Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
सारअ पबित्र शास्त्र आसा परमेशरो बैण ज़ुंण परमेशरै तिन्नें मन्नैं पाअ ज़ुंणी अह लिखअ, हाम्हैं सका एता करै लोगा का परमेशरो सत्त सखाऊई, तिन्नां मणछा सखाऊई ज़ुंण गलत करा, एता करै लागा हाम्हां का थोघ कि म्हारी ज़िन्दगी दी किज़ै गलती आसा अर धर्मीं ज़िन्दगी किहअ करै लागा ज़िऊंणीं। ताकि परमेशरो मणछ सज़ाण होए अर सोभै भलै काम करी सके।
"तैही बोला हुंह ज़ुंण मेरी गल्ला शूणीं तिन्नां मने, सह हणअ तेऊ समझ़कार मणछा ज़िहअ, ज़ुंण आपणअ घअर पाक्कै शाफल़ा प्रैंदै पाक्की ज़ैगा बणाआं।
ज़ुंण तम्हैं मसीहा का आसा शिखल़अ द, तिन्नां हर गल्ला मनी ज़िऊआ आपणीं ज़िन्दगी परमेशरे मरज़ी दी। एकी-दुजै लै दैआ आपणीं अक्ल करै समझ़ाऊंणी अर सखाऊंणी ज़ुंण तम्हां परमेशरा का आसा भेटी दी। भज़न, गाऊंण अर आत्मिक गिहा करै रहा परमेशरे स्तोती अर शूकर करदै लागी।
ज़ेतरी बी गल्ला पैहलै का आसा पबित्र शास्त्रा दी लिखी दी, तिंयां आसा म्हारी शिक्षे तैणीं लिखी दी कि हाम्हैं सबर अर पबित्र शास्त्रा करै हाम्हां हैअ अर आशा होए।
ईंयां सैणीं गल्ला आसा इज़राईल मुल्खे राज़ै दाबेदे शोहरू राज़ै सुलैमाने:
ज़ुंण इना गल्ला पहल़े, तिन्नां एछणी अक्ल, सबर
अर तिन्नां समझ़णीं ईंयां सैणीं गल्ला राम्बल़ै करै।
एता करै लागणअ तिन्नां का थोघ कि
किहअ करै लागा सुंबल़ी सोर डाही ज़िन्दगी ज़िऊंणीं,
अर एता करै लागणअ तिन्नां का थोघ कि धर्म, नसाफ
अर मानदारी किज़ै आसा।
एता का सका आम मणछ बी शिखल़ी कि
छ़ल़ैघ किहअ करै हणअ,
खारकअ मणछ सका एता का ज्ञैन अर सुंबल़ी सोर शिखल़ी।
इना सैणीं गल्ला करै एछणी अक्ली आल़ै मणछा होर बी खास्सी अक्ल
अर छ़ल़ैघ मणछ समझ़णअ
सैणीं गल्लो, कहाबतो अर
समझ़कार मणछै खोज़ी दी गल्लो गुप्त भेद।
बिधाते डरा हेठै रही एछा अक्ल,
कबुधी मणछ निं अक्लीओ अदर करदै
अर नां तिंयां शिखल़दै।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
तम्हैं करै आपणैं परमेशर बिधाता लै आपणअ सारअ मन्न, प्राण अर आपणअ सारअ ज़ोर लाई झ़ूरी। बिधाते बधान अर बिधी ज़ुंण मंऐं आझ़ खोज़ी लाऐ, तिंयां लोल़ी तम्हैं आपणैं दिलै सदा आद डाहै। इना डाहै तम्हैं आपणैं शोहरू-माठै का भिई-भिई बोली खोज़ी। हर बगत करनी तिन्नां संघै एते ई बारै गल्ला, घअरै-बणैं, हांढदी-फिरदी, बैल़ी सुत्तदी अर दोत्ती उझ़दी करै तम्हैं एते ई बारै गल्ला।
लान्हैंओ, आपणैं ईजा-बाबे शिक्षा दी दैआ धैन कि
तिंयां तम्हां लै किज़ै बोला,
तिन्नें शिक्षा हणीं तम्हां लै मुंडे मुगट
अर गल़े कंठी ज़ेही।
लान्हैंओ, तम्हैं करा तिहअ
ज़िहअ थारै ईज-बाब खोज़ा बोला,
तिन्नें शिक्षा डाहै सदा गांठ दैणैं ज़ेही आद
अर गल़े हारा ज़ेही आप्पू का सदा।
तिन्नें गल्ला करै शुझणीं ताखा आजू बात,
सुत्तदा हणीं तेता करै तेरी फाज़त
अर ज़ागदा करनी तिन्नां शिक्षा ताह संघै गल्ला।
किल्हैकि तिन्नें शिक्षा आसा लाटूए प्रैश्शै ज़ेही,
तिन्नों नैरनै-समझ़ाऊंणैं करै लागा ज़िन्दगी ज़िऊंणेंओ थोघ,
अक्ल अर सुंबल़ी सोर डाह!
ज़ुंण हुंह बोला तेता डाहै आद, बिस्सरी निं आथी।
नसकलअ निं हई,
अक्ली लै झ़ूर तेता करै हणीं तेरी फाज़त।
सोभी का बडी आसा अक्ल,
तैही दैणअ अक्ल पाणा लै ज़ोर,
होरी सोभी गल्ला भेटणैं का खास आसा समझ़ भेटणीं।
अक्ली लै झ़ूर तेता करै हणीं ताह उझै।
अक्ली दी रह मल़्हैछुई तेता करै हणअ तेरअ अदर।
मेरी शिक्षा डाहै सदा आद,
किल्हैकि अह ई आसा तेरी ज़िन्दगी, एते करै फाज़त।
ज़ेथ बाखा कदुष्ट मणछ डेओआ, तेथ निं डेऊई
नां तिन्नां ज़िहै काम करी।
सोभी का खास्सी करनी आपणैं मन्नें फाज़त कि तम्हैं किज़ै सोठा,
किल्हैकि मणछे ज़िन्दगी ढल़ा तेऊ साबै ज़ेही सह सोठा।
एही निं गल्ल ई करनी ज़ुंण शुची निं आथी,
नां एही उंबल़ी अर होरी कबाता पाणै आल़ी गल्ला करनी।
तंऐं रहणअ आजू आज़रै भाल़ै लागी कि तूह किधा लै च़ाल्लअ।
ज़ुंण काम करनअ, सह लणअ पैहलै जोखी,
ताकि ज़ुंण तूह करे तेथ सफल होए।
बूराई छ़ाडी रहै आज़री बाता हांढदअ लागी
तेता का दैहणै-बाऊंऐं हाथै हांढी गलती निं करी।
अक्ली आल़ै मणछे शिक्षा हआ एही सोबल़ ज़ुंण ज़िन्दगी दैआ,
तेता करै भेटा तेभै मज़त ज़ेभै तम्हां मरनै जोगी फाही हआ हुई दी।
बिधाते डरा हेठै रहणअ आसा अक्लीओ मूल़,
परम पबित्र परमेशरे बारै थोघ करनअ आसा समझ़।
मेरै साथी-संघीओ, मेरी गल्ला दी दैआ धैन,
मंऐं भाल़ तम्हां लै केही शिक्षा लाई दैई!
मुंह करनी कथ्या खोज़ी गल्ला,
संघा खोज़णीं मुंह तम्हां का तिंयां गल्ला ज़ुंण पराणैं ज़मानै ओर्ही गुप्त आसा।
ईंयां गल्ला आसा हाम्हैं आपणैं
दादा-बाबा का शूणीं दी,
हाम्हां निं ईंयां गल्ला आपणैं लान्हैं सुन्हैं का च़ोरी डाहणीं,
हाम्हां खोज़णअ आगली पोस्ती का
बिधातो बल अर तेऊए महान कामें बारै कि
तेऊ किहै-किहै नुआहरै काम आसा किऐ दै।
खिरी गऐ तैहा पोस्तीए सोभ लोग अमर पूरी हई ज़ांऐं अर नऊंईं पोस्तीए खारकै लोगा का निं थोघ ई आथी त कि बिधाता इज़राईला लै किज़ै आसा किअ द।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
ज़ुंण विश्वासी टोलीए सैणैं ठीक इंतज़ाम करा तिंयां आसा दुगणीं इज़त अर ढब्बै-धेल्ले मज़ते हकदार। खासकर तिंयां ज़ुंण परमेशरे बैण खोज़ा अर शिक्षा दैआ। पबित्र शास्त्र बोला इहअ, "खहल़ा काढणैं आल़ै बल्दा लै दैणअ खाणां लै बी तेता ई मांझ़ै खहल़ा का," एकी होरी ज़ैगा बोला पबित्र शास्त्र इहअ, "मज़दूर आसा मज़दूरी लणेंओ हकदार।"लेब. 19:13; बधा. 25:4
पर तिन्नां मणछा का रहअ दूर ज़ुंण एही गल्ला करा ज़ेता करै परमेशरे बेइज़ती हआ, किल्हैकि एही गल्ला निंयां लोगा सिधी परमेशरा का दूर। एही शिक्षा करा मणछो विश्वास खतम ज़िहअ चिजअ द दुखणअ तेऊ मणछे सारी घेरी दी लागा बढदअ, हनिनयुस अर फिलेतुस आसा तिन्नां ई मांझ़ै।
हुंह बोला तम्हां लै इहअ कि ज़ुंण मसीहा खोज़ी दी शिक्षा दी किज़ै आपणीं बाखा राल़े अर तिन्नां शिक्षा दी कबल्लअ विश्वास नांईं करदअ, तेऊओ निं परमेशरा संघै किछ़ै रिश्तअ आथी। ज़ै कुंण कबल्लअ मसीहा खोज़ी दी शिक्षा दी विश्वास करा, तेऊ का आसा म्हारअ बाब परमेशर अर तेऊए पूत मसीहा ईशू दुहै।
ज़ांऊं छ़ानींए थैरे आधी धैल़ी-बिति अर ईशू लागअ भबने खोल़ै पुजी लोगा लै शिक्षा दैंदअ। एता भाल़ी हुऐ यहूदी सैणैं रहैन अर तिंयां लागै बोल्दै, "एऊ बाझ़ी पहल़ै एतरी बिद्या किधा का शिखल़ी?"
ईशू दैनअ तिन्नां लै ज़बाब, "ज़ुंण समाद हुंह खोज़ा अह निं मेरअ आथी पर अह आसा तेऊओ ज़ुंणी हुंह संसारा लै आसा छ़ाडअ द। ज़ै कुंण परमेशरे मरज़ी दी रहे, तेऊ हेरनी ईंयां गल्ला समझ़ी कि ईंयां परमेशरा बाखा आसा कि मंऐं आप्पू बाखा खोज़ी?
"ज़ुंण आप्पू बाखा किज़ै बोला, सह च़ाहा आपणीं बड़ैई करनी, पर ज़ुंण आपणैं छ़ाडणैं आल़ेए बड़ैई च़ाहा करनी, सह हआ हर गल्ला दी शुचअ अर तेऊ दी निं कोई पाप बूराई हंदी।