Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Ɓaatta nga, ɓoo na ndamkohe miskiɗ ci na rahse ɓoo, laam ɓoo inhiɗ ne miskiɗ na rime muñ. Muñ na rime raak ngor te raak ngor na rime ooluk in ci na haye.
Te Kooh hey ɗu ɓaate hatil ŋ in nu in taamboh ŋ hatiliŋ yaki a yak ne ɗu min muñ in ci jen wa hun na muñ seke.
Corkiɗaat Kooh Baabi na sum, ŋ ini a on ɗu po ɗu minnda rahas ɓak ŋ ini a ɗaak ŋ siñaariŋ ɗe wuu ɓooɓiŋ ɗe.
Ɓaah ciŋ ngo, muñaat, ɗu sekee po Heɗi hayis. Markaat ŋ guurohi findi a na muñohe, a sekee nguɗ ci a oolkoh, ŋ toɓ ci koc po ŋ ci mirndoh. Namaat min sek te ɗu ndengɗuk ; hayisiŋ Heɗi mand na reyiɗ.
Ɓi genee ndengɗuk, ɓeɗ ɓoo amb ne ɓa neɓɗiɗ. Ɗu kerhiɗ findi Ayooɓa" ; marka ŋ teerndiŋ Ayooɓa. genohee ndengɗuk, na ini Heɗi on ɗe ŋ mirndaani. Heɗi riifiɗ na baah na yirmoh.
Ɗu kerhiɗiɗ keeh ki po ɗu hoolɗiɗ haf ɗu ne ɗu waaɗoh waaɗohi hunɗi na naafeeha, ɗiski wa nik, waaɗtiɗohaat waaɗtiɗoh keeh-keeh na keeñ hooliɗ. Laam ɗu rimkissiɗ, te ɗu rimukɗi ŋ ɓoyi na kaane, ɗu puloh ŋ tisohi na yahkeeɗi, woo kiŋ Kooh, wi na pese te wa genan gen. Fiis ci woyiɗ ne :
« Ɓo', a paangi,
yaki a yak jen,
wa pos paangi ;
paangi na suye suy
posi yaɗ,
waaye woo kiŋ Heɗi
risan ris po faw. »
Te woo keem weɗ Yegɗohiŋ Muci ɗu woyu.
Heɗi raɓuuɗi ŋ ini a gapohee tum, findi ɓum liiɓoha. A na muñɗee ɗu, a waaɗɗi ne ali ɓo' nga ɗu sooƴ, waaye a waaɗ ne ɓooɓi jen ɓoƴsoh pesohaaɗ.
Yeesu woosa ɓa ne : « Ŋ jamanooneem, Nguuriŋ-Ɗafki mandan na inii : Ɓa nikee cafaƴ ndaŋkiyaah ɓi kee taambka heɗ kilooki, yaa nu nga ɓayya laampaaniŋ ɗe. Cafaƴ ci yatuus ci nikee cafaƴ naandiɗ, yatuus ci tas nikka ñaañiɗ. Yatuus ci naandiɗ ci, wi ɓa kaɗee, ɓa ɓayndohɗi diwliin wuu laampaaciŋ ɓa ; waaye ñaañiɗ ci, wi ɓa kaɗe, yaa nu nga ɗah, ɓayndoheen diwliin ŋ inaa.
Wi wa kaɗ po heɗ kilooki hooɓiɗta hay, ɓa pani’uusa jen, ɓa neeheeɗa. Ngaŋ ndengelnde weka, ɓa kerahha leehuk an : " Heɗ kilooki hiiɗ ! Kaɗaat ɗu taambkaa ɗe ! " Weɗi cafaƴ ca kurkoh, ɓa haɓɗeeɗa laampaacaŋ ɓa. Naandiɗ ca yatuus ca woosa ɓinooɓa ne : " Laampaaciŋ ɓoo ca ɗii ƴim, onaat ɓoo ŋ diwliin ciŋ ɗu. " Ñaañiɗ ca woosa ɓa ne : " Muk ndaa ciŋ ɓoo doyanɗi ɓoo te ca doyanɗi ɗu ; kaɗaat ɗu roma ŋ toonoh ci. "
Weɗi ɓa kaɗoh roma, heɗ kilooki hayya ŋ finhooɓa. Ɓa kooɗkee po ƴutta hunnda na ɗe, ɓa aassa kahna kilooka joy haɓɗohu, buntaanaŋ kahna ranguusa.
Wa degga ƴissuut, cafaƴ ca ɓinooɓa hayya, ɓa woosa ne : " Kilifaani, kilifaani, rangsiɗa ɓoo ! " A loffa ɓa ne : " Ñam woo ɗu wa te wa keeh, ŋ inahɗi ɗu. " » Yeesu degga nga ne : « Kon kinaat neeh laam ɗu inahɗi mbehi na wahtuuni Kuɓkiŋ ɓoyi hayohan.