6 Site’e ninga 'akala re sinyingara re ni nau’u. Awa ni mojongo re awa ni sawana ananga, sababu Ma JOU, Ma Jou’ongu Madutu ga’a ngini ni silamo’o re siḏubuso, Unanga gena-ge ḏuanga i’a 'o tagi mamete’e ra ngini. Unanga 'o sieanga i’a ngini ua mada’a 'O marimoi ra ngini ua.>>

8 Sababu Ma JOU, Unanga masiretene 'o tagi sisiḏa tani biono, re Unanga gena-ge ḏuanga i’a 'o tagi mamete’e ra ngana. Unanga 'o sieanga i’a ngana ua mada’a 'O marimoi ra ngana tau-taunu. Sababu gena-ge, mojongo awa bolo awa 'ani 'akala re sinyingara 'i kangela.>>

31 Mangale mo-moini ga’a Ma Jou’ongu Madutu 'a si’a’a gena-ge, ngene wo kanau 'oru?! Mode-mode’e Ma Jou’ongu Madutu ra ngene ino! Na’o so’o gena-ge 'a guna nga’unu 'o lawana ngene?! Tantu ḏua, matengo i’a mai ua!

15 Sababu Ma Ngagara 'Ofi-'Ofi ga’a Ma Jou’ongu Madutu 'a pula’a ra ngini, si’a’a ua ngini ni dadi ngowa’a budaka, singadolo ngini ni 'ahu mojongo ma hukumu ra Ma Jou’ongu Madutu. Siḏibo ḏi’i, Ma Ngagara 'Ofi-'Ofi 'i si’a’a ngini dadi Unanga 'ai ngowa-ngowa’a nau’u. Re sababu Ma Ngagara 'Ofi-'Ofi ma kuasa, ngene nga’unu wo 'aro’o Ma Jou’ongu Madutu, "Baba, ngene nanga Ḇaḇa."✝

2 Sidogo ḏi’i, ngene matengo re matengo balasu wo siḏagi 'oru ga’a sisanangi re siriono nanga ioronongoḏu ngo-ngaku rimoi, la ananga manga ngo-ngaku lebe te’e.

5 Ngoi to golo’o ra Ma Jou’ongu Madutu ga’a nu sibabata ninga 'akala re sinyingara re siriono ngene wo tahana toma susa re sangisara ma dara, di’a nu siriono ngini ni 'ahu ma’u 'aro’o la ino matengo re matengo sa’olo ngini ni mete’e Kristus Yesus,

11 Ngoi to nyanyaḏi masala di’a ma’u sanga ra ngini, la ngini ni sanga barakati toma Ngagara 'Ofi-'Ofi di’a site’e ngini ninga ngo-ngaku. 12 Ngoi 'ari maksudu mangale ngene ma’u babata nanga 'akala re sinyingara matengo re matengo, sababu nanga ngo-ngaku ra Yesus Kristus.

13 Kristus 'o pula’a kuasa ra ngoi, dadi ngoi rari de-de’e to talaḏi 'oru ḇato.

6 Ma Jou’ongu Madutu masiretene 'o mulaingi munara taninga sigolona. Re ngoi to ngaku mode-mode’e Ma Jou’ongu Madutu 'a siturusu munara la-la gena-ge singadolo siḏuanga toma wangere Kristus Yesus dadunu 'o sapolo moju.

17 Sababu gena-ge, na’o 'age rema ngowa’a ga’a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi.

16 Kalaha minga lese 'i dadi cira wange moi-wange moi, minga 'akala re sinyingara ma dara 'i dadi su-sungi wange moi-wange moi. Sababu gena-ge, ngomi minga 'akala re sinyingara 'i rapo’o ua.

17 Nange-ne ngomi basono sangisara mada’a gena-ge 'i ti’ara ua re ḏubuso woḏi ua. Ḏuanga i’a ngomi mi sanga ngogele lai lamo’o. Re na’o site-tero ngogele gena-ge reo sangisara ga’a mi basono, ngogele gena-ge ma pari cua re kama ḏo-ḏogumu ua.

7 Ngomi ma tero sa’olo giu’u tana’a ga’a ma ijana 'i cua, mada’a mi gasa harata soroga. Enanga so’o gena-ge, la ngowa-ngowa’a 'aḏi waro mangale kuasa ma pari cua, pa’i ra Ma Jou’ongu Madutu ḇato; ra ngomi ua. 8 Ngowa’a 'aḏi bitungu ngomi, mada’a mi palatu ua. Ngomi ma waro minga gogare riwara, mada’a minga 'akala re sinyingara 'i rapo’o ua. 9 Ngowa’a 'aḏi sikisa ngomi, mada’a Ma Jou’ongu Madutu 'o sieanga i’a ngomi ua. Soi rai o’o i’a ngomi mi sanga ca’olo singadolo mi ruba, mada’a mi sengene ua. 10 Wakutu ngomi mi tagi toma ngi’i le’a ḇato, ma waro 'age rema ngowa’a mau 'aḏi sisengene ngomi, ma tero sa’olo ngowa’a mau 'aḏi sisengene Yesus. Enanga so’o gena, la ngowa’a ya oḏi’i Yesus mode-mode’e 'o 'ahu taminga 'ahu ma dara. 11 Ngomi mi 'ahu-'ahu moju toma dungia nena-ne, ngowa’a 'aḏi sinati-nati tau-taunu mau sengene ngomi, sababu ngomi mi singadolo Habari Roanga mangale Yesus. Enanga so’o gena-ge, la ngowa’a ya oḏi’i Yesus mode-mode’e 'o 'ahu-'ahu taminga 'ahu ma dara.

11 Sababu gena-ge, ngomi mi silamo’o re mojongo nanga Jou Yesus sababu Unanga ḏuanga i’a 'O sijuruhakimi ngene. Dadi ngomi makutale mi baja ngowa-ngowa’a di’a 'aḏi ngaku Kristus. Ma Jou’ongu Madutu 'a waro ngomi minga 'akala re sinyingara ma dara re ngomi mi nganono ngini ḏi’i ni waro ngomi taninga 'akala re sinyingara ma dara. 12 Wakutu ngoi to kanau so’o gena-ge, ngomi mi matoro ua minga diri. Siḏibo ḏi’i, ngomi pa’i mi mau pula’a 'alasana rimoi ra ngini, la ngini nyengara ni sitoro mangale ngomi toma ngowa’a ga’a 'aḏi dawongo ngomi ua. Dadi ngini ni waro ma duhu sa’olo ngini balasu ni sangoro ngowa’a gena-ge ga’a pa’i matoro mangale manga 'ori i’a i’a ga’a nyengara maoḏi’i, mada’a manga 'akala re sinyingara ma dara 'i cira. 13 'Age mamuni’a ga’a 'aḏi ta’ajiri ngomi sa’olo ngowa’a pona. Gena-ge sababu ngomi mi munara reminga galasau’u, la mi sisanangi Ma Jou’ongu Madutu. 'Age mamuni’a ḏi’i 'aḏi ta’ajiri ngomi ma tero sa’olo ngowa’a 'akala romanga. Gena-ge sababu ngomi mi munara reminga galasau’u, la riono ngini. 14 Ngomi mi 'a’a so’o gena-ge sababu Kristus 'ai dadalara 'i sinyanyasele minga 'akala re sinyingara. Sababu ngomi mi ngaku mode-mode’e ga’a ngowa’a matengo 'O sengene di’a ngowa’a mo-moini. Sababu gena-ge, ma tero sa’olo ngowa’a mo-moini raḏi sengene. 15 Gena-ge ma ngale: Kristus ro sengene di’a 'o tuusu ngowa’a mo-moini, la ngowa’a 'aḏi 'ahu di’a pa’i 'aḏi sisanangi manga 'akala re sinyingara ḇato ua, mada’a di’a 'aḏi sisanangi Unanga 'ai 'akala re sinyingara. Unanga gena-ge ga’a Ro sengene, dadunu Ro 'ahu moju di’a ananga.

16 Sababu gena-ge, ngomi mi ta’ajiri riwara ngowa’a mete’e manusia manga fikirana. Kalaha, 'au nga’ene ngomi ḏi’i mi ta’ajiri Kristus, mete’e manusia manga fikirana. Mada’a 'orasa nange-ne, ngomi mi 'a’a so’o gena riwara. 17 Sababu gena-ge, na’o 'age rema ngowa’a ga’a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi. 18 Mo-moini gena-ge Ma Jou’ongu Madutu 'ai munara. Ma Jou’ongu Madutu 'o sirimoi ngene ra Unanga masiretene, sababu Kristus. Re Unanga 'o 'utusu ngomi di’a mi singadolo habari gena-ge toma ngowa-ngowa’a lelegu, la ananga nyengara 'aḏi sirimoi ra Ma Jou’ongu Madutu.

19 Gena-ge, ngomi ma singadolo habari mangale sababu Kristus 'ai se-sengene toma salib, Ma Jou’ongu Madutu nyengara 'o sirimoi manusia ra Unanga masiretene. Sababu gena-ge, Ma Jou’ongu Madutu 'o roimi riwara manusia manga ḏosa ga’a manusia raḏi 'a’a. Re Ma Jou’ongu Madutu ro pula’a tugasa ra ngomi di’a mi singadolo habari gena-ge.

20 Sababu gena-ge, ngomi remi dadi Kristus 'ai 'utusana. Enanga ma tero sa’olo Ma Jou’ongu Madutu masiretene 'o pake ngomi di’a siajele 'Ai demo-demo ra ngini. Dadi ngomi mi golo’o mode-mode’e ra ngini rea Kristus 'ai lomanga: Ni marimoi ra Ma Jou’ongu Madutu! 21 Kristus 'o 'a’a ḏosa ua, mada’a Ma Jou’ongu Madutu 'o 'a’a Unanga 'a doiti ngene nanga ḏosa. Ma Jou’ongu Madutu 'o 'a’a so’o gena, la ngene nyengara marimoi ra Unanga re kananga ḏosa ua ra Unanga 'ai momina.

12 Sababu na’o ngini ni pula’a reninga samangata mete’e ngini ninga dinga’unu, Ma Jou’ongu Madutu ḏuanga i’a 'a dawongo ninga bu-bula’a. Mada’a, Ma Jou’ongu Madutu 'o oḏu’u ngini ni pula’a pai-pai’i mete’e ua ngini ninga dinga’unu.

3 Puji re silamo’o Ma Jou’ongu Madutu ga’a nanga Jou Yesus Kristus 'ai Ḇaḇa. Unanga gena-ge nanga Ḇaḇa ḏi’i ga’a 'O sijumu 'Ai 'akala re sinyingara ma la-la tau-taunu ra ngene re Ma Jou’ongu Madutu ga’a 'O site’e nanga 'akala re sinyingara. 4 Toma 'orasa ngomi mi basono kangela 'oru ḇato, Unanga 'o site’e minga 'akala re sinyingara. Dadi sababu ngomi remi basono de-de’e gena-ge ra Ma Jou’ongu Madutu ino, ngomi nga’unu site’e ngowa’a lelegu manga 'akala re sinyingara toma 'orasa ananga basono kangela 'oru ḇato ḏi’i.

33 Mo-moini gena-ge Ngoi to siajele ra ngini, la ngini ni basono tala dame taninga 'akala re sinyingara ma dara, sababu ni marimoi ra Ngoi. Toma dungia nena-ne ngini sanga sangisara. Mada’a ni site’e ninga 'akala re sinyingara: Ngoi reta singiranga dungia nena-ne ma kuasa!"

33 Mo-moini gena-ge Ngoi to siajele ra ngini, la ngini ni basono tala dame taninga 'akala re sinyingara ma dara, sababu ni marimoi ra Ngoi. Toma dungia nena-ne ngini sanga sangisara. Mada’a ni site’e ninga 'akala re sinyingara: Ngoi reta singiranga dungia nena-ne ma kuasa!"

27 Ḏuanga i’a Ngoi 'Ari dame Ta sisoi’i tala ra ngini. Dame gena-ge ga’a Ngoi to pula’a ra ngini 'i ma tero ua reo ngowa-ngowa’a ga’a toma dungia nena-ne 'aḏi pula’a ra ngini. Awa ni mojongo re awa ninga 'akala re sinyingara 'i kangela.

27 Ḏuanga i’a Ngoi 'Ari dame Ta sisoi’i tala ra ngini. Dame gena-ge ga’a Ngoi to pula’a ra ngini 'i ma tero ua reo ngowa-ngowa’a ga’a toma dungia nena-ne 'aḏi pula’a ra ngini. Awa ni mojongo re awa ninga 'akala re sinyingara 'i kangela.

18 Ngowa’a ga’a mode-mode’e raḏi basono mangale Ma Jou’ongu Madutu 'o dadalara ananga, ananga gena-ge kamanga mojongo ceka’a i’a mai ua ra Unanga. Sababu 'Ai dadalara 'i ti-tiai ri singi-ngiranga manga mojongo tamanga 'akala re sinyingara ma dara. Dadi na’o ngowa’a 'aḏi 'ahu remanga mojongo moju mangale Ma Jou’ongu Madutu ḏuanga i’a ya’u sihukumu, ananga gena-ge 'aḏi basono mode-mode’e nyangu mangale Ma Jou’ongu Madutu 'o dadalara ananga.

28 Ino ni sapolo ra Ngoi, ngini ga’a ni sibasono tala ni momoro re ninga gina lai tubuso; Ngoi masiretene ḏuanga i’a tini sikare ngini.

28 Awa ni mojongo manusia. Sababu ananga pa’i 'aḏi sisengene ninga lese, mada’a manga kuasa 'i cua di’a sihukumu ngini toma naraka. Momongolo ua Ma Jou’ongu Madutu, Unanga rai kuasa, 'O sisengene ninga lese re 'O sihukumu ngini toma naraka. Sababu gena-ge, mojongo pa’i Ma Jou’ongu Madutu ḇato.

7 Sidoa’a ninga dodato mo-moini ra Ma Jou’ongu Madutu, Unanga gena-ge 'a sitotomo ninga 'ahu ma paralu sababu Unanga 'o kadiarata ngini.

6 Sababu ngo-nganono gena-ge, ngini ni maroanga masala. Kalaha nange-ne ngini ni basono 'akala re sinyingara kangela sababu ni sanga dola’aku re bo-baja fara muḏuo i’a, mada’a 'i ti’ara ua.

13 Na’o ngini ni 'a’a 'ori i’a ma la-la tau-taunu, matengo i’a mai ua 'o 'a’a 'ori i’a ma jira ra ngini. 14 Mada’a na’o ngini ni sanga sangisara sababu ni 'a’a 'ori i’a ma la-la, Ma Jou’ongu Madutu 'o sibarakati ngini. Ngini ni mojongo awa 'a guna ḇato re ni dodato awa 'oru ḇato.✝

11 Sababu gena-ge, ngini ni ma’u si’elingi re ni ma’u babata matengo re matengo ma tero sa’olo ngini na si’a’a ḏua 'au wali singadolo 'orasa nange-ne.

11 Sababu gena-ge, ngini ni ma’u si’elingi re ni ma’u babata matengo re matengo ma tero sa’olo ngini na si’a’a ḏua 'au wali singadolo 'orasa nange-ne.

24 Ino ngene ma’u sioḏi’i matengo re matengo, la ngene nga’unu wo ma’u babata di’a wo ma’u dadalara matengo re matengo re wo madaga’a 'ori i’a ma la-la. 25 Ino ngene wo malomu tau-taunu. Awa ngene ma tero sa’olo ngowa’a lelegu ga’a 'aḏi malomu riwara. Siḏibo ḏi’i, ngene balasu lebe cufala ma’u babata matengo re matengo di’a malomu, sababu ngene wo waro mangale ti’ara riwara Ma Jou ḏuanga i’a 'o sapolo moju.

5 Awa ngini ni dadi pipisi ma budaka. Siḏibo ḏi’i, ngini balasu basono sanangi reo 'oru ga’a 'age ra ngini ḏua. Sababu Ma Jou’ongu Madutu ro kanau so’o ne:

"Ngoi to sieanga i’a ngana ua,

Ngoi to sisoi’i tala ngana ua."✝

6 Sababu gena-ge, ngene wo kanau re wo ngaku mode-mode’e so’o ne:

"Ma Jou’ongu Madutu 'ari ri-riono,

dadi ngoi to mojongo ua

Sababu gena-ge 'oru ḇato ga’a manusia ya si’a’a ra ngoi?!"✝

58 Sababu gena-ge, ioronongoḏu ga’a ngoi tini dadalara, ngini ninga ngo-ngaku balasu lai te’e, la ninga ngo-ngaku kama elala awa. Ni munara ra Ma Jou kama togumu awa, reninga 'akala re sinyingara mode-mode’e. Sababu ngini ni waro mangale 'oru ga’a ngini ni munara di’a Ma Jou, tantu ḏua enanga 'i parasaja ua.

13 Ngini balasu ni ma’istiari re ni macako’o namo-namoto taninga ngo-ngaku. Ninga 'akala re sinyingara balasu lai nau’u re ni mate’e.

13 Ngini balasu ni ma’istiari re ni macako’o namo-namoto taninga ngo-ngaku. Ninga 'akala re sinyingara balasu lai nau’u re ni mate’e.

7 Mojongo awa na pake cocatu gena-ge. I’a sa’olo Ma Jou’ongu Madutu 'o pula’a Ma Ngagara 'Ofi-'Ofi ra ngene?! Dadi ngene wo mojongo?! So’o gena-ge ua! Unanga 'o pula’a Ma Ngagara 'Ofi-'Ofi gena-ge, la ngene wo dadi te’e tananga munara di’a Ma Jou’ongu Madutu re nanga 'akala re sinyingara 'i romanga reo dadalara re nga’unu wo manahana nanga nyafusu ma jira.

23 Toma makutale ma dara rema hasili,

mada’a ngowa’a pa’i demo-demo ḇato 'i sigasa kuranga re ngadolo ua.

17 Yesus 'o kanau ra ananga, "Ino mete’e Ngoi. Ngoi ḏuanga i’a to sidoto’o ngini ni lomu ngowa’a, la 'aḏi mete’e ngoi ma tero sa’olo nange-ne ngini ni lomu nyao’o." 18 Ananga jau-jau ya sisoi’i tala manga j̱ala, kara 'aḏi mete’e Unanga.

10 'Age toma limau Damsyik, matengo 'ai lomanga 'a Ananias, unanga ngowa’a ngaku Yesus. Tai tingoḏi’i ma dara Ma Jou 'o kanau ra unanga, "Ananias!"

Ananias 'o sangoro, "Ya, Ma Jou."*

38 Ḏua ngo Maria mo kanau, "Ngoi nena-ne ta Ma Jou’ongu Madutu ma tero sa’olo 'Ai budaka we-were’a; biara 'i dadi ḇato ra ngoi sa’olo ngana no siajele ḏua ra ngoi." Ḏua mala’ekata gena-ge 'i tagi 'i sisoi’i tala munanga.

6 Namo cuḇili romotoa ya wu’unu ma ijana reo pipisi seng ngai ḏiḏi. Kalaha so’o gena Ma Jou’ongu Madutu 'a sidaioranga ua. 7 Ninga utu taninga sae’e mai, Ma Jou’ongu Madutu 'a waro ma repe. Dadi awa ni dodato sababu ngini lebe la-lamo’o reo namo cuḇili ma repe!"