Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
ತೆನೈಸೊ ಅಪನಾ ತ್ರಾಸೊಮಾಬಿ ಖುಶಿಕ್ಹು ಛೆ. ಕಾಕದ್ಯಾಮ ಎ ತ್ರಾಸೊ ಅಪೊನೆ ಹೆಚ್ಕಿ಼ ತಡ್ದಿಲಿವಾನು ಶಿಕ್ಲಾವಸ. ತಡ್ದಿಲಿವಾಕ್ಹು ಅಪೊಮಾ ಚೊ಼ಕಾ ಸ್ವಭಾವ ಹುಟ್ಟಸ. ಚೊ಼ಕಾ ಸ್ವಭಾವಕ್ಹು ಬರೊಕ್ಹೊ ಹುಟ್ಟಸ.
ತಿನಿ ಮಹಿಮಾನಿ ತಾಕತ ನಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,
ತ್ರಾಸ ಖಾವಾಲಾ ಕ್ರೈಸ್ತರೊನೆ ಪ್ರೊತ್ಸಾಹ
ಭಾಯೊ ಭೆನೊ, ತಾಳ್ಮೆಕ್ಹು ರ್ಹವೊ, ಪ್ರಭು ಥಯಲ ಯೆಸು ಆವಸ. ತಿನಾಹುತಿ ತ್ಯಾ ಲಕ್ಕಾ ತಾಳ್ಮೆಕ್ಹು ರ್ಹವೊ. ತಿನಿ ಅಮುಲ್ಯ ಕಿಮ್ಮತ ಜಿಮಿನತಿ ಆಯೆಲಕ್ಕಾ ರೈತ ತಾಳ್ಮೆಕ್ಹು ಕೈದಸ. ಪಸ್ಟನು ವರಿ ಲಾಸ್ಟನು ಪಾನಿ ತಿನಾ ಫಸಲನಾ ಉಪ್ಪರ ಪಡೆಲಕ್ಕಾ ರೈತ ತಾಳ್ಮೆಕ್ಹು ಕೈದಲ ರ್ಹವಸ. ತುಮೆ ತಾಳ್ಮೆಕ್ಹು ರ್ಹೌ. ತುಮಾರಿ ನಿರಿಕ್ಷೆ ಛೊಡೊ ನಕೊ. ಪ್ರಭು ಯೆಸು ಜಲ್ದಿ ಆವಾನೊ ಛೆ.
ತಡ್ದಿಲಿನ ರ್ಹಯಲವಾಲಾವೊನೆ ಧನ್ಯ ವೈ ಕೈನ ಕಯೆಸ ನೈ. ಯೊಬನಿ ತಾಳ್ಮೆನಾಹುತಿ ತುಮೊನೆ ಗ್ವತ್ತ ಛೆ. ಯೊಬ ಕ್ಹಾರಾ ತರಾನಾ ತ್ರಾಸೊ ಖಾದಲ್ಪರ ಪ್ರಭು ತಿನೆ ಮದದ ಕರ್ಯೊ. ಪ್ರಭು ಮರಗಾಲೊ ವರಿ ದಯಾ ದೆಕಾಡಾಲೊ ವ್ಹೈ ಕೈನ ಎ ದೆಕಾಡಸ.
ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ. ತುಮೆ ನವು ಜ಼ಲಮ ಲಿನ ಹುಟ್ಟಲ ನಿಂಗತ ವ್ಹೈ. ಎ ನವೊ ಜ಼ಲಮ ಹಾಳ ಥಾವಾನಾ ಜ಼ಲಮಕ್ಹು ನತ್ತಿ ಲಿದ್ಯಾ. ತೆ ಜ಼ಲಮ ಹಾಳ ನೈ ಥಾವಾನು ಜ಼ಲಮಕ್ಹು ಲಿದ್ಯಾಸ. ಜ಼ಲಮ ರ್ಹಯಲ ಹಮೆಶಾ ರ್ಹವಾನಾ ಕ್ಹುದಾನಿಯೊ ವಾತೊಕ್ಹು ತುಮೆ ನವೊ ಜ಼ಲಮ ಲಿದ್ಯಾಸ. ಕ್ಹುದಾನು ಗ್ರಂಥ ಸು ಕವಸ ಕದ್ಯಾಮ
ಕ್ಹಾರಾ ಮನಕ್ಹೊ ಚಾ಼ರಾ ನಿಂಗತ ಛೆ.
ತ್ಯುನೆ ಕರಾನು ಕ್ಹಾರು ಶೊಕ ಚಾ಼ರಾನಾ ಪ್ಹುಲ್ಲೊ ನಿಂಗತ ಛೆ.
ಚಾ಼ರೊ ವರೈಜಾ಼ವಸ.
ಪ್ಹುಲ್ಲೊ ಉದ್ರಿ ಜಾ಼ವಸ.
ತೆನೈಸೊ ಕ್ಹುದಾನಿಯೊ ವಾತೊ ಹಮೆಶಾ ಜಿವ್ತಿಯೊ ರ್ಹವಸ. ತೆ ವಾತೊ ಸುವೈ ಕದ್ಯಾಮ ತುಮೊನೆ ಕದಲ ಸುವಾರ್ತಾನಿ ವಾಕ್ಯ ವ್ಹೈ. ಯೆಶಾಯ 40:6-8
ದಕ್ಹಾ ಮನಕ್ಹೊ ತಿಳ್ದಲ ತಿಮ್ಮ, ಪ್ರಭು ತೆ ವಾತ ದಿದಲ ತಿಮ್ಮ ಕರಾನು ತಡಾಕರಿನ ಪುರಾ ಕರತೊ ನೈ. ಕ್ಹುದಾ ತುಮಾರಾಹುತಿ ತಡ್ದಿಲಿನೆ ಛೆ ಕಯುಜ಼ ಮನಕ್ಹ ಜ಼ವೈಜೌನೈ ಕೈನ ಕ್ಹುದಾನು ಮನಸ ಛೆ. ಹರಿ ಯಕ್ಲೊ ತಿನು ಮನಸ ಬದ್ಲಿಕರಲಿನ, ಪಾಪ ಕರಾನು ಹುಬ್ರಾಡಿಪಾಡು ಕೈನ ಕ್ಹುದಾನಿ ಆಸ ಛೆ.
ದಕ್ಹ ಜಾಂಜಿಮಾನ ಛೊಕ್ರಿಯೊನಿ ಸಾಮ್ಯ
ಪರಲೊಕ ರಾಜ್ಯ ತಿವ್ನಿಯೊ ಆರ್ತಿಯೊಲಿನ ನೌರಾನೆ ಮಳಾನಾಹುತಿ ಜಾ಼ವಾಲಿಯೊ ದಕ್ಹ ಜ಼ನಿಯೊ ಜಾಂಜಿಮಾನ ಛೊಕ್ರಿಯೊನೆ ಹೊಲಿಕೆ ಥೈಸ. ತ್ಯುನೊಮಾ ಪಾಂಚ಼ ಜ಼ನಿಯೊ ಗ್ಯಾನಿ ಪಾಂಚ಼ ಜ಼ನಿಯೊ ಗ್ಯಾನ ನೈಸೊವಾಲಿಯೊ ರ್ಹವಸ. ಗ್ಯಾನ ನೈಸೊವಾಲಿಯೊ ಆರ್ತಿಯೊಲಿನ, ತಿನಾ ಕ್ಹಾತೆ ತೆಲ ಲಿದಿಯೊ ನೈ.
ತೆನೈಸೊ ಶಾಣಿಯೊ ರ್ಹಯಲವಾಲಿಯೊ ಆರ್ತಿಯೊಲಿನ ವರಿ ತಿನಾ ಕ್ಹಾತೆ ಜಾಸ್ತಿ ತೆಲ ಲಿದಿಯೊ. ನೌರೊ ಆವಾನು ತಡಾ ಕರಲಹುತಿ ತ್ಯುನೆ ಕ್ಹಾರಿಯೊ ಝುಕ್ಕಾತಿಯೊ ಕ್ಹುರೈಯ್ಯೊ. ವರಿ ಅರ್ದಿ ರಾತಮಾ, ದೆಕೊ, ನೌರೊ ಆವಾಡೊಸ ತಿನೆ ಮಳಾನಾಹುತಿ ಚಾ಼ಲೊ, ಕವಾನು ಅವಾಜ಼ ಐಕು ಅಯು.
ತೆಳಾಮಾ ತೆ ಛೊಕ್ರಿಯೊ ಹುಶಾರ ಥೈನ ತಿವ್ನಿಯೊ ಆರ್ತಿಯೊ ಲಿನ ವಾಗಾತಿ ಕರಿಲಿದಿಯೊ. ತೆಳಾಮಾ ಗ್ಯಾನ ನೈಸೊವಾಲಿಯೊ ಶಾಣಿಯೊ ರ್ಹಯಲ ಛೊಕ್ರಿಯೊನೆ, ತುಮೊಕನ ರ್ಹಯಲ ತೆಲಮಾ ಹಮೊನೆ ದಕ್ಹು ದಿವೊ. ಕಾಕದ್ಯಾಮ ಹಮಾರಾ ದಿವ್ವಾ ಇಜ್ಜೈ ಜಾ಼ವಸ ಕೈನ ಕದಿಯೊ ತೆ ವಾತೆ ತೆ ಶಾಣಿಯೊ ಛೊಕ್ರಿಯೊ, ನೈ ಹಮೆ ತುಮೊನೆ ದಿದಿಯೊಮ ಹಮೊನೆಬಿ ಥಾತು ನೈ ತುಮೊನೆಬಿ ಥಾತು ನೈ, ತುಮೆ ಇಕ್ಕಾಲಾವೊಕನ ಗೈನ ಲಿದಿಯೊಮ ಚೊ಼ಕು ವ್ಹೈ ಕದಿಯೊ.
ತ್ಯುನೆ ಇಕ್ಕಾತು ಲಾವಾನೆ ಜಾ಼ತಾಮಾ ನೌರೊ ಆಯೊ. ತಯ್ಯಾರ ರ್ಹಯಲವಾಲಿಯೊ ತಿನಾ ಕ್ಹಾತೆ ಹಿವಾನಾ ಘರಮಾ ಗೈಪಡಿಯೊ, ಬಾಲಕ ಘಾಲಿಪಾಡ್ಯಾ. ಪಾಚಾ಼ತಿಯೊ ಉಗ್ರಲ ಛೊಕ್ರಿಯೊ ಐನ, ಕರ್ತಾ, ಕರ್ತಾ, ಹಮಾರಾಹುತಿ ಬಾಕಲ ಕಾಡ ಕದಿಯೊ. ತೆ ವಾತೆ ತೆ ತ್ಯುನೊನೆ ಅಮ್ಮ ಕದ್ಯೊ ತುಮೆ ಕುನ್ನ ವ್ಹೈ ಕವಾನು ಮನೆ ಕ್ಹರಿಮಾಜ಼ ಗ್ವತ್ತ ನತ್ತಿ. ಕಾಕದ್ಯಾಮ ತೆ ದಿನ್ನ ತೆ ವಕ್ಹತ ತುಮೊನೆಬಿ ಗ್ವತ್ತ ನತ್ತಿ ತಿನಾಹುತಿ ತುಮೆ ಹುಶಾರಮಾ ರ್ಹವೊ.