16 ‌ʻOku foaki mai ʻae Tohitapu kotoa pē ʻi he fakamānava ʻae ʻOtua, pea ʻoku ʻaonga ia ki he akonaki, mo e valoki, mo e fakatonutonu, mo e fakapoto ki he māʻoniʻoni: 17 Koeʻuhi ke haohaoa ʻae tangata ʻoe ʻOtua, pea kakato hono teuteu ki he ngaahi ngaue lelei kotoa pē.

24 "Ko ia ʻoku ne fanongo ki heʻeku tala ni, pea fai ki ai, te u fakatatau ia ki he tangata poto, naʻe langa hono fale ʻi he funga maka:

16 Ke nofoʻia ʻo lahi ʻaupito ʻakimoutolu ʻe he folofola ʻa Kalaisi ʻi he poto kotoa pē; pea mou feakonakiʻaki mo fetokoniʻaki ʻi he ngaahi saame, mo e lea mālie, mo e ngaahi hiva fakalaumālie, ʻo hiva mo e ʻofa ʻi homou loto ki he ʻEiki.

4 He ko e ngaahi meʻa kotoa pē naʻe tohi ʻi muʻa, naʻe tohi ko hotau akonaki, koeʻuhi ko e meʻa ʻi he faʻa kātaki mo e fakafiemālie ʻoe ngaahi tohi, ketau maʻu ai ʻae ʻamanaki lelei.

1 Ko e ngaahi lea fakatātā ʻa Solomone ko e foha ʻo Tevita, ko e tuʻi ʻo ʻIsileli;

2 Ke ʻilo ai ʻae poto mo e akonaki;

pea ongoʻi ʻae ngaahi lea ʻoe faʻa ʻilo;

3 Ke maʻu ʻae akonaki ʻoe poto,

mo e angatonu, mo e fakamaau, pea mo e fai totonu;

4 Ke foaki ʻae ʻiloʻilo ki he taʻepoto,

pea ki he tangata talavou ʻae ʻilo mo e faʻa fakakaukau.

5 ‌ʻE fie fanongo ʻe he tangata poto, pea ʻe tupulekina ai a ʻene poto;

pea ʻe maʻu ai ʻe he tangata faʻa ʻilo ʻae ngaahi fakakaukau lelei:

6 Ke ʻiloʻi ʻae lea fakatātā, pea mo hono fakamatala;

ʻae ngaahi lea ʻae poto, mo ʻenau ngaahi tala ʻilongataʻa.

7 Ko e manavahē kia Sihova ko e kamataʻanga ia ʻoe ʻilo:

ka ʻoku fehiʻa ʻae vale ki he poto mo e akonaki.

5 Pea te ke ʻofa kia Sihova ko ho ʻOtua ʻaki ho loto kotoa, mo hoʻo moʻui kotoa, mo ho mālohi kotoa. 6 Pea ko e ngaahi lea ni, ʻaia ʻoku ou fekau kiate koe he ʻaho ni, ʻe ʻi ho loto ia: 7 Pea te ke faʻa ako ʻaki ia ki hoʻo fānau, pea te ke talanoa ʻaki ia ʻoka ke ka nofo ʻi ho fale, pea ʻoka ke ka ʻalu ʻi he hala, pea ʻoka ke ka tokoto hifo, pea ʻoka ke ka tuʻu hake.

8 ‌ʻE hoku foha, fanongo ki he akonaki ʻa hoʻo tamai,

pea ʻoua naʻa ke liʻaki ʻae fekau ʻa hoʻo faʻē:

9 Koeʻuhi ʻe hoko ia ko e teunga lelei ki ho ʻulu,

mo e kahoa ke tautau ki ho kia.

20 ‌ʻE hoku foha, ke ke tauhi ʻae fekau ʻa hoʻo tamai,

pea ʻoua naʻa liʻaki ʻae fono ʻa hoʻo faʻē:

21 Nonoʻo maʻuaipē ia ki ho loto,

pea kahoa ʻaki ia ʻi ho kia.

22 ‌ʻOka ke ka ʻalu, te ne tataki koe;

ʻoka ke ka mohe, te ne tauhi koe;

pea ʻoka ke ka ʻā, te mo alea mo ia.

23 He ko e fekau ko e tuʻunga maama ia:

pea ko e fono ko e maama ia;

pea ko e valoki fakapoto ko e hala ia ʻoe moʻui:

5 Ke ke maʻu ʻae poto,

pea maʻu mo e ʻilo:

ʻoua naʻa ngalo ia; pea ʻoua naʻa ke fakaholomui mei he ngaahi lea ʻa hoku ngutu.

6 ‌ʻOua naʻa liʻaki ia, pea te ne fakamoʻui koe:

ke ke ʻofa kiate ia, pea te ne tauhi kiate koe.

7 Ko e poto ko e meʻa ʻoku fungani hake ia;

ko ia ke ke maʻu ʻae poto:

pea ʻi he meʻa kotoa pē ʻoku ke maʻu, ke ke maʻu mo e ʻilo.

8 Fakahikihikiʻi ia, pea te ne hakeakiʻi koe:

pea ʻi hoʻo fāʻufua kiate ia, te ne fakaongoongolelei koe.

13 Puke ke maʻu ʻae akonaki;

ʻoua naʻa tukuange ia:

kuku maʻu ia; he ko hoʻo moʻui ia.

14 ‌ʻOua naʻa ke ʻalu atu ki he hala ʻoe angahala,

pea ʻoua naʻa ʻeveʻeva ʻi he ʻaluʻanga ʻoe kakai angakovi.

23 Ke ke tauhi fakamātoato ki ho loto;

he ʻoku tupu mei ai ʻae ikuʻanga ʻoe moʻui.

24 Ke liʻaki ke mamaʻo ʻiate koe ʻae ngutu ʻoku kovi,

mo e loungutu paongataʻa.

25 Ke sio totonu atu pe ho mata,

pea ke hangatonu ki muʻa ho laumata ʻiate koe.

26 Fakakaukau ki he ʻalunga ʻo ho vaʻe,

pea ʻe fakatonutonu ai ho ngaahi hala kotoa pē.

27 ‌ʻOua naʻa afe ki he nima toʻomataʻu pe ki he toʻohema:

ka ke fakatafoki ho vaʻe mei he kovi.

14 Ko e fono ʻae poto ko e matavai ia ʻoe moʻui,

ke tau hao ai mei he ngaahi tauhele ʻoe mate.

10 Ko e manavahē kia Sihova ko e kamataʻanga ia ʻoe poto:

pea ko e ʻilo ʻoe māʻoniʻoni ko e fakakaukau poto ia.

1 Fakafanongo ʻa hoku kakai ki heʻeku akonaki:

fakatokangaʻi homou telinga ki he ngaahi lea ʻa hoku ngutu.

2 Te u mafaʻa hoku ngutu ʻi he fakatātā:

te u fakahā ʻae ngaahi lea fufū mei muʻa:

3 ‌ʻAia kuo tau fanongo ki ai pea ʻiloʻi,

pea naʻe tala ia kiate kitautolu ʻe heʻetau ngaahi tamai.

4 ‌ʻE ʻikai te tau fufū ia mei heʻenau fānau,

ka ʻe fakahā ki he toʻutangata ʻe hoko ʻae ongoongolelei ʻo Sihova,

mo hono mālohi, mo e ngaahi ngāue mana naʻa ne fai.

10 Pea naʻe tānaki foki ʻae toʻutangata kotoa pē ko ia ki heʻenau ngaahi tamai; pea naʻe tupu hake ʻae toʻutangata ʻe taha ʻo hoko mo kinautolu, ʻaia naʻe ʻikai tenau ʻilo ʻa Sihova, pe ko e ngaahi ngāue foki naʻe fai ʻe ia maʻa ʻIsileli.

17 ‌ʻIlonga ʻae kau mātuʻa ʻoku pule lelei, ke ʻatu kiate kinautolu ʻae fakaʻapaʻapa lahi, kae lahi hake kiate kinautolu ʻoku ngaue ʻi he folofola mo e akonaki. 18 He ʻoku pehē ʻae tohi, "ʻOua naʻa ke nonoʻo ʻae ngutu ʻoe pulu ʻoku ne molomoloki ʻae uite." Pea, "ʻOku taau mo e tangata ngaue hano tauhi."

16 Ka ke siʻaki ʻae ngaahi lea papūnoa mo e kovi: koeʻuhi ʻe tupu pea ʻāsili ai ʻae anga fakataʻelotu. 17 Pea ʻe keina ʻenau lea ʻo hangē ko e popo: pea ʻoku ʻi ai ʻa ʻAiminia mo Failito;

9 Ko ia ia ʻoku fai hala, pea ʻikai nofomaʻu ʻi he akonaki ʻa Kalaisi, ʻoku ʻikai maʻu ʻe ia ʻae ʻOtua. Ko ia ia ʻoku nofo ʻi he akonaki ʻa Kalaisi, ʻoku maʻu ʻe ia fakatouʻosi ʻae Tamai pea mo e ʻAlo.

14 Pea ʻi he lolotonga ʻae kātoanga, naʻe ʻalu hake ʻa Sisu ki he falelotu lahi, ʻo akonaki. 15 Pea ofo ʻae kakai Siu, ʻo nau pehē, "ʻOku ʻilo fakafēfē ʻe he tangata ni ʻae poto, he naʻe ʻikai akonekina?" 16 Pea leaange ʻa Sisu kiate kinautolu, ʻO ne pehē, "Ko ʻeku akonaki ʻoku ʻikai ʻaʻaku, ka ʻoku ʻaʻana naʻa ne fekau au. 17 Pea ko ia ia ʻe fai ki hono finangalo, te ne ʻilo ʻae akonaki, pe ʻoku ʻi he ʻOtua ia, pe ko ʻeku lea ʻiate au pe. 18 Ko ia ʻoku lea ʻiate ia pē, ʻoku kumi ʻae fakamālō ʻaʻana: ka ko ia ʻoku ne kumi ʻae fakamālō ʻo ia naʻa ne fekau ia, ko ia ia ʻoku moʻoni, pea ʻoku ʻikai ha taʻemāʻoniʻoni ʻiate ia.