Encorajamento

God nono dem muduo podo norukwa i, taragl swara ta si kegl dikrabuka

31 Ana God nono yegl mere ere wakai ere norsre, nono munara mogl norukwa pre nono pre yubun dekramga. Yoba nono kudano ikne mere yegl mogl, ere kide ere noramnedi eraiglkwa ba God nono munara mogl norukwa pre i ta eribi, kuno erekrabuka.

15 God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa.

2 Agroma abaroma kide kankre, gun yenaiglmedi erumun, ye wakai mogl yakenaiglkwa.

5 Ana God yoba deno muduno si gigle didre, adigl gigledi moraiglmedi erukwa God i, Krais Jisas yoba kanumere mere ene ikne ikne kanaiglmedi eran,

11 I siragl pre ene ka kaima kanagledi prika. U ene kandre, kiano mina ake ple di tebo, yobuglo inaiglmedi prika. 12 Na prika i, na pre mediglka i, kandre, yobuglo ibi, te ene pre mediglkwa i na ama kandre, yobuglo ibo, ikne ikne deno muduno si gigle dinamnedi prika.

13 Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.

6 Te, na pre kan erika i, God, ye ene deno muduno mina kogon wakai mabuno bogl erukwa i, ere kodinabedi prika. Ye ene deno muduno mina kogon ere pai mogl enan, Krais Jisas ede ikne unabiwe di, na yegl pre kan ersre, ene pre gun keme yeiga.

17 No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.

16 No yubun yumnara i mina taragl wakai yegl mere plau dugwa pre no oglka erekre, kogon ere pai munga. Kaima, no ogono nagino mina ede ime ime ogwa ba no kiano ege ege u kor kor ogwa.

17 No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka.

7 Krais wakai yene mogl, God abuglagemo i nogugl edugwa pre kan erumga i, taragl podo kaima ta paugwa. Paugwa ba God ere mogl, makan koglwa sin mina atne edugwa mere yegl paugwa. I siragl pre ye abuglagemo taragl podo paugo, nono makadigle yoba munga i, no taragl yoko munga. Ba God ye abuglagemo munara atne edugwa i, mem ta paugwa. Jisas kamo dumga igne, ye yobuglomo podo kide pamedi kanaiglkwa i, yoba yobro mina ukrumedi kandre, God yene yobuglomo mina umedi kanaiglkwa pre erukwa.

8 No yubun kane kane yumga ba yubun kane kane i, no si atne edekrikwa. Te, ege tau mere nomano mina kinano gudu prumga ba no nomano u kide pikrukwa. 9 Yoba ege mere no ere kide ere norikwa ba God moko norokrukwa. Te, taragl kane kane no si atne edinamnedi erikwa ba no u kide pikrumga. 10 Jisas yubun idre, goglmere mere yegl, no ogono nagino mina yubun idre, goramnedi ere munga mere yegl paugwa. Ba taragl kane kane yegl plau dugwa i, Jisas yene no ogono nagino mina atne kor moluwedi, i nogugl edenan, yoba kanaiglkwa pre plau dugwa.

11 No kor moglsre, Jisas kogonmo ere wan munga i pre yoba ege ege no si goramnedi eriko, no ege mere gunga baka dugwa. Ba God taragl yegl mere plau dinabedi kanige erukwa i, Jisas no munara atne kor moglkwa i, i nogugl edenan, yoba kanaiglmedi prukwa. Kaima no ogono nagino i, gorabuka yogwa ba Jisas yene ogono nagino mina atne moglkwa i, yoba kanaiglkwa paugwa.

Jisas kamo prisre, God bogl deno muduno swara yenaiglkwa

11 Ana no Krais kogonmo yoba munga i, okuo nono mudu Yaglno Kade gumamugl adigl moramgra we di prisre, no ye kuduglmo gogl, ye kamo yoba pre medraiglmedi di tomga. No kogon yegl ere wan moglsre, mabuno siragl mere ta erumga i, God gumuglo mina nogugl paugwa. Te, ene ama kanigwa. 12 Ka i mitna ene kinano sidre, no wakai kanaiglmedi ta prikrumga ba ene no kogono kandre, gun yenaiglmedi bunga. Ene gun yedre, yoba tau kagno ake mitna edigwa i, kano si kegl dinaiglkwa. Yoba i, ye yoba gumuglnomugl wakai kanaiglmedi ersre, deno muduno siragl mere paugwa i, pre yubun dekrikwa.

13 Ana no kogon erumnara i, yoba tau no du erimedi pribi, pra, God swara no wakai kanabedi prumga. Mo, yoba tau no nomano wakai paugo, kogon erimedi pribi, i ama wakai. No kogon erumga i, ene wakai moraiglmedi kogon ere munga. 14 Siragl pre Krais dem muduo podo norukwa i, no batno sugo, no ye kogonmo erumga. Te, no prumga i, ye swara nono mudu pre goglkwa pre nono mudu akie gunga mere yegl pamedi prumga. 15 Krais ye yoba mudu pre goglkwa i, yoba u kor pidre, kor moraiglkwa yobamo i, ye yene primere mogl pai erekre, Krais prumere mere mogl pai eraiglkwa pre goglkwa. Ye nono pre goglsre, adigl u kor ogwa pre nono kaima yegl eramga paugwa.

16 Ana mem yegl mere paugwa pre no erme yoba ogono nagino mina meda mabuno erikwa i kandre, ye kan yubu sikrumga. No okna yoba taragl meda erikwa i keme kamga igne, Krais ama yoba yoko ta moglmedi kamga ba no erme yegl mere ta kankrumga. 17 No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.

18,19 Ana taragl mudu yegl mere God yene erukwa. God ere mogl, Krais kogon erumara i mina nono erme ye bogl deno muduno swara yomga. Na ka yegl diga i, God yoba bogl deno muduno swara yenaiglkwa i, God ere mogl, Krais kogon erabara swara i mina yoba mudu uglo koglo koglo meglkwa i, tadaglmeno kide kodo tenan, ye bogl deno muduno swara yenamnedi konbauna yauro togwa pre diga. Te, no ye kogonmo yoba munga i, God no ama kogon norsre, yoba siragl mere ye bogl deno muduno swara yenaiglkwa i, yoba di teo dugwa. 20 Ana God kogon yegl mere norukwa pre no Krais dra idre, ye kamo yoba di tomga. Te, no ye kamo yoba di tomga igne i God no drano mina yoba agle dugwa mere yegl paugwa. No Krais kamo yoba di tedre, ka gigledi di tomga i, Krais kogon erumara i pre ene u God bogl deno muduno swara yeo! dumga. 21 I siragl pre Krais ye tadaglme ta ere kankrukwa ba God yoba tadaglmeno mudu i pi ye moglmara edugo, Krais mudu topo erukwa. God yegl erukwa i, nono Krais kogon erumara i mina God ye du moglmere mere yegl, nono ama ye gumuglo mina yoba du moraiglmedi pre erukwa.

12 I siragl pre yoba ta yene ere mogl, taragl yegl mere ta tebo, kuno erabiwedi kandre, yene wakai prabere ta tenan, God wakai kanabuka. Ba yoba ta taragl ta tenan, kuno erekrabuka i, God ye tenabedi prikrukwa. Ye tenabuka kuno ta erabere mere tenabedi prukwa pre diga.

God deno muduno si gigle di norukwa

3 Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. 4 Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.

33 Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.

33 Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.

27 Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.

27 Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.

18 Ana deno muduno tomga mabuno i nono munara kau sugwa igne, kudugl gunga mabuno i si meda edugwa. Yegl pre nono deno muduno yoba ta tomin, kudugl goglkramga. I siragl pre kudugl gunga i, God no sinabedi prisre, kudugl gunga. Te, nono kudugl ta gun, God dem muduo podo norukwa i, nono munara kau sikrukwa.

28 Ene yoba ta kogon podo ere moglsre, yubun kake meglkwa i, na moglmara wio. Ene na moglmara wibi, na ene ir si praiglmedi ere tenaglka.

28 Yoba ene ogono nagino keme si goraiglkwa i pre kuduglno goglkraiglkwa. Ye ogono nagino mina si goraiglkwa ba kiano ta ere kide erekraiglkwa. Yoba kuduglno goglkre, God swara kuduglmo goraiglkwa. Ye yoba ogono nagino si goglsre, kiano akie pia si doga kade mina edenabuka yagl moglkwa.

7 Te, ene yubuno i, pra pra pia si God ogo mina yenaiglkwa paugwa. I siragl pre God ene mitno goglkwa yagle moglkwa.

6 Ana okuo God taragl wakai wakai nono noragle dugwa i, ene poglo di prisre, gun podo yeigwa. Erme ene ege sugunagle yubun kane kane idre, kide praiglkwa paugwa ba ene ama taragl tau okuo plau dinabuka i poglo di prisre, gun podo yei meglkwa.

Krais mabunomo duglo boglsre, yubun tau inamga paugwa

13 Ana ene mabuno wakai keme eramnedi kogon podo eribi, yoba ta ene ere kide ere tenaiglmo? Ta ere tekraiglkwa. 14 Ba aglau eran, ene mabuno wakai eraiglmara i pre yubun ibi, God ene ama ere wakai ere tenabuka. Yoba ta ene kudugl goraiglmedi eribi, ene kudugl goglkre, nomane sikrio.*

11 Ana nono mudu Yaglno Kade bogl aimadi kamin kor moramga ka i, ene poglo di prisre, ikne ikne deno muduno si gigledi tedre, agroma abaroma yakenaiglmedi erio. Na prika, ene erme mabuno i ere meglmedi prika ba ene ege ege ere pai moglsre, mabuno i mina yake pai moraiglkwa pre diga.

11 Ana nono mudu Yaglno Kade bogl aimadi kamin kor moramga ka i, ene poglo di prisre, ikne ikne deno muduno si gigledi tedre, agroma abaroma yakenaiglmedi erio. Na prika, ene erme mabuno i ere meglmedi prika ba ene ege ege ere pai moglsre, mabuno i mina yake pai moraiglkwa pre diga.

24 Te, nono siragl mere agrama abarama wagle wakai kandre, mabuno wakai boramga i, nono wakai ere kinano gudu prisre, ka di pre eramga paugwa.

25 Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.

5 Ene mogl pai eraiglmara mige moni bubuno goglkrio. Ene taragl ta kan neigwa i, i pra kan nomnedi prio. I siragl pre God yene dra mina didre, Na ka kaima ene kide kodokre, na mokona ene ka kaima ta tekraluwe* dugwa. 6 Yegl pre God nono suglno moglmedi pre gi didre, yegl dinamga paugwa,

Yagl Kade na ake ple di nare moglkwa

pre na kudugl ta goglkraglka.

Yoba ta na ere kide ere naraiglkwa i,

kuno ta erekrumiwe*

di, yegl dinamga.

58 Na agrama abarama, ene dena muduna suna meglkwa i, nono kaima ogono nagino kor idre, aimadi kamin kor moramga pre ene adigl gigledi moglsre, kinano suo gudukrio. Te, ene Yagl Kade kogonmo erikwa i, ere yoko edumnedi prikrio! Ene ye kogonmo erikwa i, Yagl Kade kan moglsre, topo wakai okuo norabedi pre mogl, ye kogonmo gigledi ere pai molo!

Pol ka tau okuo dugwa

13 Ana ene ege ege kan kun ere moglsre, pre mediglkwa ake gi di molo. Te, ene ege ege kudugl goglkre, adigl gigledi molo.

Pol ka tau okuo dugwa

13 Ana ene ege ege kan kun ere moglsre, pre mediglkwa ake gi di molo. Te, ene ege ege kudugl goglkre, adigl gigledi molo.

7 Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.

17 Jisas ye agle didre, Na duglo boglsro! Na duglo biur, na ene buglo bagle ere si, i suna edibrere kuno yegl, yoba ama yegl auro i suna edenabredi obuno di tenagliwe dugwa. 18 Yegl dugo, yagl suo i degigl gaglno tabre kide kodidre, Jisas omara sika si ede ebrika.

2 Ye God tawa tedre, ye eduer gumuglomugl eruko, God ye ka ta dugo, prukwa. God agle di, Jekop yo dugo, Jekop We, na mogliwe dugwa.

11 Na yegl kanigo, kubu kanimara i God angelomo ye Jekop yo dugo, na Mogliwe diga.

11 Si goragledi eruko, Yawe Angelomo heven ibo moglkwa agle di, Abraham yo! dugwa. Dugo, Abraham Na mogliwe dugwa.

4 Moses yegl didre, ede iro pi ede i kanagledi ede ogo, Yawe kanugwa. Kadre, ye ede kebra mina i suna moglsre, Moses yo! dugwa. Yegl dugo, Moses di ikne ede, Na moglkiwe dugwa.

10 Ana dumo Damaskus suna i, Jisas nagigle ta moglkwa, kagie Ananaias we digwa. Yagl Ananaias i gumuglomugl eruko, kanugwa, Yagl Kade ye gumuglomugl erumara i ye agle di, Ananaias yo dugwa. Yegl dugo, Ananaias di ikne ede, Yagl Kade yo, na moglka iwe dugwa.

38 Angelo i yegl dugo, Maria di ikne ede, yegl dugwa, Na Yagl Kade nigl kogonmo abai moglka. Yegl pre pra, ene taragl ta na moglmara plau dinabe dinga i, plau dinabedi priwe di, yegl dugwa. Yegl dugo, angelo ye moglmara kide kodidre, ede ogwa.

6 Kua idada kebra kide kaima meglmedi kanumga ba God swara swarade sugl wakai moglmiwa. 7 Ye kua kebra sugl wakai moglkwa pre ene yoba meglkwa i, taragl kade munedi prisre, God no bitno yugo swara swarade wakai ere, kere kan kodidre, no suglno wakai moglmedi prisre, yoba swara ta kuduglmo goglkrio! dugwa.