Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
सम्पूर्ण पवित्र धर्मशास्त्र परमेश्वरको सास-फुकाइबाट हो, र यो सिकाउन, हप्काउन, सच्याउन र धार्मिकताको तालिम दिनलाई उपयोगी हुन्छ। जसद्वारा परमेश्वरको जन हरेक सुकर्मको लागि निपुण भएर सिद्ध भएको होस्।
"यसकारण हरेक जसले मेरा यी वचनहरू सुनेर त्यसअनुसार काम गर्दछ, त्यो त्यस बुद्धिमान् मानिसजस्तो हो, जसले आफ्नो घर चट्टानमाथि बनायो।
तिमीहरूले पूरा बुद्धिसाथ एक-अर्कालाई सिकाउँदा र हप्काउँदा, ख्रीष्टको वचन तिमीहरूसँग प्रशस्त गरी बास गरोस्। आफ्ना हृदयमा भएका कृतज्ञतासाथ परमेश्वरको निम्ति भजन, स्तुतिगान र आत्मिकी गीतहरू गाओ।
किनकि विगतमा जे लेखिए, त्यो हामीलाई शिक्षाका निम्ति लेखिएका थिए, ताकि हामीले धर्मशास्त्रहरूमा सिकाइएको धैर्यता र प्रोत्साहनको कारणले आशा प्राप्त गर्न सकौँ।
इस्राएलका राजा, दावीदका पुत्र, सोलोमनका हितोपदेशहरू:
बुद्धि र अनुशासन प्राप्त गर्नका निम्ति,
अन्तर्दृष्टिका वचनको समझ प्राप्त गर्नका निम्ति,
विवेकी आचरणको अनुशासन प्राप्त गर्नको निम्ति
जे धार्मिक, न्यायी र निष्पक्ष छ, त्यो गर्नको निम्ति,
सोझाहरूलाई समझदार,
जवानहरूलाई ज्ञान र स्वविवेक दिनका निम्ति—
बुद्धिमान्ले सुनोस् र तिनीहरूका ज्ञान बढाऊन्;
र विवेकशील व्यक्तिलाई अगुवाइ मिलोस्—
हितोपदेश र दृष्टान्तहरू,
बुद्धिमान्का भनाइ र गहिरा-गहिरा वचनहरू बुझ्नका निम्ति।
याहवेहको भय ज्ञानको सुरुवात हो,
तर मूर्खले चाहिँ बुद्धि र अनुशासनलाई तुच्छ ठान्दछ।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
याहवेह तिमीहरूका परमेश्वरलाई तिमीहरूका सम्पूर्ण हृदयले, सम्पूर्ण प्राणले र सम्पूर्ण बलले प्रेम गर। आज मैले तिमीहरूलाई दिएका यी आज्ञाहरू आफ्ना हृदयभित्र राखिराख। यी तिमीहरूका छोराछोरीहरूलाई सिकाओ। तिमीहरू घरमा बस्दा, बाटोमा हिँड्दा, ढल्कँदा र उठ्दा यसको बारेमा चर्चा गर।
हे मेरा छोराछोरी, आफ्ना बुबाको शिक्षा सुन
र आफ्नी आमाको शिक्षालाई नत्याग।
ती तिम्रा शिरका निम्ति शोभायमान मुकुट
र तिम्रा गलामा सम्मानको हार हुन्।
हे मेरो छोरा, आफ्नो बुबाको आज्ञापालन गर;
र आफ्नी आमाको शिक्षालाई नत्याग।
त्यसलाई तिम्रो हृदयमा सधैँको लागि टाँसी राख,
त्यसलाई तिम्रो गलामा बाँधिराख।
जब तिमी हिँड्छौ, त्यसले तिमीलाई अगुवाइ गर्नेछ;
जब तिमी निदाउँछौ, त्यसले तिम्रो सुरक्षा गर्नेछ;
जब तिमी जाग्नेछौ, त्यसले तिमीलाई सल्लाह दिनेछ।
किनकि यो आज्ञा एउटा बत्ती हो,
र शिक्षाचाहिँ ज्योति हो;
अनि अनुशासनको सुधार
जीवनका मार्ग हुन्,
बुद्धि प्राप्त गर, समझशक्ति प्राप्त गर;
मेरा वचनहरू नबिर्स, र तिनीहरूदेखि तर्किएर नजाऊ।
बुद्धिलाई नत्याग, र यसले तिमीलाई रक्षा गर्नेछ;
यसलाई प्रेम गर, र यसले तिमीलाई पहरा दिनेछ।
बुद्धि सर्वोच्च हो, यसकारण बुद्धि प्राप्त गर।
समझशक्तिको लागि तिमीसित भएका कुनै पनि मूल्य चुकाउनुपरे तापनि यसलाई प्राप्त गर।
बुद्धिलाई कदर गर, र यसले तिमीलाई उच्च पार्नेछ,
यसलाई ग्रहण गर, र यसले तिम्रो आदर गर्नेछ।
अर्तीलाई पक्रिबस, यसलाई जान नदेऊ;
यसलाई जोगाइराख; किनकि यो तिम्रो जीवन हो।
दुष्टको मार्गमा पाइला नटेक
अथवा खराब मानिसहरूको चालमा नहिँड।
यी कुराहरूभन्दा बढी आफ्नो हृदयलाई नै सुरक्षित राख;
किनकि यो नै सारा जीवनको मूल हो।
तिम्रो मुखबाट भ्रष्टता टाढै रहोस्,
भ्रष्ट कुराकानी तिम्रो ओठदेखि टाढै रहोस्।
तिम्रा आँखाले सीधा अगिल्तिर हेरोस्,
तिम्रो अगिल्तिर सोझै एक टक लगाएर हेरोस्।
तिम्रा खुट्टाहरूका निम्ति समतल मार्ग बनाऊ,
र आफ्ना सबै मार्गहरूमा दृढ होऊ!
दाहिने अथवा देब्रेतिर नलाग;
सबै दुष्ट कुराबाट आफ्ना खुट्टाहरू अलग राख!
बुद्धिमान्को शिक्षा जीवनको मूल हो,
जसले मानिसलाई मृत्युको पासोबाट फर्काउँछ।
याहवेहको भय नै बुद्धिको सुरुवात हो,
र पवित्र परमेश्वरको ज्ञान नै समझशक्ति हो।
हे मेरा मानिसहरू हो, मेरा शिक्षातिर ध्यान दिएर सुन;
मेरा मुखका वचनहरूतिर ध्यान लगाओ।
म मेरो मुख दृष्टान्तमा बोल्नलाई खोल्नेछु;
म प्राचीनका कुराहरूबाट गुप्त कुराहरू भन्नेछु—
हामीले ती कुराहरू सुनेका र जानेका छौँ,
जुन कुरा हाम्रा पितापुर्खाहरूले हामीलाई बताएका छन्।
हामी ती कुराहरूलाई तिनीहरूका छोराछोरीहरूबाट लुकाउनेछैनौँ;
हामी आउने पुस्तालाई याहवेहका प्रशंसायोग्य कामहरू,
उहाँको शक्ति र उहाँले गर्नुभएका
अद्भुत कार्यहरूको बारेमा वर्णन गर्नेछौँ।
त्यो सम्पूर्ण पुस्ता आफ्ना पितापुर्खाहरूसित मिल्न गए। अनि अर्को पुस्ता बढेर आयो, जसले न त याहवेहलाई चिन्दथ्यो, न त उहाँले इस्राएलका निम्ति गर्नुभएका कुराहरू नै जान्दथ्यो।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
मण्डलीको असल रेखदेख गर्ने प्रधानहरूलाई आदरको पारिश्रमिक दिइनुपर्छ, खासगरी तिनीहरू, जो प्रचार गर्ने र शिक्षा दिने काम गर्दछन्। किनकि पवित्र धर्मशास्त्रले भन्छ, "अन्नबाली दाइँ गर्दा गोरुको मुखमा मोहोलो नलगाउनू," र "खेताला आफ्नो ज्यालाको योग्य हुन्छ।"
भक्तिहीन र मूर्ख बकबकदेखि अलग बस; किनकि यसमा लागिरहनेहरू अझ बढी भक्तिहीन हुँदै जानेछन्। तिनीहरूका शिक्षा कुहिँदैगएको घाउझैँ फैलिन्छ। यस्ताहरूमध्ये हुमेनियस र फिलेतस हुन्,
हरेक जसले बाटो बिराएर अन्यत्र जाँदछ, त्यो ख्रीष्टको शिक्षामा स्थिर रहँदैन, त्यससँग परमेश्वर हुनुहुन्न; ख्रीष्टको शिक्षामा रहिरहने सबैसँग पिता र पुत्र दुवै हुनुहुन्छ।
अब चाड आधा-आधी भइसकेपछि येशू मन्दिरका चोकहरूमा जानुभयो, र शिक्षा दिन थाल्नुभयो। यहूदीहरूले छक्क परेर सोधे, "केही अध्ययन नै नगरी पनि यिनले यस्तो ज्ञान कसरी प्राप्त गरे?"
येशूले जवाफ दिनुभयो, "मेरो शिक्षा मेरो आफ्नै होइन। यो त उहाँबाट आउँछ, जसले मलाई पठाउनुभयो। यदि कसैले परमेश्वरको इच्छा पालन गर्न चाहन्छ भने मेरो शिक्षा परमेश्वरतर्फबाट आएको हो, अथवा म आफैँले बोलेको हुँ, सो उसले थाहा पाउनेछ। जसले आफ्नै तर्फबाट बोल्छ, त्यसले आफ्नै आदर खोज्न त्यसो गर्छ। तर जसले उसलाई पठाउनुहुनेको आदरको निम्ति काम गर्छ, त्यो सत्यको मानिस हो। उसमा केही झूट हुँदैन।