Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Be nowa da Hina Gode Ea fidima:ne dafawaneyale dawa:beba:le aligisia,
da ilia gasa bu gaheabolo hamoi dagoi ba:mu.
Ilia da buhiba ea ougia hagili ahoabe defele wa:le masunu.
Ilia da hehenabeba:le, hame helemu.
Ilia da ahoasea, gasa hame hou hame dawa:mu.
Be Hina Gode da dilima asigima:ne ouesala. E da eso huluane moloidafa hou fawane hamonanebeba:le, E da dilima asigima:ne momagesa. Nowa da Hina Gode Ea hou dafawaneyale dawa:beba:le lalegagusia, da hahawane bagade.
Hina Gode Ea hou dafawaneyale dawa:ma!
Baligili da:i dione mae heawini dawa:ma!
Hina Gode Ea hou dafawaneyale dawa:ma!
Na da na osobo bagadega esalusu amo ganodini,
Hina Gode Ea noga:idafa hou ba:mu, amo na da dawa:digisa.
Hina Gode Ea hou dafawaneyale dawa:ma!
Baligili da:i dione mae heawini dawa:ma!
Hina Gode Ea hou dafawaneyale dawa:ma!
Hina Gode da na hadigi amola na gaga:su gala.
Na da eno dunuba:le hame beda:mu.
Hina Gode da na se nabasu huluane mae ba:ma:ne, gaga:sa.
Na da hamedafa beda:mu.
Wadela:i hamosu dunu ilia da na medole legemusa: doagala:sea,
ilia da didigabone dafasa.
Dadi gagui dunu wa:i da na fane legemusa: eale sisiga:le disisia,
na da hame beda:mu.
Amola nama ha lai dunu da na doagala:sea amolawane,
na da gebewane Godema dafawaneyale dawa:lalumu.
Na da Hina Godema liligi afae fawane adole ba:i.
Na da liligi afae fawane hanai gala.
Na hanai amo da, Na da eso huluane esalea,
Hina Gode Ea diasu ganodini esalumu na da hanai.
Na da amogawi ea noga:idafa hou amoma fofogadigili nodone ba:mu,
amola Ema E da Ea hou nama olelema:ne adole ba:mu.
Bidi hamosu esoga, E da na ougihalesimu.
E da na Ea Debolo diasu ganodini gemu.
Amola magufu sedade, amo da:iya E da na gemu.
Amaiba:le, na da nama ha lai dunu nama eale sisiga:le disibi ili hasalimu.
Na da nodone wele sia:nanawane Hina Gode Ea Debolo diasu
amo ganodini Ema gobele salasu hamomu.
Amola na da Hina Godema gesami hea:mu amola nodone sia:mu.
Hina Gode! Na da Dima wele sia:sea, na wele sia:be nabima!
Nama asigiba:le, na sia: alofema!
Di da nama, "Nama nodone sia:ne gadola misa!" amane sia:noba,
na da bu adole i, "Hina Gode! Na da misunu!
Di da nama mae wamoaligima!"
Nama mae ougima! Na da dia hawa: hamosu dunu.
Dia na hamega mae fisiagama.
Di da na fidisu dunu galu.
Gode, na Gaga:sudafa! Na mae yolesiagama!
Na ada amola ame ela da na gogolesa ganoma:bela:?
Na hame dawa:.
Be Hina Gode da na noga:le ouligimu.
Hina Gode! Dia na hamoma:ne hanai amo nama olelema.
Nama ha lai dunu da bagohame gala.
Amaiba:le, Dia na oule, se hame nabimu logo amoga oule masa.
Nama ha lai dunu da ogogosu amola beda:ma:ne magagisu
amoga na doagala:sa.
Ilia da nama hasalasisa:besa:le, na mae yolesiagama.
Na da na osobo bagadega esalusu amo ganodini,
Hina Gode Ea noga:idafa hou ba:mu, amo na da dawa:digisa.
Hina Gode Ea hou dafawaneyale dawa:ma!
Baligili da:i dione mae heawini dawa:ma!
Hina Gode Ea hou dafawaneyale dawa:ma!
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Na da Hina Gode Ea fidima:ne gebewane ouesalu.
Amalalu E da na dini iabe amo nabi.
Na da fafu wayabo amoga bogoma:ne bosona dalu.
Be Hina Gode da na hiougia gadoi.
E da na gaga:musa:, magufu da:iya asunasi.
E da nama gesami gaheabolo hea:ma:ne olelei.
Amo gesami da Godema nodone hea:su gesami.
Dunu bagohame da amoba:le dawa:digili
ilia da Hina Godema dafawaneyale dawa:mu.
Nowa dunu ilia da Hina Godema dafawaneyale dawa:sa,
amola ogogole loboga hamoi ‘gode’ ilima hame fa:no bobogesa,
amola dunu ilia da ogogosu ‘gode’ ilima nodone sia:ne gadosea
ilima hame gilisisa,
amo dunu ilia da hahawane bagade gala.
Ninia Hina Gode! Di da ninima liligi bagohame hamoi dagoi.
Dunu afae Di agoai da hamedafa gala.
Di da nini fidima:ne, ilegesu ida:iwane bagohame hamoi dagoi.
Na da amo ilegesu huluane olelemu da hamedei.
Ili idimu da hamedei.
Di da gobele salasu amola Godema iasu amo hame hanai.
Di da ohe oloda da:iya gogo gobele salasu amo hame adole ba:sa.
Amola Di da wadela:i hou fadegale fasima:ne,
gobele salasu hou amo hame hanasa.
Be amo mae dawa:le, Di da nama nabasu hou hamoma:ne, ge hahamonesi.
Amaiba:le, na da Dima amane adole i, "Na da goea!
Dia nama hamoma:ne sia:i da Sema Buga amo ganodini dedei diala.
Na da Dia hanai amo hamomusa: bagadewane hanai galebe.
Dia malasu da na dogo ganodini diala."
Hina Gode! Dia dunu huluane gilisi amo ganodini
na da sia: ida:iwane gala ilima olelei.
Amo sia: da ‘Di da nini gaga:lala’.
Di dawa:! Amo sia: olelebe, na da hamedafa yolesimu.
Na da Dia gaga:su hou olelebe amo nisu hame gei dialu.
Na da eso huluane Dia mae fisili fidisu hou olelelalu.
Dia dunu huluane gilisi amo ganodini
na da mae ouiya:le, Dia mae fisili asigidafa hou olelelalu.
Hina Gode! Na dawa:!
Dia da nama gogolema:ne olofosu asigidafa hou hamedafa dagolesimu.
Dia da nama mae fisili asigidafa hou hamonanebeba:le
na da gaga:i dagoi ba:lalumu.
Na da bidi hamosu bagohame amoga sisiga:le disi.
Amo bidi hamosu da idimu gogolei ba:sa.
Na wadela:i hou ilia se dabe iasu da nama doaga:i dagoi.
Na da si dofoi agoai galebe.
Na wadela:i hou idi da nina: dialuma hinabo idi baligisa.
Amaiba:le, na da bagadewane beda:i.
Hina Gode! Na gaga:ma!
Wahadafa, na fidima!
Amo dunu na fane legemusa: manebe da hasalasili amola ededenanesima:ma!
Amola dunu amo da na bidi hamosu ba:beba:le
hahawane gala, ilia da ogobele gogosiasu ba:ma:ma!
Hina Gode da ninima hobea misunu hou amo noga:le ouligimu,
ninia dafawaneyale dawa:sa.
E da ninia gaga:su dunu amola ninia fidisu dunu.
Ninia da Ea houba:le hahawane gala.
Ninia da Ea Hadigi Dio dafawaneyale dawa:sa.
Hina Gode! Dia mae fisili asigidafa hou da ninima dialoma:ma!
Bai ninia da Diba:le, dafawane hamoma:beyale dawa:beba:le,
Dima fa:no bobogesa.
Na da Hina Gode Ea fidisu nama misa:ne hanaiwane ouesala.
Amola na da Ea sia: dafawaneyale dawa:sa.
Na da Hina Gode Ea fidisu ba:musa: hanaiba:le ouesalebe,
amo da sosodo aligisu dunu da hehebolo misa:ne hanaiba:le ouesalebe,
amo baligisa.
Na da Godema fawane fa:no bobogesa.
Na dafawane hamoma:beyale dawa:su da Ema fawane gala.
Hina Gode da dima hobea misunu hou amo ouligimu,
amo dafawaneyale dawa:ma,
amola Ea hamoma:ne sia:i, amo nabawane hamoma.
Amasea, E da dima nodoma:ne, soge dima imunu.
Amola, di da wadela:i hamosu dunu gadili sefasi dagoi ba:mu.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Hina Godema dia asigiga amola dogoga dawa:ma. Amola dia osobo bagadega dawa: amoga mae hamoma.
Be Hina Godema dawa:ma, adi liligi dia hamosea. Amasea, Hi fawane da logo moloidafa gala dima olelemu.
Se nabasu hou da ninima doaga:sea, amo da ninima mae fisili esalusu hou olelesa ninia dawa:beba:le, ninia hahawane ba:sa.
Ninia da mae yolesili Ema fa:no bobogesea, Gode da ninima hahawane ba:sa. E da ninima hahawane gala amo dawa:beba:le, ninia da bu dafawane hamoma:beyale dawa:sa.
-
Amaiba:le, na fi dunu! Hina Gode Ea bu misunu eso dawa:beba:le, dilia mae yolesili gebewane ouesaloma. Ifabi ouligisu dunu da ea ifabi amoma ha:i manu ida:iwane heda:le faimusa:, noga:le gebewane ouesala. E da mae hihini anegagi oubi la:ididili amola la:ididili, gibu sa:ima:ne gebewane ouesala. Dilia amolawane noga:lewane ouesalumu da defea. Hobea misunu dafawane hamoma:beyale dawa:lusu mae fisima! Bai Hina Gode Ea bu misunu eso da gadenei.
Ilia da gebewane mae yolesili hawa: hamonanuba:le, ilia da hahawane gala ninia da sia:sa. Dilia da Yoube ea gebewane hame yolesisu hou nabi dagoi. Fa:no, Hina Gode da ema baligili i, amo dilia nabi. Bai Hina Gode da gogolema:ne olofosu amola asigisudafa dawa:.
Wali, dilia da dafawane hou lalegagui dagoiba:le, dilia da ledo huluane dilia dogoga dialu dodofei dagoi amola dilia da dilia fi dunu ilima asigidafa hou dawa:. Amaiba:le, dilia dogo huluane amoga eno dunu eno dunuma asigima. Bai Gode Ea Sia: ida:iwane da esalawane amola eso huluane dialalalumu. Amo nababeba:le, dilia da bu lalelegele, Gode Ea mano hamoi. Dilia Ada da bogomu dunu hame. E da eso huluane mae bogole esalalalumu. Gode Ea Sia: da agoane dedei diala,
"Dunu huluane da gisi agoane.
Ilia hadigi hou da gisi sogea agoane.
Gisi da biosa amola sogea da osoboga daha.
Be Hina Gode Ea Sia: da eso huluane esalalalumu." Amo sia: da Gode Ea Sia: Ida:iwane Gala, amo ninia da dilima olelesu.
Dunu mogili, ilia Hina Gode da Ea hamomu ilegele sia:i liligi hedolo hame hamosa, ilia dawa:sa. Be E da hedolo hamomusa: dawa:. Be E da dilima asigiba:le, E da dunu afadafa wadela:mu higai gala. E da dunu huluanedafa ilia wadela:i hou yolesima:ne hanaiba:le, dabe hedolo hame iaha.
"Amo esoga, Gode Ea Hinadafa Hou da a:fini dunuga hame dawa:digi nabuane gala ilia hou agoane ba:mu. Ilia da gamali lale, uda lamu dunu fidimusa: asi. A:fini biyale da gagaoui agoane, be biyale eno da bagade dawa:lai galu. Gagaoui a:fini biyale, ilia da gamali hano eno mae lale, gamali gaguli asi. Be bagade dawa:su a:fini biyale, ilia da gamali hano eno dili salawane, gamali gaguli asi.
Uda lamu dunu da hedolo hame doaga:beba:le, ilia da golaiwane dialu.
Amalalu, gasimogoa, ilia da wele sia:be bagade nabi. ‘Dawa:ma! Uda lamu dunu da manebe! E yosia::musa: masa!’
Amalalu, a:fini huluane da wa:legadole, ilia gamali ulagimusa:, wigi hahamoi.
Gagaoui a:fini biyale, ilia bagade dawa:su a:fini biyale ilima amane sia:i, ‘Dilia gamali hano galea ninima ima. Ninia gamali da usimu galebe!’ Be bagade dawa:su a:fini da bu adole i, ‘Hame mabu! Ninia gamali hano ebelesa:besa:le hame imunu. Dilia bidi lasu diasuga bidi lamusa: masa!’ Gagaoui a:fini da bidi lamusa: ahoananoba, uda lamu dunu da doaga:i dagoi. Amalalu, bagade dawa:su a:fini amola uda lamu dunu, ilia diasu ganodini lolo manusa: asi. Amalalu, logo da ga:si dagoi ba:i.
Fa:nowane, bidilai dagobeba:le, gagaoui a:fini da doaga:le, logoga lulufigili, amane sia:i, ‘Hina! Hina! Ninia golili misa:ne, logo doasima!’ Be e da bu adole i, ‘Hame mabu! Na da dafawane dilima sia:sa! Na da dili hame dawa:!’
Dilia huluane dawa:iwane ha:esaloma! Bai dilia Na bu misunu eso ilegesu hame dawa:!"