31 ናንጊና ናንጋ ጎዳ ጉሙርቂ ናንጋዞንሢኮ ጋዓንቴ

ዎልቃ ጊንሣ ዶዳንዳኔ፤

ዓዳ ኮኦኬጉዲ ጋኣሲና ባራናንዳኔ፤

ጳሽኪያ ጳሽካንዳኔ፥ ላቢንዱዋሴ፤

ሃንታንዳኔ፥ ላቢንቲ ዔያታ ሎኦማዓኬ።

18 ዬይ ቢያ ማዔቴያ ናንጊና ናንጋ ጎዳ ዒንሢም ዓቶም ጋዓኒ ጊኢጊንቴኔ፤ ናንጊና ናንጋ ጎዳ ማዔ ዖኦዛሢ ፒዜ ዎጋያ ማዔሢሮ ዒንሢም ሚጪንታኒ ናሽኬኔ፤ ዬያሮ ዒዛ ጉሙርቃዞንሢ ቢያ ዓንጂንቴያኬ» ጋዓኔ።

14 ናንጊና ናንጋ ጎዳ ጉሙርቄ፤

ዶዴ፥ ዎዛ ቲቂፖ፤

ናንጊና ናንጋ ጎዳ ጉሙርቄ።

13 ሼምፓሢና ዓኣ ዓሳ ናንጋ ሳዔሎይዳ ታ ዓኣ ዎዶና

ናንጊና ናንጋ ጎዳኮ ኮሹሞ ታ ዛጋንዳሢ ጉሙርቃኔ።

14 ናንጊና ናንጋ ጎዳ ጉሙርቄ፤

ዶዴ፥ ዎዛ ቲቂፖ፤

ናንጊና ናንጋ ጎዳ ጉሙርቄ።

1 ናንጊና ናንጋ ጎዳ ታኣኮ

ፖዓሢና ዼኤሻሢናታሢሮ ዖናኣ ታ ዒጊጩዋሴ፤

ናንጊና ናንጋ ጎዳ ታ ናንጎኮ

ሺባሢታሢሮ ዖኦኒያ ታና ዒጊቹዋሴ።

2 ፑርቶ ማዻ ዓሳ ባሺ ታና ዎዻኒ ማላኔ፤

ጋዓንቴ ፔኤሮ ዔያታ ዹቂንቲ ሎኦማኔ።

3 ሚርጌ ዖላ ዓሳ ታና ማንጌታቴያ ታኣኒ ዒጊጩዋሴ፤

ታኣኮ ሞርካ ታና ዖሌታቴያ

ታኣኒ ፆኦሲ ጉሙርቂፆ ሃሻዓኬ።

4 ናንጊና ናንጋ ጎዳ ታኣኒ ፔቴ ባኣዚ ሺኢቃኔ፤

ዬና ታ ሺኢቃዛ

ታ ናንጎ ዎዶ ቢያይዳ ፆኦሲ ማኣራ ናንጋኒ

ናንጊና ናንጋ ጎዳኮ ዲቃሢ ሄርሺሳያ ማዒፆዋ ዛጋኒ

ዒዛኮ ጌኤዦ ማኣሮይዳኣ ሺኢቃኒ ዳንዳዓንዳጉዲኬ።

5 ሜታሢ ኬሎና ዒዚ ታና ፔ ሺቦ ዴማ ዓኣቻኔ፤

ዬያ ዒዛ ማኣሮኮ ጋሮይዳ ታና ዒ ጌልዚ ጌሣኔ፤

ላሌ ሹቺዳኣ ዼጊዲ ታና ዔቂሳኔ።

6 ሃሢ ታ ኮሮይዳ ዓኣ ታ ሞርኮ ዑፃ

ታኣኒ ታና ዼግ ዼጊዴኔ፤

ዎዛና ታ ዒላሺ ዒላሺ

ዒዛኮ ጌኤዦ ማኣሮይዳ ዒንጎ ዒንጊሢ ታ ሺኢሻንዳኔ፤

ዓይናዺ ዓይናዺ ናንጊና ናንጋ ጎዳ ጋላታንዳኔ።

7 ናንጊና ናንጋ ጎዳሢዮ!

ዑኡዞ ታኣኒ ዼጊዲ ዒላታኣና ኔኤኒ ዋይዜ!

ማኣሪያ ታና ማኣሬ፤ ሺኢጲፆዋ ታኣኮ ዋይዜ!

8 ዒና ታና «ዒዛኮ ዓኣፖ ካሮ ኮዔ» ጌዔኔ፤

ናንጊና ናንጋ ጎዳሢዮ! ታኣኒ ኔኤኮ ዓኣፖ ካሮ ኮዓኔ።

9 ኔኤኮ ዓኣፖ ካሮ ታጊዳፓ ማሂፖ፤

ዻጋዺ ኔ ዓይላሢ፥ ታና ኔኤፓ ሃኪሲፖ፤

ዎይቴቴያ ኔኤኒ ታኣኮ ማኣዳሢኬ፤

ታና ዓውሳ ታ ፆኦዛሢዮ!

ታና ኬኤሪፖ፥ ሃሺያ ሃሺፖ።

10 ታ ዓዶና ታ ዒንዶና ታና ሃሼቴያ

ናንጊና ናንጋ ጎዳ ታ ቶኦኮ ዛጋንዳኔ።

11 ናንጊና ናንጋ ጎዳሢዮ! ጎይፆ ኔኤሲ ታና ዔርዜ፤

ታኣኮ ሚርጌ ሞርኬ ዓኣሢሮ ኮሺ ጎይሢና ታና ዔኪ ዓኣዼ።

12 ሉኡዙሞና ማርካዻ ዓሳ ፑርቱሞ ጌስቲ ጌስቲ ታ ዑፃ ዔቄሢሮ

ታ ሞርካ ኮዓ ጎይፆ ዓኣሢ ታና ኔ ዔያቶም ዒንጊፖ።

13 ሼምፓሢና ዓኣ ዓሳ ናንጋ ሳዔሎይዳ ታ ዓኣ ዎዶና

ናንጊና ናንጋ ጎዳኮ ኮሹሞ ታ ዛጋንዳሢ ጉሙርቃኔ።

14 ናንጊና ናንጋ ጎዳ ጉሙርቄ፤

ዶዴ፥ ዎዛ ቲቂፖ፤

ናንጊና ናንጋ ጎዳ ጉሙርቄ።

1 ናንጊና ናንጋ ጎዳ ታና ማኣዳንዳጉዲ ጊቢ ዳንዳዒ ታ ካፔኔ፤

ዒዚያ ታ ባንሢ ሺሪ፥ ሺኢጲፆ ታኣኮ ዋይዜኔ።

2 ዓጊፃ ጫሬና ቶኦጶ ማዔ

ሃሊፃ ዔታፓ ዒ ታና ኬሴኔ፤

ቶኮ ታኣኮ ላሎ ሹጮ ዑፃ ዔቂሲ

ዶዲ ታ ዔቃንዳ ቤሲ ዒ ታኣም ዒንጌኔ።

3 ታ ዻንጎይዳ ዓኪ ዓይኑሞ

ኑ ፆኦዛሢም ጋላታ ዓይኑሞ ታኣም ዒ ዒንጌኔ፤

ዬያ ሚርጌ ዓሳ ዒጊጪ ዛጊ

ናንጊና ናንጋ ጎዳ ጉሙርቃንዳኔ።

4 ናንጊና ናንጋ ጎዳ ሌሊ ጉሙርቃዞንሢ

ሜሌ ፆኦዞ ካኣሽኪሮ ሺሩዋዞንሢ

ዬያ ሜሌ ፆኦዞ ጊንፆ ሃንታ

ዋይዞ ዒፃ ዓሶና ዎላ ፔቴ ማዑዋዞንሢ ዓንጂንቴያኬ።

5 ናንጊና ናንጋ ጎዳ ማዔ ታ ፆኦዛሢዮ!

ኔኤኒ ሚርጌና ዲቃሢ ሄርሺሳ ባኣዚ ኑም ማዼኔ፤

ዖኦኒያ ኔኤና ቤቃይ ባኣሴ፤

ኔኤኒ ኑም ማሌ ኮዦ ባኮ

ዖኦኒያ ፓይዲ ዔራኒ ዳንዳዑዋሴ፤

ኬኤዛኒና ሃይሳዻኒ ታ ዓርቄታቴያ

ፓይዳ ታኣም ዔርቱዋያ ማዓንዳኔ።

6 ኔኤኒ ሚቺ ዒንጎ ዒንጊፆንታ ሜሌ ዒንጊፆዋ ኮዑዋሴ፤

ቆልማ ሚቺ ዒንጎ ቤዞይዳ ሚቺንታንዳጉዲ

ጊንሣ ሃሣ ጎሞ ጌኤሻኒ ዒንጊንታ ዒንጊፃኣ

ኔኤም ዒንጊንታንዳጉዲ ኔ ኮዑዋሴ፤

ዬያ ማዾንዶ ቤዞ ዓይሢፆ ኔኤኮ ዋይዚ

ኔኤም ታ ማዻንዳጉዲ ኔ ታና ማሄኔ። ✝

7 ዬያሮ ታኣኒ፦ «ዎጎ ማፃኣፖይዳ ታ ዛሎ ፃኣፒንቴ ጎይፆና

ሃይሾ ታኣኒ ሙኬኔ።

8 ታ ፆኦዛሢዮ! ማሊፆ ኔኤሲ ማዺ ኩንሣኒ ታ ኮዓኔ፤

ዎጋኣ ኔኤኮ ታ ዒኖይዳኬ» ጌዔኔ።

9 ዼኤፖ ቡኪንቶ ቤዛ ፒዜ ባኣዚ ታ ኬኤዜኔ፤

ናንጊና ናንጋ ጎዳሢዮ! ኔኤኒ ዔራሢጉዲ

ታ ኬኤዛ ባኮ ኬኤዚፆ ሃሻዓኬ።

10 ኮሹሞ ኔኤሲ ታ ዒና ታ ዓኣቻዓኬ፤

ኔኤኒ ጉሙርቂንታያና ዓውሳያ ማዔሢ ታ ኬኤዜኔ፤

ዬያ ዼኤፖ ቡኪንቶ ቤዛ ኔኤኮ ናንጊና ናንጋ

ናሹሞንታ ጎኑሞንታ ታ ዓኣቺባኣሴ።

11 ናንጊና ናንጋ ጎዳሢዮ! ኔ ማኣሪፆ ታጊዳፓ ሃኪሲፖ፤

ኔኤኮ ናሹሞንታ ናንጊና ናንጋ ጉሙርቂንቲፃኣ ናንጊና ታና ካፖንጎ።

12 ሚርጌ ሜታ ታና ዋኣዪሳኔ!

ዻቢንታ ታኣኮ ሚርጌሢሮ ዛጋኒ ታ ዳንዳዑዋሴ፤

ዬይ ታኣኮ ቶኦኮ ጋፓናፓ ባሻያኬ፤

ዬያሮ ታ ዒና ታና ዒፂ ሃሼኔ።

13 ናንጊና ናንጋ ጎዳሢዮ! ሃዳራ ታና ዓውሴ፤

ፆኦዛሢዮ! ዑካዺ ታና ማኣዴ።

14 ታና ዎዻኒ ኮዓ ዓሳ ቢያ ቦርሲንቶንጎ፤

ዔርቶ ዒፂ ካራ ዔያቶም ባይቆንጎ፤

ታና ፑርታ ባኣዚ ሄላንዳጉዲ ማላዞንሢም ቢያ

ቦርሲንቲ ማዖንጎ።

20 ሼምፓሢ ኑኡኮ

ናንጊና ናንጋ ጎዳ ሃጊ ማዓ ዎዛ ማሂ ካፓኔ፤

ኑና ማኣዳሢና ኑኡኮ ጊቲማሢያኣ ዒዛኬ።

21 ዒዛኮ ዱማዼ ሱንፆ ኑ ጉሙርቃሢሮ

ዒዚ ኑና ዎዛሳኔ።

22 ናንጊና ናንጋ ጎዳሢዮ!

ኑኡኮ ሃጊ ማዓ ዎዞ ኔና ኑ ማሄ ጎይፆና

ኔኤኮ ጋፑዋ ናሹማ ኑኡም ማዖንጎ።

5 ታኣኒ ናንጊና ናንጋ ጎዳ ጶቂሢ ካፓኔ፤

ታ ሼምፓሢያ ዒዛ ጊቢ ካፓኔ፤

ዒዛኮ ቃኣሎዋ ታ ጉሙርቃኔ።

6 ዛቤ ካፓ ዓሲ ሳዓ ካራንዳጉዲ ኮዓያይዳፓ ባሼ

ታኣኒ ናንጊና ናንጋ ጎዳ ጶቂሢ ካፓኔ።

5 ታኣኮ ሼምፔሌ ሃውሺጋፓ ፆኦሲ ሌሊ ካፔ፤

ታኣኮ ሃጊ ማዓ ዎዛ ሙካሢ ዒዛይዳፓኬ።

34 ናንጊና ናንጋ ጎዳኮ ማኣሮ ካራ ዴዔ፤

ጎይፆዋ ዒዛሲ ካፔ፤

ዒዚ ሳዖ ኔኤም ዻካልሲ ኔና ቦንቺሳንዳኔ፤

ፑርቶ ዓሳ ባይቃንቴ ኔ ዛጋንዳኔ።

5 ጉቤ ዒናፓ ናንጊና ናንጋ ጎዳ ጉሙርቄ፥ ኔ ዔራቶና ሄርሺንቲፖ። 6 ኔ ማዻ ባኮና ቢያ ናንጊና ናንጋ ጎዳ ኔኤኮ ቤርታሴ፤ ዒዚ ኔና ፒዜ ጎይሢ ዔኪ ዓኣዻንዳኔ።

3 ዬያና ሌሊቱዋንቴ ኑኡኮ ሜታሢናኣ ኑ ዎዛዻኔ፤ ዓይጎሮ ጌዔቶ ሜቶይዳፓ ዶዱሞ ጴዻያታሢ ኑ ዔራኔ፤ 4 ዶዲሢ ሜቶ ዳንዳዔያ ማዔሢ ዔርዛኔ፤ ዬካፓ ሃጊ ማዓንዳ ዎዛ ጴዻኔ።

11 ዼኤፒ ዶዱሞና ዳንዳዒሢና ዒንሢኮ ዓኣያ ማዓንዳጉዲ፥ ዒዛኮ ቦንቺንቴ ዎልቆጉዴያ ዎልቄና ቢያ ዒንሢ ዶዲ ሃሣ ዎዛዺ ዎዛዺ፥

7 ታ ዒሾንሦ! ታ ሚሾንሦ! ዓካሪ ጎዳሢኮ ሙኮ ጊቢ ካፑዋቴ፤ ጎሽካ ዓሲ ሌዖ ዒሮና ሲሎ ዒሮና ዴንቃንዳያ ሄላንዳኣና ጊቢ ቃራ ዓኣፒ ሳዓፓ ዴንቃኒ ካፓኔ፤ 8 ዒንሢያ ዬያጉዲ ጊቡዋቴ፤ ጎዳኮ ሙኮ ዎዳ ዑኬሢሮ ዎዛና ዶዱዋቴ።

11 ሃሢ ጊቢ ዶዴ ዓሶ «ዓንጂንቴያኬ» ኑ ጋዓኔ፤ ዒዮቤ ጎዖሢ ዎዲ ጊቤያታቴያ ዒንሢ ዋይዜኔ። ጊንሣ ጋፒንፆይዳ ፆኦሲ ዒዛም ማዼ ኮዦ ባኮዋ ዒንሢ ዛጌኔ፤ ዬያይዲፆና ጎዳ ማኣራያ፥ ሃሣ ሚርጌ ሚጪንታያ ማዔሢ ዒንሢ ዔሬኔ። ✝

22 ዑሣ ናሽኮ ናሹሞቱዋንቴ ጎኔ ናሹሞ ዬሱሴ ጉሙርቂ ዔኬ፥ ዒንሢኮ ጌርሲንሢም ዓኣያ ዒንሢኮ ማዓንዳጉዲ ጎኑሞም ዓይሢንቲሢና ዒንሢ ዒንሢ ቶኦኮ ጌኤሼኔ፤ ዬያሮ ጉቤ ዒናና* ሴካና ሃንጋና ዎሊ ኮሺ ናሽኩዋቴ። 23 ዒንሢ ላሚሣ ሾይንቴሢ ናንጊና ናንጋያ ማዒ ዶዲ ናንጋ ፆኦሲ ቃኣሎና ባይቁዋ ፃጲዳፓኬ፥ ባይቃ ፃጲፓቱዋሴ፤ 24 ዓይጎሮ ጌዔቶ ጌኤዦ ማፃኣፓ፦

«ዓሲ ቢያ ማኣቲጉዴያኬ፤

ቦንቻ ቢያ ካይዚዳ ዓኣ ቡኒጉዴያኬ፤

ማኣታ ሹሊ ሜላኔ፥ ቡናኣ ዲኢናኔ፤

25 ፆኦሲኮ ቃኣላ ጋዓንቴ

ናንጊና ዶዲ ናንጋኔ» ጋዓኔ።

ዬያሮ ኮሺ ሃይሴ ማዒ ዒንሢም ሚርጌና ኬኤዚንቴ ቃኣላ ዬያኬ። ✝

9 ፔቴ ፔቴ ዓሶም ናጋያ ማላሢጉዲ ጎዳ ዬሱሴ ዒዚ ኬኤዜ ሃጊ ማዓንዳ ዎዞ ቃኣሎ ኩንሣኒ ናጊንዱዋሴ፤ ጋዓንቴ ዓሲ ቢያ ጎሜፓ ማዓንዳጉዲና ሃሣ ፔቴታዖ ዓሲ ባይቁዋጉዲ ዒንሢ ዛሎሮ ጌዒ ዒዚ ጊቢ ካፓኔ።

1 ዬካፓ ዬሱሴ፦ «ዬኖ ዎዶና ጫሪንጮ ካኣቱማ ጌሊፆ ጎይፃ ዑኡታ ጎይሣ ዔካኒ ፖዒ ዔኪ፥ ኬስኪ ካፔ ታጶ ዉዱሮ ናይስኬንሢ ሃይሴጉዲ ማዓንዳኔ። ✝ 2 ዬንሢዳፓ ዶንጎ ዉዱሮ ናኣቶንሢ ቦኦዛ፥ ዓቴ ዶንጎንሢ ጪንጫኬ፤ 3 ቦኦዞንሢ ፖዖ ፖዒሶሢ ዔካዖ፥ ጋዓንቴ ጋፓዛ ዋሃኒ ኮይላ ላምባሢ ዔኪባኣሴ። 4 ጪንጮንሢ ጋዓንቴ ፖዖ ፖዒሶሢንታ ሃሣ ጋፓዛ ዋሆንዶ ላምባሢያ ኮይላ ዓርቄኔ። 5 ዑኡታሢ ኔጌም ቢያሢ ጊንዓ ባሼም ጊንዔኔ።

6 «ዬካፓ ሳዓ ጊዲሚሺ ማዓዛ ‹ዑኡታሢ ሙኬኔ፥ ዔካኒ ኬስኩዋቴ!› ጋዓ ዔኤሊሢ ዋይዚንቴኔ። 7 ዬማና ዉዱሮ ናኣቶንሢ ቢያ ዔቃዖ፥ ፖዒሶ ባኮ ጊኢጊሼኔ፤ 8 ዒማና ቦኦዞንሢ ጪንጮንሢ ኮራ ‹ኑ ፖዓ ሃይቃኒ ዎኦታሢሮ፥ ዒንሢኮ ላምባስካፓ ኑም ዒንጉዋቴራ!› ጋዓዛ፥ 9 ጪንጮ ዉዱሮ ናኣቶንሢ ማሃዖ ‹ኑኡኮ ዓኣ ላምባሢ ኑኡና ዒንሢናም ጊዲንዱዋኣሢሮ፥ ዴንዲ ሻንቻ ዓሶይዳፓ ዒንሢ ሻሻንቁዋቴ› ጌዔኔ። 10 ዬማና ዔያታ ላምባሢ ሻንቃኒ ዴንዳዛ ዑኡታሢ ሙኬም ጊኢጊ ዓኣ ዉዱሮ ናኣቶንሢ ዔፖ ሙዖ ቤዞ ዒዛና ዎላ ጌላዛ ካራ ዎዺንቴኔ።

11 «ዓቴ ዉዱሮ ናኣቶንሢ ሃሣ ዻካ ኔጊ ሙካዖ፥ ‹ጎዳሢዮ! ካሮ ኑም ቡሌ› ጋዓዛ፥ 12 ዒዚ ማሃዖ ‹ጎኔ ታ ዒንሢም ጋዓኔ፤ ታ ዒንሢ ዔሩዋሴ› ጌዔኔ» ጌኤኔ። ✝

13 ዬካፓ ሃሣ ዬሱሴ፦ «ዬይ ማዓንዳ ዎዶና ኬሎና ዒንሢ ዔሩዋኣሢሮ ጊኢጊንቲ ካፑዋቴ» ጌዔኔ።