Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
ୱିଜୁ ଦାର୍ମୁସାସ୍ତ୍ର ମାପୁରୁଦି ମାଣାନ୍ ସିଆୟ୍ଆତା ମାନାତ୍ ମାରି ସତ୍ ବାକ୍ୟ, ସିକ୍ୟା, ମିଚ୍ତି ବିରୁଦ୍ କିଜି ମାରି ବୁଲ୍ତିଙ୍ଗ୍ ଟିକ୍ କିନି ଉଣ୍ତିଙ୍ଗ୍ ୱେର୍ସି, ସତ୍ ଜିଦେଙ୍ଗ୍ ଦାର୍ମୁସାସ୍ତ୍ର ସାହାଜ୍ୟ କିନାତ୍, ଏଣ୍ତେସ୍ ମାପୁରୁଦି ଲୋକୁ ପୁରା ଆଜି ୱିଜୁ ନେଗି ପାଣି ଉଣ୍ତିଙ୍ଗ୍ ଜଗ୍ ପୟ୍ଦେଙ୍ଗ୍ ଆଟ୍ନାନ୍ ।
"ଏନ୍ ନା ମାଟା ୱେନ୍ଞ୍ଜି ମାନାନାନ୍, ୱାନ୍ ପିଡ଼ିପି ମୁସ୍କୁ ଇଲୁ ତର୍ତିମାନି ବୁଦିମାନି ଲୋକୁ ୱାଜା ।
କ୍ରିସ୍ତଦି ବାକ୍ୟ ନାଣ୍ତଦାନ୍ନାଣ୍ତ ମି ଜିବନ୍ତୁ ବାସା କିପିତ୍; ମିର୍ ନିଜେନିଜେଦିଙ୍ଗ୍ ପୁରା ବୁଦିଦି ୱାଲେ ସିକିୟା ମାରି ସତେନେ ସିଦୁ । ମାରି ଆତ୍ମିକ ମାପୁରୁଦି ଉଦେସ୍ତାନ୍ ପାଟା ପାର୍ଦୁ, ଆରାଦନା କିଦୁ, ମାରି ଦନ୍ୟବାଦ୍ଦାନ୍ ୱେଡ଼ିକାଦି ଜିବନ୍ତାନ୍ ପାଟା ପାର୍ଦୁ ।
ମାରି, ଦାର୍ମୁସାସ୍ତ୍ରଦି ସିକିୟାୱିଜୁ ମା ନେଗି ଉଣ୍ତିଙ୍ଗ୍ଁ ସିଆୟ୍ଆତାମାନାତ୍ । ଆସାଦୁ ତିର୍ ତେବାନି ଉଣ୍ତିଙ୍ଗ୍ଁ ସାସ୍ତ୍ର ମାଙ୍ଗିଁ ସାସ୍ ନି ୱେଡ଼ିକା ସିନାତ୍ ।
ଦାଉଦତି ମାରିନ୍ ଇସ୍ରାଏଲଦି ରାଜା ସଲମନତି ନେଗି ବୁଦିସିନିମାଟେଙ୍ଗ୍; ଗ୍ୟାନ୍ ମାରି ନେଗିବୁଦି ବୁଜାଦେଙ୍ଗ୍; ବୁଦିଦି ମାଟା ବିସାର୍ କିଦେଙ୍ଗ୍; ନେଗେନ୍ ବୁଲାସାଲାକିନିକା, ଦାର୍ମୁଦିକା ମାରି ନେଗି ବିସାର୍ ମାରି ନ୍ୟାୟ୍ ବିସୟ୍ତାନ୍ ନେଗିବୁଦି ଆସ୍ତେଙ୍ଗ୍; ସାନ୍ତିଦି ଲୋକାଙ୍ଗ୍ ଜାଗାର୍ତା କିଦେଙ୍ଗ୍ ମାରି ମୁରୁଲି ଲୋକାଙ୍ଗ୍ ବିଦ୍ୟା ମାରି ଅଜାଦେଙ୍ଗ୍ ଆଟ୍ନି ବୁଦିଦିମାଟା କାର୍ପ୍ତେଙ୍ଗ୍; ଏଣ୍ତେସ୍ ଗ୍ୟାନ୍ଦି ଲୋକୁ ଆକା ୱେନ୍ଜି ବୁଦିଦୁ ପିରିନାନ୍ ମାରି ବୁଦିଦି ଲୋକୁ ନେଗି ମାଟାଦି ସିକିୟା ପୟ୍ନାନ୍; ମାରି, ଉନ୍ଡ୍ରି ବୁଦି ମାଟା ମାରିଉଣ୍ଡ୍ରି ୱେର୍ତି କାତା ମାରି ବୁଦିଦି ଲୋକା ମାଟା ମାରି ୱାରି ମାର୍ଗିତି ମାଟା ବୁଜାଦେଙ୍ଗ୍ ଆଟ୍ନିଦେର୍ ।
ପ୍ରବୁଦି ମାଟାଦିଙ୍ଗ୍ ତିଲାତିଙ୍ଗ୍ ଗ୍ୟାନ୍ ପୁଟ୍ନାତ୍; ମାତର୍ ନିର୍ବୁଦି ଲୋକୁ ଗ୍ୟାନ୍ ମାରି କାର୍ପିନି ମାଟା ମାନାଏର୍ ।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
ଏ ନା ମାରିନ୍, ନି ବୁବାଦି ବୁଦିଦି ମାଟା ୱେନ୍ଆ ମାରି ନି ୟାୟାଦି ୱେର୍ତି ମାଟା ବାଣାମା । ଏନ୍ଦାଇର୍ରିଙ୍ଗ୍ ଆକା ନି ନେଗି ତାଲାଗୁଡା ଆରାନିକା ମାରି କକ୍ଲାଦୁ ପୁସା ମାଡ଼ିତି ୱାଜା ଆନାତ୍ ।
ଏ ନା ମାରିନ୍, ନିନୁ ନିଜେଦି ବୁବାଦି ମାଟା ମାନାଆ, ମାରି, ନିଜେଦି ୟାୟାଦି ସିକିୟା ବାଣାମା । ଆକା ୱିଜୁଦିନ୍ ନି ଜିବନ୍ତୁ ତର୍ସି ଇଡ୍ଆ, ନିଜେଦି କକ୍ଲାଦୁ ତର୍ଆ । ନିନୁ ବୁଲାନି ୱାଲେ ଆକା ନିଙ୍ଗିଁ ସାରି ତର୍ନାତ୍, ମାରି ସୁଜ୍ନି ୱାଲେ ଆକା ନି କାପ୍କିନିକାତ୍ ଆନାତ୍; ନିନୁ ନିଙ୍ଗ୍ନି ୱାଲେ ଆକା ନି ୱାଲେ ମିସାନାତ୍ । ଏନ୍ଦାଇର୍ରିଙ୍ଗ୍ ଆୟା ମାଟା ଦିୱା; ମାରି ଆୟା ସିକିୟା ଜାୟ୍; ମାରି ସିକିୟାସିଜି ଲାଗାନିକା ଜିବନ୍ତି ସାରି ଆନାତ୍;
ଗ୍ୟାନ୍ ପୟ୍ଆ, ନେଗି ବିସାର୍ ଲାବ୍ କିଆ, ଆକା ବାଣାମା; ମାରି, ନା ୱେୟୁଦି ମାଟାଦିଙ୍ଗ୍ ବାଣାମା । ତାନିଙ୍ଗ୍ ଡ଼ିସ୍ମା; ଆବେଟ୍ ୱାଦ୍ ନିଙ୍ଗିଁ ଜାତୁନ୍ କିନାତ୍; ତାନିଙ୍ଗ୍ ଜିବନ୍ ନଆ, ଆବେଟ୍ ୱାଦ୍ ନିଙ୍ଗିଁ ରକିୟା କିନାତ୍ । ଗ୍ୟାନ୍ ୱିଜୁଦିଙ୍ଗ୍ ପେରି ବିସୟ୍, ଆଦେଙ୍ଗ୍ ଗ୍ୟାନ୍ ଲାବ୍ କିଆ; ମାରି, ନି ୱିଜୁ ଲାବ୍ ମାଣାନ୍ ନେଗି ବିସାର୍ ଲାବ୍ କିଆ । ତାନିଙ୍ଗ୍ ଜିବନ୍ ନଆ, ଆବେଟ୍ ୱାଦ୍ ନିଙ୍ଗିଁ ପିରିସ୍କିନାତ୍; ତାନିଙ୍ଗ୍ ପମିତିଙ୍ଗା, ୱାଦ୍ ନିଙ୍ଗିଁ ସନ୍ମାନ୍ତି ଅଦିକାରି କିନାତ୍ ।
ଅଜାକିନି ମାଟା ନେଗେଣ୍ଡ୍ତାନ୍ ଆସ୍ଆ; ତାନିଙ୍ଗ୍ ଡ଼ିସ୍ମା; ତାନିଙ୍ଗ୍ ଇଡ୍ଆ; ଇର୍ରିଙ୍ଗ୍ ଆକା ନି ଜିବନ୍ । ସେଇପାଣିକିନି ଲୋକା ସାରିଦୁ ଡ଼ୁଗ୍ମା ମାରି ତାଗ୍ଇ ଲୋକା ସାରିଦୁ ବୁଲାମା ।
ନି ଜିବନ୍ତିଙ୍ଗ୍ ନାଣ୍ତ ଜାତୁନ୍ତାନ୍ ଇଡ୍ଆ; ଏନ୍ଦାଇର୍ରିଙ୍ଗ୍ ଆବେଣାନ୍ ଜିବନ୍ତି ନେଗି ସିନ୍ତା ସନାତ୍ । ନି ମାଣାନ୍ କୁଟ୍ ମାଟେଙ୍ଗ୍ ସମାକିୟ୍ ମାରି ୱେକଡେକ ମାଟେଙ୍ଗ୍ ସମାକିୟ୍ । ନି କାଣୁକୁ ଆଗ୍ଡ଼ି ସୁଡ଼ିୱି ମାରି ନି କାଣ୍ଗା ବୁଡା ଆଗ୍ଡ଼ି ସିଦା ସୁଡ଼ିତ୍ । ନିନୁ ନିଜେଦି ପାଦାମ୍ ସିଦାକିଜି ବୁଲାଆ ମାରି ନି ୱିଜୁ ସାରି ଟିକ୍ ଆପିତ୍ । ଉଣେରି ଗି ଡେବ୍ରା ତରିନ୍ ସଲ୍ମା, ମାରି ନି ପାଦାମ୍ ସେଇ ମାଣାନ୍ ଆକ ଇଡ୍ଆ ।
ସାନି ଉରିଦାନ୍ ଡ଼େପ୍ନି ଉଣ୍ତିଙ୍ଗ୍
ଗ୍ୟାନ୍ ଲୋକ୍ତି ନିୟମ୍ ଜିବନ୍ ଏରୁ ୱାଜା ଆନାତ୍ ।
ପ୍ରବୁଦି ବିସୟ୍ତିଙ୍ଗ୍ ତିଲାତିଙ୍ଗାଁ ଗ୍ୟାନ୍ ଆରାମ୍ ଆନାତ୍,
ମାରି, ଦାର୍ମୁ ମାପୁରୁଦି ବିସୟ୍ ଗ୍ୟାନ୍ ଲାବ୍ କିତିଙ୍ଗାଁ ନେଗି ବିସାର୍ ୱାନାତ୍ ।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
ଆମା ନେତାର୍ ନେଗେନ୍ତାନ୍ ଜାତୁନ୍ କିନାର୍, ଆମାକାର୍ କାସ୍ଟୁ ପୟ୍ଜି ବାକ୍ୟ ୱେର୍ନାର୍ ମାରି ସିକିୟା ପାଣି କିଜିମାନାର୍, ୱାର୍ ଦୁଇ ଗୁଣୁ ମୁସ୍କୁ କାସ୍ଟୁ କିତିକା ପୟ୍ନାର୍ । ଇରିଙ୍ଗ୍ ଦାର୍ମୁସାସ୍ତ୍ର ୱେର୍ନାତ୍ : "ପାସି ଉଣ୍ତା କିଜିମାନିୱାଲେ କଡି ୱେୟୁଦୁ ନାସୁ ତର୍ମାଟ୍ ।" ମାରି "ପାଣିକିନିକାନ୍ ଟିକ୍ତାନ୍ ପାଣିକିତିକା ପୟ୍ଦେଙ୍ଗ୍ ଆଟ୍ନାନ୍ ।"
ଆମା ଦାର୍ମୁଦୁସିଲି ବୁଦିସିଲି ବାକ୍ୟ ୱେନି ଲୋକ୍ତିଙ୍ଗ୍ ମାପୁରୁମାଣାନ୍ ଅଲଗା କିନାତ୍, ଆୟା ୱିଜୁମାଣୁକୁ ଆକ ମାନ୍ଡ୍ରୁ । ଆମାକାର୍ ଇୟାୱାଜା ବାକ୍ୟ ୱେନାର୍, ୱାରି ସିକିୟା ସାବ୍ତି ଗାଉ ୱାଜା ତିନ୍ଜିସନାତ୍ ୱାରି ଲୋଇ ମାନାର୍ ହୁମନାୟ ନି ପିଲିତ ।
ଏନ୍ଆପିନ୍ କ୍ରିସ୍ତଦି ସିକିୟାଦି ଆୟା ଲୋଇ ତେବାଏଣ୍ଗା ଆକା ନାଜି ସୋନାନ୍, ୱାନ୍ ମାପୁରୁଙ୍ଗୁଁ ପୟ୍ଏନ୍; ଏନ୍ ସିକିୟାଦି ଲୋଇ ତେବାନାନ୍, ୱାନ୍ ବୁବା ନି ମାରିନ୍ ରିଏରିଙ୍ଗ୍ ପୟ୍ତା ମାନାନ୍ ।
ମାତର୍ ପଣ୍ତ୍ୟତି ଆଦା ସମୟ ୱିଜିତି ୱେନ୍କା, ଜିସୁ ମନ୍ଦିର୍ତୁ ସଲ୍ସି ସିକିୟା ସିଦେଙ୍ଗ୍ ଆସ୍ତାନ୍ । ଆବେଟ୍ ଜିହୁଦି ନେତାର୍ କାବାଆଜି ଇର୍ହାର୍, "ଇକାନ୍ ପାଟ୍ ପଡ଼ାଏଣ୍ତା ଏଣ୍ତେସ୍ ନେସ୍ତାନ୍ ?"
ଆବେଟ୍ ଜିସୁ ୱାରିଙ୍ଗ୍ ଇର୍ଆନ୍, "ନା ସିକିୟା ନା ନିଜେଦିକା ଆଏତ୍, ମାତର୍ ନା ପକ୍ତିମାନି ମାପୁରୁଦି ମାଣାନ୍ ୱାତାମାନାତ୍ । ଏନ୍ ଜଦି ମାପୁରୁ ବଦା ମାନାଦେଙ୍ଗ୍ ଇଚ୍ଛା ଆନାନ୍, ଆରିଙ୍ଗ୍ ନା ସିକିୟା ମାପୁରୁ ମାଣ୍କୁ ୱାତାମାନାତ୍ନୋ, ନା ନିଜେଦି ସାକ୍ତିଦାନ୍ ନୋ ଇଜିନା, ଆକା ୱାନ୍ ନେସ୍ନାନ୍ । ଏନ୍ ନିଜେଦି ମାଣାନ୍ ଇନାନ୍, ୱାନ୍ ନିଜେଦି ଗୌରବ୍ ପଇନାନ୍, ମାତର୍ ଏନ୍ ନିଜେଦି ପକ୍ତିୱାନିଦି ଗୌରବ୍ କିଦେଙ୍ଗ୍ ବଦା କିନାନ୍, ୱାନ୍ ସତ୍ ଇନାନ୍, ମାରି ୱାନିମାନୁ ଇନି ମିସ୍ ସିଲେତ୍ ।