Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Gei digau ala e hagadonu Dimaadua i nadau hagamaamaa, ga gidee ginaadou di hagamaaloo aga hoou. Digaula ga maangi gi nua i hongo nadau bakau be nia manu ‘eagle’. Digaula gaa llele hagalee maanu, digaula ga haele hagalee paagege.
Gei ogo Dimaadua e tali goodou e hiihai e aloho adu gi goodou. Mee gu togomaalia belee dumaalia adu gi goodou di aumaalia gi godou nua, idimaa, Mee e haihai nia mee ala e donu i nia madagoaa huogodoo. E maluagina go digau ala e hagadagadagagee gi Dimaadua.
Hagadagadagagee gi Dimaadua!
Hagadonu, hudee manawa bagege!
Hagadagadagagee gi Dimaadua!
Gei deeai, au e iloo bolo au e mouli hua bolo gii mmada au
gi di humalia o Dimaadua i lodo dogu mouli nei.
Hagadagadagagee gi Dimaadua!
Hagadonu, hudee manawa bagege!
Hagadagadagagee gi Dimaadua!
Dimaadua go dogu haga maalama mo dogu hagamouli!
Au hagalee e madagu i dahi dangada.
Dimaadua e abaaba au gi daha mo nia mee hagalliga huogodoo.
Au hagalee madagu i dahi mee.
Maa digau huaidu ga heebagi mai gi di au belee daaligi au gii made,
digaula ga tibatiba gaa tinga gi lala.
Ma e aha maa digau dauwa dogologowaahee ga haganiga mai i dogu gili,
gei au hagalee madagu.
Ma e aha maa ogu hagadaumee ga heebagi mai gi di au,
gei au e hagadagadagagee hua igolo gi God.
Di mee hua e dahi dela e dangi iei au gi Dimaadua,
di mee hua e dahi dela e hiihai ginai au:
bolo au gii noho i lodo di hale o Dimaadua i di waalooloo o dogu mouli,
gii mmada au gi nia madamada o Maa,
ge e dangi gi Mee gi aago ina mai au dagu hai dela belee hai.
I lodo nia madagoaa haingadaa, gei Mee ga abaaba au.
Mee ga hagaloohi au i lodo dono Hale Daumaha,
gaa dugu au gi hongo di gonduu duuduu i nua.
Malaa, gei au ga aali i ogu hagadaumee ala i dogu gili.
Au gaa hai dagu tigidaumaha mo di wolowolo tenetene
i lodo dono Hale Daumaha.
Au ga daahili, au ga hagaamu Dimaadua.
Meenei Dimaadua, hagalongo mai i dogu madagoaa ma ga gahigahi Goe!
Goe manawa dumaalia mai, helekai mai!
Do madagoaa ne helekai boloo, "Hanimoi daumaha mai!"
gei au ga helekai, "Meenei Dimaadua, au ga hanadu."
Goe hudee heia Goe gii ngala i di au!
Meenei God, go dogu Hagamouli, Goe hudee hagawelewele mai,
Goe hudee diagia dau dangada hai hegau deenei.
Goe go dogu Hagamaamaa, Goe hudee huli gi daha mo au,
Goe hudee diagi ina au.
Dogu damana mo dogu dinana holongo e mee di diiagi au,
gei Dimaadua e benebene au.
Meenei Dimaadua, aago ina au gi au mee ala e hiihai bolo au gi heia.
Dagia au i hongo di ala huudonu, idimaa, ogu hagadaumee le e dogologo.
Goe hudee diagia au gi ogu hagadaumee ala e heebagi mai gi di au
i nadau helekai hagamadagudagu mono helekai tilikai.
Gei deeai, au e iloo bolo au e mouli hua bolo gii mmada au
gi di humalia o Dimaadua i lodo dogu mouli nei.
Hagadagadagagee gi Dimaadua!
Hagadonu, hudee manawa bagege!
Hagadagadagagee gi Dimaadua!
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Au e talitali dogu hagamaamaa mai i baahi o Dimaadua,
gei Mee gu hagalongo mai, gu longono Ia dagu dangi.
Mee ne hudi aga au gi daha mo di bongoo hagalliga dangada,
gi daha mo di gelegele waiwai llala.
Mee ne dugu au gi hongo di hadugalaa, guu hai au gii duu hagahumalia.
Mee ne aago mai gi di au dana daahili hoou, taahili e hagaamu ai tadau God.
Digau dogologo ala gaa mmada gi di mee deenei,
ga mmaadagu ga hagadagadagagee gi Dimaadua.
E maluagina go tangada dela e hagadagadagagee gi Dimaadua,
mee hagalee huli gi nia balu god,
ge hagalee madalia digau ala e daumaha gi nia balu god tilikai.
Meenei Dimaadua, go di madau God,
Goe guu hai au mee haga goboina e logowaahee huoloo mai gi gimaadou!
Ma deai tangada e hai be Goe ai!
Goe guu hai au haganoho e logowaahee gei e humalia huoloo mai gi gimaadou!
Au e deemee di hai bolo e helekai nia maa huogodoo,
di hulu nia maa e logowaahee e deemee di dau!
Goe hagalee hiihai gi nia tigidaumaha mono wanga dehuia,
gei Goe e de hei e Goe nia manu ala e dudu hagadogomaalia
i hongo di gowaa dudu tigidaumaha,
be go nia tigidaumaha ala e wwede nia huaidu.
Gei deeai, Goe ne gaamai ogu dalinga aanei
belee hagalongo iei au adu gi di Goe.
Malaa, gei au ga helekai,
"Deenei au, dau hai dela e aago au la i lodo di beebaa haganoho.
Meenei dogu God, au e hiihai huoloo e hai do manawa!
Au e dadaahi au agoago i lodo dogu manawa."
Meenei Dimaadua, i lodo nia madagoaa
ala e dagadagabuli ai au daangada huogodoo,
gei au e hagadele di longo humalia o dau hai dela ne hagamouli gimaadou.
Goe e iloo hua bolo au hagalee loo e noho di hagihagi anga au helekai.
Au hagalee hagammuni i ogu lodo di longo humalia hagamouli deelaa.
Nia madagoaa huogodoo,
gei au gu hagadele do manawa dahi mo dau hagamaamaa.
Au gu hagalee noho deemuu i lodo au daangada ala ma ga dagabuli,
gei au gu helehelekai aga i di hai o do manawa dahi mo do aloho dee modu.
Meenei Dimaadua, au e iloo bolo Goe
hagalee dugu do dumaalia huoloo mai gi di au.
Do aloho mo do manawa dahi ga benebene laa au i nia madagoaa huogodoo.
Nia huaidu e logowaahee e haganiga mai i dogu gili,
e logowaahee e deemee di dau!
Ogu huaidu guu kumi au, gei au gu deemee di mmada gi daha,
ma koia e logowaahee i nia ngaahulu o dogu libogo,
ogu lodo gu manawa bagege.
Meenei Dimaadua, haga dagaloaha ina au!
Hagamaamaa ina mai au dolomeenei!
Digau ala bolo ginaadou e daaligi au gii made, la gi paagege mo di hinihini.
Digau ala e tenetene gi ogu haingadaa, la gii hula gi muli gi langaadia.
Dimaadua la go tadau hagadagadagagee,
go Mee go tadau hagaloohi mo tadau hagamaamaa.
Gidaadou e tenetene mai i Mee.
Gidaadou e hagadagadagagee gi dono ingoo dabu.
Meenei Dimaadua, do manawa aloho dee modu gii noho i madau baahi,
i gimaadou ala e hagadagadagagee hua adu gi di Goe.
Au e talitali huoloo di hagamaamaa a Dimaadua.
Au e hagadagadagagee gi nia helekai a Maa.
Dogu talitali Dimaadua la koia e damana i di talitali o digau hagaloohi boo
ma ga talitali di maalama o di luada.
Uaa, koia e damana i di talitali o digau hagaloohi boo
ma ga talitali di maalama o di luada.
Ma go God hua dela e gana ginai au,
deelaa hua go Mee e hagadagadagagee ginai au.
Hagadagadagagee gi Dimaadua mo di hagalongo ang gi ana haganoho,
gei Mee ga hagalabagau goe ga gowadu gi di goe tenua deelaa,
gei goe gaa mmada gi digau huaidu ala ga hagabagi gi daha.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Hagadonu ina Dimaadua aga i lodo do manawa hagatau. Hudee dugu ina goe gi au hagadilinga maanadu gi dagi ina goe. Gi langahia e goe bolo Dimaadua la i lodo nia mee huogodoo ala e hai kooe, gei Mee e hagi adu gi di goe di ala dela e donu.
Gidaadou gi tenetene labelaa i lodo tadau madagoaa haingadaa, idimaa, gidaadou e iloo bolo di haingadaa e hai gidaadou gii tuu maaloo, gei di tuu maaloo la di mee a God dela e hila mai ai gi gidaadou, gei dono hila mai le e hidi ai tadau hagadagadagagee.
Gimaadou e dangidangi bolo goodou gi hai mee gi nia hagadilinga maaloo huogodoo, ala e loomoi i ono mahi madamada, gii mee ai goodou di hai hegau hagamahi i lodo nia haingadaa huogodoo i di hagakono o di manawa mo di tenetene. Danggee gi Tamana i di manawa tene, i Mee dela ne haga honu goodou bolo gii mee di hai mee gi ana mee ala gu dugu anga gi ana dama i lodo tenua maalama.
Ogu duaahina nei, goodou gi manawa hagakono gaa dae loo gi di hanimoi o Tagi. Goodou mmada gi tangada hai hadagee i dono manawa hagakono i dono talitali nia huwa humalia o dana hadagee, gei e manawa hagakono i dono talitali maalia di madagoaa e doo di uwa. Goodou gi manawa hagakono gi haga damana ina di godou hagadagadagagee, idimaa, di laangi o Tagi la gu hoohoo mai.
Gidaadou e hai bolo digaula gu maluagina i nadau manawa hagakono i lodo nadau hagaduadua. Goodou gu longono di hai o Job i dono manawa hagakono, gei gu modongoohia di hai o Dimaadua dela gu hagahumalia a mee i di hagaodi gi muli, idimaa, Dimaadua e honu i di aloho mo tumaalia.
Mai i di godou daudali di tonu, goodou gu haga madammaa goodou, gu aaloho i godou duaahina hagadonu, deelaa laa goodou gi hagadau aaloho aga i lodo godou manawa hagatau. Nnelekai a God ala e haga mouli ge e noho hua beelaa, la ne haga haanau goodou labelaa gii hai be nia dama ni Tamana dela hagalee made, hagalee nia dama ni tamana dela e made. Idimaa, di Beebaa Dabu e helekai,
"Nia daangada huogodoo le e hai be nia geinga tolo,
gei nadau madamada le e hai be nia akai lodo geinga.
Nia geinga tolo la gaa mae,
gei nia akai la ga monnono,
gei nnelekai a Dimaadua le e noho hua beelaa,
ono hagaodi ai."
Nnelekai aanei la go di Longo Humalia dela ne hagadele adu gi goodou.
Dimaadua la hagalee duai dana haga gila aga dana hagababa, be di hai o nia hagamaanadu o hunu daangada. Gei Mee e hagakono dono manawa i goodou, idimaa, Mee hagalee hiihai bolo tangada e dahi e hudu gi daha, Mee e hiihai bolo nia daangada huogodoo gi maalui gi daha mo nadau huaidu.
"Di madagoaa deelaa, Teenua King o God di Langi le e hai gadoo be nia ahina dilongoholu ala ne kae nadau malama, gaa hula e haga heetugi gi taane hai lodo. Dogolima e de kabemee, ge dogolima e kabemee. Digau de kabemee ne kae hua nadau malama, gei digi kae nadau lolo digagi. Gei digau kabemee ne kae nadau mee dugu lolo honu belee digagi nadau malama. Taane hai lodo e duai dono hanimoi, gei nia ahina huogodoo gu molemoe, gu haga inaina, guu kii danu mmoe.
"I di madahidi waelua di boo, di lee e wolo gi nua boloo, ‘Deenei taane hai lodo. Lloomoi e heetugi gi mee!’ Nia ahina dilongoholu aalaa ga aala aga ga hagatogomaalia nadau malama. Nia ahina de kabemee ga helekai gi nia ahina kabemee boloo, ‘Gaamai hunu lolo dulii, i madau malama la guu odi.’ Nia ahina kabemee ga helekai boloo, ‘Deeai, ma e dee dohu i gidaadou. Hula gi di hale goloo, huia mai godou lolo malama.’ Nia ahina de kabemee gaa hula belee hui mai nadau lolo malama. I muli di nadau hula gei taane hai lodo gaa dau, gei nia ahina dogolima ala gu togomaalia, ga ulu dalia a mee gi tagamiami haga hai lodo, gei di bontai di hale la guu tai.
"Nomuli, gei nia ahina de kabemee gaa dau, ga tangitangi mai i tua boloo, ‘Meenei, meenei, haga ulu ina adu gimaadou!’ Taane hai lodo ga helekai gi digaula boloo, ‘Deeai, au e de iloo eau goodou.’"
Jesus ga hagaodi dana ala kai deenei, "Gii pula i goodou, idimaa, goodou e de iloo di laangi be di aawaa.