10 Nayi, ɛ nama gaxu

amasɔtɔ n na ɛ xɔn.

Ɛ nama kɔntɔfili,

amasɔtɔ ɛ Ala nan n na.

N na ɛ sɛnbɛn gboma ayi nɛn,

n yi ɛ mali,

n yi ti ɛ bun sɛnbɛn nun tinxinni.

2 Xa i danguma fɔxɔ igeni,

n luma nɛn i xɔn.

Xa i danguma baane yi,

i mi i maminɲɛ.

Xa i danguma tɛɛni,

a mi i ganɲɛ,

tɛɛ dɛgɛn mi i raxɔrɛ.

4 Bayo i yatɛxi n xɔn,

i binyaxi n yɛɛ ra yi,

n bata i xanu.

N bata muxune findi i ɲɔxɔn na,

n yi yamane fi i niin xunbaan na."

5 "I nama gaxu,

amasɔtɔ n luma nɛn i xɔn.

N fama nɛn i yixɛtɛne ra

sa keli sogeteden binni,

n yi sa e malan

keli sogegododen binni.

4 Ɛ nama gaxu,

amasɔtɔ ɛ mi yagin sɔtɔɛ.

Ɛ nama kɔntɔfili amasɔtɔ ɛ mi rayagima,

koni ɛ ɲinanma nɛn ɛ dii ɲɔrɛyaan yagin xɔn

ɛ mi fa ɛ mirima ɛ kaɲa gilɛyaan yagine ma sɔnɔn.

1 Naxanye mi yi n maxɔdinma,

n bata n yɛtɛ yita ne ra.

Naxanye mi yi n fenma, ne bata n to.

Yamaan naxan mi yi n maxandima n xinli,

n yi a fala ne xa, n naxa,

"N tan ni i ra! N tan ni i ra!"

31 Koni naxanye xaxili tixi Alatala ra,

ne mɔn sɛnbɛn sɔtɔma nɛn.

E tuganma nɛn alo singbinna,

e yi e gi, e mi xadan,

e lu sigan tiyɛ, e mi tagan.

8 Nayi, n yi Marigin xuiin mɛ maxɔdinna tiyɛ, a naxa, "N na nde rasigama? Nde sigɛ nxu xa?" N yi a yabi, n naxa, "N tan ni i ra, n nasiga."

9 I nama ɲinan n ma yamarin xɔn: I wɛkilɛ, i sɛnbɛ so! I nama kuisan, i nama gaxu, bayo i na siga dɛdɛ, Alatala i ya Ala luma i xɔn nɛn."

9 I nama ɲinan n ma yamarin xɔn: I wɛkilɛ, i sɛnbɛ so! I nama kuisan, i nama gaxu, bayo i na siga dɛdɛ, Alatala i ya Ala luma i xɔn nɛn."

16 Yamaan yi a yabi, e naxa, "Nxu mi nxu mɛ Alatala ra mumɛ, nxu yi ala gbɛtɛne batu! 17 Amasɔtɔ Alatala nan en ma Ala ra. A tan nan en naminixi Misiran yamanani konyiyani, en tan nun en benbane. A tan nan kabanako fe gbeene liga en yɛɛ xɔri, a yi en kantan en ma sigatiin birin yi, e nun siyane yɛ en yi danguma naxanye yamanaye yi.

6 Ɛ sɛnbɛ so, ɛ wɛkilɛ! Ɛ nama kuisan, ɛ nama gaxu e yɛɛ ra, bayo ɛ nun Alatala ɛ Ala nan sigama. A mi kelɛ i dɛxɔn mumɛ, a mi ɛ rabeɲinɲɛ fefe ma."

8 Alatala tima nɛn i yɛɛ ra, a lu i xɔn, a mi kelɛ i dɛxɔn, a mi i rabeɲinɲɛ fefe ma. I nama kuisan, i nama gaxu."

31 Nayi, en nanse falama na fe ra? Xa Ala en xɔn, nde fa kelɛ en xili ma nayi?

15 Amasɔtɔ ɛ Niin naxan sɔtɔxi, na mi ɛ findixi gaxun konyin na. Koni a bata ɛ findi Alaa diine ra. En xinla tima na nan baraka yi, en naxa, "Baba, n fafe!"

2 fɔ en xa en boden nafan feen nan naba, en yi fan e ra. Nanara, e sabatɛ dɛnkɛlɛyani.

5 Ala naxan tunnafanna nun limaniyaan fima, na xa ɛ mali, ɛ miriyane yi findi kedenna ra ɛ bode xa, ne yi lan Alaa Muxu Sugandixin Yesu kɛɲaan ma,

11 Amasɔtɔ ɛ to xɔnla n ma kati, alogo Alaa Nii Sariɲanxin bata naxan fi n ma, n yi na nde radangu ɛ ma, ɛ yi sɛnbɛn sɔtɔ 12 alogo en yi en bode ralimaniya en ma dɛnkɛlɛyani.

13 n nɔɛ feen birin ligɛ nɛn Yesu barakani naxan sɛnbɛn fima n ma.

6 N laxi a ra yati, Ala naxan wali faɲini ito fɔlɔxi ɛ tagi, a a rakamalima nɛn han a Muxu Sugandixin Yesu fa lɔxɔni.

17 Nayi, xa muxu yo Alaa Muxu Sugandixini, na kanna bata findi dali nɛnɛn na. A kɛɲa fonne bata dangu, a nɛnɛne bata fa!

16 Nanara, nxu mi tunnaxɔlɔma nxu ma. Hali nxu fati bɛndɛn to danguma, koni niin naxan nxu yi, na findima nɛn a nɛnɛn na lɔxɔ yo lɔxɔ.

17 Bayo, en tɔrɔdin naxan yi waxatidini ito bun ma dunuɲa yi, na mi gbo xa a sa habadan barayi gbeen ma, en naxan sɔtɔma e xɔn.

7 Koni en na nafulu kɛndɛn namaraxi bɛndɛ fɛɲɛne nan kui naxanye findixi en fati bɛndɛne ra, naxan a yitama a sɛnbɛ fisamantenni ito findixi Ala gbeen nan na, a mi kelixi en tan ma. 8 Nxu yigbɛtɛnxi kiin birin yi, koni nxu mi yilunburunxi! Nxu xaminxi koni nxu mi yigitɛgɛxi! 9 Nxu bɛsɛnxɔnyaxi, koni nxu mi rabeɲinxi! Nxu rabiraxi koni nxu mi halagixi! 10 Nxu Yesu a sayaan tɔrɔn tongoma nxu fatini waxatin birin, alogo Yesu a dunuɲa yi gidin fan xa makɛnɛn nxu fatin xɔn. 11 Hali nxu to nxu nii ra, nxu sayaan dɛ waxatin birin Yesu a fe ra, alogo a dunuɲa yi gidin xa makɛnɛn nxu fati bɛndɛn xɔn.

11 Nxu to Marigin yɛɛragaxun kolon, nanara, nxu kataxi, nxu xa muxune sɔtɔ. Ala nxu kolon ki faɲi. N ma miriyani, ɛ fan nxu kolon ɛ xaxinli. 12 Nxu mi kataxi nxu mɔn xa nxu yɛtɛ matɔxɔ ɛ xa. Koni nxu fɛrɛn nan fima ɛ ma, ɛ yi ɛ kanba nxɔ fe yi, alogo ɛ xa nɔ na muxune yabɛ naxanye e kanbama e tofanni benun e xa e kanba e bɔɲɛ yi feene yi. 13 Xa xaxilitaren nan nxu tan na, na Ala nan ma. Koni xa xaxilimaan nan nxu ra, na ɛ tan nan xa. 14 Amasɔtɔ Alaa Muxu Sugandixina xanuntenyaan nan nxu karahanma, nxu tan to laxi a ra fa fala a muxu keden peen nan faxaxi birin xa, nayi, birin bata faxa a tan yi. 15 A bata faxa muxun birin xa. Nanara, muxun naxanye e nii ra, ne mi fa e nii ra e yɛtɛ xa sɔnɔn, koni fɔ naxan faxaxi, a keli sayani e tan xa.

16 Nba, iki en mi fa muxu yo yatɛma adamadiyaan kiraan xɔn. Hali en to yi Alaa Muxu Sugandixin yatɛma na kiini nun, en mi fa na ligama. 17 Nayi, xa muxu yo Alaa Muxu Sugandixini, na kanna bata findi dali nɛnɛn na. A kɛɲa fonne bata dangu, a nɛnɛne bata fa! 18 Na birin kelixi Ala nan ma, naxan en nun a tan tagini tɔnxi a Muxu Sugandixin xɔn, a yi wanla so en yii a en fan xa a tan nun bonne tagini tɔn. 19 Bayo, Ala a yɛtɛɛn nun dunuɲa muxune tagini tɔnma a Muxu Sugandixin nan xɔn, a mi fa e sɔnna yatɛma. A mɔn bata na tagi tɔn fɛrɛn xibarun taxu nxu ra.

20 Nayi, Alaa Muxu Sugandixina xɛrane nan en na. Ala yɛtɛɛn nan muxune rawɛkilɛma en ma falan xɔn. En naxa, "Nxu bata ɛ mafan Alaa Muxu Sugandixin xinli, ɛ a lu ɛ nun Ala tagin xa yitɔn." 21 Naxan mi yulubi yo ligaxi, Ala en yulubin saxi na nan ma alogo Ala gbee tinxinna xa lu en yi Yesu barakani.

12 Amasɔtɔ xa ɛ ɲɛnigen fan, Ala ɛ kiseen yatɛma nɛn ɛ yii seene xasabin ma, seen naxan mi ɛ yii, na mi a ra.

3 En barikan bira en Marigi Yesu a Alaa Muxu Sugandixin Fafe Ala xa, en Fafe kininkininna kanna, Ala naxan muxune ralimaniyama. 4 A en nalimaniyama en ma tɔrɔne birin yi nɛn alogo en xa nɔ tɔrɔ muxune ralimaniyɛ na limaniyaan xɔn Ala naxan fixi en ma.

33 N feni itoe falaxi ɛ xa nɛn alogo ɛ xa bɔɲɛ xunbenla sɔtɔ n tan barakani. Ɛ tɔrɔma nɛn dunuɲani ito yi, koni ɛ wɛkilɛ! N tan bata dunuɲa nɔ."

33 N feni itoe falaxi ɛ xa nɛn alogo ɛ xa bɔɲɛ xunbenla sɔtɔ n tan barakani. Ɛ tɔrɔma nɛn dunuɲani ito yi, koni ɛ wɛkilɛ! N tan bata dunuɲa nɔ."

27 "N bata bɔɲɛ xunbenla lu ɛ yi. N bata n ma bɔɲɛ xunbenla fi ɛ ma. N mi a fixi ɛ ma alo dunuɲa kiin tima kii naxan yi. Ɛ bɔɲɛn nama tɔrɔ, ɛ nama gaxu.

27 "N bata bɔɲɛ xunbenla lu ɛ yi. N bata n ma bɔɲɛ xunbenla fi ɛ ma. N mi a fixi ɛ ma alo dunuɲa kiin tima kii naxan yi. Ɛ bɔɲɛn nama tɔrɔ, ɛ nama gaxu.

18 Gaxu mi xanuntenyani. Xanuntenya dɛfexin gaxun kedima nɛn, bayo muxun gaxuma a fe ɲaxin saranna nan yɛɛ ra. Nayi, naxan gaxuma, na mi kamalixi xanuntenyani.

28 "Ɛ tan naxanye birin xadanxi, goron binyene ɛ tan naxanye xun ma,* ɛ fa n ma, n xa matabun fi ɛ ma.

28 Muxun naxanye fati bɛndɛn faxama, koni e mi nɔɛ ɛ niin halagɛ, ɛ nama gaxu ne yɛɛ ra. Koni ɛ gaxu Ala yɛɛ ra naxan fati bɛndɛn nun niin halagima yahannama yi.

22 A fala xuiin ɲaxun fɛnɛn xa

koni maraɲaxuna a bɔɲɛni.

A fala xuine salaxun alo turena.

Koni e sɛgɛn tima

alo silanfan xɛnxɛna.

4 Hali n so sayaan tilinna dimin xɔrɛ ra,

n mi gaxuɛ sese yɛɛ ra

amasɔtɔ i tan Ala n xɔn ma.

I ya gbengbetenna n nakantanma

i ya dunganna n gbɛngbɛnma.

4 Hali n so sayaan tilinna dimin xɔrɛ ra,

n mi gaxuɛ sese yɛɛ ra

amasɔtɔ i tan Ala n xɔn ma.

I ya gbengbetenna n nakantanma

i ya dunganna n gbɛngbɛnma.

1 Dawuda gbeena.

Alatala nan n ma kɛnɛnna nun n ma kisin na.

N xa gaxu mundun yɛɛ ra?

Alatala nan n ma dunuɲa yi gidin

xun mayɛngɛ muxun na.

Nde n magaxuɛ?

14 I xaxili ti Alatala ra!

I sɛnbɛ so! I bɔɲɛn xa limaniya!

I xaxili ti Alatala ra!

24 Ɛ tan tɔgɔndiya muxune birin xa Alatala xanu!

Alatala dɛnkɛlɛya muxune ratangama nɛn,

koni a yandadene sare fima nɛn

alo a lan kiinde.

8 Nanara, n na ɛ xaranma kiraan ma

ɛ birɛ naxan fɔxɔ ra.

N na ɛ kawandima,

n yi n yengi sa ɛ xɔn.

1 Koraa diine Ala tantun sigina, bɛti baane kuntigin xa. Sungutunne xa a ba.

2 Ala nan en yigiyaan na

e nun en fangana.

A yitɔnxi mali ti feen na tɔrɔ waxatine birin yi.

3 Nanara, hali bɔxɔn xuruxurun,

geyane yi bira fɔxɔ ige tilinxine yi,

en mi gaxuɛ.

3 Fɛriɲɛn gbɛn n yaxune n yɛngɛma.

N yɛngɛfane bata wuya ayi,

e waso.

4 N na gaxu waxatin naxan yi,

n na n yigi sama i tan nan yi.

17 Marigina nxɔ Ala,

i ya fanna xa lu nxu xɔn.

Nxɔ wanle rasɔnɔya nxu xa,

yandi nxɔ wanle rasɔnɔya nxu xa.

1 Ala Batu Banxi yisiga bɛtina.

N bata n yɛɛ rate geyane ma,

n naxa, "N ma maliin kelima minɛn yi?"

2 N ma maliin kelima Alatala nan ma

naxan ariyanna nun dunuɲa daxi.

8 N xaxili Alatala xɔn ma waxatin birin,

bayo a n dɛxɔn ma,

sese mi n mamaxɛ.

9 A dunuɲa makitima tinxinni.

A sariya kɛndɛn sama yamane xa.

10 Muxu yigbɛtɛnxine faran makantanxin nan Alatala ra,

e luxundena tɔrɔ waxatine yi.

7 Ɛ ɛ xaminna feene birin lu a ma, amasɔtɔ a yengi ɛ xɔn.

6 Na ma, ɛ sɛwa, hali ɛ to tɔrɔxi ɛ bunba feen sifan birin yi waxatidini ito yi

13 Xa fe faɲin kunfana ɛ yi, nde nɔɛ fe ɲaxin ligɛ ɛ ra? 14 Koni hali ɛ tɔrɔ ɛ wali faɲine fe ra, sɛwan nan na ra ɛ xa. E gaxu naxan yɛɛ ra, ɛ nama gaxu na yɛɛ ra, ɛ nama kuisan.

11 Nayi, ɛ lu ɛ bode ralimaniyɛ, ɛ lu ɛ bode sɛnbɛ soɛ, alo ɛ a ligama kii naxan yi iki.

11 Nayi, ɛ lu ɛ bode ralimaniyɛ, ɛ lu ɛ bode sɛnbɛ soɛ, alo ɛ a ligama kii naxan yi iki.

24 En na en ɲɔxɔ lu en bode xɔn ma, en yi en bode rawɛkilɛ xanuntenyaan nun wali faɲi rabaan ma. 25 En nama en mɛ en ma malanne ra alo muxuna ndee darixi a ligɛ kii naxan yi. Koni en na en bode ralimaniya waxatin birin, alo en to Marigina lɔxɔn toon masoɛ.

5 Ɛ dunuɲa yi gidin nama findi gbeti xɔnxɔnna ra. Seen naxan ɛ yii, na xa ɛ wasa amasɔtɔ Ala bata a fala, a naxa, "N mi kelɛ i dɛxɔn mumɛ, n mi ɛ rabeɲinɲɛ fefe ma."* 6 Nayi, en xa xaxili ragidi fa fala,

"Marigin nan n mali muxun na,

n mi gaxun sese yɛɛ ra!

Adamadiin nɔɛ nanfe ligɛ n na?"*

58 Nanara, n nafan ngaxakedenne, ɛ sɔbɛ so ki faɲi! Ɛ nama yimaxa. Ɛ lu walɛ Marigin xa waxatin birin amasɔtɔ ɛ a kolon fa fala ɛ wanla naxan kɛma Marigin xa, fe fuu mi na ra mumɛ!

13 Ɛ lu ɛ yɛɛ ra yi, ɛ lu dɛnkɛlɛyani. Ɛ wɛkilɛ, ɛ sɛnbɛn sɔtɔ.

13 Ɛ lu ɛ yɛɛ ra yi, ɛ lu dɛnkɛlɛyani. Ɛ wɛkilɛ, ɛ sɛnbɛn sɔtɔ.

7 Amasɔtɔ Ala mi Nii gaxuxin xan fixi en ma koni a Nii Sariɲanxina naxan sɛnbɛn nun xanuntenyaan nun sɔn faɲin fima en ma.

20 A mɔn yi a fala Sulemani xa, a naxa, "N ma dii xɛmɛna, i wɛkilɛ, i sɛnbɛ so, i wanla kɛ. I nama kuisan, i nama gaxu! Amasɔtɔ Marigina Alatala, n ma Ala luma nɛn i xɔn. A mi i rabeɲinɲɛ mumɛ! A i malima nɛn han i yelin wanli ito birin nakamalɛ Alatala Batu Banxina fe yi.

17 Alatala, ɛ Ala ɛ xɔn,

naxan ɛ rakisima a sɛnbɛ gbeeni.

A sɛwama nɛn ɛ fe ra han!

A i madɛndɛnma nɛn a xanuntenyani,

a sɔnxɔ sɛwani ɛ fe ra.

11 Bayo n na a kolon n feen naxanye yitɔnxi ɛ xa. N bɔɲɛ xunbenla nan yitɔnxi ɛ xa, tɔrɔyaan mi a ra, alogo n xa yigin lu ɛ ma waxati famatɔne yi." Alatalaa falan nan na ra.

23 Tɔnɔn wali xɔdɛxɛ birin yi

koni falan gbansanna fama yiigelitɔyaan nan na.

17 Yesu yi a fala e xa, a naxa, "Ɛ bira n fɔxɔ ra. N xa ɛ findi muxu fenne ra Ala xa alo ɛ yɛxɛn suxuma kii naxan yi." 18 E yi e yalane bira mafurɛn! E bira a fɔxɔ ra.

2 Isirayila yi fe toon ti kɔɛɛn na alo xiyena, Ala yi a fala a xa, a naxa, "Yaxuba, Yaxuba!" Isirayila yi a ratin, a naxa, "N tan ni i ra!"

11 N ma xiyeni, Ala a malekan yi n xili, a naxa, ‘Yaxuba.’ N yi a ratin, n naxa, ‘N tan ni i ra.’

11 koni Alatalaa malekan yi a xili kore, a naxa, "Iburahima hɛ, Iburahima hɛ!" Iburahima yi a ratin, a naxa, "N tan ni i ra."

4 Alatala to a to, a a sigama a yigbɛdeni, Ala yi a xili fɔtɔnni, a naxa, "Musa! Musa!" Musa yi a ratin, a naxa, "N tan ni i ra!"

16 Koni Heli yi Samuyɛli xili, a naxa, "Samuyɛli, n ma diina." A yi a ratin, a naxa, "N tan ni i ra."

10 Nba, Yesu fɔxɔrabirana nde yi Damasi taani nun, a xili Ananiyasi. Marigin yi falan ti na xa fe tooni alo xiyena, a naxa, "Ananiyasi." Ananiyasi yi a yabi, a naxa, "Marigina, n tan ni i ra."

38 Mariyama naxa, "Marigina walikɛɛn nan n tan na, Ala xa na liga n xa alo i bata a fala kii naxan yi." Malekan yi keli a fɛma.

6 "Xɔlidi suulun mi sarɛ gbanan firin na ba? Koni hali na keden, Ala mi ɲinanɲɛ a xɔn ma. 7 Hali ɛ xun sɛxɛn keden kedenne, Ala e xasabin birin kolon. Nanara, ɛ nama gaxu, ɛ dangu xɔlidi wuyaxin na!"