Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
gama lumoun ha hemenigibaña luagu Aburemei,
súnwandan hibihuba lan iseri erei,
gayaraabei háhamahan kei ágila;
gayaraabei héibaagun gama lumoun mabuchabei hawagu,
gayaraabei héibugun ani gaguraasunmémebaña.
Füramasewa lan gudemehabu lun uburugu
Gama lumoun lagurabuñadün Wabureme lau lugudemehabu hun; busenti larufuduni línsiñehabu hun, lugundun richati Wabureme le Wabungiute. Fuleseiwatiña sun ha hemenigibaña luagu!
Afiñebá luagu Aburemei!
Ganigibá, mábürühala barüna!
Afiñebá luagu Aburemei!
Gama lumoun chóuruguatina nungua
luagu lachülürüba lan dan lun narihini lugundan Nabureme
lidan limigifen ibagari le.
Afiñebá luagu Aburemei!
Ganigibá, mábürühala barüna!
Afiñebá luagu Aburemei!
Aburemei Nilanpunbei luma Nesefuragüle
Nabureme Bungiu, nilanpunbei
ligía giñe nesefuragülebei,
kábagia uei nanufudeda?
Sefu lumuti Aburemei nibagari,
kaba uei nanufudeda?
Óundaraguatiña, náganiñu, wuribatiña,
lun hagayuahan nuagun luma lun hagünrinchagunina,
gama lumoun hagía achugeragubaña aba héiguadun.
Íbini hegeyedagun saragu súdara nau,
manufudedunboun nanigi,
íbini haranserun lun hawuribuhan numa, darangilañunuba.
Ábanrügüñein katei namuriahan luma Nabureme,
ábanrügüñein katei nabusenrun:
Lun tidan nan luban Nabureme lidan sun nibagari
lun náhuduragun lun lúbiñe,
aríaguaneime lanarime lubuidure.
Danme liabin dan le wuribabei,
ladouraguba Nabureme nau;
ladouraguba nau tidan litenpulun
lesefurubadina ligibuagu aban dübü!
Ítara luba gayara lan niñuraguni nichügü hóugiñe náganiñu;
ítara luba gayara lan nadagaragüdün lúbiñe,
eremuha aume lun Nabureme lau agúarahani le lánina ugundani.
Nabureme, buma namuriaha: Aganbabána.
Gudemená bun, óunababana!
Tariñahare nanigi nun:
«Áluahabei liñúarü Aburemei»
náluahañadibu lubeiti Nabureme.
Maramudaguabá nuéi!
Mabugunbáname lau bigañi!
Buguyarügüñein íderaguana!
Mígirabana nábugua,
buguya Nubungiutebei luma Nesefuragüle.
Íbini yebe lágurunina núguchi tuma núguchu,
lau sun lira labudubadina Nabureme.
Nabureme arufudabéi bémeri nun,
alidihabana lidoun üma le surubei hawéi náganiñu;
mederegerabana háhaburugun náganiñu,
ladüga iñuraguaaña gefentiña marasualugutiña
ani hanarimetiña nuagun.
Gama lumoun chóuruguatina nungua
luagu lachülürüba lan dan lun narihini lugundan Nabureme
lidan limigifen ibagari le.
Afiñebá luagu Aburemei!
Ganigibá, mábürühala barüna!
Afiñebá luagu Aburemei!
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Hínsiñeti nun nadügüni lugundan Bungiu
Ru numuti nemenigin luagu Nabureme,
aba líchuguni larigei lun laganbuni nagúarahan;
sefu lumutina lídangiñe umúahaü le lánina óunweni,
sefu lumutina luéi nabuluchun lidoun suanpu.
Ráramagüda lumutina derebuguñu luagu aban dübü,
derebugugüdalei néibugun.
Eremaagüda lumutina aban iseri uremu,
aban uremu lánina alawahani lun Wabungiute.
Saraguhaña aweiridagutu hanigi dan harihini katei le;
aba hemenigidun luagu Bungiu!
Fuleseiwatiña gürigia ha hemenigibaña luagu Aburemei,
ha máluahanbaliña ha salufuribaña
ni ha áhuduragubaña houn búngiugu ha ni kátabaña.
Nabureme, Nubungiute,
gíbeti burí katei buíduburiti le adüga báalibei
luma lubuidun aritaguni le burí bídanbei woun.
Úati ni kata bibe!
Busentina hamuga nadimurehan luagu burí katei ligía,
gama lumoun gíbeyati lun niyaraabei lan abahüdagua.
Magundaaruntibu lau adagaragüdüni ni lau idewesei le ílaüauti,
mamuriahantibu giñe adagaragüdüni gudawarügüti ni idewesei luagu figóu.
Lubaragiñe lira dará baali narigeirugu lun naganbuni bererun.
Ligía nariñagunbei:
«Anahán kei tariñaguni biliburun nuagu.
Nubungiute, hínsiñeti nun lun nadügüni bugundan,
barǘ numuti barufudahan tidan nanigi!»
Subudigüda naali le richabei
hagibugiñe bumutuniña ha gíbebaña,
subudi bumuti buidu, Nabureme,
luagu meredetina lan maniñu!
Meredegidina madimurehanga luagu bíchugun irichaü;
adimurehaadina luagu bigunfulin luma besefuhan.
Maramudun numuti bínsiñehabu
luma binarün hagibugiñe bumutuniña ha gíbebaña.
Nabureme, mamaharabá lau bínsiñehabu nun!
Góunigilana bínsiñehabu luma binarün súnwandan!
Susereeli saragu katei wuribati nun
darí lun siñá lan nabahüdaguni
ragǘ laadina burí nuriban guánarügü;
darí lun féridina lan narihin!
Gíbeti sügǘ lau burí lugule ídiburi le nábulugubei,
darí lun maguraasunhadina lan.
Nabureme adügabá fulesei nun,
ñǘbuinba esefurana!
Nabureme, higabu bíderaguana furese.
Ha álugubaña hagumuchun lau nibagari,
rúbaña lidoun busiganu!
Anuraha hamá lau busiganu
ha busenbaña hadügün wuribati nun.
Wagía hemenigitiwa luagu Aburemei,
íderagua lumutiwa, ani góunigilawa!
Gúndaatu wanigi lidan Aburemei;
hemenigitiwa le gumuti luagu liri le sándubei.
Wamalá bínsiñehabu Aburemei,
ítara kei wagurabuni búmagiñe!
Aguraba numuti lídemue Nabureme tau sun nuani;
ani afiñe au luagu lererun.
Aguraba numuti Nabureme tau sun nanigi
sügǘ lau hagurabuni ha óunigirubaña áriebu larugadun.
Ítara kei hagurabuni óunigirutiña larugadun,
Lúmarügüñein Bungiu nadarira darangilaü;
ani lúmagiñe liabin nemenigin.
Hemenigibá luagu Aburemei, aganbabéi,
liñuragubadibu, ruleime ageiraü bun balaganteme,
barihubei hagünrinchawagun wuribatiña lau bagu!
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Afiñebá luagu Bungiu tau sun banigi,
mamalá luagu lualin bichügü.
Haritaguabá luagu Bungiu lidan sun le badügübei,
ábame lanügünibu luéigiñe üma le surubei.
Ani mámarügüñein lira, gúndaatiwa giñe lidan wasufurirun ya ubouagu, lugundun subudi wamuti luagu ru lan asufuriruni gurasu woun; ru ligía gurasu derebugu, ru ligía derebugu emenigini.
Amuriahatiwa luma lun líchugun erei hun lau lueirin lubafu lun gayara lan hawanduni sun katei lau saragu gurasu luma ugundani;
Gurasu luma afurieidúni lun Bungiu
Ligía lubeiti, niduheñu, gaguraasun humá darime liabin Wabureme Hesusu. Ábunaguti le agurabubei libihin alubahani buiti, lunti lagurabahani furumiñeti huya luagun lila linadürigu luma lagumuhóun huya luagun lun láfunadun. Gaguraasun humá giñe, derebugu huguyame, lugundun madiseeli liabin Wabureme.
Wagía, barǘ wamutiña ha awandubalin asufuriruni keisi gürigia gúndaatiña. Aganbaadün luagu luguraasun Hobu, ani subudi humaali giñe ida liña lan fulesei lani Bungiu lagumuhóun oura, lugundun areidati Bungiu, gudemehabu ligía.
Guentó, lau gaganbadi humá lun linarün Bungiu lau lubafu Sífiri Sandu, harumaaru hanigi lun gayaraabei lan hínsiñedun hiduheñu luéigiñe Hesukrístu hun le tímatimaati. Lunti lubeiti hínsiñegua humá hungua lau sun taruman hanigi, luma lau sun here, lugundun iseri gürigia huguya. Mámaadün hasaanigu agübürigu ha góunwedaditiña, lirahüñühadün Bungiu lau haganbuni lererun le íchugubei ibagari, le giñe adurarubei lun sun dan. Tariñahare Lererun Bungiu:
«Ítara haña sun gürigia kei híduru;
liabin haweirigun kei lufulurin híduru.
Dan le lásaürün híduru, aba lábürühan lufulurin;
anhein Lererun Bungiu, durati lun sun dan».
Ani dimurei le, ligía uganu le lánina asalbaruni le uágubei lariñawagúa hun.
Mama hamugatia ladüga ladarasarun lagunfuliruni Bungiu le füramase láalibei, keisi haritagun saragu; gaguraasunrügüti habá gürigia ladüga mabusenrunti lun leferidirun ni aban hádangiñe; labusenrun lun hasakürihan sun gürigia.
Hénpulu hawaguti diisi nibureingiña
«Aba lariñagun Hesusu:
—Ítara lubati arúeihani le lánina sielu kei diisi nibureingiña ha anügübaña halanpun le gálati gasi; aba háfuridun lun hadunragun luma adari, ñüdün hamaamuga úara luma lidoun maríei. Seingü hádangiñe würiña hagía, maranseruntiña, seingü aransetiña. Ha maranserunbaña, dan le hanügünbalin halanpun, manügüntiña amu gasi luéi le lídanbei halanpun; ánhañati ha aransebaña, barütiña habudein lau gasi bóugudin luéi le lídanbei halanpun. Kéisiti ladarasarun adari, aba ladabudunga hagu súngubei, aba harumugun. Kei burí luagu amidi áriebu, ligía laganbúniwa agúaraguni: "Anitén adari, furí humá eresibirei". Aba hásaarun sun würiña nibureingiña hagía, aba hagumeserun aransehei halanpun. Aba hariñagun ha maranserunbaña houn ha aransebaña: "Ru humá murusun lídangiñe higasin woun, ladüga léñeguchuña walanpun". Aba hariñagun ha aransebaña houn: "Siñati, ladüga lóuguabei woun, lóuguame hun. Héibagubei le ñein lubéi lalugurahóua agañeiha humaamuga hungua". Danti añangüra lan ha maranserunbaña agañeiha gasi, ligía liabin adari. Hati aransebaña, aba hebelurun luma lidoun maríei, aba ladourúniwa bena. Lárigiñe, ligía hachülürün híbiri würiña nibureingiña hagía, aba hariñagun: "Wabureme, Wabureme, darabei bena wabá!" Aba lariñagun houn: "Ninarün hau, ibidiñetün nun".
«Ábati lariñagun Hesusu houn:
—Agagudúañu humá, ladüga ibidiñeti hun kaba lan weyu, ni kaba lan oura nagiribuda, au le Wügüri Garaüwarügüti, ubouagun.