10 Manufudedabá, ladüga anahein buma;

manufudedabá au Bubungiutebei.

Rútina erei bun, íderagua numutibu,

ágüdaha numutibu lau núhabu le gagañeiradibei.

2 Danme básügürün dúnarugugiñe, búmabadina,

danme bánhiñuragun duna éibaaguati, mañaradagunbadibu;

danme básügürün lídangiñe watu gemeti; mágudunbadibu,

megemebei watu buagu.

4 Ladüga bínsiñe nun,

wéiriti bebegi ani hínsiñetibu nun.

Deregetina wügüriña hama néchanigu

lun numa ban luma lun nesefuruni bibagari.

5 Manufudedabá, ladüga anahein buma.

«Nagúaruba houn bánigu lídangiñe oubaü le ñéingiñe lubéi laboucha weyu

luma le ñeinhin lubéi lálüda lun nóundaraguniña».

4 Manufudedabá, manügünbadibu busiganu;

manabúnbadibu, úame kaba lan au babusigarida.

Babulieidubei lubusigaridüna biñüraü

ani maritagundigiaadibume luagu

lubusigaridüna berederun mámariga.

1 Lariñahare Bungiu:

«Ha buga mamuriahangiñabaña ni kata numa,

hagía ñǘbuinbaña numoun;

ha buga máluahanbalina, hagía adarirubalina,

houn gürigia ha máluahanbalina nariñaga: "Anahán ya".

31 gama lumoun ha hemenigibaña luagu Aburemei,

súnwandan hibihuba lan iseri erei,

gayaraabei háhamahan kei ágila;

gayaraabei héibaagun gama lumoun mabuchabei hawagu,

gayaraabei héibugun ani gaguraasunmémebaña.

8 Ábati naganbuni lariñagun lumalali Wabureme:

«Kaba san nóunaha?

Kaba ñüdün lau uganu?»

Aba nóunabun:

«Anahán, óunahabana».

9 Au ariñagubei bun lun báfaagun ani ganigi buguyame. Manufudedabá, meferidirunbeime buguraasun, ladüga au, le Bubungiute le Babureme, búmabadina ñein lumuti bidin.

9 Au ariñagubei bun lun báfaagun ani ganigi buguyame. Manufudedabá, meferidirunbeime buguraasun, ladüga au, le Bubungiute le Babureme, búmabadina ñein lumuti bidin.

16 Ábati hariñagun:

—Mígirundügü láamuga Wabureme lun weseriwidun houn amu búngiugu! 17 Wabureme asagarubaliwa hau sun wagüchagu Ehiptugiñe, ñein lubéi meha idamuni wamá. Ligía adügübei saragu buidu ligibugiñe wagu, ligía giñe óunigirubaliwa luagu üma dan le wásügürünbei lídangiñe saragu fulasu.

6 Ganigi humá ragǘ huguyame gurasu, manufudeda humá danme le hageindagun hama, lugundun anihein Wabureme le Hubungiute huma, ani mígirun lubadün hábugua.

8 Lídiba Bungiu guánarügü bubá bubá, ani búmabei; mígirun lubadibu bábugua; manufudedabá lubeiti.

31 Kábati wariñaga luagu burí katei le? Anhein luéigiñeñein lubéi wafulesein Bungiu, kábagia habafu wáganiñu wawagu?

15 Sífiri Sandu le heresibirubei, mama aban sífiri lánina idamuni lunya hanufudedun; Sífiri le heresibirubei, ligía le adügübalün lun lirahüñü humá Bungiu. Ligía gayara lubéi wagúaruni Bungiu Baba:

2 Kada aban wádangiñe, lunti lagundaaraguagüdüni gürigia líledi lau le buídubei lun gürigia ligía, luma lau le gayaraati laganwoundagüdüni lafiñen.

5 Bungiu le íchugubei gurasu luma dǘgüdaguaü, íderagualaün lun habagaridun lidan aban hama híbirigu, keisi ladügüni Hesukrístu.

11 Lugundun busentina narihinün lun nafanreinhan abinirúnimeme le líchugubei lani Bungiu Sífiri nun, lúntima héredun lidan hafiñen; 12 lun giñe wíchugun gurasu wóuniwagua lau afiñeni le wawagubei.

13 Sun katei gayara numuti lidan Kristu le íchugubei erei nun.

6 Chouru numuti luagu Bungiu lan le agumeserubei adügei lubuidun luadigimari hidan, lasigiramémeba lan adügei darime weyu le liábingüle Hesukrístu.

17 Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.

16 Ligía mábürühan lubéi warüna. Labu sun agumuchagueina liña lan wágubu murusun murusun; iseridagueina waña múnadagiñe wabiti sagü weyu.

17 Le wasufurirubei lidan ibagari le mahürüti ani fureseti lásügürün, gama lumoun uéiriguni le magumuchaditi lanügübei woun; wéiriti ani gíbetimati.

7 Gama lumoun lídanñein wágubu irisini ligía le ítarabei kei aban sóudieru lauti múa, lun larihíniwa luagu lúmagiñe lan Bungiu liabin óunwenbu ubafu le wawagubei. 8 Ítara, lau sun súfuri wamá sun luwuyeri lénrengunga, madaruti bena wawéi. Anihein dan, weiri lan wadiheri; gama lumoun máhüchürüntiwa. 9 Éibaahouatiwa, gama lumoun mígirun lumutiwa Bungiu houn, huchúatiwa, gama lumoun magünrinchagun hamutiwa. 10 Le ñein lumuti woudin, barǘ wamuti lounwen Kristu wawougua súnwandan, lun giñe larihíniwa libagari wádangiñe. 11 Wagía, sun awanha lan abagarida, yarafañu waña lun wounwen furumiñeguarügü weyu luéigiñe Hesusu, lun gayara lan larihíniwa libagari luagu wágubu le góunwedadibei.

11 Keiti subudi wabalin ka lan linebenwabei Bungiu, áfaaguatiwa lun wafiñeragüdüniña sun gürigia. Subudi laali Bungiu kátawa lan, ani agurabatina lun giñe subudi humani. 12 Mama wadimurehañaya buidu wawougua; wíchuguña aban chansi hun lun hasandiragun hungua gúndaañu wau, lun gayara lan hóunabuniña arufudahatiña haganagua ha apantahabaña luagu lubuidun harufudagun houngua bóugudi habiti, ani tidan hanigi mabuiduntiña. 13 Anhein lǘlühali lubéi wau, luagu lufulesein Bungiu, ánheinti málülün lubéi wau, luagu hufulesein. 14 Gumadi lumutiwa línsiñehabu Kristu, ladüga chouru wamuti hilá lan aban wawagu súngubei, hilaguatiwa lubeiti súngubei. 15 Hilati Kristu wawagu sun wagía, lun sun lan ha gabagaribaña, mámaali láamuga houn guánarügü habagarida, lun habagaridun lun le óunwebei hawagu, sará ligía lídangiñe óunweni. 16 Lúmagiñe lubeiti guentó lun lubaruaguóun, manügün wamaaña gürigia kei hanügüniña lirahüñü ubóu, según harihíniwa. Luagu meha aban dan, barǘ wamuti meha Kristu kei hanügüni lirahüñü ubóu; gama lumoun mítaranhaali guentó. 17 Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.

18 Adüga lumuti Bungiu sun katei le. Gáganiguatiwa meha luma Bungiu ladüga wafigoun, aba lóunahani Kristu lun lachibuni wafigoun, gayara láamuga warandarun luma. Ru lumuti wadagimanu ligía woun lun warandaragüdüniña sun gürigia luma. 19 Mabahüdün lumuti Bungiu hafigoun gürigia, ani busenti harandarun sun gürigia luma lídangiñe Hesukrístu. Ru lumuti wadagimanu ligía woun lun warandaragüdüniña sun gürigia luma. 20 Wayabiña lubeiti keisi wügüriña ha lóunahabaña Kristu, kéisigubeirügü hamuga layumuragun Bungiu guánarügü hun wádangiñe. Ayumuraguatiwa lubeiti hun luéigiñe lóubadina Kristu: Arandara humá luma Bungiu. 21 Madügünti Kristu ni aban figóu; gama lumoun ru lumuti Bungiu kei gafigounti wawagu, lun gayaraabei lan weresibiruni liricha Bungiu lídangiñe.

12 Lugundun anhein íchiga aban gürigia sun le liyaraati según le lúmabei, lau sun lugundan, gúndaati Bungiu lau, ani resibi lumuti le líchugubei gürigia ligia; mamuriahan lumuti Bungiu le úati hama gürigia.

3 Alawahoualá Bungiu, le Lúguchibei Wabureme Hesukrístu! Ligía Wáguchibei le gudemehabubei woun; ani aranseñu liña lun líchugun gurasu woun súnwandan. 4 Ruti giñe dǘgüdaguaü woun lidan sun wasufurirun, lun giñe gayara lan wafurendeirun ida luba lan gayara lan wíchugun dǘgüdaguaü houn amu ha asufurirubaña, lídanmeme luwuyeri igaburi le líchugubei woun.

33 Nariñagunbalin sun le hun, lun hadarirun darangilaü lidan hafiñerun nuagu. Hasufuriruba ubouagu, gama lumoun ganigi humá, gañei naali ubóu!

33 Nariñagunbalin sun le hun, lun hadarirun darangilaü lidan hafiñerun nuagu. Hasufuriruba ubouagu, gama lumoun ganigi humá, gañei naali ubóu!

27 «Nígiraali nidarangilaü hun, ru numuti darangilaü hun. Mítaranti níchuguni keisi le líchugubei ubóu. Madiherida humá, manufude huguyame.

27 «Nígiraali nidarangilaü hun, ru numuti darangilaü hun. Mítaranti níchuguni keisi le líchugubei ubóu. Madiherida humá, manufude huguyame.

18 Ñein lumuti ínsiñeni úati anufudei, bugá lumuti ínsiñeni tímatimaati anufudei, ladüga barüti anufudei abeichúni. Ligía, anhein hanufude lubéi aban gürigia, úagilirügü liña ínsiñeni le tímatimaati lidan.

28 Higougu numoun, sun huguya ha buchaañabaña uagu lárigi huádigimari luma lihürü hanügün, emeraaguagüda náamugaün.

28 Manufudeda humá hawéi ha gayaraabei háfaruni úgubu hilagubei ani siñati háfarunu uani; Bungiu le gayaraabei lasufuriragüdüni úgubu tuma uani máfiougati lun sun dan, ligía lunbei hanufudedun luéi.

22 Ígirabei bidiheri lun Aburemei,

ábame líderagunibu;

mígirunbei lun héiguadun gürigia

ha gaganbadibaña lun.

4 Íbini násügürün lídangiñe fulasu

le búrigatimabei le lánina óunweni,

manufudebadina ni ka uéi,

ladüga buguya, Nabureme, númañadibu;

góunigi bumutina lau buewen luma bubadun.

4 Íbini násügürün lídangiñe fulasu

le búrigatimabei le lánina óunweni,

manufudebadina ni ka uéi,

ladüga buguya, Nabureme, númañadibu;

góunigi bumutina lau buewen luma bubadun.

1 Nabureme Bungiu, nilanpunbei

ligía giñe nesefuragülebei,

kábagia uei nanufudeda?

Sefu lumuti Aburemei nibagari,

kaba uei nanufudeda?

14 Afiñebá luagu Aburemei!

Ganigibá, mábürühala barüna!

Afiñebá luagu Aburemei!

24 Sun huguya ha hemenigibaña luagu Aburemei

here humá gaguraasun huguyame.

8 Lariñahare Aburemei:

«Buágunñein narihin.

Narufudahaba bun;

níchuguba dimurei buíduti bun;

narufudubei üma le lunbei bafalaruni bun.

1 Bungiu waramudaguagülebei, ligía giñe wérebei;

ligía íderagubaliwa lidan nidiheri wamá.

2 Ligía manufudebadiwa lubéi íbini lagünrinchagun múa,

íbini labuluchun burí áraabu lidoun lilulin barana.

3 Manufudebadiwa

íbini ladürürühan barana, iñura ligía lugudi,

íbini ladadagarun burí áraabu lau ligañi.

3 Buagu nemenigida, lidan nanufude.

4 Hemenigitina luagu Bungiu alawahanei lererun:

Hemenigitina luagu Bungiu ani manufudetina.

Kábagia gayara hamá gürigia adüga nau?

17 Ñeinlá lareini Aburemei le Wabungiute wawagu.

Bungiu adügabá lun derebugu lan buadigimari wadan! Anha Bungiu, derebugugüdabei buadigimari wadan!

1 Dan le burí nerederagun aríaguei áraabu,

aba nálügüdagun nungua, nariñaga:

«Halíagiñeba san liabin níderawagun?»?

2 Lúmagiñeba Nabureme liabin níderawagun,

Aburemei le adügübalin sielu luma múa.

8 Súnwandan anihein lan Nabureme nigibugiñe,

lau Bungiu luéigiñe nóunwenren,

úabei éiguadagüdütina.

9 Góunigi lumutiña Aburemei ha gudemebaña;

góunigi lumutiña lidan lidere dan.

10 Aburemei,

ha subudihabúbaña bun, hemenigitiña buagu,

ladüga mágurun bumutiña ha áluahabalibu.

7 Madiheri humá luagu ni kata; ígira huméi sun katei lun Bungiu, lugundun lóunigiruñadün le tímatimaati.

6 Ligía lébubei buin hiña lan lau ugundani, lau sun lunti lan funa hasufurirun saragu óuchawaguni luagu murusun dan.

13 Kábagia gayara ladügün wuribati hun, anhaün íchaagua hungua lun hadügüni buiti súnwandan? 14 Gama lumoun fuleseiwatün anhaün asufurira ladüga surú lan hibagari. Manufudeda humá luéi ni aban, madiheri ligíame haritagun.

11 Ligía rúmeme humá lubéi gurasu luma erei húniwagua ítara kei hadügüni guentó.

11 Ligía rúmeme humá lubéi gurasu luma erei húniwagua ítara kei hadügüni guentó.

24 Lunti giñe wáfaagun wíderaguniña wíbirigu lun hínsiñehabu hamá, luma lun hadügüni le buídubei. 25 Wagía afiñetiña, moun lumuti wafalaruni hénpulu hani ha héchubaña lun midin hamá lidan wadamuridagun, lubaragiñe lira, ru wamá gurasu houn wíbirigu, guentotima lau ariha wamani luagu yarafaali lan luéyuri Wabureme Hesukrístu.

5 Míchiga huméi hínsiñehabu luagun seinsu; gunda humá lau le húmati, lugundun líchugubei Bungiu le hemegeirubei hun. Ariñagaali: «Nóunigirubadibu; mígirun nubadibu». 6 Gayaraati lubeiti wariñagun lau afiñeni:

«Nabureme Bungiu íderagubalina; manufudebadina.

Kábati gayara hamá gürigia adüga nau?»

58 Ligía lubeiti niduheñu hínsiñetiña nun, ítarameme humá deregüdagu lidan hafiñen, merederagunga ligía huádigimari súnwandan, gánwoungueinarügü lidan luadigimari Wabureme; lugundun subudi humuti luagu mama lan luagu ni kata hadügei wadagimanu le hadügübei lidan aban luma Wabureme Hesukrístu.

13 Agagudúañumeme humá, deregüdagu lidan hafiñen. Agaburida humá kei wügüriña ha awanserubaña lidan inarüni; here hugíame.

13 Agagudúañumeme humá, deregüdagu lidan hafiñen. Agaburida humá kei wügüriña ha awanserubaña lidan inarüni; here hugíame.

7 Ladüga míchugunti Bungiu aban Sífiri lánina anufudei woun, aban Sífiri lánina ubafu, ínsiñeni, luma ragüguaü unguaü líchugubei woun.

20 Ábati lariñagun Dawidi lun Salomón:

—Ganigibá deregüda buguyame, adügabéi wadagimanu! Mábürühala barüna manufude buguyame, lugundun búmabei Bungiu le Nubungiute! Mígirun lubadibu bábugua darí lagumuchun sun wadagimanu lun eseriwiduni le tani ténpulu.

17 Anihein Wabureme le Bubungiute buma;

gabafuti ani lesefurubadibu!

Gúndaabei Wabureme bau.

Líchuguba iseri ibagari bun lau línsiñehabu;

leremuhaba lau ugundani

11 Subudi numuti naransehan hubá, aransehani lun buiti mama lun wuribati hun, lun gayaraabei lan níchuguni dan le lunbei liabin buin lau emenigini hun. Au, le Aburemei ariñagubalin.

23 Sagawati katei buiti lídangiñe sun áfaaguni;

anhein lídangiñe saragu adimurehani, gudemei asagarúbei.

17 Aba lariñagun houn:

—Higougu, falá humana; ábame nadügün lun hadiahan gürigia nun.

18 Aba hígirunu hasenin furese furese, aba houdin luma.

2 Áriebu ligía, aba ladimurehan Bungiu luma Hakobu lidan aban uénedü, aba lagúarun lun lau liri le Hakobu. Lariñaga lun:

—Anahán ya.

11 Lidan uénedü ligía aba lagúarun lani Bungiu ánheli nun lau niri, nariñaga lun: «Anahán ya».

11 aba lagúarun lani Bungiu ánheli lun Abüraámü siélugiñe:

—Abüraámü! Abüraámü!

Aba lóunabun Abüraámü:

—Anahán ya, Nabureme.

4 Dan larihin Bungiu layarafadun Moisesi, lúntima larihini ka lan asuseredubei aba lagúarun lun lídangiñe búbugati:

—Moisesi! Moisesi!

Aba lóunabun Moisesi:

—Anahán ya.

16 gama lumoun aba lagúarun Elí lun, lariñaga lun:

—Samueli, niráü!

Lariñaga Samueli lun:

—Anahán.

10 Ñeinñein aban afiñeti luagu Hesukrístu ñein Damasüku gíriti Ananíasi, le unbei layawadagua Wabureme Hesusu; aba lariñagun lun:

—Ananíasi!

Aba lóunabun, lariñaga:

—Anaha ya Nabureme.

38 Ábati tariñagun María:

—Lidamun Nabureme Bungiu nuguya; adügaléi le bariñagubei nau.

Lárigiñe, aba lidin ánheli.

6 «Ma alugurúatiña seingü dunuru luagu bián gáwanaü? Lau sun lira, mabulieidunti Bungiu ni aban hádangiñe. 7 Ánheinti huguya, íbini ídiburi le hábulugubei abahüda laali Bungiu aban aban. Manufudeda humá lubeiti, gebegitün sügǘ hau saragu dunuru.