Esperar em Deus
Esperar em Deus não é passividade — é confiança ativa no Senhor que age no tempo perfeito. Os que esperam nele não serão confundidos nem envergonhados.
Esperança em Deus
Descanse somente em Deus, ó minha alma, pois dele vem a minha esperança. Ele é rocha e salvação — não serei abalado.
Kɨ nɨghnɨzir gavgavim Godra ikia a baghavɨra iti.
Anarɨra deragha nan garima, kɨ angamɨra ikiavɨra iti.
Nɨ Ikiavɨra Itir Godɨn damazimɨn uabɨn asugh a mɨzuamtɨ,
a nɨn akuragham.
Gumazamizir taba uan nɨghnɨzibar gɨn mangɨ bizir aghuir avɨriba initɨ,
nɨ men gan navim dɨkavan markɨ.
Eghtɨ gumazamiziba arazir kurabar amutɨ,
nɨ dagh nɨghnɨgh osɨman markɨ.
Gumazamizir nɨghnɨzir gavgavim Ikiavɨra Itir Godɨn itiba,
me uan nguazimɨn ikɨ deraghvɨra ikiam.
Eghtɨ gumazamizir kuraba bar ikuvigham.
Nɨ nɨghnɨzir gavgavim Ikiavɨra Itir Godɨn ikɨ a mɨzuamɨva an akabar gɨn mangɨ.
Nɨ kamaghɨn damutɨ a ziar ekiam isɨ nɨ danɨngam.
Eghtɨ nguazir a nɨ ganɨngizir kam nɨ a iniam.
Egh nɨ uabɨ gantɨ a nɨn apanibagh asɨghasigham.
Kɨ dughiar bar ruarimɨn Ikiavɨra Itir God mɨzua itima,
a nan ararem baregha nan akura.
Kɨ uabɨn akurvaghasa ifongegha,
Ikiavɨra Itir God, a mɨzua iti.
Egha nɨghnɨzir gavgavim an akamɨn iti.
Kɨ uan navir averiamɨn aven,
Ekiamɨn akurvazim bagha a mɨzua ti.
Ezɨ nan arazir kam a gumazir dɨmagarimɨn bizibar gara itima amɨnim men itirazir arazim,
a bar a gafira.
Gumazamizir nɨghnɨzir gavgavim nɨn itiba,
apaniba me abɨn aghumsɨzim me danɨngan kogham.
Gumazamizir pura nɨn akaba batoziba,
merara aghumsɨzim iniam.
O Ikiavɨra Itir God, kɨ nɨghnɨzir gavgavim nɨn ikia nɨ mɨzuai.
O Ekiam, nɨ nan God, nɨrara uabɨ nan mɨgɨrɨgɨaba ikarvagham.
Nɨ nɨghnɨzir gavgavim Ikiavɨra Itir Godɨn ikɨ a bagh mɨzuam.
Nɨn navim osɨman markɨ.
Nɨ tugh gavgavigh mamaghɨra ikɨ mangɨtɨ
a izɨ nɨn akuragham.
Confiança na espera
O Senhor é bom para os que esperam nele. O olho não viu o que Deus preparou para os que o amam e o aguardam.
Ezɨ gumazamizir nɨghnɨzir gavgavim Ikiavɨra Itir Godɨn ikia, an gavgavim bagha a mɨzua itiba,
a gavgavir igiam me danɨngtɨ, me zurara gavgavighvɨra ikiam.
Me dɨkavigh deraghvɨra mangam, mati kuarazir bagaba overiamɨn mɨghagha arui.
Me ivemar mangɨ, egh avɨghaghan kogham,
me daru mangɨ, egh amɨrvaghan kogham.
O Ikiavɨra Itir God, en nɨghnɨzim nɨrara iti.
Nɨ en apangkuvigh zurara dughiabar e ekɨarugh
uan gavgavimɨn deragh en gan.
Egh osɨmtɨzibar dughiamɨn en akurvagh e damutɨ,
e uan apaniba dɨkabɨraka.
Bar fomɨra iza datɨrɨghɨn, gumazitam uan damazimɨn gara uan kuarim atɨgha orazi,
godɨn nɨn mɨn iti tam, ua itir pu.
Bar puvatɨ.
Nɨ uabɨra, gumazamizir nɨghnɨzir gavgavim nɨn ikia nɨ mɨzuaiba,
nɨ me bagha pamtem ingara men akura.
Nɨ gumazir igharazim nɨ gamizir arazir kuraba ikarvaghsɨ nɨghnɨghan markɨ. Nɨ nɨghnɨzir gavgavim Ikiavɨra Itir Godɨn ikɨ, a mɨzuamtɨ a nɨn akuragham. Egh nɨn osɨmtɨzir kam agɨvagham.
Kamaghɨn amizɨma, nan adarasi, ia tuivigh gavgavigh osɨmtɨziba aterɨva Ekiam mɨzuamtɨ a ua izam. Ia fo, gumazim o amizir azenim itim, a dagher aghuiba an azenimɨn aghungasa an adav zuai. Egha a gavgavim uan navim ganɨga aghumra ikiava amozim ko aruem mɨzuai, aning uan ingangarim faragh a damuam. Eghtɨ a gɨn dagheba iniam. Ezɨ ia uaghan gavgavim uan navibar anɨngɨva aghumra ikɨva egh osɨmtɨzir ia bativim ater. Ia fo, Ekiam Izamin Dughiam a bar roghɨra ize. Kamaghɨn amizɨ ia tuivigh gavgavigh ikɨ.
God bar ia gifonge. Kamaghɨn, ia an boroghɨn ikɨtɨ a zurara ia gifuegham. Ia zurara e uan Ekiam Krais Iesusɨn mɨzuam, eghtɨ a uan apangkuvim azenim datɨghtɨma, ia ikɨrɨmɨrir aghuarir zurara itim iniam.
Ezɨ eia, e Godɨn Nguibamɨn gumazamiziba. E, Ekiam Krais Iesus en Akurvazir Gumazim, a pɨn munagh ikegh izighirɨva uam e iniam, ezɨ e a baghavɨra mɨzuai.