Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Maandiko Gang’alile gose gana mhumuzi ya Imulungu, na gofaya kwa kufundizila ukweli, gofaya kuwazuma wanhu, gofaya kugagolosa ago ganyolodoke, na gofaya kuwalanguliza wanhu wawe na ugima unogile mgameso ga Imulungu, avo munhu yomsang’hanila Imulungu yadahe kutenda goya, na yadahe kusang’hana kila sang’hano inogile.
"Munhu yoyose yohulika mbuli zangu na kuzigoga, ayo kaigala na munhu mbala yazengile ng’anda yake mdibwe kulu.
Usenga wa Kilisito umeme mmizoyo yenu. Ifunzeni na muizume kwa nzewele zose. Mwimbe zabuli na nyila za kumtogola na kumtambikila Imulungu. Mwimbileni Imulungu wenu kwa kumgwaa nhogolwa mmizoyo yenu.
Kila kinhu chandikigwe ako umwaka chandikigwa kutufunza siye, ili kwa kubetela na kuigangamiza tumtamanile Imulungu kubitila Maandiko Gang’alile.
Zino azo nongezi za Sulemani mndewa wa Izilaeli, mwanage Daudi. Nongezi zino zowatenda wanhu watange ubala na mafundizo, na kutambula mbuli za nzewele, zowafunza wanhu kutanga mbuli zili na nzewele, haki na kusang’hana ganogile na kusang’hana kamba viilondeka. Zowagwaa ubala mizozolo, zowagwaa wabwanga kutanga vinhu na kusagula goya. Yeli na ubala yategeleze na yongeze ubala wake, na mwene nzewele zomfunza. Odaha kutanga nongezi na mafambulo gake, ozitanga mbuli za wanhu weli na ubala na vitendawili vao.
Kumdumba Mndewa Imulungu acho chanduso cha kutanga vinhu,
lakini wabozi obezeli ubala na kuzumwa.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Mnogeleni Mndewa Imulungu, Imulungu wako kwa moyo wako wose na kwa loho yako yose na kwa nguvu zako zose. Sikumugasemwe malagizo gano goniwagwaa lelo. Muwafunze wanenu, muwasimulile mwahakala ukae hebu mwahawa mmwanza hebu mwahawasa ikilo hebu imitondo mwahalamuka.
Mwanangu, tegeleza vuuzumwa na tatako,
na sikuugabezeli mafundizo ga mamako.
Ago gokuwa kilemba cha ganogile uchanha ha pala jako,
kamba mkufu msingo yako.
Mwanangu goga malagizo ga tatako,
na sikuugaleke mafundizo ga mamako.
Siku zose kala nago muumoyo wako,
gafunge mwiisingo yako.
Gokulongoza mnzila zako,
gokukaliza kipindi wahawasa,
na gokugwaa magesa kipindi vonda ulamuke.
Kwavija malagizo gago, acho kiwenge,
na mafunzo gago, awo mulenge.
Mbuli azo zomzuma na zomfundiza munhu nzila ya ugima.
Bokela ubala bokela nzewele,
sambi uzisemwe hebu kuzileka mbuli zangu.
Sambi uuleke ubala nao okwika goya,
uunogele nao okukaliza.
Ubala unoga kubanza vinhu vose,
avo upate ubala.
Kwa vinhu vako vose viuli navo upate nzewele.
Unogele ng’hani ubala nao okukweza,
ufagatile nao okugwaa nhogolwa.
Gagoge mafundizo ga nzewele sikuugaleke gakupulusuke,
gagoge kwavija awo ugima wako.
Sikuuingize mnzila za wehile,
hebu kukweleleza nzila za wehile.
Ulole goya moyo wako kubanza vose viuvilola goya,
kwavija mumo muulawa ugima.
Inege kutali na ulonzi wihile,
na mulomo wako sikuulonge mbuli za uvizi.
Meso gako galole kuulongozi,
na ng’humbitu zako sikuzibwenze zilole bunhuu kuulongozi.
Uigelegeze ng’hani nzila yonda ubite,
na kila honda ukanyage hokuwa hanoga.
Sikuuhinduke ukudila hebu ukumoso,
usegese mgulu wako kutali na gehile.
Mafundizo ga munhu yeli na ubala ayo nzasa ya ugima,
gomtenda munhu yakale kutali na mtego wa ifa.
Kumdumba Mndewa Imulungu awo mwanduso wa ubala,
na kumtanga ija yang’alile ako kuwa na nzewele.
Mweye wanhu zangu, hulikeni mafundizo gangu,
tegelezeni mbuli za mulomo wangu.
Nogubula mulomo wangu kwa mzungu,
nolonga ulonzi ufisigwe kulawa umwaka,
gaja gatuhulike na kugatanga,
gaja gatulongelwe na iwahenga zetu.
Hatugafisa kwa wanao,
towalongela iwanhu wa ulelo ukwiza,
sang’hano ng’hulu za Mndewa Imulungu,
udahi wake na unzonza yautendile.
Abaho wanhu wose wa ulelo wa Yoshua wafa, avo walawila wanhu wa ulelo uyagwe awo hawamjuwile Mndewa Imulungu hebu kujuwa gaja gayawatendele iwanhu wa Izilaeli.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Wavele owalongoza wanhu wamtogole Yesu osang’hana vinogile, olondigwa wapate fungu kulu, ng’hani ng’hani waja osang’hana ng’hani kuwapetela wanhu na kuwafundiza. Kwavija Maandiko Gang’alile golonga, "Sikuumfunge ng’ombe umulomo wahamsang’hanila kuhulula uhemba." Vivija golonga, "Msang’hanaji yagweleligwe fungu jake."
Winege na kuibamilila kwa mbuli za kibozi, kwavija zowagala wanhu kutali na Imulungu. Mbuli kamba azo ziigala na londa dijaga lukuli lwa munhu. Mna iwanhu awo wamumo wano wabili, Humenayo na Fileto.
Munhu yoyose yofundiza mafundizo gayagwe na hagagoga mafundizo ga Kilisito, munhu ayo kabule Imulungu. Munhu yoyose yogagoga mafundizo kana Tata na Mwana.
Nyimwilinyimwili viikalile hagatigati, Yesu kengila Mng’anda ya Imulungu kasonga kufundiza. Wakulu wa Wayahudi wakanganya ng’hani na kulonga, "Yokuwaze munhu ino kojuwa vinhu vingi na kuno haifunzile kokose?"
Yesu kawedika, "Mafundizo gano gonifundiza siyo gangu, lakini golawa kwa Imulungu yanhumile. Munhu yoyose yolonda kutenda goyolonda Imulungu kojuwa gano gonifundiza golawa kwa Imulungu hebu nolonga gaja gonilonda. Munhu ija yolonga mbuli zake kozahila nhogolwa yake mwenyego. Lakini heyo yozahila nhogolwa kumwake ija yamtumile munhu ayo mkweli, mduhu uvizi mmulomo mmwake.