Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Mtamanile Mndewa Imulungu,
wamba, ufunye umoyo,
mbete Mndewa Imulungu!
Nojuwa nogona ganogile ga Mndewa Imulungu,
mna ikae ya iwanhu wagima.
Mtamanile Mndewa Imulungu,
wamba, ufunye umoyo,
mbete Mndewa Imulungu!
ZABULI YA 27
Mndewa Imulungu ayo mulenge wangu,
na ukombola wangu,
niye nimdumbe nani?
Mndewa Imulungu ayo ngome ya ugima wangu,
simdumba munhu yoyose.
Wanhu wehile wahanivamila ili wanikome,
awo iwanhu onihila oikwala na kugwa.
Hata wakalizi wahanizunguluka,
moyo wangu haudumba kinhu,
hata nahengila mna ing’hondo,
ning’hali nokutamanila gweye.
Mbuli imoja nimpula Mndewa Imulungu,
na mbuli ayo noilonda ng’hani,
nikale mng’anda ya Mndewa Imulungu,
siku zose za ugima wangu,
nilole ukunoga kwa Mndewa Imulungu,
na nizahile ulongozi wake mng’anda yake.
Siku ya magazo konifisa mkibanda chake,
konifisa mdihema jake,
na konika uchanha mdibwe.
Na niye kwa deng’ho nowalola iwanhu onihila onizunguluka.
Nomulavila nhosa kwa deng’ho mng’anda yake,
nomwimbila na kumdeng’helela Mndewa Imulungu.
Utegeleze gweye Mndewa Imulungu, nokulilila,
unyonele bazi na unidike.
Moyo wangu onilongela, "Izo umkweleleze Imulungu!"
Avo nokwiza kumwako gweye Mndewa Imulungu.
Sikuuleke kunilola kwa bazi.
Sikuundeme kwa ng’hasiliki yako niye msang’hanaji wako,
gweye ayo unitaza siku zose.
Sikuunitupe wala kundeka, Imulungu Mkombola wangu.
Hata kamba tatangu na mamangu wahanyasa,
Mndewa Imulungu konibokela kumwake.
Unifunze nzila zako gweye Mndewa Imulungu,
unilongoze mnzila igoloke,
mbuli ya iwanhu onihila.
Sikuundeke iwanhu onihila wanitende viwolonda,
kwavija iwanhu osindila uvizi wanikweleleza,
na hewo onikomhokela kwa usede.
Nojuwa nogona ganogile ga Mndewa Imulungu,
mna ikae ya iwanhu wagima.
Mtamanile Mndewa Imulungu,
wamba, ufunye umoyo,
mbete Mndewa Imulungu!
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
ZABULI YA 40
Nimbeta Mndewa Imulungu,
na heyo kaninamila na kategeleza kulila kwangu.
Kanilava kulawa mdisimo da kubanangigwa,
kulawa mmatope na utelevu,
kanimiza goya uchanha ya dibwe,
na kanigwaa hanhu hanogile ha kwima.
Keka lwila lwa sambi mmulomo wangu,
lwila lwa kumtogola Mndewa Imulungu wetu.
Wengi wone na wadumbe na wamtamanile Mndewa Imulungu.
Kamweda imunhu yomtamanila Mndewa Imulungu,
yoleka kuwatamanila wene nyodo,
awo oukweleleza uvizi.
Go Mndewa Imulungu, Imulungu wangu kutenda mbuli za unzonza.
Mbuli ziutwikile haduhu munhu yoyose kamba gweye,
maza nilongile na kugasimulila gahandemele.
Gweye hulonda nhosa na sadaka,
lakini kuvugula magwiti gangu,
nhosa za kusoma moto na nhosa za kusegesa nzambi huzilondile.
Abaho nilonga, "Lola niye niza,
nyandikigwa mna ikitabu cha malagizo.
Go Mndewa Imulungu, nosulukila kutenda gaja goulonda,
malagizo gako gammoyo wangu."
Niwapetela iwanhu mbuli ya haki na ukombola wako mumting’hano mkulu,
sinyamale bule, go Mndewa Imulungu gweye kojuwa.
Sifisile haki yako mmoyo wangu,
nolonga mbuli ya kutamanilwa kwako na ukombola wako.
Sifisile unogelo wako hawishaga na kutamaniligwa kwako,
kuulongozi wa umting’hano wa iwanhu wengi.
Go Mndewa Imulungu, sikuudikimilize bazi jako,
unogelo wako hawishaga na kweli yako siku zose vinikalize.
Kwavija magazo hagapetigwa ganizunguluka,
nzambi zangu zinigoga mbaka sidaha kulola.
Ziwa nyingi kubanza mvili zili mdipala jangu,
na moyo osinduka mgati mmwangu.
Go Mndewa Imulungu, utogole kunikombola,
go Mndewa Imulungu, wize himahima unitaze.
Wose ozahila kuusegesa ugima wangu,
wagwe kinyala na kugazwa,
wose olonda niye nigaye,
wabwezigwe kuchugu kwa kinyala.
Mizoyo yetu yombetela Mndewa Imulungu.
Heyo ayo yotutaza na ngao yetu.
Todeng’helela kwa mbuli yake,
totamanila kwa twaga jake ding’ala.
Go Mndewa Imulungu, unogelo wako hawishaga ukale na siye,
kwavija siye tokutamanila gweye.
Nombeta Mndewa Imulungu,
loho yangu yombeta heyo,
mna imbuli yake notamanila.
Loho yangu yombeta Mndewa,
kubanza wakalizi viwobeta imotondo ivike,
ona, kubanza wakalizi viwobeta usiku uche.
Kwa Imulungu yaiyeka loho yangu yobwihila,
tamanilo jangu dolawa kumwake.
Mtamanile Mndewa Imulungu na ugoge nzila zake,
na heyo kokukuza uitawale isi,
na kowona iwanhu wehile vonda wabanangwe.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Mtamanile Mndewa Imulungu kwa moyo wako wose,
sambi utamanile nzewele zako mwenyego.
Umtambule Imulungu mzisang’hano zako,
heyo kozigolosa nzila zako.
Siyo gago gaiyeka, lakini vivija toigodela gamagayo getu, kwavija tojuwa kuwa magayo gogala kufunga umoyo, kufunga umoyo kogala kugangamala, na kugangamala kogala tamanilo.
Imulungu yawagangamize kwa udahi wake mkulu ili mubetele kila kinhu kwa kufunga umoyo na kudeng’helela,
Kufunga umoyo na kumpula Imulungu
Ndugu zangu, fungeni moyo, mbaka vonda yeze Mndewa. Loleni, mlimaji viyobetela minoga yake ilave ndiya zinogile. Heyo kofunga umoyo na kubetela mvula za vuli na mashika. Mweye vivija mufunge umoyo na kugangamala, kwavija Mndewa kammabehi kwiza!
Towakema wao wamweda kwavija wafunga umoyo. Muhulika Ayubu viyafungile umoyo na mojuwa Mndewa viyamtendele mbaka kuuhelelo. Kwavija Mndewa kana bazi ng’hani na muhole.
Na sambi mweye kwa kuugoga ukweli musunhigwa, na muwanogela kwa ukweli ndugu zenu, avo muinogele kwa mizoyo yenu yose. Mweye muvumbuka mwanza wa kabili kubitila mbuli ya ugima ya Imulungu ikalaga siku zose, siyo kwa mbeyu inangika lakini kwa mbeyu hainangika. Kamba Maandiko Gang’alile vigalonga,
"Wanhu wose waigala na mijani,
na ukulu wao uigala na maluwa.
Mijani yonyala na maluwa gohuluka,
lakini mbuli ya Mndewa yosigala siku zose."
Na mbuli ino ayo mbuli inogile ipetigwa kumwenu.
Mndewa hakawa bule kutenda gaja gayawalongele kamba wanhu wayagwe viwogesa kokawa. Heyo kofunga umoyo mbuli yenu, kwavija halonda munhu yoyose yabanangigwe, lakini kolonda kila munhu yaleke nzambi zake.
Lusimo lwa wali longo
"Undewa wa kuulanga oigala na kija kilawilile kwa wali longo wasolile taa zao na kuchola kumbokela munhu yosola. Wali watano wakala wabozi na watano wakala wabala. Waja iwabozi wasola taa zao, lakini hawasolile ngama yoyose ya mavuta. Waja iwabala wasola nyhupa zimemile za mavuta hamoja na taa zao. Munhu yosola viyakawile kwiza, wali wose wasonga kukukila na wawasa.
"Kilo kikulu, kulawilila nyangi, ‘Msola mwehe kavika! Laweni mukambokele!’ Wali wose walamuka wazitanda taa zao. Waja iwabozi wawalongela waja iwabala, ‘Mtuhunguzile mavuta genu kidogo kwavija taa zetu zolonda kufa.’ Lakini waja iwabala wawedika, ‘Bule, twabule mavuta gakutwenela siye na mweye. Vinoga muchole mkagule genu.’ Avo waja iwabozi wachola kugula mavuta, viwakalile ochola, munhu yosola kavika. Waja watano waitandile wengila nayo mna ing’anda ya dizengele, lwivi luhindigwa.
"Kumwande kidogo waja iwali wabozi wavika, wasonga kukemelela, ‘Go mkulu, go mkulu! Tuvugulile!’ Ayo yosola kawedika, ‘Bule! Niye siwajuwile bule mweye.’ "
Yesu kamambukiza kwa kulonga, "Muiteganye, kwavija hamuijuwile siku hebu saa.