Esperar em Deus

5 तरीही माझा आत्मा परमेश्वरामध्ये शांती पावेल;

माझी आशा त्यांच्यापासून आहे.

7 याहवेहसमोर निश्चिंत राहा

व धीराने त्यांची वाट पाहा;

जेव्हा लोकांना त्यांच्या मार्गात यश मिळते,

त्यांच्या दुष्ट योजना सफल होतात, तेव्हा तू संतापू नकोस.

9 दुष्टांचा नाश ठरलेलाच आहे.

परंतु ज्यांची आशा याहवेहवर आहे, त्यांना पृथ्वीचे वतन मिळेल.

34 याहवेहची प्रतीक्षा कर

आणि त्यांच्या सन्मार्गाचे अवलंबन कर.

तेच तुला उंच करून पृथ्वीचे अधिकारी करतील;

दुष्ट लोक नष्ट झाल्याचे तू डोळ्यांनी पाहशील.

1 मी धीराने याहवेहची वाट पाहिली;

तेव्हा त्यांनी माझ्याकडे लक्ष दिले आणि माझी आरोळी ऐकली.

5 मोठ्या अपेक्षेने माझा जीव याहवेहची वाट पाहतो,

आणि मी माझी आशा त्यांच्या वचनावर टाकली आहे.

6 पहारेकरी ज्या उत्कंठेने अरुणोदयाची वाट पाहतो,

त्याहीपेक्षा अधिक उत्कंठेने

मी माझ्या परमेश्वराची वाट पाहतो.

3 जो कोणी तुमच्यावर आशा धरतो,

तो कधीही लज्जित होणार नाही.

पण जे विनाकारण उपद्रव देतात,

ते सर्वजण लज्जित होतील.

15 याहवेह, मी माझी भिस्त तुमच्यावर ठेवली आहे;

प्रभू माझ्या परमेश्वरा तुम्ही मला उत्तर द्या.

14 याहवेहची प्रतीक्षा कर;

हिंमत बांध, धैर्य धर;

आणि याहवेहचीच प्रतीक्षा कर.

31 पण जे याहवेहवर आशा ठेवतात

ते नवे सामर्थ्य प्राप्त करतात,

ते त्यांच्या पंखांनी गरुडाप्रमाणे वर झेप घेतील;

ते धावतील पण दमणार नाहीत,

ते चालतील पण क्षीण होणार नाहीत.

2 हे याहवेह, आम्हावर कृपा करा;

आम्ही तुमची आस धरलेली आहे.

रोज सकाळी तुम्ही आमचे सामर्थ्य व्हा,

संकटाच्या वेळी आमचे तारण व्हा.

4 प्राचीन युगापासून कोणी कधी ऐकले नाही,

कोणत्याही कानावर ते पडले नाही,

कोणीही तुमच्याशिवाय इतर कोणताही परमेश्वर कधी पाहिला नाही जो,

जे त्यांची आशेने वाट पाहतात, त्यांच्यावतीने कार्य करतात.

22 "वाईटाची फेड मी नक्की करेन!" असे म्हणू नकोस.

याहवेहची प्रतीक्षा कर, ते तुझ्यासाठी प्रतिशोध घेतील.

दुःखसहनात सोशिकपणा

7 प्रिय बंधूंनो आणि भगिनींनो, प्रभूचे आगमन होईपर्यंत धीर धरा. पाहा शेतकरी कसा जमिनीतून निघणार्‍या मोलवान पिकांची वाट पाहतो. शरद आणि वसंतामध्ये येणार्‍या पावसाची धीराने वाट पाहतो. 8 तसेच तुम्ही पण, धीर धरा आणि खंबीरपणे उभे राहा, कारण प्रभूचे येणे जवळ आले आहे.

21 आपला प्रभू येशू ख्रिस्त तुम्हाला त्यांच्या कृपेने ज्या अनंतकाळच्या जीवनात नेणार आहेत त्याची वाट पाहत असताना आपणास परमेश्वराच्या प्रीतीमध्ये राखा.

20 परंतु आपले नागरिकत्व तर स्वर्गीय आहे आणि तिथून आपला तारणारा प्रभू येशू ख्रिस्त यांच्या परतण्याची आपण आतुरतेने वाट पाहत आहोत.