Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Kadi eyo pohuma, unone karo twaa nyanyuka mu makando etu, ko ku dimuka ci makando aa reta muooto, muooto waa reta mukarero o shemwa, karo mukarero o shemwa waa reta okurupero,
Twaa rombera karo ci Nyambi a mi tanarithse kokoro wenthzi oukuru ci nga mwikare nothzui no kukwatamucima kokuhe ko thsinyanyu.
Andengenu, mu kwate micima uno mu taterera kukeya kwa Fumu. Mu mone njimi edi a na cithzuanga mucima o ku taterera muve ci u rete dicora dyodikuru mu thsivaka, ku tatekera ku mvura o thsikaravanthzi shime ku ka kuma ku mvura o dikurahoke. Namwe mu kwate micima kengeyo. Mu ndumepe, inene kukeya kwa Fumu pepi ku di.
Mu na dimuka ci a di no thsiyauthzi anu awa na citanarithsanga mwikati yo makando. Mwa yuva ya Jovo edi a cithzuire mucima nedi a mu tendire Fumu ku hura, inene Fumu Nyambi po wa ku yara ñekeñeke no ñeke.
Pakuninga honi ci na mu cikenithsa ku thsivi ko ku yuvera oshemwa ci nga mu cishime shemwa eci ana o dira dyofoci, mu cishime nene ko micima thzenu thzothzihe.
Inene na mwerekiwa ope, kadi ko mbuto thzo ku twethsa kwora, unone thzi shoro, ko diywi dya Nyambi edi di yoya, karo dyo kukana ku pwa. Eci edi ku na ñoriwa ci,
"Anu wahe aa cipitura eci muhonyi,
karo kutethzima kwo kwaa cipitura eci matemo o mu murundu.
Muhonyi yoihe u kukuta no matemo aa kurumukako,
unone diywi dya Fumu po dya diyere."
Karo edyo diywi po Muthzimbu Ouwa uya wa hongiwire ku kwenu.
Fumu ka a katapithsire eyi a kumbwethzire, eci edi a anekera amweya ci aa katapa. Unone aa mi tenda ko ku kwata mucima, inene ka a fotire ci ku nonge shaanga munu yofoci. Aye aa fota ci anu wahe a cere.
"Mwethso thsikati Kutumina ko ku Wiru kenge kwa kwikara eci ambanda o dikumi awa shimbire tumbarambara two ku ka taterera mukwakuyeka. O mutanu ku kwo nedi a tomba, karo o mutanu nedi a nyanyami. Awo owatomba a shimbire tumbarambara, unone ka shimbire maathzi amweya ku mbadi. Owanyanyami awo a shimbire tumbarambara no maathzi amweya ku mbadi mu tufuma. Mukwakuyeka shime a katapire ku keya, wahe a tatekire ku nyongera no ku thza pa turo ku rara.
"Pa kaci kothsiku kakumbo ka yuvaharire ci: ‘Mukwakuyeka na kumu!’ ‘Mu keye mu mu shambawere!’
"Ambanda wahe o dikumi a pindukire no ku roaroithsa tumbarambara two. Awo owatomba a amberire owanyanyami ci: ‘Mu tu peko ku maathzi enu, tumbarambara twetu koku thzimana kwato.’
"Unone owanyanyami awo a tawire ci: ‘Dyombo, ka i tawa, ka a tu kwana atwe namwe. Mu thze kowa na urithsa maathzi mu ka ciurere enu.’
"Awaya ambanda ou a thzire ku ka ura maathzi, kuno kunyima mukwakuyeka wa kumine. Ambanda waya a ciroithserire engenine na mukwakuyeka mu nthzio thzo thsidika no thsero thza patiwire.
"Ou kwa pitire thsikati thsothsipu, awaya ambanda amweya nawo a kumine no ku na amba ci: ‘Ñathsire wetu, ñathsire wetu! O tu yanthzurwere!’
"Unone mukwakuyeka wa wa tawire ci: ‘Naa mi ambera yoshemwa ka ni mi dimuka.’
"Mweyo, namwe mu ciroithsere, inene ka mu dimukire diyuwa nji thsikati."