Esperar no Senhor

14 Tadidila Yave !

Wukikindisa ayi bika ntimꞌaku wukinda ;

ayi tadidila Yave.

13 Ndisia diana mu diambu diadi :

Ndiela mona mamboti ma Yave va ntoto wu batu badi moyo.

14 Tadidila Yave !

Wukikindisa ayi bika ntimꞌaku wukinda ;

ayi tadidila Yave.

Ndidi mu ndembama vadi Nzambi

1 Yave niandi kiezila kiama ayi phulusu ama.

Nani ndilenda mona tsisi e ?

Yave niandi suamunu kingolo mu luzingu luama.

Nani ndilenda mona boma e ?

2 Mu thangu batu bambimbi, bela kuiza ku ntualꞌama

mu diambu di dia nsuni ama ;

mu thangu bambeni ziama ayi bobo bandendi bela kuiza kunduanisa,

bela bumina thutu ayi bela bua.

3 Ka diambu ko nkangu wu masodi wunzungididi,

ntimꞌama wulendi mona tsisi ko ;

Ka diambu ko mvita yibuidi mu diambu diama,

ndilendi zimbisa diana ko.

4 Kima kimosi ndilomba kuidi Yave,

kiawu ndintomba :

Thidi vuanda mu bilumbu bioso bi luzingu luama mu nzo Yave,

mu diambu nditalanga kitoko ki Yave

ayi mu diambu ndintombannga mu nzo andi.

5 Bila mu lumbu ki ziphasi

wela ku kheba mu luvovomo mu buangu kiandi kamvuandanga ;

wela kutsueka ku tsi Nzoꞌandi yi ngoto ;

wela kuthedimisa va ditadi di ngolo.

6 Buna ntu ama wulenda vumuka va yilu bambeni ziama zinzungididi.

Mu nzoꞌandi yi ngoto, ndiela tambika makaba mu khini.

Ndiela yimbila ayi bula miziki mu diambu di Yave.

7 Wa mbemboꞌama bu ndilembo tedi, a Yave ;

wumboni kiadi ayi wuphana mvutu.

8 Ntimꞌama wutubidi mu diambu diaku :

"Tomba zizi kiandi."

Zizi kiaku, a Yave, kiawu ndiela tomba.

9 Kadi kutsueka zizi kiaku.

Bika kuka kisadi kiaku mu nganzi.

Ngeyo wuba nsadisi ama

kadi kumbika, kadi kundiekula.

A Nzambi yi Mvulusi ama.

10 Ka diambu ko dise diama ayi ngudi ama bandiekudi ;

Yave wela kundiakula.

11 Wundonga nzilꞌaku, a Yave

ayi wundiatisa mu nsolo wu songa

mu diambu di batu bobo beti kundiamisa.

12 Kadi kundiekula mu luzolo lu batu bobo beti kundenda,

bila bambangi ba luvunu zitelimini

mu diambu diama,

ayi zieti yindula matsita.

13 Ndisia diana mu diambu diadi :

Ndiela mona mamboti ma Yave va ntoto wu batu badi moyo.

14 Tadidila Yave !

Wukikindisa ayi bika ntimꞌaku wukinda ;

ayi tadidila Yave.

Phulusu yi Nzambi yi kisadi kiandi

1 Ndieti tadidila Yave mu mvibudulu.

Niandi wubaluka kuidi minu

ayi wuwa yamikina kuama.

2 Niandi wuthampula mu dibulu di tsisi,

mu khati nyamba wu ngolo.

Wutula malu mama va ditadi,

wuphana buangu kikinda kioki ndilenda telama.

3 Niandi wutula nkunga wumona va munu ama ;

nkunga wu zitisila Nzambi eto,

Batu bawombo bela mona ayi bela mona tsisi ;

ayi bela tula diana diawu mu Yave.

4 Lusakumunu kuidi mutu wunkitulanga Yave diana diandi ;

ayi wunkambu talanga bankua luniemo

kuidi bobo beti baluka kuidi zinzambi zi luvunu.

5 A Yave, Nzambi ama, ngeyo wuvanga matsiminanga mawombo ;

ayi bima biobi wukubika mu diambu dieto.

Kuisiko mutu wulenda kutangila biawu.

Enati thidi ku mayolukila ayi ku matubila ;

mawu mawokidi ngolo muingi ndimasamuna.

6 Makaba ma vonda ayi makaba matambuku ;

ngeyo wumanga mawu ;

Ngeyo wutobula matu mama.

Makaba mayoko ayi makaba mu diambu di masumu,

ngeyo wusia malomba ko.

7 Buna ndituba :

"ndilembo yizi ; didi disonama mu diambu diama

mu buku ti :

8 Minu thidi vanga luzolo luaku ; a Nzambi ama,

Mina miaku midi mu ntimꞌama."

9 Ndinyamikisa busonga buaku mu lukutukunu lunneni.

Ndisia zibika bididi biama ko.

Banga kuandi buzebi, a Yave.

10 Ndisi sueka ko busonga buaku mu ntimꞌama.

Ndiyolukila kikhuikizi kiaku

ayi phulusu aku.

Ndisia sueka ko luzolo luaku

ayi kiedika kiaku mu lukutukunu lunneni.

11 Kadi zimbakana kumbonanga kiadi, a Yave.

Bika Luzolo luaku ayi kiedika kiaku

bikhebanga mu zithangu zioso.

12 Bila ziphasi ziwombo zikambu zabakana

thalu zinzungididi.

Masumu mama mambakidila,

ayi ndikadi mona.

Maviokidi zitsuki ziama zi ntu mu thalu.

Ayi ntimꞌama wulembo vongi mu minu.

13 Yangalala, a Yave, mu kuphukisa

A Yave, yiza nsualu mu kutsadisa.

14 Bika babo bobo bantomba baka luzingu luama ;

bafua tsoni ayi baba dio kombolo

bika babo bammonanga khini mu mbivusu ama baba dio kombolo.

20 Tulembo vingila mu diana kuidi Yave.

Niandi nsadisi eto ayi nkaku eto.

21 Mu niandi mintima mieto mieti mona khini

bila tutula diana dieto mu dizina diandi di nlongo,

22 Bika luzolo luaku lu ngolo luba va beto boso, a Yave

bu tueti tula diana dieto mu ngeyo.

5 Ndimvingila Yave, muelꞌama wulembo vingila ;

ayi mu mambu mandi, ndintula diana diama.

6 Muelꞌama wumvingila Yave viokila minsungi mimvingila nsuka.

Nyinga viokila minsungi mimvingila nsuka.

5 Ba mu ndembama, a muelꞌama, mu Nzambi kaka !

Diana diama kuidi niandi dimbanga.

34 Tadidila Yave,

ayi keba nzilꞌandi.

Buna wela kuyayisa mu diambu wutambula tsi banga kiuka ;

thangu batu bambimbi bela lalukusu,

ngeyo wela bumona.

3 Bika sia ti momo kaka, vayi tueti kukiniemisa mu ziphasi bila ziphasi ziawu zieti buta mvibudulu ; 4 mvibudulu weti buta kimutu kifuana ; kimutu kifuana kieti buta diana.

11 Niandi wela kulukindisa mu zingolo zioso boso buididi lulendo luandi lu nkembo mu diambu lubaka bu vibidila mu mambu moso ayi bu kangila ntima nate kuna tsukulu.

Bufula mu zithotolo

7 A bakhomba, bika luvibidila nate Pfumu kela kuiza. Luyindula mutu wowo weti kuna zitsola : weti vingila mimbutu mi ntoto. Weti kumivibidila nate miela nokono zimvula zitheti ayi zindolo. 8 Nyinga, beno mamveno, bika luvibidila. Bika lukindisa mintima mieno bila Pfumu weka nduka kuiza.

11 Bila tulembo tubi ti khini kuidi batu bobo bazebi vibidila. Keti luwaphila yoyi Yobi kavibidila ziphasi ziozi kamona ayi luzebi tsukulu mbi Pfumu kamvangila ; bila Pfumu widi nkua mamboti ayi weti mona batu kiadi.

Luzolasananga

22 Lumana vedoso bu lutumukina mambu ma kiedika mu diambu di luzola mu bukiedika bakhomba zieno. Diawu luzolasananga beno na beno mu ntimawu vedila 23 beno lubutuka mbutuka yimona, bika sia ti mu lulendo lu nkuna weti fuanga vayi mu lulendo lu nkuna wowo ka wufuanga ko ; mu mambu ma moyo ma Nzambi, momo madi mu zithangu zioso. 24 Bila disonama ti :

Woso mutu widi banga kiti ki nsitu

Nkembo woso wu batu widi banga teka ki zitsola

Kiti kieti yuma ayi teka kiandi kieti bua.

25 Vayi mambu ma Pfumu manzingilanga mu zithangu zioso.

Muaki mambu beni wawu Nsamu Wumboti wowo balulonga.

9 Pfumu kalendi zingila ko mu dedikisa tsilulu andi banga bueta yindudila batu bankaka. Vayi wulembo kuluvibidila bila kakadi zola ti wumosi kabungana. Vayi wuntomba ti baboso babalula mavanga.

Nongo yi kumi di bandumba

1 Mu lumbu kina, Kipfumu ki Diyilu kiela dedakana banga kumi di bandumba bobo zisi zaba nitu yi babakala ko babonga minda miawu mu kuenda dengana ditoko di makuela. 2 Mu bawu mu ba bandumba zitanu ziba bivulu, zitanu ziba nduenga. 3 Bivulu bibonga minda miawu vayi basi nata mafuta ko. 4 Vayi bobo baba nduenga babonga mintutu miawu mi mafuta ayi minda miawu.

5 Sumbu bakala di makuela kazingila mu kuiza, buna bawu boso baniungina ayi baleka tulu. 6 Va midi mi phipa, mbembo yiyamikina :

"Tala, ditoko di makuela wizidi ! Yenda lundengana."

7 Buna bandumba zioso zikotuka ayi zitona kubika minda miawu. 8 Buna bandumba ziosi zi bivulu zikamba kuidi ziozi ziba nduenga :

"Lutuvananu ndambu yi mafuta meno, bila minda mieto mieka nzima !"

9 Vayi ziozi ziba nduenga ziba vutudila :

"Yilendi fuana kuidi beto ayi beno ko. Mboti luenda sumbi mafuta meno veka kuidi bobo beti sumbisa mafuta."

10 Vayi bu bayenda ku sumba, ditoko di makuela diyiza. Bobo baba bakubama bakota yandi mu nzo yi nyengo ayi muelo wuzibama.

11 Ku nzimunina, bandumba bankaka bayiza, zituba :

"Pfumu, Pfumu, wutuzibudila."

12 Mfunu wuba vutudila :

"Bukiedika ndikulukamba, ndisi ku luzaba ko."

13 Diawu luzibula meso bila lusi zaba ko lumbu ayi thangu.