Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
पण जे याहवेहवर आशा ठेवतात
ते नवे सामर्थ्य प्राप्त करतात,
ते त्यांच्या पंखांनी गरुडाप्रमाणे वर झेप घेतील;
ते धावतील पण दमणार नाहीत,
ते चालतील पण क्षीण होणार नाहीत.
तरीसुद्धा याहवेह तुमच्यावर कृपा करण्यास आतुरलेले असतात;
त्यामुळे तुमच्यावर दया दाखविण्यास ते उभारतील.
कारण याहवेह हे न्यायी परमेश्वर आहेत.
धन्य आहेत ते सर्व जे त्यांची वाट पाहतात!
याहवेहची प्रतीक्षा कर;
हिंमत बांध, धैर्य धर;
आणि याहवेहचीच प्रतीक्षा कर.
मला हा पूर्णपणे विश्वास आहे:
की मी या जीवनातच याहवेहच्या
चांगुलपणाचा अनुभव घेणार.
याहवेहची प्रतीक्षा कर;
हिंमत बांध, धैर्य धर;
आणि याहवेहचीच प्रतीक्षा कर.
याहवेह माझे प्रकाश व माझे तारण आहेत—
मी कोणाचे भय बाळगू?
याहवेह माझ्या जीवनाचे दुर्ग आहेत—
मला कोणाचे भय आहे?
जेव्हा वाईट लोक मला गिळण्यास
माझ्यावर हल्ला करतील,
तेव्हा माझे शत्रू व माझे विरोधकच
अडखळतील आणि पडतील.
जरी सैन्याने मजभोवती वेढा घातला,
तरी माझे अंतःकरण भयभीत होणार नाही;
माझ्याविरुद्ध युद्ध जरी पेटले,
तरी मी निश्चिंत राहीन.
मी याहवेहला एक याचना केली,
हीच माझी आकांक्षा आहे:
मी आयुष्यभर याहवेहच्या
भवनात वस्ती करावी जेणेकरून
मी याहवेहचे सौंदर्य बघून त्यांच्या
मंदिरात ध्यान करावे.
कारण संकटाच्या दिवसात
ते मला त्यांच्या वसतिस्थानात सुरक्षित ठेवतील;
तेच मला आपल्या निवासमंडपात लपवून ठेवतील;
उंच खडकावर मला सुरक्षा देतील.
माझ्या सभोवती असणार्या
शत्रूंसमोर माझे मस्तक उंच करतील.
मी त्यांच्या पवित्र मंडपात हर्षगर्जना करून यज्ञ अर्पण करेन;
मी गायन व संगीताने माझ्या याहवेहची स्तुती करेन.
याहवेह, माझी याचना ऐका;
माझ्यावर दया करा आणि मला उत्तर द्या.
तुमच्याविषयी माझे अंतःकरण म्हणाले, "त्यांचे मुख शोध!"
हे याहवेह, मी तुमचे मुख शोधेन.
तुम्ही आपले मुख माझ्यापासून लपवू नका,
तुमच्या दासाला रागाने दूर लोटू नका;
तुम्हीच माझे सहायक राहिले आहात;
हे माझ्या तारणकर्त्या परमेश्वरा,
मला नाकारू नका वा माझा त्याग करू नका.
माझ्या आईवडिलांनी माझा त्याग केला.
तरी याहवेह, माझा स्वीकार कराल.
याहवेह, मला तुमचे मार्ग शिकवा;
माझी छळणूक करणाऱ्यांमुळे
मला सरळ मार्गावर घेऊन चला.
मला माझ्या शत्रूंच्या तावडीत सापडू देऊ नका,
कारण खोटी साक्ष देणारे आणि क्रूरपणाने फुत्कारणारे
माझ्याविरुद्ध उठले आहेत.
मला हा पूर्णपणे विश्वास आहे:
की मी या जीवनातच याहवेहच्या
चांगुलपणाचा अनुभव घेणार.
याहवेहची प्रतीक्षा कर;
हिंमत बांध, धैर्य धर;
आणि याहवेहचीच प्रतीक्षा कर.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
मी धीराने याहवेहची वाट पाहिली;
तेव्हा त्यांनी माझ्याकडे लक्ष दिले आणि माझी आरोळी ऐकली.
निसरड्या खाचेतून, दलदलीच्या चिखलातून
त्यांनी मला बाहेर काढले;
त्यांनी माझी पावले खडकावर ठेवली,
आणि त्यांनी मला उभे राहण्यास भक्कम ठिकाण दिले.
त्यांनी आपल्या परमेश्वराचे स्तवन करण्यास
माझ्या मुखात नवीन गीत दिले.
हे अनेकजण पाहतील व याहवेहचे भय धरतील
आणि त्यांच्यावर विश्वास ठेवतील.
जे लोक याहवेहवर भरवसा ठेवतात,
जे गर्विष्ठांच्या व असत्याकडे वळणार्यांच्या
वार्यासही उभे राहत नाही,
ते धन्य होत.
याहवेह, माझ्या परमेश्वरा,
तुम्ही अनेक चमत्कार केलेले आहेत;
आमच्यासाठी तुम्ही केलेल्या
योजनेची तुलना करता येत नाही;
त्याबद्दल बोलावयाचे झाले
तर त्यांची मोजदाद करता येणार नाही.
यज्ञ किंवा अन्नार्पणे यांची इच्छा तुम्हाला नाही—
परंतु तुम्ही माझे कान उघडले आहेत;
होमार्पण आणि पापार्पण यांनी तुम्हाला संतोष होत नाही.
तेव्हा मी म्हणालो, "पाहा मी येथे आहे, आलो आहे—
शास्त्रलेखात माझ्याविषयी लिहिले आहे.
हे माझ्या परमेश्वरा, तुमची इच्छा पूर्ण करावी असे मला वाटते;
तुमचे नियम माझ्या अंतःकरणात आहेत."
विशाल सभेत तुमच्या तारणाच्या कृत्यांची घोषणा करतो;
त्याबाबतीत मी माझे ओठ मुळीच आवरून धरीत नाही,
याहवेह हे तुम्हाला माहीत आहे.
हे नीतिमत्व मी माझ्या हृदयात दडवून ठेवले नाही,
मी तुमचा विश्वासूपणा आणि तुमच्या तारणाच्या मदतीची चर्चा करतो.
सर्व मंडळीपासून तुमची प्रीतिपूर्ण
दया आणि सत्य ही लपवित नाही.
याहवेह, तुमची कृपा माझ्यापासून राखून धरू नका;
तुमची प्रीती आणि विश्वासूपणा मला नेहमी सुरक्षित ठेवील.
असंख्य समस्यांनी माझ्यावर मात केली आहे;
माझ्या अपराधांनी माझा पिच्छा पुरविला आहे आणि ते मी पाहू शकत नाही.
ते माझ्या डोक्यावरील केसांपेक्षा जास्त आहेत,
आणि माझे हृदय विव्हळत आहे.
याहवेह, प्रसन्न होऊन मला वाचवा;
त्वरेने या, याहवेह मला साहाय्य करा.
माझ्या जीव घेऊ पाहणार्यांना
लज्जित करा व गोंधळात पाडा;
त्यांना मागे हटवून त्यांची
दाणादाण करून त्यांना घालवून द्या;
आम्ही याहवेहची वाट पाहत आहोत;
केवळ तेच आमचे साहाय्य आणि ढाल आहेत.
त्यांच्यामध्येच आमच्या हृदयात आनंद आहे,
कारण त्यांच्या पवित्र नावावर आमचा विश्वास आहे.
याहवेह तुमची अक्षय प्रीती आमच्या सभोवती असू द्या,
कारण आमच्या आशेचे स्थान केवळ तुम्हीच आहात.
मोठ्या अपेक्षेने माझा जीव याहवेहची वाट पाहतो,
आणि मी माझी आशा त्यांच्या वचनावर टाकली आहे.
पहारेकरी ज्या उत्कंठेने अरुणोदयाची वाट पाहतो,
त्याहीपेक्षा अधिक उत्कंठेने
मी माझ्या परमेश्वराची वाट पाहतो.
तरीही माझा आत्मा परमेश्वरामध्ये शांती पावेल;
माझी आशा त्यांच्यापासून आहे.
याहवेहची प्रतीक्षा कर
आणि त्यांच्या सन्मार्गाचे अवलंबन कर.
तेच तुला उंच करून पृथ्वीचे अधिकारी करतील;
दुष्ट लोक नष्ट झाल्याचे तू डोळ्यांनी पाहशील.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
तुझ्या संपूर्ण अंतःकरणापासून याहवेहवर भरवसा ठेव;
आणि स्वतःच्या बुद्धीवर अवलंबून राहू नकोस;
तुझ्या सर्व मार्गात तू त्यांच्या अधीन राहा,
आणि ते तुझे मार्ग सुकर करतील.
इतकेच केवळ नव्हे तर क्लेशातही आनंद करतो, कारण आपणास माहीत आहे की दुःख हे धीर उत्पन्न करते. धीरामुळे, चारित्र्य; आणि चारित्र्यामुळे, आशा.
धीर व सहनशक्ती ही अधिक रीतीने तुम्हाला प्राप्त व्हावी म्हणून त्यांच्या गौरवाच्या पराक्रमानुसार तुम्ही सर्वप्रकारच्या सामर्थ्याने समर्थ व्हावे आणि आनंदाने
प्रिय बंधूंनो आणि भगिनींनो, प्रभूचे आगमन होईपर्यंत धीर धरा. पाहा शेतकरी कसा जमिनीतून निघणार्या मोलवान पिकांची वाट पाहतो. शरद आणि वसंतामध्ये येणार्या पावसाची धीराने वाट पाहतो. तसेच तुम्ही पण, धीर धरा आणि खंबीरपणे उभे राहा, कारण प्रभूचे येणे जवळ आले आहे.
तुम्हाला माहीत आहे, ज्यांनी धीर धरला त्यांना आपण आशीर्वादित म्हणतो. तुम्ही इय्योबाच्या धीराविषयी ऐकले आणि शेवटी प्रभूने त्याला कसे आशीर्वादित केले हे तुम्ही पाहिले. प्रभू करुणा आणि दया यांनी भरलेले आहेत.
आता सत्याचे आज्ञापालन करून तुम्ही स्वतःला शुद्ध केले आहे यासाठी की, तुमची एकमेकांवर खरी प्रीती असावी आणि एकमेकांवर खोल अंतःकरणापासून प्रीती करावी. कारण नाशवंत बीजापासून नव्हे, तर अविनाशी बीजापासून, जिवंत आणि सर्वकाळ टिकणार्या परमेश्वराच्या वचनाद्वारे तुमचा नवीन जन्म झाला आहे. कारण,
"सर्व लोक गवतासारखे आहेत,
आणि त्यांचे सौंदर्य वनातील फुलांसारखे आहे.
गवत सुकते आणि फूल कोमेजते.
परंतु प्रभूचे वचन सर्वकाळ टिकते."
आणि हेच ते वचन आहे ज्याचा प्रचार तुम्हाला करण्यात आला होता.
कित्येक लोक ज्याला संथपणा म्हणतात, तसे प्रभू आपल्या वचनाविषयी करीत नाहीत, तर ते तुमच्याबरोबर सहनशीलतेने वागतात. कोणाचाही नाश व्हावा, अशी त्यांची इच्छा नाही, तर प्रत्येकाने पश्चात्ताप करावा अशी त्यांची इच्छा आहे.
"त्यावेळी स्वर्गाचे राज्य, आपआपले दिवे घेऊन वराला सामोर्या जाणार्या दहा कुमारींसारखे होईल. त्यांच्यापैकी पाच मूर्ख होत्या व पाच शहाण्या होत्या. मूर्ख कुमारींनी दिव्यांबरोबर आपले तेल घेतले नाही. शहाण्यांनी मात्र दिव्यांबरोबरच आपआपल्या कुपीत तेलही घेतले. वराला येण्यास उशीर लागला म्हणून सर्वांना डुलक्या लागल्या व त्या झोपी गेल्या.
"मध्यरात्री, ‘वर येत आहे; त्याच्या स्वागतासाठी बाहेर यावे!’ अशी हाक त्यांच्या कानी आली.
"मग सर्व कुमारी गडबडीने उठल्या आणि त्यांनी दिवे तयार केले. मूर्ख कुमारी शहाण्या कुमारींना म्हणाल्या, ‘तुमच्या तेलामधून आम्हाला थोडे द्या; कारण आमचे दिवे विझू लागले आहेत.’
"त्यांनी उत्तर दिले, ‘नाही, ते तुम्हास व आम्हास पुरणार नाही. तुम्ही तेल विकणार्यांकडे जा आणि स्वतःसाठी विकत आणा.’
"त्या तेल विकत आणावयास गेल्या. वाटेत असतानाच, वर आला आणि ज्या कुमारी तयारीत होत्या, त्या वराबरोबर लग्नाच्या मेजवानीस आत गेल्या आणि दरवाजा बंद करण्यात आला.
"काही वेळाने त्या दुसर्याही कुमारी आल्या व म्हणू लागल्या, ‘प्रभू, प्रभू, आम्हासाठी दार उघडा!’
"पण वराने उत्तर दिले, ‘मी तुम्हाला खरेच सांगतो, मी तुम्हाला ओळखत नाही.’
"म्हणून तुम्ही जागृत राहा, कारण तो दिवस व ती घटका तुम्हाला माहीत नाही.