Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
God kamo ta bogl atne edigwa paugwa i, God yene yoba nomane togo, ye ka mudu i bogl atne edigwa. Te, God kamo mudu i, nono ka beke norabuka kuno kaima erukwa. God kamo i, nono ka beke norsre, aglau ta erumga i di pogl norsre, te, mabunono kugl dugwa i ake du ede norsre, nono mabuno du eraiglmedi di norukwa pre wakai kaima paugwa. Te, God kogonmo yoba nomane wakai idre, kogon wakai mudu eramnedi ake kun eraiglkwa i, God kamo i mina eraiglkwa kuno erukwa.
Jisas ye yoba yugu keigwa pre ka ebrie dugwa
Yoba ta na ka diga i prisre, duglo boglkwa i, na ye siragl mere moglkwa i di boglsre, ka ebrie ta dinariwa. Yoba ta nomane wakai paugo, yugu wakai ta keigwa mere yegl moglkwa. Yoba i, makan wake ede atne pidre, kobuglo pamara yugu guglo boglkwa.
Te, Krais kamo ene nomano ya deno muduno mina kau sinan, ene mogl pai eraiglmara u ta enabuka. Tebi, nomane wakai tenabara i mina ene ikne ikne God kamo duglo boramnedi si gi dio. Ene yegl ersre, te, giglage kane kane mina ene deno muduno bogl God di wakai yei teo. Giglage tau Buk Giglage mina paugwa i ene didre, kaima tau okna digwa i, didre, te, giglage tau Mudu Murubuglo ene nomane tenabere ama ene bekidre, dio.
Ana ene prio. God kamo siragl mere okna ibo beglkwa i, nono erme munga i ama beke inaiglmedi beglkwa. God kamo nono si gigledi noran, nono adigl gigledi mogl, God bogl okuo wakai kaima moramnedi sugl moramga i pre ye beglkwa.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Josua goglko, ye maugl sigo, yoba ye akie mogl, ere wigwa i ama ere mogl, gogl kodigwa. Gogl kodigo, yugobuno okuo meglkwa we, ye Yawe pre kan erekre, ye taragl podo Israel yoba okna ere togwa i, ama pre kan erekrikwa.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Pre mediglkwa suglno yoba ake ple di tenaiglkwa paugwa
Pre mediglkwa suglno yoba kogon dimede erikwa i, ye pre mitna edidre, mige moni mina ake ple di tenaiglkwa paugwa. Te suglno yoba God kamo ege ege beke teigwa i, komono kana inaiglkwa. God kamo mina ka swara ta okna ibo yegl beglkwa paugwa, Kau ta wit mogo egran, ugla porabedi ene kane koraiglkwa i, ye dra si kegl dikre, kanige erio! Kau i egre porabara i, wit mogo tau ama i nenabiwe di, yegl beglkwa paugwa. Ka i, kau ye wit i nenabuka kuno erukwa pre didre, te ka ebrie mere yegl, God kogonmo yoba ye kogon eraiglmara topo inaiglkwa pre ama dugwa. Te, God kamo bage ta ama dugwa i, Kogon yoba ta morabuka i, ye topomo inabuka kuno erume dugwa. Yegl dugwa pre, pre mediglkwa yoba ye suglno yoba mige moni mina ake ple di tenaiglkwa kuno kaima erukwa.
Ba yoba tau God mokono tedre, ka mem wakai ta paikrumara dinaiglkwa i, ene ye dinaiglmara suna moglkro. I siragl pre ye ka digwa i, num kide ta de ede u podo omere mere yegl, ye ka dimara i ede u podo enabuka.
Ana na yoba tau ka mem wakai ta paikrukwa dime diga i, yagl suo Himeneus ya Filetus ama ka yegl mere dibrika.
Ana yoba ta Krais kamo kuno ere ake moglkre, ede eglke enan, ye God bogl si dakagl moglkribrika. Ba yoba ta Krais kamo ake morabuka i, ye God Nem ya God Wam bogl akie si dakagl moraiglkwa.
Ana Juda yoba egeno kade i, ikne dudugo, ikne pai moglko, Jisas ede tawa teigwa yugu yomara togl suna pidre, God kamo yoba beke togwa. Beke te moglko, Juda yoba kade pre moglsre, nagino kogl, yegl digwa, Yagl i, ye skul kade ta dikrukwa pre ye nomane podo i, siragl mere idre, ka yegl dume? digwa. Digo, Jisas prisre, di ikne ede te, yegl dugwa, Na yoba ka beke teiga i, na nana primere ta beke tekrika ba God na dedugwa i, yene prumere keme yoba ka beke te moluwa.
Na ka diga i, God kamo idre dio mo na nana primere keme dio mo i, God prumere eragledi prabuka yobamo i, ye pre pogl sinabuka. Te, ene prio. Yoba ta yene prumere ka beke tenabuka i, ye yene kagie kade inagledi prukwa. Ba na yoba ka beke teiga i, God na dedugwa i, swara kagie kade inabedi pre erika. Yegl pre na ka kibi dikre, ka kaima keme diwe dugwa.