Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
संपूर्ण पवित्रशास्त्र परमेश्वराच्या प्रेरणेने रचलेले आहे आणि शिक्षण, निषेध, सुधारणा, नीतिमत्वाचे शिक्षण याकरिता उपयोगी आहे. यासाठी की, परमेश्वराचा सेवक पूर्णपणे प्रत्येक चांगल्या कामासाठी सज्ज व्हावा.
"यास्तव माझी शिकवण ऐकणारे व त्याप्रमाणे वागणारे सर्वजण एका शहाण्या मनुष्यासारखे आहेत. त्याने आपले घर खडकावर बांधले.
स्तोत्रे, गाणी आणि आत्मिक गीते, यांच्याद्वारे कृतज्ञ अंतःकरणातून परमेश्वराला गाणी गाऊन एकमेकांना पूर्ण सज्ञानाने शिकविताना आणि बोध देताना ख्रिस्ताचा संदेश तुम्हामध्ये विपुलतेने राहो.
कारण जे काही पूर्वी लिहिण्यात आले, ते सर्व आपल्याला शिक्षण मिळावे म्हणून लिहिले गेले, यासाठी की धीर धरून शास्त्रलेखापासून मिळणार्या प्रोत्साहनाद्वारे आपण आपल्या आशेला दृढ धरून राहवे.
इस्राएलचा राजा दावीदाचा पुत्र शलोमोनाची नीतिसूत्रे:
सुज्ञान आणि शिक्षण मिळविण्यासाठी;
अंतर्ज्ञानाचे शब्द समजून घेण्यासाठी;
समंजसपणाने शिक्षणाचा स्वीकार करण्यासाठी,
जे योग्य आहे आणि न्याय्य आणि वाजवी आहे ते करण्यासाठी;
जे साधे भोळे आहेत त्यांना समंजसपणा देण्यासाठी,
तरुणांना ज्ञान आणि विवेकबुद्धी देण्यासाठी—
शहाण्यांनी ऐकावे आणि त्यांचे ज्ञान वाढवावे,
आणि विवेकी मनुष्याला मार्गदर्शन मिळावे—
ज्ञानी मनुष्याची नीतिसूत्रे व बोधकथा,
प्रसिद्ध वचने आणि कोडे समजण्यासाठी ही नीतिसूत्रे उपयुक्त होतील.
याहवेहचे भय हा सुज्ञानाचा प्रारंभ होय,
परंतु मूर्ख माणसे सुज्ञान आणि शिक्षण तुच्छ लेखतात.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
याहवेह तुमच्या परमेश्वरावर तुमच्या पूर्ण हृदयाने, तुमच्या पूर्ण जिवाने आणि तुमच्या पूर्णशक्तीने प्रीती करा. या ज्या आज्ञा मी आज तुम्हाला देणार आहे, त्या तुमच्या अंतःकरणात सदैव असाव्या. त्या तुमच्या मुलांवर बिंबवा. घरी बसले असताना, वाटेवर चालत असताना, झोपण्याच्या वेळी व झोपेतून उठल्यानंतर त्याबद्दल बोलत राहा.
माझ्या मुला, तुझ्या वडिलांचे शिक्षण ऐकून घे
आणि तुझ्या आईची शिकवण विसरू नकोस.
ती तुझ्या मस्तकाला अलंकृत करणारी माळ आहे
आणि तुझ्या गळ्यातील सुशोभित हार आहे.
माझ्या मुला, तू तुझ्या पित्याची आज्ञा पाळ,
आणि आपल्या आईचे शिक्षण सोडू नकोस.
त्यांचे उपदेश तू सतत आपल्या हृदयात बाळग;
ते तुझ्या गळ्यात बांधून ठेव.
तू चालशील, तेव्हा ते तुला मार्ग दाखवेल;
तू झोपशील, तेव्हा ते तुझे संरक्षण करतील;
आणि तू जागा होशील तेव्हा ते तुझ्याशी बोलतील.
कारण ही आज्ञा एक दीपक आहे,
आणि हे शिक्षण म्हणजे प्रकाश आहे;
आणि ही सुधारणा व बोधवचने
जीवनाचे मार्ग आहेत.
सुज्ञान मिळव, समंजसपणा प्राप्त कर;
माझी वचने विसरू नकोस किंवा त्यांच्यापासून दूर जाऊ नकोस.
सुज्ञानाचा त्याग करू नकोस आणि ती तुझे रक्षण करेल;
तिच्यावर प्रीती कर आणि ती तुझे रक्षण करेल.
सुज्ञानाची सुरवात अशी आहे: सुज्ञान मिळव.
जरी तुझ्याकडे जे आहे ते सर्व खर्च करावे लागले तरी समंजसपणा मिळव.
तू जर तिला उराशी जतन करशील तर ती तुला उंचावेल.
ज्ञानाला दृढ आलिंगन दे मग ती तुला सन्मान देईल;
बोधवचने अंमलात आण, ती सोडून देऊ नकोस;
त्यांचे चांगले रक्षण कर, कारण त्यातच तुझे जीवन आहे.
दुष्ट लोकांच्या मार्गात पाऊल टाकू नकोस,
किंवा दुष्कृत्ये करणार्यांच्या मार्गाने जाऊ नकोस.
सर्वापेक्षा अधिक तुझ्या हृदयाचे रक्षण कर,
कारण जे सर्वकाही तू करतो, ते त्यापासून निष्पन्न होते.
सर्वप्रकारच्या विकृती तुझ्या मुखापासून दूर ठेव;
अपभ्रष्ट भाषण तुझ्या ओठांपासून दूर असू दे.
तुझ्या डोळ्यांनी तू समोरच पाहा;
तुझी नजर एकटक सरळ बघेल असे लक्ष ठेव.
तुझ्या पावलांसाठी असलेल्या मार्गाचा काळजीपूर्वक विचार कर,
आणि तुझ्या सर्व मार्गामध्ये तू स्थिर राहा.
उजवीकडे किंवा डावीकडे वळू नकोस;
वाईटाकडे जाण्यापासून तुझी पावले दूर ठेव.
सुज्ञ मनुष्याचा सल्ला जीवनाचा झरा आहे.
तो मृत्यूच्या पाशांपासून त्याला वाचवितो.
याहवेहचे भय हा सुज्ञानाचा प्रारंभ होय,
आणि पवित्र परमेश्वराचे ज्ञान असणे हा सुज्ञपणा होय.
अहो माझ्या लोकांनो, माझे विधिनियम ऐका;
माझ्या मुखातून निघणार्या वचनाकडे कान द्या.
मी तोंड उघडून दाखल्यांनी त्यांच्याशी बोलेन;
मी पूर्वकाळचे रहस्य; जुन्या काळातील गुप्त गोष्टी सांगेन;
ज्यागोष्टी आम्ही ऐकल्या आणि आम्हाला समजल्या आहे,
त्या आमच्या पूर्वजांनी आम्हाला सांगितल्या आहेत.
आम्ही त्या त्यांच्या वंशजांपासून गुप्त ठेवणार नाही,
आम्ही भावी पिढीच्या लोकांपुढे,
याहवेहचे गौरव करू आणि
त्यांच्या सामर्थ्याचे आणि चमत्कारांचे वर्णन करू.
नंतर ती संपूर्ण पिढी त्यांच्या पूर्वजांना मिळाल्यानंतर, दुसरी पिढी उदयास आली, ज्यांना याहवेहबद्धल किंवा त्यांनी इस्राएलसाठी काय केले हे माहीत नव्हते.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
जे वडीलजन आपला अधिकार चांगल्या प्रकारे चालवितात, विशेषकरून जे उपदेश व शिक्षण याविषयी परिश्रम घेतात, त्यांना दुप्पट सन्मानास योग्य गणले जावे. कारण पवित्रशास्त्र म्हणते, "बैल धान्याची मळणी करीत असताना, त्याला मुसके बांधू नको" आणि "कामकरी आपल्या वेतनास पात्र आहे!"
भक्तिहीन वादविवाद टाळा, कारण जे त्यात गुंततात ते अधिकाधिक भक्तिहीन होतील. आणि याप्रकारचे शिक्षण कुजलेल्या जखमेसारखे पसरेल. हुमनाय व फिलेत, ती दोघे अशा प्रकारची माणसे आहेत.
जे कोणी सर्वांच्या पुढे जात राहतात आणि ख्रिस्ताच्या शिक्षणात राहत नाहीत त्यांच्याकडे परमेश्वर नाही; जो कोणी या शिक्षणात राहतो त्यांच्याकडे पिता आणि पुत्र दोघेही आहेत.
मग अर्धा सण पार पडल्यानंतर येशू मंदिराच्या अंगणात गेले आणि शिकवू लागले. जे यहूदी तिथे होते ते चकित झाले आणि विचारू लागले, "हा मनुष्य शिकला नसून हे ज्ञान त्याला कसे प्राप्त झाले?"
येशू त्यांना म्हणाले, "माझी शिकवण माझी स्वतःची नसून ज्यांनी मला पाठविले त्यांची आहे. जर कोणी परमेश्वराच्या इच्छेप्रमाणे करण्याचा निर्धार करेल तर त्याला खात्रीने समजेल की माझी शिकवण परमेश्वरापासून आहे की मी स्वतःच्या मनाचे बोलत आहे. जो कोणी स्वतःचे विचार मांडतो तो स्वतःचे गौरव करतो, परंतु जो ज्याने त्याला पाठविले त्याला गौरव मिळावे म्हणून बोलतो, तो मनुष्य खरा आहे; व त्याच्यात खोटेपण नाही.