10 Ayaw kahadlok kay ako imong kauban.

Ayaw kabalaka kay ako ang imong Dios.

Lig-onon ug tabangan ka nako.

Panalipdan ka nako pinaagi sa akong gahom

nga mao ang makaluwas kanimo.

2 Kon moagi ka sa tubig, mouban ako kanimo.

Kon motabok ka sa mga suba dili ka malumos.

Kon moagi ka sa kalayo, dili ka mapaso;

ang dilaab niini dili makalamoy kanimo.

4 Itugyan ko ang ubang katawhan puli kanimo,

tungod kay bililhon ug dungganon ka alang kanako,

ug tungod kay gihigugma ka nako.

5 Ayaw kahadlok kay kauban mo ako.

Tigomon ko ang imong mga kaliwat

gikan sa sidlakan ug kasadpan.

4 "Ayaw kahadlok, kay dili ka maulawan.

Malimtan mo na gayod ang kaulawan sa imong pagkabatan-on

ug ingon man sa imong pagkabalo.

1 Miingon ang Ginoo,

"Nagpaila ako sa mga tawo nga wala mangutana bahin kanako.

Nagpakita ako niadtong wala mangita kanako.

Gipadayag ko ang akong kaugalingon ngadto

sa nasod nga wala manawag kanako.

31 apan ang mga nagsalig sa Ginoo

makaangkon pag-usab ug kusog.

Mahisama sila sa naglupad nga agila;

kon managan sila dili sila kapoyon;

kon manglakaw sila dili sila maluya.

8 Unya nadungog ko ang tingog sa Ginoo nga nag-ingon, "Kinsa ang akong ipadala? Kinsa ang moadto alang kanamo?"

Mitubag ako, "Ania ako. Ipadala ako!"

9 Hinumdomi kining akong gipahimangno kanimo: ‘Lig-ona ang imong kaugalingon ug pagmaisogon. Ayaw kahadlok o kaluya, kay ako, ang Ginoo nga imong Dios, mag-uban kanimo bisan asa ka moadto.’ "

9 Hinumdomi kining akong gipahimangno kanimo: ‘Lig-ona ang imong kaugalingon ug pagmaisogon. Ayaw kahadlok o kaluya, kay ako, ang Ginoo nga imong Dios, mag-uban kanimo bisan asa ka moadto.’ "

16 Mitubag ang mga tawo, "Wala gayod moabot sa among huna-huna nga mobiya kami sa Ginoo ug moalagad sa ubang mga dios. 17 Ang Ginoo nga atong Dios mao ang nagpagawas kanato ug sa atong mga katigulangan gikan sa pagkaulipon didto sa Ehipto. Nakita usab nato ang mga milagro nga iyang gihimo. Gipanalipdan niya kita sa atong paglakaw taliwala sa tanang kanasoran nga atong giagian.

6 Lig-ona ninyo ang inyong kaugalingon ug pagmaisogon. Ayaw kamo kahadlok kanila kay ang Ginoo nga inyong Dios nag-uban kaninyo; dili niya kamo biyaan o pasagdan."

8 Pangulohan ka sa Ginoo ug mag-uban siya kanimo; dili niya ikaw biyaan o pasagdan. Busa ayaw kahadlok o pagpakawala sa paglaom."

31 Karon, kon huna-hunaon ta kini nga mga butang, makaingon kita nga ang Dios dapig gayod kanato, ug walay makabatok kanato.

15 Kay ang Espiritu nga inyong nadawat wala maghimo kaninyo nga mahadlokon sama sa inyong gibati kaniadto sa dihang mga ulipon pa kamo, hinuon naghimo kini kaninyo nga mga anak sa Dios. Karon, pinaagi sa Espiritu makatawag na kita sa Dios nga, "Abba,* nagkahulogan nga papa o kaha amahan. Amahan."

2 kondili huna-hunaon usab nato ang kaayohan sa atong isigka-tumutuo, aron malig-on ang iyang pagtuo.

5 Hinaut nga ang Dios nga naghatag kanato sa kalig-on ug kadasig sa pag-antos sa mga kalisod magtabang kaninyo nga maghiusa isip mga sumusunod ni Cristo Jesus,

11 Nangandoy gayod ako nga makita ko kamo aron ikapaambit ko kaninyo ang mga grasya nga espirituhanon nga makapalig-on kaninyo. 12 Ang buot kong ipasabot, nga magdinasigay kita pinaagi sa akong pagtuo ug sa inyong pagtuo.

13 Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.

6 Nasiguro ko nga ang maayong buhat nga gisugdan sa Dios diha kaninyo padayonon gayod niya hangtod sa adlaw nga mobalik si Cristo Jesus.

17 Si bisan kinsa nga anaa kang Cristo bag-o na. Wala na ang iyang daan nga pagkatawo, kay bag-o na siya.

16 Mao kana ang hinungdan nga wala kami magmaluya sa pag-alagad sa Dios. Bisan kining among mga lawas gaanam na ug kaluya, ang among espiritu nagpadayon sa paglig-on matag adlaw.

17 Kay ang mga kalisdanan nga among giantos dinhi sa kalibotan lumalabay lang. Apan naghatag kini kanamo ug himaya nga molungtad sa walay kataposan ug dili gayod kini matupngan.

7 Ania kanamo ang mahalon nga butang nga gikan sa Dios apan sama lang kami sa kolon nga gisudlan niini aron masayran sa mga tawo nga ang gahom nga dili matupngan gikan sa Dios, ug dili gikan kanamo. 8 Sa among pagsangyaw kanunay kaming gipaantos, apan wala gayod kami mapildi sa mga nagbatok kanamo. Usahay maglibog na kami, apan wala gayod kami kawad-ig paglaom. 9 Daghan ang nagtinguha sa paglutos kanamo, apan wala kami pasagdi sa Dios. Tinuod nga gidagmalan nila kami, apan sa kaluoy sa Dios buhi pa gihapon kami. 10 Kanunay kaming nahimutang sa kakuyaw sa kamatayon sama sa nahitabo kang Jesus, aron nga pinaagi sa among kinabuhi makita sa tanan ang kinabuhi ni Jesus. 11 Ang among kinabuhi kanunay nga nahimutang sa kakuyaw tungod sa among pag-alagad kang Jesus, aron nga pinaagi niining lawas namo nga adunay kamatayon makita sa tanan ang kinabuhi ni Jesus.

11 Busa tungod sa kahadlok namo sa Ginoo, gipaningkamotan namo nga makabig ang mga tawo nga motuo kaniya. Nasayran sa Dios ang among pagkatawo, ug nagsalig ako nga kini nasayran usab ninyo. 12 Kini dili sa pagdayeg na usab sa among kaugalingon, kondili buot lang namo kamong hatagan ug hinungdan nga ikapasigarbo ninyo kami, aron aduna pud kamoy ikatubag sa mga tawo nga gadayeg lang sa mga butang nga makita ug dili ang anaa sa kasing-kasing. 13 Kon mura kamig buang, kana tungod ug alang sa Dios; ug kon husto ang among panghuna-huna, kana tungod ug alang kaninyo. 14 Kay tungod sa gugma ni Cristo kanamo wala nay lain namong mahimo gawas sa pagtuman kaniya. Kay nasayod kami nga si Cristo namatay alang sa tanan, busa sama ra nga namatay pud ang tanan. 15 Namatay siya alang sa tanan, aron nga ang mga tawo nga buhi karon dili na magkinabuhi alang sa ilang kaugalingon kondili alang kaniya nga namatay ug nabanhaw alang kanila.

16 Busa karon, dili na kami maghukom sa tawo pinaagi sa tawhanong basihanan. Kaniadto nanghukom kami kang Cristo pinaagi sa tawhanong basihanan apan karon dili na. 17 Si bisan kinsa nga anaa kang Cristo bag-o na. Wala na ang iyang daan nga pagkatawo, kay bag-o na siya. 18 Ang Dios mao ang nagbuhat niini. Siya ang nagpasig-uli kanato ngadto kaniya pinaagi kang Cristo. Ug gihatagan niya kami ug buluhaton sa pagbalita nga gipasig-uli na niya ang mga tawo ngadto kaniya. 19 Mao kini ang among gibalita, nga gipasig-uli na sa Dios ang iyang mga tawo ngadto kaniya pinaagi kang Cristo. Wala na niya isipa ang ilang mga sala. Ug kami mao ang iyang gitugyanan sa pagpakaylap niini nga balita. 20 Busa nagsugilon kami ingon nga mga pinadala ni Cristo, ug pinaagi kanamo naghangyo ang Dios kaninyo nga mobalik na kamo kaniya! 21 Si Cristo wala gayoy sala, apan siya mao ang gipasilotan sa Dios tungod sa atong mga sala, aron nga kon anaa kita kang Cristo, ipakamatarong kita sa Dios.

12 Kay kon tinguha gayod ninyo nga mohatag, dawaton sa Dios ang inyong ikahatag. Wala siya nagpaabot nga mohatag kamo sa dili ninyo makaya.

3 Dalaygon gayod ang Dios ug Amahan ni Jesu-Cristo nga atong Ginoo. Maluloy-on siya nga Amahan, ug Dios siya nga kanunayng gadasig kanato. 4 Gidasig niya kita sa tanan natong mga kalisdanan, aron nga pinaagi sa pagdasig niya kanato madasig usab nato ang uban nga anaa sa kalisdanan.

33 "Gisulti ko kining mga butanga kaninyo aron aduna kamoy kalinaw tungod sa inyong pagtuo kanako. Paantuson kamo sa mga tawo sa kalibotan, apan ayaw kamo kahadlok tungod kay gidaog ko na ang gahom sa kalibotan."

33 "Gisulti ko kining mga butanga kaninyo aron aduna kamoy kalinaw tungod sa inyong pagtuo kanako. Paantuson kamo sa mga tawo sa kalibotan, apan ayaw kamo kahadlok tungod kay gidaog ko na ang gahom sa kalibotan."

27 "Ayaw kamo kaguol ug ayaw kamo kahadlok, tungod kay ang kalinaw ibilin ko kaninyo. Ang akong kalinaw mao ang ihatag ko kaninyo. Dili kini sama sa kalinaw nga gihatag sa kalibotan.

27 "Ayaw kamo kaguol ug ayaw kamo kahadlok, tungod kay ang kalinaw ibilin ko kaninyo. Ang akong kalinaw mao ang ihatag ko kaninyo. Dili kini sama sa kalinaw nga gihatag sa kalibotan.

18 Walay kahadlok diha sa gugma. Ang hingpit nga gugma nagkuha sa tanan nga kahadlok. Ang tawo nahadlok tungod kay aduna siyay gipaabot nga silot, kay wala pa gayod niya mahibaloi ang paghigugma sa Dios kaniya.

28 "Duol kamo kanako, kamong tanan nga gikapoyan ug gibug-atan, ug papahulayon ko kamo.

28 Ayaw kamo kahadlok sa mga tawo nga makapatay sa inyong lawas apan dili makapatay sa inyong kalag. Ang Dios mao ang angay ninyong kahadlokan, tungod kay siya ang makahimo sa paglaglag sa inyong lawas ug kalag didto sa impiyerno.

22 Itugyan sa Ginoo ang imong mga kabalaka,

kay tabangan ka niya.

Dili niya pasagdan ang mga matarong

hangtod sa kahangtoran.

4 Bisan pa ug maglakaw ako

sa walog nga labihan kangitngit,

dili ako mahadlok

tungod kay kauban ka nako.

Ang imong pagpanalipod ug paggiya*

nagpalig-on kanako.

4 Bisan pa ug maglakaw ako

sa walog nga labihan kangitngit,

dili ako mahadlok

tungod kay kauban ka nako.

Ang imong pagpanalipod ug paggiya*

nagpalig-on kanako.

1 Ang Ginoo mao ang akong kahayag, manluluwas, ug tigpanalipod,

busa wala akoy angayng kahadlokan.

14 Salig kamo sa Ginoo!

Pagpakalig-on kamo ug ayaw pagpakawala ug paglaom.

Salig lang kamo sa Ginoo!

24 Kamong naglaom sa Ginoo,

pagpakalig-on kamo ug ayaw pagpakawala ug paglaom.

8 Miingon ka kanako,

"Tudloan ka nako sa dalan nga angay mong agian.

Tambagan ka nako samtang nagbantay ako kanimo.

1 Ang Dios mao ang atong kusog ug tigpanalipod.

Andam gayod siya kanunay sa pagtabang sa panahon sa kalisod.

2 Busa dili kita mahadlok bisan pag matay-og ang yuta

ug mangatumpag ang mga bukid ngadto sa kinahiladman sa dagat,

3 o bisan pa kon magdahunog ug grabe kakusog ang mga balod sa dagat,

ug mauyog ang mga bukid tungod niini.

3 Kon bation akog kahadlok,

mosalig ako kanimo.

4 Mosalig ako kanimo, O Dios,

ug dayegon ka nako tungod sa imong saad.

Dili ako mahadlok bisan unsa ang himoon sa tawo batok kanako,

tungod kay nagsalig ako kanimo.

17 Ginoo nga among Dios, hinaut nga panalanginan mo kami,

ug hatagan ug kalamposan sa tanan namong buhaton.

1 Nagtan-aw ako sa mga bukid;

asa man maggikan ang akong gipaabot nga tabang?

2 Ang maong tabang maggikan sa Ginoo,

nga nagbuhat sa langit ug sa yuta.

8 Kanunay ka nako nga gihuna-huna, Ginoo.

Ug tungod kay anaa ka uban kanako dili gayod ako matarog.

9 Ginoo, ikaw ang tigpanalipod sa mga dinaog-daog

ug dalangpanan panahon sa kalisod.

10 Nagsalig kanimo ang mga tawo nga nakaila kanimo,

kay wala mo man isalikway ang midangop kanimo.

7 Itugyan ninyo kaniya ang inyong mga gikabalak-an kay aduna siyay kahangawa kaninyo.

6 Tungod niini maglipay kamo bisan adunay miabot karon nga nagkalain-lain nga mga pagsulay. Kay kini nga mga pagsulay lumalabay lang, ug kinahanglan nga masinati ninyo

13 Kinsa bay mopasipala kaninyo kon gusto gayod ninyo magbuhat kanunay ug maayo? 14 Apan kon mag-antos kamo tungod sa inyong pagbuhat ug maayo, bulahan kamo. Busa ayaw kamo kahadlok o kabalaka kon unsay ilang buhaton kaninyo.*.

11 Busa padayon kamo sa pagdinasigay sa usag usa, sama sa inyong gibuhat karon.

11 Busa padayon kamo sa pagdinasigay sa usag usa, sama sa inyong gibuhat karon.

24 Ug paningkamotan ta nga mapukaw ang pagbati sa kada usa nga mahigugma sa iyang isigka-tawo ug maghimog maayo. 25 Dili gayod nato undangon ang atong nabatasan nga panagtigom, sama sa gibuhat sa uban, kondili magdinasigay kita sa usag-usa, ilabina gayod karon nga makita na nato nga haduol na ang pagbalik sa Ginoo.

5 Likayi ninyo ang paghigugma sa kuwarta ug pagkontento kamo sa unsa lay anaa kaninyo, tungod kay nag-ingon ang Dios,

"Dili ko gayod kamo biyaan,

ug dili ko gayod kamo pasagdan."*

6 Busa magmaisog kita sa pag-ingon,

"Ang Ginoo mao ang akong magtatabang,

busa dili ako mahadlok.

Unsa may mahimo sa tawo kanako?"*

58 Busa, mga hinigugma ko nga mga igsoon kang Cristo, pagpakalig-on kamo ug dili gayod matarog sa inyong pagtuo. Pagmakugihon kamo sa buluhaton nga gihatag kaninyo sa Ginoo, kay nasayod kamo nga aduna gayoy kapuslanan ang inyong mga paghago alang sa Ginoo.

13 Pagbantay kamo kanunay ug barogi ang inyong pagtuo. Pagmaisogon ug pagmalig-on,

13 Pagbantay kamo kanunay ug barogi ang inyong pagtuo. Pagmaisogon ug pagmalig-on,

7 Kay ang Dios wala maghatag kanato sa iyang Espiritu aron maulaw kita sa pag-atubang sa mga tawo,* kondili aron sa paglig-on kanato ug pagtabang nga mahigugma kita sa uban ug makapugong sa atong kaugalingon.

20 Mipadayon pag-ingon si David sa iyang anak nga si Solomon, "Pagmalig-on ug pagmaisogon. Buhata kining maong buluhaton. Ayaw kahadlok o pagpakawala ug paglaom, kay ang Ginoong Dios, nga akong Dios, kauban nimo. Dili ka niya biyaan o pasagdan hangtod nga mahuman ang tanang trabaho alang sa Templo sa Ginoo.

17 Ang Ginoo nga imong Dios kauban nimo.

Ang Gamhanang Manggugubat nga moluwas.

Siya magbaton ug kalipay diha nimo;

diha sa iyang gugma dili kana niya badlongon

apan maglipay diha kanimo uban sa pag-awit.

11 Nasayod ako sa akong mga plano alang kaninyo nga plano alang sa inyong kaayohan ug dili sa kaalaotan, plano sa paghatag kaninyog paglaom ug maayong kaugmaon.

23 Ang pagtrabaho ug maayo anaay pulos,

apan kon pulos ra istorya mapobre ang tawo.

17 Miingon si Jesus kanila, "Sunod kamo kanako ug dili na isda ang inyong pangitaon, kay tudloan ko kamo sa pagpangabig ug mga tawo." 18 Diha-diha gibiyaan nila ang ilang mga pukot ug misunod kaniya.

2 Nianang pagkagabii, nakigsulti ang Dios kaniya pinaagi sa usa ka panan-awon. Gitawag sa Dios si Jacob, ug mitubag siya.

11 Sa akong damgo gitawag ako sa anghel sa Dios. Miingon siya, ‘Jacob!’ Mitubag ako, ‘Ania ako.’

11 gitawag siya sa anghel sa Ginoo gikan sa langit, "Abraham! Abraham!"

Mitubag si Abraham, "Ania ko."

4 Pagkakita sa Ginoo nga miduol si Moises aron sa pagtan-aw, miingon Dios gikan sa taliwala sa tanom, "Moises, Moises!"

Mitubag si Moises, "Unsa man."

16 Apan gitawag siya ni Eli, "Samuel, anak."

Mitubag si Samuel, "Unsa man."

10 Didto sa Damasco adunay usa ka tinun-an nga ginganlan ug Ananias. Pinaagi sa panan-awon nagpakita kaniya ang Ginoo ug nag-ingon, "Ananias!"

Mitubag si Ananias, "Ginoo, ania ako."

38 Miingon si Maria, "Sulugoon ako sa Ginoo; matuman unta kanako ang imong gisulti." Ug unya mibiya ang anghel kaniya.

6 Dili ba barato lang ang mga gagmayng langgam? Apan walay usa kanila nga gikalimtan sa Dios. 7 Labaw na gayod kamo, bisan gani ang inyong mga buhok inihap niya ang tanan. Busa ayaw kamo kahadlok! Tungod kay mas bililhon pa kamo kaysa mga langgam."