Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
కాని యెహోవా కోసం ఎదురు చూసేవారు,
నూతన బలాన్ని పొందుతారు.
వారు గ్రద్ద వలె రెక్కలు చాచి పైకి ఎగురుతారు;
అలసిపోకుండా పరుగెత్తుతారు.
సొమ్మసిల్లకుండా నడుస్తారు.
అయినా, యెహోవా మీమీద దయ చూపించాలని కోరుతున్నారు;
కాబట్టి మీ పట్ల దయ చూపించడానికి ఆయన సిద్ధంగా ఉన్నారు.
యెహోవా న్యాయం తీర్చే దేవుడు
ఆయన కోసం ఎదురు చూసే వారందరు ధన్యులు!
యెహోవా కోసం కనిపెట్టండి
నిబ్బరం కలిగి ధైర్యంగా ఉండండి
యెహోవా కోసం కనిపెట్టండి.
నేను దీనిపై నమ్మకంగా ఉన్నాను:
సజీవులన్న చోట
నేను యెహోవా మంచితనాన్ని చూస్తాను.
యెహోవా కోసం కనిపెట్టండి
నిబ్బరం కలిగి ధైర్యంగా ఉండండి
యెహోవా కోసం కనిపెట్టండి.
యెహోవాయే నాకు వెలుగు నా రక్షణ
నేను ఎవరికి భయపడతాను?
దేవుడే నా జీవితానికి బలమైన కోట
నేను ఎవరికి భయపడతాను?
నన్ను మ్రింగివేయాలని
దుష్టులు నా మీదికి వచ్చినప్పుడు,
నా శత్రువులు నా పగవారు
తూలి పడిపోతారు.
సైన్యం నన్ను ముట్టడించినా,
నా హృదయం భయపడదు;
నా మీదికి యుద్ధానికి వచ్చినా,
నేను ధైర్యం కోల్పోను.
యెహోవాను ఒకటి అడిగాను,
నేను కోరింది ఇదే;
యెహోవా ప్రసన్నతను చూస్తూ
ఆయన మందిరంలో ఆయనను వెదకుతూ
నా జీవితకాలమంతా
నేను యెహోవా మందిరంలో నివసించాలని కోరుతున్నాను.
ఆపద సంభవించిన దినాన
ఆయన తన ఆశ్రయంలో నన్ను క్షేమంగా ఉంచుతారు;
తన పవిత్ర గుడారంలో ఆయన నన్ను దాచిపెడతారు,
ఎత్తైన బండ మీద నన్ను నిలుపుతారు.
నన్ను చుట్టూ ముట్టిన శత్రువుల కంటే,
నా తల పైకెత్తబడుతుంది
ఆయన పవిత్ర గుడారం దగ్గర ఆనంద బలులర్పిస్తాను;
నేను పాడి యెహోవాను స్తుతిస్తాను.
యెహోవా, నేను మొరపెట్టినప్పుడు నా స్వరాన్ని ఆలకించండి;
నాపై కరుణ చూపించి నాకు జవాబివ్వండి.
"ఆయన ముఖాన్ని వెదకు!" అని నా హృదయం మీ గురించి అంటుంది,
యెహోవా, మీ ముఖాన్ని నేను వెదకుతాను.
మీ ముఖాన్ని నా నుండి దాచకండి,
కోపంతో మీ దాసున్ని త్రోసివేయకండి;
మీరే నాకు సహాయము.
దేవా నా రక్షకా,
నన్ను త్రోసివేయకండి నన్ను విడిచిపెట్టకండి.
నా తల్లిదండ్రులు నన్ను విడిచినా,
యెహోవా నన్ను చేరదీస్తారు.
యెహోవా, మీ మార్గం నాకు బోధించండి;
నాకు విరోధులు మాటున పొంచి ఉన్నారు,
కాబట్టి మీరే నన్ను సరియైన దారిలో నడిపించాలి.
నా శత్రువుల కోరికకు నన్ను అప్పగించకండి,
ఎందుకంటే అబద్ధ సాక్షులు నామీదికి లేచి,
హానికరమైన ఆరోపణలను చేస్తున్నారు.
నేను దీనిపై నమ్మకంగా ఉన్నాను:
సజీవులన్న చోట
నేను యెహోవా మంచితనాన్ని చూస్తాను.
యెహోవా కోసం కనిపెట్టండి
నిబ్బరం కలిగి ధైర్యంగా ఉండండి
యెహోవా కోసం కనిపెట్టండి.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
యెహోవా కోసం ఓర్పుతో ఎదురుచూశాను;
ఆయన నా వైపు తిరిగి నా మొరను ఆలకించారు.
నాశనకరమైన గుంటలో నుండి నన్ను పైకి లేపారు,
బురద ఊబిలో నుండి లేపి
నా పాదాలను బండ మీద నిలిపారు.
నిలబడడానికి నాకు స్థిరమైన స్థలాన్ని ఇచ్చారు.
మన దేవునికి ఒక స్తుతి పాటను,
ఆయన నా నోట ఒక క్రొత్త పాట ఉంచారు.
అనేకులు ఆయన చేసింది చూసి ఆయనకు భయపడతారు.
వారు యెహోవాలో నమ్మకం ఉంచుతారు.
గర్విష్ఠుల వైపు చూడక
అబద్ధ దేవుళ్ళ వైపు తిరుగక,
యెహోవాలో నమ్మకముంచినవారు ధన్యులు.
యెహోవా నా దేవా,
మీరు మాకోసం ఎన్నో అద్భుతాలు చేశారు,
ఎన్నో ప్రణాళికలు వేశారు.
మీతో పోల్చదగిన వారు లేరు;
మీ క్రియల గురించి నేను చెప్పాలనుకుంటే
అవి లెక్కకు మించినవి.
బలిని అర్పణను మీరు కోరలేదు,
కాని మీరు నా చెవులు తెరిచారు,
హోమాలు పాపపరిహార బలులు మీరు కోరలేదు.
అప్పుడు నేను ఇలా అన్నాను, "ఇదిగో నేను ఉన్నాను.
గ్రంథపుచుట్టలో నా గురించి వ్రాసి ఉంది.
నా దేవా, మీ చిత్తం నెరవేర్చడమే నాకు సంతోషం;
మీ ధర్మశాస్త్రం నా హృదయంలో ఉంది."
యెహోవా! మీకు తెలిసినట్టుగా,
నేను నా పెదవులు మూసుకోకుండ
మహా సమాజంలో మీ నీతిని గురించిన సువార్త ప్రకటించాను.
మీ నీతిని నా హృదయంలో నేనేమి దాచుకోను;
మీ విశ్వసనీయతను మీ రక్షణ సహాయాన్ని గురించి నేను మాట్లాడతాను.
మీ మారని ప్రేమను, మీ నమ్మకత్వాన్ని గురించి
మహా సమాజానికి చెప్పకుండ దాచిపెట్టను.
యెహోవా, మీ కరుణను నాకు దూరం చేయకండి;
మీ మారని ప్రేమ మీ విశ్వాస్యత నిత్యం నన్ను కాపాడును గాక.
లెక్కలేనన్ని ఆపదలు నన్ను చుట్టి ఉన్నాయి;
నా పాపాలు నన్ను పట్టుకున్నాయి,
నేనేమి చూడలేని స్థితిలో ఉన్నాను.
అవి నా తలవెంట్రుకల కంటే ఎక్కువ ఉన్నాయి,
నా గుండె చెదిరిపోతుంది.
యెహోవా, సంతోషంగా నన్ను రక్షించడానికి,
యెహోవా నాకు సాయం చేయడానికి త్వరగా రండి.
నా ప్రాణం తీయాలని కోరేవారందరు
సిగ్గుకు, గందరగోళానికి గురవ్వాలి;
నా పతనాన్ని కోరేవారందరు
అవమానంతో వెనుకకు తిరిగి వెళ్లాలి.
మనం నిరీక్షణ కలిగి యెహోవా కోసం వేచి ఉందాం;
మనకు సహాయం మనకు డాలు ఆయనే.
మన హృదయాలు ఆయనలో ఆనందిస్తాయి,
ఎందుకంటే మనం ఆయన పరిశుద్ధ నామాన్ని నమ్ముకున్నాము.
యెహోవా, మేము మా నిరీక్షణ మీలో ఉంచాం కాబట్టి,
యెహోవా, మీ మారని ప్రేమ మాతో ఉండును గాక.
యెహోవా కోసం నేను ఉన్నాను, ఆయన కోసం నా ప్రాణం కనిపెట్టుకొని ఉంది,
ఆయన మాటలో నేను నిరీక్షణ ఉంచాను.
కావలివారు ఉదయం కోసం ఎదురు చూసే దానికన్నా ఎక్కువగా
అవును, కావలివారు ఉదయం కోసం ఎదురు చూసే దానికన్నా ఎక్కువగా,
నేను ప్రభువు కోసం ఎదురు చూస్తున్నాను.
అవును, నా ఆత్మ దేవునిలోనే విశ్రాంతి పొందుతుంది;
ఆయన వలననే నాకు నిరీక్షణ కలుగుతుంది.
యెహోవాయందు నిరీక్షణ ఉంచి
ఆయన మార్గాన్ని అనుసరించు.
భూమిని వారసత్వంగా పొందేలా ఆయన నిన్ను హెచ్చిస్తారు;
దుష్టులు నాశనమైనప్పుడు నీవు చూస్తావు.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
నీ హృదయమంతటితో యెహోవాపై నమ్మకముంచు
నీ సొంత తెలివిని ఆధారం చేసుకోవద్దు;
నీ మార్గాలన్నిటిలో ఆయనను గుర్తించు,
అప్పుడు ఆయన నీ త్రోవలను తిన్నగా చేస్తారు.
అంతేకాక, శ్రమలు ఓర్పును పుట్టిస్తాయని మనకు తెలుసు; కాబట్టి శ్రమలలో కూడా మనం ఆనందించగలము. ఓర్పు వలన గుణము, గుణము వలన నిరీక్షణ కలుగుతుంది.
మీరు ఆనందంతో కూడిన పరిపూర్ణమైన ఓర్పును, సహనాన్ని కలిగి ఉండేలా, ఆయన మహిమ ప్రభావాలను బట్టి సంపూర్ణ శక్తితో మీరు బలపరచబడాలని దేవున్ని నిరంతరం వేడుకుంటున్నాము.
కాబట్టి సహోదరీ సహోదరులారా, ప్రభువు వచ్చేవరకు ఓపికతో ఉండండి. రైతు భూమి నుండి విలువైన పంటను పొందడానికి తొలకరి వాన చివరి వానలు పడేవరకు ఓపికతో ఎదురుచూస్తాడు. మీరు కూడా ఓపిక కలిగి ఉండండి. ప్రభువు రాకడ దగ్గరలో ఉన్నది కాబట్టి మీ హృదయాలను బలపరచుకోండి.
సహనాన్ని చూపినవారిని ధన్యులు అని పిలుస్తాము. యోబుకు గల సహనం గురించి మీకు తెలుసు. చివరకు ప్రభువు అతనికి చేసిన దాన్ని చూసి ప్రభువు ఎంతో జాలి దయ గలవారని మీరు తెలుసుకున్నారు.
ఇప్పుడు సత్యానికి విధేయులై మిమ్మల్ని మీరు శుద్ధిపరచుకుంటున్నారు. తద్వారా తోటి విశ్వాసులపై నిజమైన ప్రేమ కలిగి ఉండి, ఒకరినొకరు హృదయపూర్వకంగా అధికంగా ప్రేమించుకోండి. ఎలాగంటే సజీవమైన, శాశ్వతమైన దేవుని వాక్యం ద్వారా మీరు క్షయబీజం నుండి కాక అక్షయబీజం నుండి తిరిగి జన్మించారు. ఎందుకనగా,
"ప్రజలందరు గడ్డి వంటివారు,
వారి వైభవం అంతా పొలంలోని పువ్వు వంటిది;
గడ్డి వాడిపోతుంది, పువ్వులు రాలిపోతాయి,
కాని దేవుని వాక్యం నిత్యం నిలిచి ఉంటుంది."
ఈ వాక్యమే మీకు ప్రకటించబడింది.
కొందరు అనుకుంటున్నట్లు ప్రభువు తన వాగ్దానాన్ని నెరవేర్చడంలో ఆలస్యం చేసేవాడు కాడు. ఎవరు నశించకూడదని, అందరు మారుమనస్సు పొందాలని మీ కోసం ఆయన దీర్ఘశాంతం కలిగి ఉన్నాడు.
"పరలోక రాజ్యం తమ దీపాలను పట్టుకుని పెండ్లికుమారుని ఎదుర్కోడానికి బయలుదేరిన పదిమంది కన్యలను పోలి ఉంది. వీరిలో అయిదుగురు బుద్ధిలేని వారు, అయిదుగురు బుద్ధిగలవారు. బుద్ధిలేని వారు తమ దీపాలను పట్టుకున్నారు కాని తమతో నూనెను తీసుకుపోలేదు. బుద్ధిగలవారు, తమ దీపాలతో పాటు సీసాల్లో నూనె తీసుకెళ్లారు. పెండ్లికుమారుడు రావడానికి ఆలస్యం అయ్యింది, అంతలో వారందరు కునికి నిద్రపోయారు.
"అర్థరాత్రి సమయంలో ‘ఇదిగో, పెండ్లికుమారుడు వస్తున్నాడు, ఆయనను ఎదుర్కోడానికి రండి!’ అనే కేక వినపడింది.
"అప్పుడు ఆ కన్యలందరు లేచి తమ దీపాలను సరిచేసికొని వెలిగించుకున్నారు. గాని బుద్ధిలేని కన్యలు బుద్ధిగల కన్యలతో, ‘మా దీపాలు ఆరిపోతున్నాయి; మాకు కొంచెం నూనెను ఇవ్వండి’ అని అడిగారు.
"అందుకు బుద్ధిగల కన్యలు, ‘లేదు, మాకు మీకు అది సరిపోదు, మీరు అమ్మేవారి దగ్గరకు పోయి కొనుక్కోండి’ అని చెప్పారు.
"వారు కొనడానికి వెళ్తున్నప్పుడే, పెండ్లికుమారుడు వచ్చాడు. సిద్ధపడి ఉన్న కన్యలు ఆయనతో కూడ పెండ్లివిందుకు లోపలికి వెళ్లారు. ఆ తర్వాత తలుపు మూయబడింది.
"ఆ తర్వాత మిగతావారు వచ్చి, ‘ప్రభువా, ప్రభువా, మాకోసం తలుపు తెరవండి!’ అన్నారు.
"కాని అతడు, ‘నేను మీతో నిజం చెప్తున్న, మీరు ఎవరో నాకు తెలియదు’ అని జవాబిచ్చాడు.
"కాబట్టి మెలకువగా ఉండండి, ఎందుకంటే ఆ దినం కాని ఆ గంట కాని మీకు తెలియదు" అని చెప్పారు.