7 ensinamentos de Jesus para uma vida plena

37 Bóngo Yesusé nécegé i faje, "Mewé mare fmésié Jou Lahatala re férimé ta po nimi diri wlólo né, sababta I ro ta mewé nimi Jou I. Bo fmésié I né, mare nimi mésié né lebe pélóy po férimé ta fmésié si né, re farimé ta po wlomi wlólo né maduga ffapélóy be Jou Lahatala le. 38 Po farimé dodoto ta Jou nané ité tdéréré né, mare tfatubé ta néi. 39 Mayta reni esó nóté ta re bo nfamgo re ta néi, ni glio né faje, ‘Mewé ma mare fmésié kyaté né ta dolo fmésié menimi diri né nóté.’

Masike kyaté rcól po it ni fanuén fis néli, mare rir fié si le

21 Rewóré ta néi, Petrusé nfano Yesusé se nutné I, "Guru, iga nik dél faisó npe sélsól po ya ni, bo kfayfio kdé i né sogado fanuén fisé? Sogado nuén fit ó?"

22 Bóngo Yesusé ncónglo i, "Tisé! Ya kécego awé, awé mare mfayfio mdé i né fanuén fité le pa, mayta fanuén yóféfit re nuén fité*.

44 Mayta Ya bo kécego mewé, mewé mare fmasié kyaté-kyat ta riri lé mewé, re ta rfakangelangé mewé né, féroré bo Jou npo si be ta fié le.

Ma fpe dolo hakimé mew na

1 Yesusé nécegé nóté, "Ndél pa bo ffasólo kyaté, bo Jou Lahatala ma nfasólo mew pa.*

33 Se ta fié né, féyówé be Jou Lahatala óro bo nkawasa dolo Kolano I po nimi hidupé wlólo, re fpe be ta métegél po I ni. Iga fpe fajé, sói le ta mewé fperlu né, nase ndo mewé ndimé.

12 Sababta, kyat pai ta nfamógé wlo njé, Jou Lahatala nase ntebo i se tadolo kyat ta reni ngale gélesó pa né. Mayta pai ta nfamya wlo njé, Jou nase nélóngé i se ndadi kyat ta pélóy i."