10 Omiyo kik ibed maluor, nimar an kodi;

bende kik kibaji goyi, nimar an Nyasachi.

Abiro miyi teko kendo abiro konyi;

bende abiro siri gi bada ma korachwich mar loch."

2 Ka ikadho ei pige matut,

to anabed kodi;

kendo ka ungʼado aore

to ok giniteru.

Ka uwuotho e mach mager

to ok nowangʼu,

kata mana mach makakni ok nowangʼu.

4 Nikech in ngʼat makare kendo mogen e nyima

kendo nikech aheri,

abiro chiwo ji kar loi mondo aresigo

kendo abiro chiwo ji mamoko mondo ochungʼ e loi.

5 Kik ibed maluor, nimar an kodi;

abiro duogo nyithindi koa yo wuok chiengʼ,

kendo abiro choko nyithindi moa yo podho chiengʼ.

4 "Kik ibed maluor; nikech ok iniyud wichkuot.

Kik ibed gi luoro mar yudo wichkuot; nikech ok nojari.

Wiyi nowil gi wichkuot mane iyudo ka in nyako,

kendo ok inichak ipar chandruok mane ineno kane ibedo dhako ma chwore otho.

1 "Ne afwenyora ne joma ne ok openja,

bende ne oyuda gi joma ne ok omanya.

To ne oganda mane ok luong nyinga,

ne awachonegi ni, ‘Eri an, eri an.’

31 to joma oketo genogi kuom Jehova Nyasaye

tekregi nodwogi.

Gibiro huyo mana ka ongo mafuyo gi bwombe;

gibiro ringo to ok gibi bedo mool,

bende gibiro wuotho to tekregi ok norum.

8 Eka ne awinjo dwond Ruoth Nyasaye kapenjo niya, "Ere ngʼama abiro oro? Koso en ngʼa monego odhinwa?"

Kendo ne adwoko niya, "Eri antie, ora!"

9 Par kaka asechiki. Bed motegno kendo gi chir. Kik iluor kendo kik chunyi nyosre; nikech an Jehova Nyasaye ma Nyasachi abiro bedo kodi kamoro amora midhiye."

9 Par kaka asechiki. Bed motegno kendo gi chir. Kik iluor kendo kik chunyi nyosre; nikech an Jehova Nyasaye ma Nyasachi abiro bedo kodi kamoro amora midhiye."

16 Eka ji nodwoko niya, "Mad gima chal kamano kik timrenwa ka wajwangʼo Jehova Nyasaye, mondo watine nyiseche manono! 17 En Jehova Nyasaye ma Nyasachwa owuon mane ogolowa gi kwerewa e piny Misri, e piny mane wan wasumbini, kendo motimo ranyisi madongo-go ka waneno. Ne oritowa e wuodhwa duto kendo e kind ogendini duto mane wakalo eigi.

6 Beduru gi chir kendo motegno. Kik uluorgi kendo kik gimi chunyu nyosre, nimar Jehova Nyasaye ma Nyasachu biro dhi kodu; ok enoweu kata jwangʼou."

8 Jehova Nyasaye owuon biro dhi nyimu kendo nobed kodu, ok noweu kata jwangʼou. Kik ubed maluor, bende kik chuny nyosre."

31 Koro en angʼo ma wanyalo wacho kuom wachni? Ka Nyasaye en jakorwa, to en ngʼa ma diked kodwa mi lowa?

15 Nimar ne ok uyudo Roho mamiyo udoko wasumbini mamiyo ubedo maluor kendo, to ne uyudo Roho maketou ubedo nyithind Nyasaye, momiyo uywakne Nyasaye kuluonge niya, "Abba,* Wuora!"

2 Ngʼato ka ngʼato kuomwa nyaka tim gik mamoro nyawadgi, ka en gi paro maber mar gere.

5 Mad Nyasaye mamiyo ji kinda kendo ma jiwo ji, omi ubed gi chuny achiel e kindu uwegi, kendo kuluwo Kristo Yesu,

11 Agombo nenou ahinya mondo apognue mich moko mag chuny mondo ategugo, 12 tiende ni, mondo un kod an wajiwre ngʼato gi ngʼato e yie marwa, ka ajiwou to un bende ujiwa.

13 Anyalo timo gik moko duto kuom Kristo mamiya teko.

6 omiyo koro an gichir malongʼo ni Jal mane ochako tich maberno e chunyu biro dhi kode nyime nyaka chop orum e odiechieng Kristo Yesu.

17 Emomiyo ka ngʼato ni kuom Kristo to en chwech manyien; gik machon osekadho, neuru, gik manyien osechopo!

16 Emomiyo chunywa ok nyosre. Kata obedo ni ringrewa ma oko rumo kamano, to chunywa iloko manyien odiechiengʼ kodiechiengʼ.

17 Nikech chandruok mwayudo matindo kendo makadho piyo biro kelonwa duongʼ mosiko kendo moloyo chandruogego duto.

7 To mwandu mawan-goni watingʼo e agulni mag lowo, mondo oyangre ni teko maduongʼ mawan-goni oa kuom Nyasaye, to ok oa kuomwa wawegi. 8 Pile weche matek olworowa koni gi koni, to ok chunywa ool; wadhier nono, to ok wajogi; 9 isandowa, to ok jwangʼwa; idwaro negwa, to ok tiekwa. 10 Kinde duto wawuotho ka watingʼo tho mar Yesu e ringrewa, mondo eka ngima mar Yesu onere e ringrewa. 11 Wan ma wangima tho ochomowa kinde duto nikech wach Yesu, mondo omi ngima mar Yesu onere e ringrewa matho.

11 Kaka wangʼeyo gima luoro Ruoth en, wajiwo ji mondo gidwog ire. Wan to Nyasaye ongʼeyowa malongʼo, kendo ageno ni un bende ungʼeyowa malongʼo chuth e chunyu maiye. 12 Ok watem pwoyorenu, to wamiyou gima unyalo sungorugo kuomwa, mondo uyud gima unyalo dwokogo joma sungore nikech timbegi ma oko mineno, to ok nikech gima ni e chunygi. 13 Kapo ni mano nyalo miyo wachal joneko, to obedo kamano nikech Nyasaye; to ka pachwa ni kare, to en kamano nikech un. 14 Nikech hera mar Kristo chunowa mondo watim gik ma watimo, nikech wan gi ratiro ni ngʼato achiel notho ni ji duto; omiyo ji duto notho. 15 To notho ni ji duto mondo joma ngima koro kik bed mangima mana ni gin giwegi, to mondo gibed mangima ni Jal ma notho mochako ochier nikech gin.

16 Omiyo chakre sani koro ok wangʼe ngʼato e yo mapiny ngʼeyogo ji. Kata obedo ni kinde moko ne wangʼeyo Kristo e yo makamano, tinde ok watim kamano kendo. 17 Emomiyo ka ngʼato ni kuom Kristo to en chwech manyien; gik machon osekadho, neuru, gik manyien osechopo! 18 Magi duto oa kuom Nyasaye, mane ogolo sigu mane ni e kindwa kode kotimowa osiepene kuom Kristo, kendo omiyowa tich mar loko wasike osiepene: 19 tiende ni, Nyasaye notimo winjruok gi piny kuom Kristo, ka ok okwano richo ji e wigi. To wan ema osemiyowa wach manyiso ji kaka digibed e winjruok gi Nyasaye. 20 Kuom mano, wan e joote mag Kristo, kendo Nyasaye owuon ema wuoyo kodu kokalo kuomwa. Wakwayou ka wachungʼ kar Kristo, mondo uwinjru kod Nyasaye. 21 Nyasaye noketo Jal mane onge richo obedo richo mondo kuome wabed joma kare mag Nyasaye.

12 Nikech un gidwaro mar chiwo, to Nyasaye biro rwako chiwono kaluwore gi gik maun-go munyalo chiwo, to ok gik muongego.

3 Duongʼ obed ni Nyasaye ma Wuon Ruodhwa Yesu Kristo, kendo ma Wuon ngʼwono kendo Nyasach Loch duto, 4 en ema olochonwa e chandruok duto mamakowa, mondo wabed gi nyalo mar hoyo joma moko manie chandruok, ka wahoyogi gi hoch ma Nyasaye osehoyowago wan wawegi.

33 "Asenyisou gigi mondo uyud kwe moa kuoma. E pinyni ubiro neno chandruok, to beduru gi chir nikech aseloyo piny."

33 "Asenyisou gigi mondo uyud kwe moa kuoma. E pinyni ubiro neno chandruok, to beduru gi chir nikech aseloyo piny."

27 Aweyonu kwe; kwe mara ema amiyou. En kwe ma pinyni ok nyal miyou. Kik chunyu parre kendo kik ubed maluor.

27 Aweyonu kwe; kwe mara ema amiyou. En kwe ma pinyni ok nyal miyou. Kik chunyu parre kendo kik ubed maluor.

18 Luoro onge e hera; hera mar adier riembo luoro oko nikech luoro ema kelo kum. Ngʼat man-gi luoro pok ochopo e hera mar adier.

28 "Biuru ira, un duto mujony kendo motingʼore mapek, mondo amiu yweyo.

28 Kik uluor jogo manego ringruok to ok nyal nego chuny. To ngʼama onego uluor en Jal manyalo tieko chuny kaachiel gi ringruok e gehena.

22 Ket pek manie chunyi ne Jehova Nyasaye

to obiro riti;

ok obi weyo ngʼat makare podhi.

4 Kata ka obedo ni awuotho

e hoho mar tipo mar tho,

to ok analuor gimoro marach,

nimar in koda;

ludhi gi odungani

ema hoya.

4 Kata ka obedo ni awuotho

e hoho mar tipo mar tho,

to ok analuor gimoro marach,

nimar in koda;

ludhi gi odungani

ema hoya.

1 Jehova Nyasaye e lerna kendo e warruokna;

en ngʼa ma daluor?

Jehova Nyasaye e kama ngimana opondoe.

En ngʼa ma dibwoga?

14 Gen kuom Jehova Nyasaye;

bed motegno ka in gi chir,

kendo rit kuom Jehova Nyasaye.

24 Beduru motegno kendo jiwuru chunyu,

un duto mugeno kuom Jehova Nyasaye.

8 Abiro chiki kendo abiro puonji e yo monego ilu;

adier abiro ngʼadoni rieko kendo abiro rangi maber.

1 Nyasaye e kar pondowa kendo tekowa,

en e kar konyruok man kodwa seche duto.

2 Emomiyo ok wabi luor,

kata bed ni piny okethore kendo gode mukore e chuny nam,

3 Kata obedoni pige manie nam wuo kendo golo buoyo

kata obedo ni gode yiengni kendo dhwolore. Sela

3 Ka luoro omaka

to abiro geno kuomi.

4 Kuom Nyasaye ma apako wachne,

in Nyasaye ema aketo genona kuomi omiyo ok abi bedo maluor.

Dhano adhana to nyalo timona angʼo?

17 Mad ngʼwono mar Ruoth Nyasachwa obed kodwa;

yie igurnwa tich mar lwetwa,

ee gurnwa tich mar lwetwa.

1 Atingʼo wangʼa ka arango gode,

ere kuma konyruokna biro aye?

2 Konyruokna aa kuom Jehova Nyasaye,

Jachwech polo gi piny.

8 Asiko aketo Jehova Nyasaye e nyima ndalo duto.

Nikech ka entie e lweta korachwich,

to onge gima nyalo yienga.

9 Jehova Nyasaye en kar pondo ne joma idiyo,

en e kar pondo e kinde mag chandruok.

10 Joma ongʼeyo nyingi biro geno kuomi,

nikech in, yaye Jehova Nyasaye,

ne pok ijwangʼo joma manyi.

7 Keturu parruok duto ma un-go kuome nikech oparou.

6 Beduru mamor kuom wachni, kata obedo ni sani pod uneno sand mopogore opogore kuom kinde matin.

13 Ere ngʼama dihinyu ka uikoru mar timo gima ber? 14 To kata ka ochuno ni nyaka une sand kuom gima kare mutimo, to un joma ogwedhi. "Kik uluor gik ma giluoro, kendo kata bwok kik ubwogi."*

11 Kuom mano jiwreuru kendo gerreuru ngʼato gi ngʼato mana kaka utimono.

11 Kuom mano jiwreuru kendo gerreuru ngʼato gi ngʼato mana kaka utimono.

24 Ngʼato ka ngʼato mondo opar kaka dojiw nyawadgi omed bedo gihera kod timbe mabeyo. 25 Kik wawe mak wachokore kaachiel, kaka jomoko oseweyo timo, to wajiwreuru ngʼato gi ngʼato, kendo umed timo kamano to moloyo ka uneno ka Chiengʼ Ruoth medo sudo machiegni.

5 Kik ubed joma ohero pesa, to gik ma un-go mondo oromu, nikech Nyasaye wacho niya,

"Ok anaweu

kata jwangʼ ok anajwangʼu"*

6 Omiyo wanyalo wacho gi chir niya,

"Jehova Nyasaye e jakonyna omiyo ok analuor,

ere gima dhano ditimna?"*

58 Emomiyo, jowetena mageno, chunguru motegno. Kik uyie gimoro oyiengu. Chiwreuru chuth kinde duto ni tich Ruoth, nikech ungʼeyo ni tich mutiyo matek ne Ruoth ok obedo kayiem nono.

13 Beduru motangʼ, kendo chunguru motegno e yie maru, bende beduru jochir kendo motegno.

13 Beduru motangʼ, kendo chunguru motegno e yie maru, bende beduru jochir kendo motegno.

7 Nikech Nyasaye ne ok omiyowa chuny mar bedo ngoche, to nomiyowa chuny mar bedo gi teko, gihera kod ritruok.

20 Bangʼe Daudi nowachone Solomon niya, "Bed motegno kendo gichir kendo tim tijni. Kik ibed maluor kendo kik chunyi nyosre nikech Jehova Nyasaye ma Nyasacha nobed kodi. Ok enojwangʼi bende ok noweyi nyaka itiek tije mag hekalu mar Jehova Nyasaye."

17 Jehova Nyasaye ma Nyasachi ni kodi,

en gi teko mar reso ji.

Obiro bedo gi mor maduongʼ kuomi,

kendo obiro kweyo chunyi gi herane,

bende obiro wer ka omor gi ilo kuomi."

11 Nimar Jehova Nyasaye wacho niya, "Angʼeyo chenro ma an-go kodu. Chenro mar dhi maber to ok mar hinyou, chenro mar miyou geno kod ngima mabiro.

23 Tich matek duto kelo ohala,

to wuoyo awuoya maonge tim kelo dhier.

17 Yesu nowachonegi niya, "Biuru uluwa, mondo kar ywayo rech to aketu ubed joywa ji." 18 Gisano ne giweyo gogo mag-gi gisano mi giluwe.

2 Kendo Nyasaye nowuoyogi Israel e fweny gotieno kendo owachone niya, "Jakobo! Jakobo!"

Nodwoke niya, "Antie."

11 Malaika mar Nyasaye noluonga e lek ni, ‘Jakobo.’ Eka nadwoke ni, ‘An ka.’

11 To malaika mar Jehova Nyasaye noluonge gie polo niya, "Ibrahim! Ibrahim!"

Eka nodwoke niya, "Eri an ka."

4 Kane Jehova Nyasaye oneno kosudo machiegni mondo one ane, Nyasaye noluonge gi e dier bungu niya, "Musa! Musa!"

Eka Musa nodwoke niya, "An ka."

16 to Eli noluonge mowachone niya, "Samuel wuoda."

Samuel nodwoke niya, "Era ee."

10 Damaski kanyo ne nitie japuonjre moro miluongo ni Anania. Ruoth nowuoyo kode e fweny, kaluonge niya, "Anania!"

Nodwoko niya, "Antie, Ruoth."

38 Maria nodwoko niya, "An jatich Ruoth, onego timre kaka iwacho." Eka malaika noweye.

6 Oyundi abich donge ingʼiewo otonglo ariyo kende? To kata kamano kata achiel kuomgi wi Nyasaye ok wilgo. 7 Chutho, kata mana yie wiu duto osekwan mongʼe kar rombgi. Kik uluor, nikech uloyo oyundi nyadi mangʼeny.