ाऐ तिंयां पैहलै होए मरी गऐ दै।✝

4 अर तम्हां मांझ़ै लोल़ी सोभी का थोघ हुअ कि आपणीं बेटल़ी संघै किहअ करै रहणअ, ज़िहअ करै तेसो अदर हआ अर तैहा छ़ाडी बागै डेऊणेओ पाप निं करी। 5 एऊ कामां निं सिधअ आपणीं देही खुश करने च़ाहा पूरी करना लै करी, अर नां तिन्‍नां होरी ज़ाती ज़िहअ हई ज़हा का परमेशरो थोघ निं आथी।

22 संसारै ज़ेतरै बी ज़ीब, ज़हा प्रैंदै बिधाता राज़ करा,

सोभै करा तेऊ बिधाते ज़ै-ज़ैकार।

ए मेरै मन्‍नां, बिधातो शूकर कर।

13 तेरअ बधान आसा अटल़ अर

तूह आसा सदा लै राज़अ।

तूह निं आपणीं ज़बानी का कधि हुधदअ,

ज़िहअ तूह बोला, तूह करा तिहअ ई।

13 "मंऐं भाल़अ राची एऊ सुपनै दी इहअ कि सरगा का आसा बादल़ा संघै कुंण मणछा ज़िहअ मुंह बाखा एछदअ लागअ द। सह डेऊअ तेऊ सेटा ज़ुंण सदा ज़िऊंदअ आसा अर लोगै किअ सह परमेशरा सेटा खल़अ।✝ 14 परमेशरै किअ तेऊओ अदर अर तेऊ दैनअ तेऊ मणछा लै राज़ करनैओ हक, सोभी देशै अर सोभी बोली-भाषा बोल़णैं आल़ै हुऐ तेऊए च़ाकरी करना लै सैहमत। सह हणअ सदा लै राज़अ अर तेऊओ राज़ निं कोह खतम करी सकदअ।✝

2 "हुंह आसा खुश हुअ द कि मंऐं लाई तम्हां का तेऊ महान परमेशरे बारै गल्‍ला खोज़ी ज़ुंण सोभी गल्‍ला प्रैंदै राज़ करा। तेऊ किऐ मुल्है महान काम अर बडै-बडै च़मत्कार।

3 परमेशरे च़मत्कारा भाल़ी लागा थोघ कि

तेऊ का केही महान शगती आसा!

तेऊओ राज़ रहणअ सदा अर

सह रहणअ पोस्ती दर पोस्ती राज़अ।

6 हाम्हां लै हुअ एक लान्हअ पैईदा!

हाम्हां लै दैणअ एक शोहरू!

सह हणअ म्हारअ राज़अ।

तेऊओ नाअं पल़णअ "महान सलाहकार,"

"महान परमेशर" अर "सदकअ बाब"

"मेल़ ज़ोल़ करनै आल़अ राज़ कुंआर।"

7 तेऊओ बल निं कधि खतम हणअ,

तेऊए राज़ा दी रहणीं सदा शांती।

तेऊ च़लाऊंणअ राज़ै दाबेदो राज़ आजू,

तेऊए राज़ा दी हणअ धर्म अर नसाफ

सह रहणअ आझ़ा पोर्ही सारी सदा लै।

इहअ दैनअ स्वर्गे सारी सैने मालक बिधाता हणैं।✝

13 किल्हैकि तेऊ ई छ़ड़ैऊऐ हाम्हैं न्हैरै दी काम करनै आल़ी राख्से शगतीए बशा का अर तेऊ पजैल़ै हाम्हैं आपणैं पैरै पूते राज़ा दी। 14 आपणैं पूतो बल़ीदान करी तेऊओ लोहू बहाऊई दैनअ तेऊ हाम्हां लै राख्से शगती का छ़ुटकारअ मतलब म्हारै पाप किऐ माफ।

20 अह आसा सह ई महान शगती ज़ेता करै परमेशरै मसीहा भिई ज़िऊंदअ किअ अर सह मसीहा स्वर्गै आपणीं दैहणीं बाखा सोभी का बडी पदबी दी बशैल़अ।✝

21 तेऊ संसारै हणअ मसीहा सोभी प्रैंदै राज़अ। हरेक शगती आल़ी आत्मां, हर राज़ करनै आल़ै नाअं ज़ुंण बी आसा तिन्‍नां सोभी का आसा मसीहा सोभी का बडअ सदा लै राज़अ।

20 पर म्हारअ आपणअ असली देश आसा स्वर्गै अर हाम्हैं आसा उद्धार करनै आल़ै प्रभू ईशू तिधा का फिरी एछदै न्हैल़ै भाल़ै लागै दै। 21 तेऊ का आसा सोभी गल्‍ला आपणैं बशै करने शगती। तैहा शगती करै बणाणीं तेऊ म्हारी दुबल़ी देहीओ रूप बदल़ी करै आपणैं प्रतप्पे देहीए साबै।

9 किल्हैकि हाम्हां का आसा थोघ कि मसीहा निं मरी करै ज़िऊंदअ हई भिई मरनअ, तेऊ प्रैंदै निं भिई मौत राज़ करी सकदी।

8 ज़ुंण देहीए पापी सभाबे बशै आसा, तिंयां निं परमेशरा खुश करी सकदै।

9 पर ज़ै तम्हां दी परमेशरो आत्मां बस्सा, तै निं तम्हैं देहीए पापी सभाबे बशै आथी पर तम्हैं आसा पबित्र आत्में बशै। ज़ै कहा दी मसीहे आत्मां नांईं आथी, तै निं सह मसीहो आथी।

22 ज़िहअ एकी मणछा आदमीए पाप करनै पिछ़ू सोभी मणछा लै मौत आई। तिहै ई हणैं एकी मणछा मसीहा ईशू करै सोभै मूंऐं दै खिरी ज़िऊंदै। 23 पर हरेक हणअ आपणीं बारी दी ज़िऊंदअ। मसीहा त पैहलअ ज़ुंण ज़िऊंदअ हुअ, ज़ांऊं मसीहा ज़िऊंदअ हुअ तै ज़सरअ मसीहा संघै पाक्‍कअ नातअ होए तिंयां हणैं मरी करै भिई ज़िऊंदै ज़ेभै मसीहा भिई फिरी एछणअ।

24 संसारे सोभै गल्‍ला हणीं तेभै खतम ज़ेभै मसीहा एऊ सारै संसारो राज़ बाब परमेशरा सेटा सभाल़ी दैए। तेभै करनी राख्से सारी शगती अर हक बरैबाद।✝

25 किल्हैकि ज़ेभै तैणीं सह आपणैं दुशमण राख्सा हारी करै आपणैं खूरा हेठै निं पाऐ, तेभै तैणीं रहणअ तेऊ राख्सो राज़ एऊ संसारै ज़रूरी।✝

2 परमेशरा का आसा महान बल,

सोभी मणछा लागा तेऊए डरा हेठै रहणअ।

सह करा स्वर्गा का राज़ अर मेल़-ज़ोल़।