10 Ngakho ungesabi, ngoba ngilawe;

ungakhathazeki, ngoba nginguNkulunkulu wakho.

Ngizakuqinisa, ngikusize;

ngizakusekela ngesandla sami sokudla esiqotho.

2 Lapho udabula phakathi kwamanzi

ngizakuba lawe;

lalapho udabula emifuleni,

kayiyikukukhukhula.

Lapho uhamba phakathi komlilo, kawuyikutsha;

amalangabi kawayikukubhebhisa.

4 Njengoba wena uligugu njalo udumile ebusweni bami,

futhi ngenxa yokuthi ngiyakuthanda,

ngizanikela abantu esikhundleni sakho,

labantu esikhundleni sempilo yakho.

5 Ungesabi, ngoba ngilawe;

ngizakulethela inzalo yakho ivela empumalanga

ngikubuthe kusukela entshonalanga.

4 "Ungesabi, ngoba awuyikwehlelwa lihlazo.

Ungesabi ukuyangeka, ngoba awuyikudumazeka.

Uzalikhohlwa ihlazo lasebutsheni bakho,

ungakhumbuli lesithuko sobufelokazi bakho.

1 "Ngaziveza kulabo abangangicelanga;

ngafunyanwa yilabo abangangidinganga.

Isizwe esingakhulekanga kimi

ngathi kuso, ‘Ngilapha, ngilapha.’

31 kodwa labo abathemba uThixo

bazavuselelwa amandla abo.

Bazaqonga ngempiko njengezinkozi,

bazagijima kodwa bangadinwa,

bazahamba kodwa bangapheli amandla.

8 Ngasengisizwa ilizwi leNkosi lisithi, "Ngizathuma bani na? Ngubani na ozasihambela?"

Mina ngathi, "Ngilapha. Ngithuma!"

9 Angikulayanga na? Qina ube lesibindi, ungethuki njalo ungalahli ithemba, ngoba uThixo uNkulunkulu wakho uzakuba lawe loba kungaphi lapho oya khona."

9 Angikulayanga na? Qina ube lesibindi, ungethuki njalo ungalahli ithemba, ngoba uThixo uNkulunkulu wakho uzakuba lawe loba kungaphi lapho oya khona."

16 Abantu basebephendula besithi, "Akube khatshana lathi ukuthi silahle uThixo ukuze sikhonze abanye onkulunkulu! 17 KwakunguThixo uNkulunkulu wethu ngokwakhe owasikhuphayo thina kanye labobaba eGibhithe sisuka elizweni lobugqili, wasesenza izimanga ezinkulu emehlweni ethu. Wasivikela kulolonke uhambo lwethu lakuzo zonke izizwe.

6 Qinani libe lesibindi. Lingesabi lithithibale ngenxa yabo, ngoba uThixo uNkulunkulu wenu uhamba lani, kayikulitshiya njalo kayikulifulathela."

8 UThixo ngokwakhe uhamba phambi kwakho njalo uzakuba lawe; kasoze akutshiye loba akufulathele. Ungesabi; ungapheli amandla."

31 Pho sizakuthini ngalokhu na? Nxa uNkulunkulu elathi ngubani ongamelana lathi na?

15 Ngoba kalamukelanga umoya olenza libe yizigqili, ukuze liphile ngokwesaba, kodwa lamukela uMoya wobundodana. Njalo siyamemeza ngawo sithi, "Abha, Baba."

2 Lowo lalowo wethu kumele athokozise umakhelwane wakhe ngokuhle kuye, ukuze amakhe.

5 Sengathi uNkulunkulu onika ukubekezela lenkuthazo angalipha umoya wokumanyana phakathi kwenu lapho lilingisa uKhristu Jesu,

11 Ngiyafisa ukulibona ukuze ngilinike isipho somoya sokuliqinisa, 12 okuyikuthi ngokufananayo lina lami siqiniswe lukholo lomunye wethu.

13 Ngingazenza zonke izinto ngaye onginika amandla.

6 ngilethemba lokuthi lowo owaqalisa umsebenzi omuhle kini uzawuqhubekisela phambili kuze kube lusuku lukaKhristu uJesu.

17 Ngakho-ke, nxa umuntu ekuKhristu, uyisidalwa esitsha; okudala akusekho, sekufike okutsha.

16 Ngakho-ke, kasililahli ithemba. Lanxa ngaphandle sicikizeka kodwa ngaphakathi senziwa sibe batsha insuku zonke.

17 Ngoba ukukhanya kwethu lezinhlupheko zethu zesikhatshana zisilethela inkazimulo elaphakade, enkulu kulazo zonke.

7 Kodwa inotho le silayo ezimbizeni zebumba ukubonakalisa ukuthi amandla amakhulukazi la avela kuNkulunkulu hatshi kithi. 8 Sincindezelwe kalukhuni enhlangothini zonke kodwa kasifihlizeki; sididekile kodwa kasilahlanga ithemba; 9 siyahlukuluzwa kodwa kasidelwanga; sitshayelelwa phansi kodwa kasibhujiswanga. 10 Sikuthwele njalonje emzimbeni yethu ukufa kukaJesu, ukuze ukuphila kukaJesu lakho kubonakaliswe emizimbeni yethu. 11 Ngoba thina abaphilayo sihlezi sinikelwa ekufeni ngenxa kaJesu, ukuze ukuphila kwakhe kubonakaliswe emizimbeni yethu efayo.

11 Ngakho njengoba sikwazi ukuthi ukwesaba iNkosi kuyini, siyazama ukubancenga abantu. Lokhu thina esiyikho kusobala kuNkulunkulu njalo ngithemba kusobala lakuzazela zenu. 12 Kasizami ukuzibika kini futhi kodwa silinika ithuba lokuba lizigqaje ngathi, ukuze lenelise ukubaphendula labo abazigqaja ngokubonakalayo endaweni yalokho okusenhliziyweni. 13 Nxa sesiphambene ingqondo, kungenxa yokwenzela kwethu uNkulunkulu; nxa siphelele engqondweni, senzela lina. 14 Ngoba uthando lukaKhristu luyasifuqa, ngoba siyakholwa ukuba oyedwa wafela bonke, ngakho bonke bafa. 15 Wafela abantu bonke ukuze abaphilayo bangaziphileli bona ngokwabo kodwa lowo owabafelayo wavuswa njalo.

16 Ngakho-ke, kusukela khathesi kusiya phambili kasikhangeli muntu ngengqondo yasemhlabeni. Lanxa sake sakhangela uKhristu ngale indlela, kasisakwenzi. 17 Ngakho-ke, nxa umuntu ekuKhristu, uyisidalwa esitsha; okudala akusekho, sekufike okutsha. 18 Konke lokhu kuvela kuNkulunkulu owasibuyisela kuye ngoKhristu wasinika imfundiso yokubuyisana: 19 ukuthi uNkulunkulu wayebuyisa umhlaba kuye ngoKhristu, abantu engababaleli izono zabo. Njalo usesinike ilizwi lokubuyisana. 20 Ngokunjalo, singabameli bakaKhristu, ngokungathi uNkulunkulu wenza isikhalazo sakhe ngathi. Siyalincenga simele uKhristu sithi: Buyisanani loNkulunkulu. 21 UNkulunkulu wamenza waba yisono owayengelasono ngenxa yethu ukuze kuthi kuye sibe yikulunga kukaNkulunkulu.

12 Ngoba nxa isifiso sikhona, isipho siyamukeleka kusiya ngalokho umuntu alakho hatshi ngalokho angelakho.

3 Makabongwe uNkulunkulu uYise weNkosi yethu uJesu Khristu, uBaba wesihawu loNkulunkulu wenduduzo yonke, 4 osiduduzayo kuzozonke inhlupheko zethu ukuze lathi siduduze abasekuhluphekeni ngenduduzo esiduduzwe ngayo nguNkulunkulu.

33 Ngilitshele izinto lezi ukuze libe lokuthula kimi. Kulumhlaba lizahlupheka. Kodwa wobani lesibindi! Sengiwunqobile umhlaba."

33 Ngilitshele izinto lezi ukuze libe lokuthula kimi. Kulumhlaba lizahlupheka. Kodwa wobani lesibindi! Sengiwunqobile umhlaba."

27 Ukuthula ngikutshiya kini; ukuthula kwami ngilinika khona. Kangiliniki njengokunika komhlaba. Lingakhathazeki ezinhliziyweni zenu njalo lingesabi.

27 Ukuthula ngikutshiya kini; ukuthula kwami ngilinika khona. Kangiliniki njengokunika komhlaba. Lingakhathazeki ezinhliziyweni zenu njalo lingesabi.

18 Ethandweni akulakwesaba. Uthando olupheleleyo luyaxotsha ukwesaba, ngoba ukwesaba kukhumbuza isijeziso. Umuntu owesabayo kapheleliswa ethandweni.

28 Wozani kimi lina lonke elikhatheleyo lelisindwayo, ngizaliphumuza.

28 Lingabesabi labo ababulala umzimba kodwa bengeke babulale umphefumulo. Kodwa yesabani lowo ongabhubhisa kokubili, umphefumulo lomzimba esihogweni.

22 Yethula inswelo zakho kuThixo

yena uzakusekela;

akazukuyekela abalungileyo bawe.

4 Loba ngidabula

esigodini sethunzi lokufa,

angiyikwesaba okubi

ngoba wena ulami;

intonga Yakho lodondolo Lwakho

kuyangiduduza.

4 Loba ngidabula

esigodini sethunzi lokufa,

angiyikwesaba okubi

ngoba wena ulami;

intonga Yakho lodondolo Lwakho

kuyangiduduza.

1 UThixo uyikukhanya kwami lensindiso yami

ngizakwesaba bani na?

UThixo uyinqaba yokuphila kwami

ngubani engingamesaba na?

14 Lindela uThixo

qina ume isibindi

ulindele uThixo.

24 Qinani lime isibindi,

lonke lina elithemba uThixo.

8 Ngizakutshengisa ngikufundise indlela ofanele uhambe ngayo;

ngizakweluleka ngikulinde.

1 UNkulunkulu uyisiphephelo sethu lamandla ethu,

usizo oluhlezi lukhona nxa kulohlupho.

2 Ngakho kangiyikwesaba, umhlaba ungaze ubhidlike

lezintaba ziwele ekujuleni kolwandle,

3 loba amanzi alo ehlokoma agubhazele

izintaba zivevezele ngokuqubuka kwalo.

3 Nxa ngisesaba ngizathemba kuwe.

4 KuNkulunkulu, engidumisa ibizo lakhe,

ngithemba kuye uNkulunkulu; angiyikwesaba.

Umuntu wenyama angenzani kimi?

17 Sengathi umusa weNkosi uNkulunkulu wethu ungehlela kithi;

uqinise umsebenzi wezandla zethu

yebo, qinisa umsebenzi wezandla zethu.

1 Ngiphakamisela amehlo ami ezintabeni

usizo lwami luvela ngaphi na?

2 Usizo lwami luvela kuThixo,

uMenzi wezulu lomhlaba.

8 Ngikhangele kuThixo kokuphela.

Njengoba esesandleni sami sokunene angiyi kunyikinywa.

9 UThixo uyisiphephelo sabancindezelweyo,

uyinqaba ezikhathini zokuhlupheka.

10 Labo abalaziyo ibizo lakho bazathemba kuwe,

ngoba wena, Thixo, kawubafulatheli abakudingayo.

7 Yethulani kuye konke ukukhathazeka kwenu ngoba yena uyalikhathalela.

6 Liyathokoza kakhulu ngalokhu lanxa like lahlupheka okwesikhatshana ngezinsizi zezinhlobo zonke zezilingo.

13 Ngubani ozalilimaza nxa litshisekela ukwenza okulungileyo na? 14 Kodwa lanxa lingahlupheka ngenxa yokulungileyo, libusisekile. "Lingakwesabi lokho abakwesabayo; kalingethuswa."*

11 Ngakho-ke, qinisanani njalo lakhane njengoba likwenza.

11 Ngakho-ke, qinisanani njalo lakhane njengoba likwenza.

24 Njalo kasicabangeni ukuba singakhuthazana njani ethandweni lasezenzweni ezinhle. 25 Kasingakudeli ukuhlangana, njengalokhu abanye abajayele ukukwenza kodwa kasikhuthazaneni ikakhulu njengoba sibona uSuku lusondela.

5 Ekuphileni kwenu xwayani ukuthanda imali lisuthiseke ngalokho elilakho, ngoba uNkulunkulu wathi:

"Kangisoze ngilitshiye;

kangisoze ngilidele."*

6 Ngakho siyatsho ngethemba sithi:

"INkosi ingumsizi wami; kangiyikwesaba.

Umuntu angenzani kimi na?"*

58 Ngakho-ke, bazalwane bami abathandekayo, manini liqine. Akungabi lalutho olulinyikinyayo. Zinikeleni ngokupheleleyo emsebenzini weNkosi izikhathi zonke ngoba liyakwazi ukuthi ukusebenza kwenu eNkosini akusilo ize.

13 Lindani; qinani ekukholweni kwenu; libe ngabantu abalesibindi, wobani lamandla.

13 Lindani; qinani ekukholweni kwenu; libe ngabantu abalesibindi, wobani lamandla.

7 Ngoba uNkulunkulu kasiphanga umoya wobugwala kodwa umoya wamandla, lowothando kanye lowokuzithiba.

20 Okunye okwatshiwo nguDavida kuSolomoni indodana yakhe yikuthi, "Qina ube lesibindi, njalo uwenze lumsebenzi. Ungesabi njalo ungalahli ithemba ngoba uThixo uNkulunkulu, uNkulunkulu wami, ulawe. Kawuyikwehluleka njalo kayikukufulathela kuze kube sekupheleni komsebenzi wethempeli likaThixo.

17 UThixo uNkulunkulu wakho ulawe,

ulamandla okusindisa.

Uzathokoza kakhulu ngawe,

uzakududuza ngothando lwakhe,

uzakuthokozela ngokuhlabelela."

11 Ngoba ngiyawazi amacebo engilawo ngani," kutsho uThixo, "amacebo okuliphumelelisa hatshi ukulilimaza, amacebo okulinika ithemba kanye lesikhathi esizayo.

23 Ukusebenza nzima konke kuletha inzuzo,

kodwa ukuqina ngomlomo kuthelela ubuyanga.

17 Wathi kubo, "Wozani lingilandele, ngizalenza abagoli babantu." 18 Bahle batshiya omambule babo bamlandela.

2 UNkulunkulu wakhuluma ku-Israyeli ngombono ebusuku wathi, "Jakhobe! Jakhobe!"

Waphendula wathi, "Ngilapha."

11 Ingilosi kaNkulunkulu yathi kimi kulelophupho, ‘Jakhobe.’ Ngasabela ngathi, ‘Ngilapha.’

11 Kodwa ingilosi kaThixo yamemeza isezulwini yathi, "Abhrahama! Abhrahama!"

Waphendula wathi, "Ngilapha."

4 Kwathi uThixo ebona ukuthi usesondele ukuba ayekhangela, uNkulunkulu wasememeza ngelizwi elaliphuma kulesosixuku wathi, "Mosi! Mosi!"

UMosi wathi, "Ngilapha."

16 kodwa u-Eli wambiza wathi, "Samuyeli, ndodana yami."

USamuyeli wasabela wathi, "Ngilapha."

10 EDamaseko kwakulomfundi owayethiwa ngu-Ananiya. INkosi yambiza ngombono yathi, "Ananiya!"

Waphendula wathi, "Yebo, Nkosi."

38 UMariya waphendula wathi, "Ngiyincekukazi yeNkosi. Kakwenzeke kimi njengoba utshilo." Ingilosi yasisuka kuye.

6 Intaka ezinhlanu kazithengiswa ngendibilitshi ezimbili na? Kodwa kayikho lanye yazo uNkulunkulu ayilibalayo. 7 Ngempela, inwele zekhanda lakho zibaliwe. Lingesabi; lina liligugu ukwedlula intaka ezinengi.