Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Sa, so hin pisimen andre le Devleskro lav, avel andral le Devleskro muj a hino lačho pre oda, hoj le manušes te sikavel, te dovakerel leske andro dživipen, te karhinel les a te bararel les avri andro spravodľišagos, hoj o manuš le Devleskro te avel pripravimen the vizbrojimen pre dojekh lačhi buči.
Pal o duj khera
„Vašoda sako, ko šunel kala mire lava a doľikerel len, hino sar oda goďaver manuš, savo ačhaďa peskro kher pre skala.
O lav le Kristoskro mi el barvales andre tumende. Andre savoro goďaveripen sikaven jekh avres a dovakeren tumenge. A paľikeribnaha andro jile giľaven le Devleske o žalmi, o chvali the o duchovna giľa.
Se savoro, so sas varekana pisimen, sas pisimen prekal amende, hoj te sikľuvas, te ľikeras avri, te radisaľuvas a avke amen te avel naďej.
Pre soste hin o goďaver lava
O goďaver lava le Šalamunoskre, le Davidoskre čhaskre, le Izraeloskre kraľiskre.
Kala prislovja tuke pomožinena
te prindžarel o goďaveripen,
bararena tut avri,
dena tuke te achaľol o goďaver lava;
sikavena tut sar te dživel andre bari goďi,
te kerel, so hin lačho, čačipnaskro the spravno;
le manušes, saves nane goďi, dena goďi
a le terne manušes dena o prindžaripen the o achaľuvipen.
O goďaver manuš len mi šunel a mi barvaľol andro prindžaripen,
a oda, ko hino avrisikado, mi prilel e lačhi rada,
hoj te achaľol o goďaver lava the o podobenstva,
o lava le goďavere manušengre the lengro garuďipen.
O prindžaripen chudel la sveta daraha anglo RAJ;
ča o diline dikhen tele o goďaveripen the o sikaviben.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Kameha le Rajes, tire Devles, andral calo tiro jilo, andral caľi tiri duša the andral caľi tiri zor. Kala lava, so tuke adadžives dav, ľikereha andre tiro jilo a sikaveha len tire čhaven; vakereha pal lende, sar bešeha andre tiro kher, sar džaha pro drom, sar džaha te pašľol the sar ušťeha.
De pozoris pro nalačhe manuša
Čhavo miro, šun, so tuke phenel tiro dad
a ma omuk oda, so tut sikavel tiri daj,
bo oda hin sar o šukar vencos pre tiro šero
a sar o lancocis pre tiri meň.
Ma ker o lubipen
Čhavo miro, doľiker o prikazaňja tire dadeskre
a ma omuk tira dakro sikaviben!
Priphand tuke len pre tiro jilo pro furt
a zaker tuke len pašal tiri meň!
Sar džaha, ľidžana tut;
sar zasoveha, stražinena tut;
sar ušťeha andral o soviben, sikavena tut.
Kala prikazaňja hine sar e lampa, o sikaviben sar o švetlos,
o dovakeribena la kazňakre hine o drom le dživipnaskro,
Dochude o goďaveripen the o achaľuvipen!
Ma bister pre mire lava a ma visar tut olestar, so vakerav.
Ma muk o goďaveripen a chraňinela tut,
kam les a stražinela tut.
Ešebno goďaveripen, so šaj keres, hin kada:
Dochude o goďaveripen
a cin tuke o achaľuvipen vaš savoro, so tut hin.
Kam o goďaveripen a kerela tutar baro,
obchude les a dela tut pačiv.
Chude tut zorales mire sikavibnastar, ma domuk les te džal het,
stražin tuke les, bo hino tiro dživipen.
Ma dža pro chodňikos le bijedevleskre manušengro
a ma phir pal o drom le nalačhe manušengro.
Nekbuter savorestar tuke chraňin tiro jilo,
bo lestar avel o dživipen.
Le avri o klamišagos andral tiro muj
a de tutar het o vušta, so na vakeren o čačipen.
Tire jakha mi dikhen anglal peste
a te na dikhen avrether pre sera.
Rovňin avri o chodňikos tire pindrenge
a savore tire droma ena zorale.
Ma dža pre čači aňi pre baľogňi sera
a ma uštar tire pindreha andro nalačhipen.
O sikaviben le goďavereskro hin o prameňis le dživipnaskro,
lela tut avri andral o meribnaskre pasci.
O goďaveripen chudel la sveta daraha anglo RAJ,
a te prindžareha le Svetes, akor achaľoha.
Le Asafoskro maskil.
Manušale mire, šunen miro sikaviben!
Prithoven tumaro kan ko lava andral miro muj.
Phundravava miro muj andro podobenstva
a vakerava o garude veci, so pes imar čirla ačhile;
oda, so šunďam a so prindžaras,
pal soste amenge amare dada vakerenas.
Na garuvaha oda lengre čhavenge,
phenaha le avre pokoleňjenge
o slavna skutki le RAJESKRE,
leskri zor the o zazraki, save kerďa.
Sar muľa avri calo kada pokoleňje, avľa pal lende aver pokoleňje, savo na prindžarelas le RAJES aňi na džanelas, so o RAJ kerďa prekal o Izrael.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Le staršen, save mištes ľidžan e khangeri, kampel te del duvar ajci pačiv; no mek buter olen, ko služinen andro lav a sikaven. Bo hin pisimen: „Na phandeha o piskos la gurumňake, savi kerel buči, hoj te na chal"; a: „Oda, ko kerel buči, zaslužinel peske o počiňiben."
Ľiker tut dur le bijedevleskre the diline lavendar, bo kajse lava ľidžan le manušen dur le Devlestar a lengre lava rozdžana a barona sar e rakovina. Lendar hine the o Himeneos the o Filetos.
Sakones, ko džal dureder a na ačhel andro sikaviben le Kristoskro, nane o Del. Ale oles, ko ačhel andro sikaviben le Kristoskro, hin the o Dad the o Čhavo.
O Ježiš sikavel andro chramos
Sar imar pregeľa jepaš inepos, geľa o Ježiš upre andro chramos a chudňa te sikavel. Akor pes o Židi čudaľinenas a phučenas: „Khatar džanel le Devleskro Lav, te šoha na sikľolas?"
O Ježiš lenge odphenďa: „Miro sikaviben nane mandar, ale Olestar, ko man bičhaďa. Te vareko kamel te kerel le Devleskri voľa, džanela, či hin oda sikaviben le Devlestar, abo či me korkoro mandar vakerav. Oda, ko vakerel korkoro pestar, rodel peskri slava. Ale oda, ko rodel e slava oleskri, ko les bičhaďa, vakerel o čačipen a nane andre leste klamišagos.
Este artigo te tocou? Faça uma oração!
+581 estão orando agora.
Junte-se à corrente de oração.