Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
to joma oketo genogi kuom Jehova Nyasaye
tekregi nodwogi.
Gibiro huyo mana ka ongo mafuyo gi bwombe;
gibiro ringo to ok gibi bedo mool,
bende gibiro wuotho to tekregi ok norum.
Kata kamano pod odwaro nyiso
ngʼwono mare kuome; obiro mondo onyisu kech mare.
Nimar Jehova Nyasaye en Nyasaye ma ja-adiera.
Jogo duto mogeno kuome ogwedhi.
Gen kuom Jehova Nyasaye;
bed motegno ka in gi chir,
kendo rit kuom Jehova Nyasaye.
To an gi ratiro kuom wachni:
ni pod abiro neno ber Jehova Nyasaye,
e piny joma ngima.
Gen kuom Jehova Nyasaye;
bed motegno ka in gi chir,
kendo rit kuom Jehova Nyasaye.
Jehova Nyasaye e lerna kendo e warruokna;
en ngʼa ma daluor?
Jehova Nyasaye e kama ngimana opondoe.
En ngʼa ma dibwoga?
Ka joma richo lawa
mondo oketh ngimana,
ka wasika kod joma kedo koda monja,
to gibiro kier mi gipodhi.
Kata ka jolweny ogoyona agengʼa koni gi koni,
to chunya ok bi luor;
kata ka lweny otugorena,
to pod abiro mana bedo gi chir.
Gimoro achiel kende ema akwayo Jehova Nyasaye,
ma e gima adwaro moloyo;
ni mondo adag e od Jehova Nyasaye
ndalo duto mag ngimana,
mondo achom wangʼa kuom ber mar Jehova Nyasaye
kendo amanye e hekalu mare.
Nikech chiengʼ ma chandruok omaka
obiro panda maber e kar dakne;
obiro panda e kar pondo mar hembe maler
kendo obiro keta malo ewi lwanda.
Eka abiro bedo jaloch
ka aloyo wasigu duto molwora;
abiro timo misango mar pak ka akok gimor e hembe maler.
Abiro wer kendo abiro loso wende mamit ne Jehova Nyasaye.
Winj dwonda ka aluongo, yaye Jehova Nyasaye;
kecha kendo idwoka.
Chunya wuoyo kuomi kawacho niya,
"Many wangʼ Nyasaye ka ilemo!"
Wangʼi, yaye Jehova Nyasaye, ema abiro manyo.
Kik ipandna wangʼi,
kik iriemb jatichni ka mirima omaki,
in ema isebedo jakonyna.
Kik ikweda bende kik ijwangʼa,
yaye Nyasaye Jawarna.
Kata obedo ni wuonwa gi minwa ojwangʼa
to Jehova Nyasaye biro rwaka.
Puonja yoreni, yaye Jehova Nyasaye;
telna e yo moriere tir,
nikech joma sanda.
Kik ijwangʼa ne dwach wasika,
nikech joneno mag miriambo oramona matek,
ka gichano mar hinya.
To an gi ratiro kuom wachni:
ni pod abiro neno ber Jehova Nyasaye,
e piny joma ngima.
Gen kuom Jehova Nyasaye;
bed motegno ka in gi chir,
kendo rit kuom Jehova Nyasaye.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Ne arito Jehova Nyasaye ka ahora mos;
ne odwogo ira mi owinjo ywakna.
Ne oywaya oko e bur motimo otodo,
ne ogola e chwodho gi thidhna.
Ne oketo tiendena e lwanda
kendo nomiya kama otegno mondo achungie.
Ne oketo wer manyien e dhoga,
en wer mipakogo Nyasachwa.
Ji mangʼeny biro neno mi gibed maluor
kendo gibiro keto genogi kuom Jehova Nyasaye.
Ngʼat moketo Jehova Nyasaye
kaka kar geno mare en ngʼat mogwedhi,
ngʼat ma ok many kony kuom josunga,
bende ok omany kony kuom joma lokore mondo olam nyiseche mag miriambo.
Ranyisi misetimo thoth,
yaye Jehova Nyasaye ma Nyasacha.
Gigo mane ichanonwa
onge ngʼama nyalo kwanoni;
ka dine bed ni wanyalo wuoyo kuomgi;
to dine gibedo mangʼeny ma ok wanyal wacho.
Misengini kod chiwo ok ema ne idwaro
to ita ema iseyawo;
misengini miwangʼo pep kod chiwo mag golo richo
ne ok idwaro.
Eka nawacho niya, "Eri an ka,
asebiro mana kaka ondiki kuoma e Muma.
Chunya dwaro timo dwaroni, yaye Nyasacha;
chikni ni ei chunya."
Alando tim makare e chokruok maduongʼ;
ok aumo dhoga,
mana kaka ingʼeyo, yaye Jehova Nyasaye.
Ok apando timni makare e chunya;
to awuoyo kuom adierani gi warruokni.
Ok apando herani gi adierani
ni chokruok maduongʼ.
Kik itamri kecha, yaye Jehova Nyasaye;
mad herani gi adierani osik ka rita.
Nikech chandruok mokalo akwana olwora;
richona osejuka kendo ok anyal neno.
Gingʼeny moloyo yie wiya,
kendo chunya onyosore gie iya.
Bed mamor, yaye Jehova Nyasaye, mondo iresa.
Bi piyo, yaye Jehova Nyasaye, mondo ikonya.
Mad ji duto madwaro ketho ngimana
wigi kuodi kendo pachgi olal;
mad ji duto ma chunygi gombona tho
oriemb kadok gi wich okuot.
Warito Jehova Nyasaye gi geno;
en e konyruokwa kendo okumbawa.
Chunywa mor kuome,
nikech wageno kuom nyinge maler.
Mad herani ma ok rum osik kuomwa, yaye Jehova Nyasaye,
mana kaka waketo genowa kuomi.
Arito Jehova Nyasaye, chunya rite
kendo aketo genona kuom wachne.
Chunya rito Ruoth Nyasaye,
moloyo kaka jorito rito ru piny,
chunya riti, yaye Nyasaye,
moloyo kaka jorito rito ru piny.
Yud yweyo, yaye chunya, kuom Nyasaye kende;
genona aa mana kuome.
Bed gi geno kuom Jehova Nyasaye
kendo luw yore.
Obiro tingʼi malo mi omi piny bed mari;
ka joma richo ongʼad kargi oko to ibiro neno gi wangʼi.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Gen kuom Jehova Nyasaye gi chunyi duto,
kendo kik igen kuom ngʼeyoni iwuon;
ket yoreni duto kuome
eka nomi yoregi oriere tir.
To ok mano kende, to wanamor bende kuom chandruok mwayudo, nikech wangʼeyo ni chandruok kelo kinda, to kinda kelo kido maber to kido maber kelo geno.
Tekone maduongʼ biro miyo ubed motegno, mondo ubed joma odhil matimo kinda e yore duto, kendo
Emomiyo horeuru mos, jowetena, nyaka chop Ruoth duogi. Neuru kaka japur rito puothe mondo onyagne cham mokonyorego, kendo kaka ohore mos korito kodh opon gi kodh chwiri. Un bende horeuru mos, kendo jiwuru chunyu, nikech Ruoth chiegni duogo.
Kaka ungʼeyo maber ni joma ohore mos e chandruok ema ikwano ni ogwedhi bende usewinjo kuom horuok mar Ayub, kendo ungʼeyo gima Ruoth notimone achien. Ruoth nigi kech kod ngʼwono mathoth.
Kaka koro usepwodhuru uwegi kuom luwo adiera, mondo eka uher joweteu, koro herreuru ngʼato gi ngʼato gihera matut, kendo timuru kamano gi chunyu duto. Nikech osenywolu nywol manyien, ok gi kodhi ma towo, to gi kodhi ma ok tow, gi wach Nyasaye mangima kendo mochwere. Nimar Ndiko wacho niya,
"Dhano duto chalo gi lum
kendo duongʼ ma gin-go chalo mana gi maua manie pap;
lum ner kendo maua two mi lwar piny,
to wach Ruoth osiko manyaka chiengʼ."
Ma e Injili mane oyalnu.
Ruoth ok odeko kuom chopo singruokne, kaka jomoko paro. Un ema oweyonu thuolo mondo ulokru, nikech ohore mos ka odwaro ni kik ngʼato lal kata achiel, to odwaro mondo ji duto olokre owe richogi.
"E kindeno pinyruodh polo nopim gi nyiri apar manokawo techegi bangʼe owuok odhi romo ne wuon kisera. Abich kuomgi nofuwo, to abich ne riek. Mago mofuwo nokawo techegi to ne ok gitingʼo mafuta kata matin gidhigo. To mago mariek to notingʼo mafuta e kubni kaachiel gi techegi. Wuon Kisera nokawo sa mathoth kapok obiro, omiyo wengegi nobedo mapek kargi duto mi nindo noterogi.
"To e chuny otieno koko moro nogore matek ni, ‘Wuon kisera eri odonjo! Wuoguru oko mondo uromne!’
"Eka nyiri duto nochiew kendo negiiko techegi. Nyiri mofuwo nowachone mago mariek ni, ‘Pognwauru mafuta matin, nikech techewa dwa tho.’
"To negikwerogi ni, ‘Ooyo, sa moro mafuta ma wan-go ok nyal romowa kaachiel kodu. Gima ber en ni dhiuru ir joma uso mafuta mondo ungʼiew maru kuomgi.’
"To kane oyudo gin e yo gidhi ngʼiewo mafuta, wuon kisera nochopo. Nyiri mane oikore nodonjo kode e nyasi mar arus; kendo nolor dhoot.
"Bangʼe achien nyiri mamokoka bende nobiro. Ne gidwongʼo kagiwacho ni, ‘Ruoth, Ruoth, yawnwa dhoot!’
"To nodwokogi ni, ‘Awachonu adier ni akiau.’
"Emomiyo beduru motangʼ, nikech ok ungʼeyo odiechiengʼ kata sa.