Ensinar

16,17 S’oossaa Mas’aafaa ubbaan S’oossaa Ayyaanay de’ee. K’ay he mas’aafatuu S’oossaw ootsiyaa Asay kumentsanne lo"o oosuwaa ubbaw giigeeddawaa gidana mala, tumatetsaa tamaarissanaw, balaa seeranaw, bayizzuwaa suurissanawunne s’illotetsaa de’oo zoriyaa immanaw maaddiino.

Laa"u Mala Gollatuwaa

24 «Hewaa diraw, hawaa ta k’aalaa sisiide ootsiyaa ubbay mino zaallaa bolla bare golliyaa kees’s’eedda wozanaama asaa mala.

16 Kiristtoosa k’aalay hinttenttu wozanaan kumiide de’o; hinttenttoo de’iyaa aad’d’eedda eratetsaa ubbaan ittuu ittuwaa tamaarissitenne zorite; hinttenttu wozanaan S’oossaa galatiidde, woosaanne mazimuriyaa, S’oossaa suntsaa d’ok’k’u ootsiyaa yetsaa yes’s’ite.✝

4 S’oossaa Mas’aafay nuw immiyaa genc’c’aaninne minotaan nuuni demmana giide nashechchaan naagi utteeddawe de’ana mala, S’oossaa Mas’aafan s’aafetteedda ubbabay nuuna tamaarissanaw s’aafetteedda.

Leemisatwaa Wooti Go"etanentto

1 Hawanttu Israa’eeliyaa Kaatiyaa Daawita na’aa Solomona leemisatwaa.✝ 2 Leemisatuu Asay aad’d’eedda eratetsaa, seeraanne era haasayaa akeekanaw maaddiino. 3 Unttunttu aad’d’eeda eratetsan, de’ana de’uwaa, s’illotetsaa, suure pirddaanne suuretetsaa tamaarissiyaawantta, 4 boozatoo akeeka, wodallatoo eratetsaanne wozanaamatetsaa immiyaawantta. 5 Aad’d’eeda eranchchatuu ha leemisatwaa sisiide, eraa gujjiino; akeekanchcha asatuukka lo"o zoriyaa akkiino. 6 Hewaadan leemisatwaanne unttunttu biletsaa, aad’d’eeda eranchchatuwaa haasayaanne unttunttu k’an"ishetuwaa akeekanaw danddayettee.

7 Aad’d’eeda eratetsaw doometsay Med’inaa Godaw yayyiyaawaa; shin boozatuu aad’d’eeda eratetsaanne seeraa kad’iino.✝

5 Neeni Med’inaa Godaa ne S’oossaa ne kumentsaa wozanaappe, ne kumentsaa shemppuwaappenne ne kumentsaa wolk’k’aappe siik’a.✝ 6 Hachche taani neena azaziyaa ha azazotuwaa ne wozanaan wotsa.✝ 7 Ha azazatuwaa neeni ne naanatuwaa tamaarissa; neeni ne son uttiyaa wode, ogiyaan hamettiyaa wode, gisiyaa wodenne denddiyaa wodekka unttuntta hassaya.

Aad’d’eedda Eratetsaa Koyanaadan Imetteedda Zoriyaa

8 Ta na’aw, ne aabu zoriyaa sisa; ne daaya tamaarissiyaawaakka dogoppa. 9 Hewe ne huup’iyaw bonchcho kallachchaa; ne k’ood’iyawukka habiliyaa gidanawaa.

Woshumiyaa Asay Murettenan Attena

20 Ta na’aw, ne aabbu azazuwaa pola; ne aata neena tamaarisseeddawaakka aggoppa; 21 unttuntta ubbaa gede ne wozanaan oyk’k’a; ne k’ood’iyankka k’achcha. 22 Neeni hamettiyaa wode, unttunttu neena kaaletsana; neeni gisiyaa wode, unttunttu neena naagana; neeni beegottiyaa wodekka, unttunttu neena zorana. 23 Ayaw gooppe, ha azazotuu s’omppiyaa; timirttetuukka poo’uwaa; k’ay seeraykka de’uwaakko afiyaa ogiyaa.

5 Aad’d’eeda eratetsaanne akeekaa demma; taani new odeeddawaa dogoppa; ta k’aalaappe kesoppa. 6 Aad’d’eeda eratetsaw zokkiyaa zaaroppa; ayaw gooppe, I neena ashshana; Aa siik’a; I neena naagana. 7 Aad’d’eeda eratetsay ubbaappe aad’d’iyaa diraw, aad’d’eeda eratetsaa demma. Akeekay ne de’iyaawaa ubbaa wurssi akkooppekka Aa demma. 8 Neeni Aa bonchcha; ikka neena d’ok’k’u d’ok’k’u ootsana; neeni Aa oyk’k’ooppe, I neena bonchchana.

13 Tamaareeddawaa hassaya, yeddoppa; timirttii new de’uwaa gideedda diraw, loytsa naaga. 14 Nagaranchchatuwaa ogiyaa yed’d’oppa; iita asatuwaa ogiyaankka hamettoppa;

23 Ubbabaappekka ne wozanaa minisaade naaga; ayaw gooppe, de’uu aappe pulttee. 24 Ne doonaappe gene haasayaa digga; worddo haasayaa ne doonaappe digga. 25 Sitti gaade sintsaw s’eella; ne ayifii ne sintsan de’iyaawaa tishshi ootsiide s’eello. 26 Ne gediyaw hamettiyaa ogiyaa suurissa; suure ogiyaa s’alalan hametta.✝ 27 Suure ogiyaappe ushechcha haddirssa gooppa; ne gedii iitasaa beennaadan naaga.

14 Aad’d’eeda eranchchay immiyaa timirttii de’uwaa pultto; hewe Asay hayk’k’uwaa p’iriyaappe kessi akkanaw maaddee.

10 Aad’d’eeda eratetsaw doometsay Med’inaa Godaw yayyiyaawaa; Geeshsha S’oossaa eriyaawe akeekiyaawaa.✝

S’oossaanne Aa Asaa

1 Ta asaw, taani hinttena tamaarissiyaawaa sisite;

ta doonaappe kesiyaa k’aalaa hayzzite.

2 Taani unttunttoo haasayiyaa wode,

leemisuwaan haasayay;✝

beniideppe geemmeedda yewotuwaa k’onc’c’issana.

3 Nuuni siseeddanne ereedda yewotuwaa,

k’ay nu aawotuu nuw odeedda yewotuwaa haasayana.

4 He yewotuwaa nuuni unttunttu naanatuwaappe k’osokko;

Med’inaa Godaw bessiyaa galataa,

Aa wolk’k’aanne malalissiyaa Aa oosuwaa,

yiyaa yeletawukka nuuni odana.

10 He yeletaa ubbay hayk’k’i bare mayzzan gakketteeddawaappe guyyiyaan, Med’inaa Godaa woy Israa’eeliyaa asaw I ootseeddawaa ubbaa erenna hara yeletay denddeedda.

17 Loytsi heemmiyaa c’imatuu, k’ay ubbaappe aatsiide, k’aalaa odiyaawaaninne tamaarissiyaawaan daaburiyaawanttu, dakko bonchchuwaa akkanaw bessiino. 18 Ayaw gooppe, S’oossaa Mas’aafay, «Uddumaan katsaa yed’d’iyaa booraa doonaa k’achchoppa» k’ay, «Oosanchchay bare dirgguwaa akkanaw bessee» yaagee.✝

16 Shin ha sa’aw injjetiyaa maaddenna haasayaappe neena naaga. Ayaw gooppe, hewe S’oossaappe asaa haassee. 17 K’ay unttunttu tamaarissiyaawe bollaa c’ittuwaadan ubbasaa gakkanaassa. He tamaarissiyaawanttuppe laa"atuu Hemeneyoosanne Piliis’oosa.

9 Kiristtoosa timirttiyaappe haakkiyaa urawunne k’ay Aa timirttiyaan de’enna uraw S’oossaanna ittippetetsay baawa. Kiristtoosa timirttiyaan de’iyaa uraw S’oossaa Aawuwaananne Aa Na’aanna ittippetetsay de’ee.

14 Baalaa bonchchiyaa gallassaa baggan, Yesuusi Geeshsha Golliyaa biide, tamaarissuwaa doommeedda. 15 Ayihudatuu maalalettiide, «Ha bitanii ayinne tamaarennaan hawaa keena waan ereeddee?» yaageeddino.

16 Hewaa diraw, Yesuusi zaariide, «Taana tamaarissiyaawe taana kiitteedda S’oossaa matappe yiyaawaappe attin, tawaa gidenna. 17 S’oossaa sheniyaa ootsanaw dosiyaa ooninne ha taani tamaarissiyaawe S’oossaa matappe yintto woy k’ay taani taappe haasayayitantto erana. 18 Barewaa haasayiyaa uray bare huup’iyaw bonchchuwaa koyyee; shin barena kiitteeddawe bonchchettana mala koyyiyaa uray tumanchchaa; aan worddobay baawa.