Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
kodwa labo abathemba uThixo
bazavuselelwa amandla abo.
Bazaqonga ngempiko njengezinkozi,
bazagijima kodwa bangadinwa,
bazahamba kodwa bangapheli amandla.
Kodwa uThixo ulangatha ukuba lomusa kini;
uyavuka ukuba alitshengise isihawu.
Ngoba uThixo unguNkulunkulu wokulunga.
Babusisiwe bonke abamlindeleyo!
Lindela uThixo
qina ume isibindi
ulindele uThixo.
Ngilokhu ngilesibindi ngalokhu:
ngizakubona ukulunga kukaThixo
emhlabeni wabaphilayo.
Lindela uThixo
qina ume isibindi
ulindele uThixo.
UThixo uyikukhanya kwami lensindiso yami
ngizakwesaba bani na?
UThixo uyinqaba yokuphila kwami
ngubani engingamesaba na?
Nxa ababi bengihlasela
bezodlithiza inyama yami,
lapho izitha zami labangizondayo bengihlasela,
bazakhubeka bawe.
Loba impi ingivimbezela,
inhliziyo yami kayizukwesaba;
loba ngivukelwa yimpi,
loba kunjalo ngizakuma isibindi.
Yinye into engiyicelayo kuThixo,
yilokhu engikudingayo:
ukuba ngihlale endlini kaThixo
zonke insuku zokuphila kwami,
ngibuke ubuhle bukaThixo,
lokuthi ngimdinge ethempelini lakhe.
Phela ngosuku lokuhlupheka
uzangilondoloza emzini wakhe,
uzangifihla esiphephelweni sethabanikeli lakhe
angimise phezulu kwedwala elisesiqongweni.
Lapho-ke ikhanda lami lizaphakanyiswa
ngaphezu kwezitha ezingihanqileyo;
ethabanikeleni lakhe ngizakwenza umhlatshelo ngimemeza ngentokozo;
ngizahlabelela ingoma zendumiso kuThixo.
Zwana ilizwi lami lapho ngimemeza Oh Thixo;
woba lomusa kimi ungiphendule.
Ithi inhliziyo yami Ngawe, "Dinga ubuso bakhe!"
Ubuso Bakho, Thixo ngizabudinga.
Ungangifihleli ubuso Bakho,
ungayixotshi inceku yakho ngokuthukuthela;
wena ubungumsizi wami.
Ungangilahli loba ungidele,
Oh Nkulunkulu, Msindisi wami.
Loba obaba lomama bengangidela,
uThixo uzangemukela.
Ngifundisa indlela Yakho, Oh Thixo;
ngihola endleleni eqondileyo
ngenxa yabancindezeli bami.
Unganginikeli entandweni yabangizondayo,
ngoba ofakazi bamanga bayangivukela
bevutha ulaka.
Ngilokhu ngilesibindi ngalokhu:
ngizakubona ukulunga kukaThixo
emhlabeni wabaphilayo.
Lindela uThixo
qina ume isibindi
ulindele uThixo.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Ngamlindela ngesineke uThixo;
waphendukela ngakimi wezwa ukukhala kwami.
Wangenyula emgodini otshonayo,
wangikhupha edakeni lexhaphozini;
wamisa inyawo zami edwaleni,
wangipha indawo eqinileyo yokuma.
Wangipha ingoma entsha emlonyeni wami,
ihubo lokudumisa kuNkulunkulu wethu.
Abanengi bazabona besabe
babeke ithemba labo kuThixo.
Ubusisiwe umuntu
owenza uThixo abe lithemba lakhe,
ongathembi abazigqajayo,
lalabo abaqambukela kubonkulunkulu bamanga.
Zinengi, Thixo, Nkulunkulu wami,
izimangaliso ozenzileyo.
Izinto owasilungiselela zona
kakho ongazibala kuwe;
aluba bengingakhuluma
loba ngilandise ngazo,
zingaba zinengi ngokweqileyo ukuzibalisa.
Kawufisanga imihlatshelo leminikelo
kodwa indlebe zami uzikleklile;
iminikelo yokutshiswa leminikelo yesono kawuzange uyidinge.
Lapho-ke ngasengisithi, "Ngilapha, sengifikile
kulotshiwe ngami emqulwini.
Ngiyakunxwanela ukwenza intando yakho, Oh Nkulunkulu wami;
umthetho wakho usenhliziyweni yami."
Ngiyafakaza ngokulunga ngisemhlanganweni omkhulu;
angizivali izindebe zami, njengoba usazi, Oh Thixo.
Ukulunga kwakho kangikufihli enhliziyweni yami;
ngikhuluma ngokuthembeka kwakho lokusindisa kwakho.
Kangilufihli uthando lwakho leqiniso lakho
emhlanganweni omkhulu.
Ungasigodli isihawu sakho kimi, Oh Thixo;
sengathi uthando lwakho leqiniso lakho kungahlala kungivikela.
Phela inhlupheko ezingelakubalwa zingihanqile;
izono zami sezingificile, kangisaboni.
Zinengi kulenwele zekhanda lami,
njalo inhliziyo yami isiphela amandla.
Jabula, awu Thixo, ungisindise;
awu Thixo, woza masinyane uzongisiza.
Sengathi bonke abafuna ukuqeda impilo yami
bangayangiswa basanganiswe;
sengathi bonke abafisa ukungidiliza
bangabuyiselwa emuva beyangekile.
Simlindele uThixo ngokwethemba;
ulusizo lwethu lesihlangu sethu.
Inhliziyo zethu zithokoza Ngaye,
ngoba sithembe ebizweni lakhe elingcwele.
Sengathi uthando Lwakho olungaphuthiyo, Thixo, lungaba phezu kwethu
njengalokhu sibeka ithemba lethu kuwe.
Ngiyamlindela uThixo, umphefumulo wami uyalinda,
ngibeka ithemba lami elizwini lakho.
Umphefumulo wami ulindela uThixo
okudlula abalindi bemelele ukusa,
okudlula abalindi bemelele ukusa.
Fumana ukuphumula, Oh mphefumulo wami,
kuNkulunkulu kuphela; ithemba lami livela kuye.
Lindelani uThixo ligcine indlela yakhe.
Uzaliphakamisa lilithathe ilifa lelizwe;
lizakubona lokhu nxa ababi sebesusiwe.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Themba kuThixo ngenhliziyo yakho yonke,
ungathembi ekuzwisiseni kwakho;
mvume kuzozonke izindlela zakho,
yena uzaqondisa zonke izindlela zakho.
Akunjalo kuphela, kodwa siyathokoza njalo ezinhluphekweni zethu, ngoba siyakwazi ukuthi ukuhlupheka kudala ukuqinisela; ukuqinisela, ubuntu; lobuntu, ithemba.
liqiniswa ngamandla wonke mayelana lamandla akhe amangalisayo ukuze libe lokubekezela kanye lesineke esikhulu, kuthi njalo ngokuthokoza
Ngakho, bazalwane, bekezelani iNkosi ize ifike. Khangelani ukuthi umlimi uyilindela njani insimu ukuba ithele izilimo zayo eziligugu kanye lokuthi ukubekezelela njani ukuna kwezulu lentwasa. Lani futhi, bekezelani liqine ngoba ukufika kweNkosi sekusondele.
Njengoba lisazi, labo ababekezelayo sibabala njengababusisiweyo. Selezwa ngokubekezela kukaJobe njalo selikubonile okwalethwa yiNkosi ekucineni. INkosi igcwele isihawu esikhulu lomusa.
Njengoba khathesi selizihlambulule ngokulalela iqiniso ukuze libe lothando oluqotho kubazalwane benu, thandanani kakhulu, kusuka enhliziyweni. Ngoba selizelwe kutsha, kungasikho ngenhlanyelo ebolayo, kodwa ngengaboliyo, ngelizwi eliphilayo eliqinileyo likaNkulunkulu. Ngoba,
"Abantu bonke banjengotshani,
bonke ubukhosi babo bunjengamaluba eganga;
utshani buyabuna njalo amaluba ayakhithika,
kodwa ilizwi leNkosi limi kuze kube nini lanini."
Njalo leli yilo ilizwi elatshunyayelwa kini.
INkosi kayiphuzi ukugcwalisa isithembiso sayo, njengoba abanye bekuqedisisa njengokuphuza. Iyalibekezelela, ingafuni ukuba lamunye abhubhe, kodwa ukuba umuntu wonke aphenduke.
"Kulesosikhathi umbuso wezulu uzakuba njengezintombi ezigcweleyo ezilitshumi ezathatha izibane zazo zaphuma ukuyahlangabeza umyeni. Ezinhlanu zazo zaziyiziwula, ezinhlanu zihlakaniphile. Eziyiziwula zathatha izibane zazo, kodwa kazithathanga amafutha. Kodwa ezihlakaniphileyo zathwala imbodlela zamafutha kanye lezibane zazo. Umyeni waphuza ukufika zonke zaze zawozela zajunywa yibuthongo.
Phakathi kobusuku kwamenyezelwa kwathiwa, ‘Nangu umyeni! Phumani limhlangabeze!’
Zasezivuka zonke izintombi zalumathisa izibane zazo. Lezo ezaziyiziwula zathi kwezihlakaniphileyo, ‘Ake lisiphe lathi amanye amafutha enu; izibane zethu sezicitsha.’
Zaphendula ezihlakaniphileyo zathi, ‘Hatshi, kakulamafutha angasanela thina lani. Hambani liye kulabo abathengisa amafutha liyezithengela awenu.’
Kodwa kwathi besayathenga amafutha umyeni wafika. Izintombi ezazizilungiselele zangena laye edilini lomthimba. Umnyango wasuvalwa.
Ngemva kwesikhathi ezinye lazo zatsho sezifikile. Zathi, ‘Nkosi! Nkosi! Ake usivulele umnyango!’
Kodwa waphendula wathi, ‘Ngilitshela iqiniso ukuthi, kangilazi.’
Ngakho lindani ngoba kalilwazi usuku loba ihola."