1 Ansa a Sulemanu kolobo ka Dawuda mogono mi Isaraila.

2 Na ɗa ansa a na a̱ kuɓa̱nka̱ wu,

vu yeve cicoꞋo n odoki a singai,

ka̱ta̱ e yeve kudansa i na yi usokongi

3 adama a na a̱ ciya̱,

kuyotsongusu ku cicoꞋo,

n usuɓi, n afada a mayun,

n ili i na yi mayin,

4 a zuwa vuza vu unambi u kuyeve,

wo okpo n kuyeve,

o yotsongusu a̱ɗa̱nga̱ni tsu na

a kuyaꞋan kusheshe ku singai.

5 YaꞋan vuza vu cicoꞋo u pana ka̱ta̱ u doku ciya̱ kuyeve,

vuza vu uyevi kpamu

u ciya̱ uɓa̱nki

6 adama a na e yeve i na ansa i a kadanshi,

kadanshi ka aza o cicoꞋo n iteꞋe i le.

7 Wovon u Vuzavaguɗu u ɗaɗa ugiti u kuyeve,

ama kalau ka goyo ta̱ cicoꞋo n odoki.

5 Cigai Vuzavaguɗu Ka̱shile ka̱ ɗa̱ n a̱ɗu a̱ ɗa̱, n wuma u ɗa̱ ra̱ka̱, koɓolo n utsura u ɗa̱ dem.✝ 6 Ka̱ta̱ wila̱ u nampa u na n nekei ɗa̱ anana wo okpo a̱ a̱ɗu a̱ ɗa̱. 7 Ka̱ta̱ i piꞋisaka muku n ɗa̱ u ɗa ayin tutu, ka̱ta̱ i yaꞋansa kadanshi ku ɗa a ayin dem, ana yi ida̱shi a iꞋuwa i ɗa̱, n ayin a na yi a nwalu, n ayin a na i vaki, n ayin a na i ɗa̱nga̱i.

8 Pana, Maku ma̱va̱, pana kadanshi ke esheku a̱ nu,

kpamu ka̱ta̱ vu ka̱sukpa̱ odoki a̱na̱ku a̱ nu ba,

9 adama a na kuyotsongu ku le

ki ta̱ o ku doku wu tsugbayin,

ka̱ta̱ okpo ili kuɗeku i singai a kuɗeku ku nu.

20 Maku ma̱va̱, ɓa̱na̱ odoki a Dada nu

ka̱ta̱ kpamu vu ka̱sukpa̱ ku yotsongusu ka̱ a̱na̱vu ba.

21 Shiya le a̱ ka̱ɗu ka̱nu ayin dem,

shiya le e kuɗeku kunu.

22 Ayin ana baci vu walai, i ta̱ a kutono n avu,

ayin ana baci vu vaki, i ta̱ a ku inda wu,

ayin ana baci vu ɗa̱nga̱i, i ta̱ a kuyaꞋan kadanshi n avu.

23 Adama ana odoki a nampa ma̱kuni maꞋa,

kuyotsongusu ku nampa kpamu kutashi ku ɗa,

udansuki n ugbari kpamu

uye u wuma u ɗa,

5 La̱nsa̱ cicoꞋo, la̱nsa̱ kuyeve,

ka̱ta̱ vu cinukpa ko vu iwan kaꞋa,

6 Ka̱ta̱ vu ka̱sukpa̱ cicoꞋo ba, ci ta̱ tana e ku ere wu,

ciga tsu ɗa, tsu ɗa ci ta̱ tana feu a kula̱na̱ wu.

7 Ugiti u cicoꞋo u ɗanna, ciya̱ cicoꞋo, n ili i na vu ciya̱i dem,

ciya̱ ku yeve.

8 Ciga tsu ɗa, ci ta̱ a kuneke wu tsugbayin.

oɓongu tsu ɗa, ci ta̱ tana kpamu a kuneke wu tsugbayin.

13 Reme odoki a nanlo a n utsura, ka̱ta̱ vu ka̱sukpa̱ a ɗa ba,

reme a ɗa mayin, adama ana wuma uɗa wa̱ nu.

14 Ka̱ta̱ vu uwa a uye wa aza gbani-gbani ba,

ka̱ta̱ kpamu vu yaꞋan nwalu a uye wa aza a na a kuyaꞋan gbani-gbani ba.

23 Ere ka̱ɗu ka̱ nu n utsura u nu ra̱ka̱,

adama ana a̱ ka̱tsa̱ma̱ ka̱ ni ka wuma u tsu uta̱ tsu mini.

24 Vu ka̱sukpa̱ kadanshi ka a uwa,

ka̱ta̱ kpamu vu yaꞋan daꞋin n kadanshi ku una̱ ure, ure.

25 Ka̱sukpa̱ a̱shi a̱ nu a inda magaba mayin,

a ukuna u kadanshi ka̱ nu mayun ɗa.

26 Vu yeve ana vu yeve ta̱ ili i na vi a kuyaꞋan,

ili i na vi a kuyaꞋan ra̱ka̱ kpamu yi ta̱ o ku okpo mayin.

27 Ka̱ta̱ vu katsukpa usingai ko u gula̱ ba,

takpa kune ku nu a uye u ka gbani-gbani.

14 Kuyotsongu ku vuza vu ugboji, kuɗolu ku mini ma wuma ma a,

vuza na utsu bonoko vuma a ubuta̱ u maza mu ukpa̱.

10 Wovon u Ka̱shile u ɗa u giti ugboji,

kpamu kuyeve ku Vuza ciɗa nanlo ɗaɗa kuyeve.

1 Uma a̱ va̱, zuwai atsuvu,

i pana kuyotsongusu ku va̱,

zuwakai n ili i na mi a kudansa.

2 Mi ta̱ a kuyaꞋan kadanshi n asan,

n tonuko ɗa̱ ili i na yi usokongi ayin a cau,

3 Ili i na tsu panai ɗa kpamu tsu yevei,

ili i na ikaya i tsu i danai tsu.

4 Ci o kusokongu ku muku n le i ɗa ba,

ama ci ta̱ a kudana tsukaya tsu na tsa̱ kuta̱wa̱,

Tsugbayin tsu Vuzavaguɗu n ulinga u gbagbaꞋin u ni,

n ili i mereve i na u yaꞋansai.

10 Ana aza a na i ushan u Jesuwa ra̱ka̱ a̱ kuwa̱i, ɗa kumaci ku yoku ku na ku yevei Vuzavaguɗu ko ulinga u na u yaꞋankai aza a Isaraila ba ku ɗa̱nga̱i.