16 IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa, lokufundisa ngokulunga, 17 ukuze umuntu kaNkulunkulu ayilungisele ngokupheleleyo yonke imisebenzi emihle.

24 "Ngakho lowo owezwayo amazwi ami la awenze unjengendoda ehlakaniphileyo eyakhela indlu yayo edwaleni.

16 Ilizwi likaKhristu kalihlale phakathi kwenu ngokupheleleyo lapho lifundisana njalo liselulekana ngenhlakanipho yonke, ngamahubo, amaculo kanye lezingoma zakoMoya, lihlabelele lilokubonga uNkulunkulu ezinhliziyweni zenu.

4 Ngoba konke okwalotshwa kudala kwalotshelwa ukusifundisa, ukuze kuthi ngokubekezela langokukhuthazwa yimibhalo sibe lethemba.

1 Izaga zikaSolomoni indodana kaDavida, inkosi yako-Israyeli:

2 ukuba abantu bazuze ukuhlakanipha lokuzithiba;

ukuba bazwisise amazwi okuqedisisa;

3 ukuba bazuze impilo yokuzithiba lobuqotho,

besenza okulungileyo, okufaneleyo lokuqondileyo;

4 ukunika ulwazi kwabayizithutha,

ulwazi lokukhetha okuqondileyo kwabatsha

5 ukuthi ohlakaniphileyo alalele engeze ukufunda kwakhe,

kuthi obonisisayo azuze izeluleko,

6 ukuba abantu bazwisise izaga lemizekeliso,

izitsho lamalibho abahlakaniphileyo.

7 Ukwesaba uThixo kuyikuqala kwenhlakanipho,

kodwa iziwula ziyakweyisa ukuqedisisa lokuzithiba.

5 Thanda uThixo uNkulunkulu wakho ngenhliziyo yakho yonke langomphefumulo wakho wonke kanye langamandla akho wonke. 6 Imilayo le engikupha yona lamuhla kumele ibe sezinhliziyweni zenu. 7 Igcizeleleni ebantwaneni benu. Likhulume ngayo nxa lihlezi emakhaya enu lalapho lihamba endleleni, lapho lilala lanxa livuka.

8 Lalela, ndodana yami, izeluleko zikayihlo

njalo ungadeli imfundiso kanyoko.

9 Kuzakuba ngumqhele omuhle ekhanda lakho

lomgaxo wokucecisa intamo yakho.

20 Ndodana yami, gcina imilayo kayihlo

ungadeli imfundiso kanyoko.

21 Kubophele enhliziyweni yakho nini lanini;

kugqize entanyeni yakho.

22 Nxa uhamba, lezizinto zizakukhokhela;

lanxa ulele zizakulinda;

uthi uvuka zikukhulumise.

23 Ngoba imilayo le iyisibane,

imfundiso le iyikukhanya,

leziqondiso zokuzithiba ziyindlela yokuphila,

5 Zuza ukuhlakanipha, zuza ukuqedisisa;

ungawakhohlwa amazwi ami, kumbe ugudluke kuwo.

6 Ungafulatheli ukuhlakanipha, kuzakuvikela;

kuthande, kuzakulinda.

7 Ukuhlakanipha kuyinqaba; ngakho zuza ukuhlakanipha.

Zuza ukuqedisisa loba kungathatha konke olakho.

8 Kugogose, kuzakuphakamisa;

kugone, kuzakunika udumo.

13 Bambelela iziqondiso, ungayekethisi;

zigcine kuhle ngoba ziyikuphila kwakho.

14 Ungayingeni indlela yababi

njalo ungahambi endleleni yezigangi.

23 Phezu kwakho konke, gcina inhliziyo yakho,

ngoba ingumthombo wokuphila kwakho.

24 Lahla izibozi zamazwi emlonyeni wakho;

ungakhuphi inkulumo yokuxhwala ezindebeni zakho.

25 Khangelisa amehlo akho nta phambili,

uwathi nhlo amehlo akho kulokho okuphambi kwakho.

26 Lungisa izindlela ukuze inyawo zakho zinyathele kuhle,

uhambe ngezindlela eziqinileyo kuphela.

27 Ungaphambukeli kwesokunene loba kwesokhohlo;

ugcine unyawo lwakho lunganyatheli okubi.

14 Imfundiso yabahlakaniphileyo ingumthombo wokuphila,

iphephisa umuntu emijibileni yokufa.

10 Ukumesaba uThixo kuyikuqala kwenhlakanipho,

njalo ulwazi ngaLowo oNgcwele luyikuqedisisa.

1 Zwanini imfundiso yami, bantu bami;

lilalele amazwi omlomo wami.

2 Ngizavula umlomo wami ngemifanekiso,

ngizakutsho izinto ezifihlekileyo, izinto zekadeni,

3 esakuzwayo lesikwaziyo

esakutshelwa ngokhokho bethu.

4 Kasizukuzifihlela abantwana babo;

sizasitshela isizukulwane esizayo

ngemisebenzi emangalisayo kaThixo,

amandla akhe, lemimangaliso aseyenzile.

10 Kwathi emva kokuba sonke isizukulwane leso sesiphelile, kwavela esinye isizukulwane esasingamazi uThixo kanye lalokho ayekwenzele abako-Israyeli.

17 Abadala abaqhuba kuhle imisebenzi yebandla bafanele ukuhlonitshwa okuphindiweyo ikakhulu labo abasebenza ukutshumayela lokufundisa. 18 Ngoba umbhalo uthi: "Inkabi ungayifaki isayeke nxa ibhula amabele,"* njalo uthi, "Isisebenzi sifanele umholo waso."*

16 Xwaya inkulumo zokweyisa uNkulunkulu ngoba abazikholisayo baqhubeka kokuphela besiba ngabangamesabiyo uNkulunkulu. 17 Imfundiso yabo izaqhela njengesilonda esibhibhidlayo. Phakathi kwabo kuloHimeniyasi loFilethosi,

9 Lowo odlulela phambili angabe esaqhubeka ngemfundiso kaKhristu kalaye uNkulunkulu; lowo oqhubekayo ngemfundiso uloBaba leNdodana.

14 Kwathi isikhathi somkhosi sesiphakathi laphakathi uJesu wasesiya egumeni lethempeli waqalisa ukufundisa. 15 AmaJuda amangala, abuza athi, "Indoda le yaluzuza kanjani ulwazi olungaka yona ingafundanga?"

16 UJesu waphendula wathi, "Imfundiso yami kayisiyami. Ivela kulowo ongithumileyo. 17 Nxa umuntu ekhetha ukwenza intando kaNkulunkulu uzabona ingabe imfundiso yami ivela kuNkulunkulu loba ngiyazikhulumela. 18 Lowo ozikhulumelayo wenzela ukuzizuzela udumo, kodwa lowo osebenzela udumo lwalowo omthumileyo ngumuntu weqiniso; kakulankohliso kuye.