16 Weche duto manie Muma oa kuom much Nyasaye kendo konyo kuom puonjo ji, kendo kuom kwero gik maricho, kendo kuom rieyo ji, kendo kuom tiego ji mondo ji obed joma kare, 17 eka ngʼat Nyasaye obed molony chuth ne tich moro amora maber.

24 "Emomiyo ngʼato angʼata mawinjo wechenagi kendo otimogi chalo gi ngʼama riek mane ogero ode e lwanda.

16 Wach Kristo mondo odagi e chunyu gi nyak duto mokelo, kupuonjoru kendo usiemoru ngʼato gi ngʼato gi rieko duto, kendo kupako Nyasaye gi wende zaburi kwero wende kitabu kod wende chuny ka ugoyo ni Nyasaye erokamano e chunyu.

4 Nimar weche duto ma nondiki e ndalo machon, nondiki mondo opuonjwa, mondo kwachungʼ motegno kendo ka wajiwore gi Ndiko, to wanyalo bedo gi geno.

1 Ngeche mag Solomon wuod Daudi, ruodh Israel:

2 mamiyo iyudo rieko kod ritruok makare,

kendo winjo tiend weche matut;

3 kendo miyo idak e ngima moritore kendo mobidhore

kitimo gima adiera kendo gima kare kendo mowinjore,

4 gimiyo joma ngʼeyogi tin bedo mariek,

kendo gimiyo jomatindo ngʼeyo tiend weche kendo pogo tiend wach.

5 Mad jomariek chik itgi mondo owinji kendo gimedgi e puonjruokgi,

to jogo mongʼeyo pogo tiend wach mad oyud gino ma chikogi,

6 mondo gingʼe ngeche, sigendini,

kod weche ma tiendgi tek mag jorieko.

7 Luoro Jehova Nyasaye e chakruok mar ngʼeyo

to joma ofuwo chayo rieko gi ritruok makare.

5 Her Jehova Nyasaye ma Nyasachi gi chunyi duto kendo gi ngimani duto kendo gi tekoni duto. 6 Chike mamiyou kawuono onego bed e chunyu. 7 Ketgi e chuny nyithindu, wuo e wechego ka un e dala, ka uwuotho e bath yo, ka unindo kata ka uchungʼ.

8 Wuoda, chik iti ni puonj wuonu,

kendo kik ijwangʼ puonj mar minu.

9 Ginibedni kaka kondo michwowo e wiyi,

kendo kaka thiwni miketo e ngʼuti mondo ineri maber.

20 Wuoda, rit chike wuonu

kendo kik iwe puonj minu.

21 Kan-gi ka ipandogi e chunyi nyaka chiengʼ;

twegi e ngʼuti motegno.

22 Ka iwuotho, to gibiro chiki;

to ka inindo, to giniriti;

to ka ichiewo, to giniwuo kodi.

23 Nikech chikegi gin taya,

to puonjni en ler,

kendo kwer mikwerogo ngʼato kuom gima otimo marach

kelo mana ngima,

5 Yud rieko kod ngʼeyo matut,

wiyi kik wil kod wechena kata weyogi.

6 Kik ijwangʼ rieko to obiro bedoni ragengʼ;

here, to obiro ritoi.

7 Rieko nigi duongʼ moloyo, omiyo yud rieko.

Kata obedo ni mwanduni duto nyalo rumo,

to bed gi winjo tiend wach.

8 Miye duongʼ, to enotingʼi malo;

rwake chutho, to obiro miyi duongʼ.

13 Mak motegno gima isepuonjori,

kik iweye, olalni to irite maber, nikech en e ngimani.

14 Kik iwuothi e yor joma timbegi mono

kata kik iluw yor jomaricho.

23 To moloyo duto, rit chunyi,

nikech en e soko mar ngima.

24 Wach ma ok adiera kik aa e dhogi;

weche mag miganga kik wuogi e dhogi.

25 Rang mana nyimi tir,

ka ichomo wangʼi moriere tir e nyimi.

26 Rie yore tir monego iluw

kendo luw mana yore motegno.

27 Kik ibar kidhiyo korachwich kata koracham;

rit tiendi mondo kik idonji e richo.

14 Puonj mar ngʼat mariek en soko mar ngima

ma reso ngʼato e obadho mag tho.

10 Luoro Jehova Nyasaye e chakruok mar rieko,

to ngʼeyo Jal Maler miyo ngʼato ngʼeyo tiend wach.

1 Chiknauru itu, yaye un joga,

winjuru weche mawuok e dhoga.

2 Abiro yawo dhoga mondo awuo gi ngeche,

ee, abiro hulo gik mopondo ma wuoyo kuom gik mane otimore chon gi lala.

3 Gik ma wasewinjo kendo ma wangʼeyo,

mane wuonewa onyisowa.

4 Ok wabi pandogi ne nyithindgi;

to wabiro hulogi ne tiengʼ mabiro timbe mipako mag Jehova Nyasaye,

gi tekone kod gik miwuoro mosetimo.

10 Bangʼ ka tiengʼno duto noseyweyo kod kweregi, tiengʼ machielo nochako dongo, mane ok ongʼeyo Jehova Nyasaye kata gima nosetimone jo-Israel.

17 Jodong kanisa morito weche mag kanisa onego yud pok margi nyadiriyo, to moloyo jodongo ma tichgi en yalo kod puonjo wach Nyasaye. 18 Nimar Ndiko owacho niya, "Kik utwe dho dhiangʼ kaywayo lodi ma idinogo cham,"* kendo niya, "Jatich ber gi chudo kuom tije motiyo."*

16 Pogri kod mbekni manono mag piny nikech jok moketo chunygi e gik ma kamago medo bedo mabor moloyo gi Nyasaye. 17 Puonj mag joma kamago biro landore ka adhola malandore. Achiel kuomgi gin Humenayo gi Fileto,

9 Ngʼato mokadho tongʼ, ma ok sik e puonj Kristo, oonge gi Nyasaye, to ngʼat mosiko gi puonj nigi Wuoro kaachiel gi Wuowi.

14 Kane ji pod ni e Sawo, Yesu nodonjo nyaka e laru mar hekalu mochako puonjo ji. 15 Jo-Yahudi nowuoro ka gipenjo niya, "Rieko machalo kama ngʼatni oyudo kanye to ok osomo?"

16 Yesu nodwokogi niya, "Gik ma apuonjo ok gin maga awuon, to gin mag Jal mane oora. 17 Ka ngʼato oyiero mar timo dwach Nyasaye, to obiro ngʼeyo ka bende puonjna oa kuom Nyasaye adier, kata ka awacho mana wechena awuon. 18 Ngʼat ma wuoyo kuome owuon timo kamano mondo oyud duongʼ en owuon, to ngʼat matiyo mondo Nyasaye mane oore ema oyud duongʼ, en ja-adiera, kendo onge miriambo moro amora kuome.