Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Maandiko Yelile yose yandikigwa kwa kulangulizigwa na Mulungu, yofaya kugolosela na kufundizila na kuwazuma wanhu ubananzi wawo na kuwalanguliza kukala kwa kumnogeza Mulungu, muladi munhu yosang’hana sang’hano ya Mulungu yawe na chila chinhu choyolonda muna ukumsang’hanila Mulungu na yaisasale kutenda chila sang’hano inogile.
"Ivo munhu yoyose yohulika mbuli zangu na kuzitegeleza, iyo kalinga fana munhu yeli na ubala yazengile kaye yake uchanyha muna uluwe."
Mbuli ya Chilisito naikale ng’hani mgati mmwenu kwa mvunyo. Ifundizeni na kuizuma kwa ubala wose, imbeni zabuli, na nyila, na nyila za kuntunhiza Mulungu. Mwimbileni Mulungu mwiimizoyo yenu kwa kulava hewela.
Kwaviya chila chinhu chandikigwe muna Yamaandiko Yelile, chandikigwa muladi kuchifundiza cheye, muladi kwa kufunyaumoyo na kugumigwa moyo kwa Yamaandiko Yelile chidahe kuwa na lolelo.
Yano yayo masimwe ya Sulemani mwana wa Daudi, mfalume wa Isilaili. Masimwe yano yowafundiza wanhu ubala na yowafundiza kuyamanya mafundizo yanogile. Masimwe yano yofaya kuwafundiza wanhu kuigaza muladi watende mbuli zinogile na watende mbuli zigoloke na bila ya kuwonela. Yano yofaya kuwatenda wanhu wabozi hawavimanyile wawe wabala na kuwatenda wabwanga wavimanye na waiteganye. Wabala wategeleze na waiyohe kuvimanya, iviya wanhu weli na nzewele waifunze. Chitabu chino chofaya kuwafundiza wanhu wavimanye simwe na vitendawili na mbuli za wabala na simo.
Uhalonda ubala wanduse kumdumba Mndewa Mulungu,
wabozi watatali wolema kuzumigwa na mafundizo.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Mulondeni Mndewa Mulungu, Mulungu wenu, kwa mizoyo yenu yose na kwa mihe yenu yose na kwa nguvu zenu zose. Mbuli zino zonimulagilizileni diyelo zolondeka zikale muna imizoyo yenu, na muwafunze wanenu, mwizawasimulila vomuwa muna zikaye zenu hebu vomuwa muna umwanza hebu vomugona hebu vomulamka.
Mwanangu, tegeleza tati yako viyokuzuma,
na sekeuleme mafundizo ya mami yako.
Yayo yezakuwa kombelo dinogile muna iditwi jako,
na mkufu wa kuihamba muna isingo yako.
Mwanangu, yamha ndagilizi za tati yako,
sekeuleke mafundizo ya mami yako.
Sekeuzimize mbuli zawo,
na uzifunge muna isingo yako.
Hondauhite zizakulongoza, hondaugone zizakukaliza,
uhalamka muna zinhongo zizalonga na weye.
Kwaviya ndagilizi zino ni chitasa,
mafundizo yano ni bung’hulo,
na kumzuma munhu ni nzila ya ugima.
Iyohe uifunze ubala na uwe na umanyi,
sekeuzimize mbuli zangu na sekeuzileke.
Uhazindilila mbuli zangu za ubala, zizakukaliza,
uzilonde, nazo zizakwamila.
Habule chinhu chikulu kufosa ubala,
kweli, lava vinhu vako vose upate umanyi.
Ugese mbuli za ubala na kwizahishimigwa,
uzamhe na kwizatogozigwa.
Yamha mafundizo, sekeuyaleke yapulusuke,
uyazindilile muladi uwe mgima.
Sekeutende fana viwotenda wanhu wotenda mbuli zihile,
na sekeuwahige wanhu wehi.
Kaliza moyo wako kufosa vinhu vose voukaliza,
kwaviya umo molawa ugima.
Sekeulonge mbuli zihile,
uyepule na mbuli hazifaya.
Meso yako yalole kuulongozi wako,
lola kuulongozi wako dimwe kwa dimwe.
Kuluga hanhu houfosa,
nzila zako zose zigangamale.
Sekeubaguke ukulume hebu ukumoso,
uyepule mgulu wako kuna uwihi.
Mafundizo yanogile ni chandusilo cha ugima,
yowataza wanhu kuyepula na mitego ya ifa.
Uhalonda kuwa mbala wanduse kumdumba Mndewa Mulungu,
na kummanya Mulungu Yelile ni mwanduso wa umanyi.
Nowalamba, wambwiya zangu,
mkinge digutwi mtegeleze mbuli zonimulongelani,
mtegeleze mbuli zonimfunzani.
Nizalonga na mweye kwa masimwe,
nizawafambulila mbuli zifisigwe zilawile kulingwa.
Chizihulika mbuli izo na kuzimanya,
mbuli zowachilongele wasaho zetu.
Hachizawafisa wanetu mbuli izo,
mbali chizawalongela welesi ukwiza,
sang’hano ng’hulu za Mndewa Mulungu,
na mbuli za mauzauza zoyatendile.
Wanhu wose wa ulelo uwo iviya wadanganika. Ulelo usondelele haummanyile Mndewa Mulungu hebu sang’hano ziyawatendele Waisilaili.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Walala wodilanguliza vinogile bumbila da wahuwila wa Chilisito wolondeka kwing’higwa vinhu vingi va kuwataza, haswa waja wotenda sang’hano ya kupetela na kufundiza. Kwaviya Maandiko Yelile yolonga, "Sekeumtatalize ng’ombe umulomo viumsang’hanila kuhuta uhemba," na iviya "Munhu yosang’hana usang’hano kolondeka yalihigwe yombe jake."
Uyepule na mbuli za chibozi na hazimnogeza Mulungu kwaviya zowatendeza wanhu wagendelele ng’hani kukala kutali na Mulungu. Mafundizo yawo yezakwenela fana londa jenela himahima na kuja nyama za lukuli. Hagati yawo waumo Himenayo na Fileto.
Munhu yoyose ija hakala muna yamafundizo yosonhela Chilisito mbali kokongeza mbuli zimwenga kusonhela mafundizo yayo, munhu iyo hailumbile na Mulungu. Na munhu yoyose yokala muna yamafundizo yayo, kailumba na Tata na Mwana iviya.
Dugila ijo vidifikile haludonho, Yesu nayo kahita Mwiikaye ya Mulungu na kandusa kufundiza. Walangulizi wa Wayahudi wazanywa, wauza, "Vino munhu ino kayamaze yano yose nayo hasomile bule kuishule?"
Yesu kawedika, "Mafundizo yonifundiza siyo yangu bule mbali yolawa kwa ija yanitumile. Munhu yoyose yolonda kutenda yaja yoyolonda Mulungu, kezavimanya fana mafundizo yangu yalawa kwa Mulungu hebu nolonga kwa udaho wangu mwenyewo. Munhu yolonga mbuli zake mwenyeo kolonda utunhizo wake. Mbali munhu yolonda ukulu kwa ija yoyamtumile, iyo ni mwaminifu, na kabule wihi mgati mmwake.