Espírito

41 B̈ii kə́ kíi dyʉʼbə bɔŋleʼ kə́ gháaNyii bʉʼka bii mə yi gwù mu nubə ndə i mùutə wo mbɔ ɔ̈ gwù mu bʉ̂ʼʉ. Mbʉ fyii nɔ bɛ chɔ, bɔŋ mbɔʼ mbʉə lʉ́ʉtə."

3 "Tʉʉjyu nɔ bɛ yi-bʉə-yə ndə bɔ̂ŋ kínə mbɔ bɔ̂ŋ mə kwáa ŋwɔŋ-yʉə fɛ, bʉʼka Sɔ́ʼ Fɔŋ Yuo nɔ bɛ yʉə-yə.

17 Bʉʼka nubə ndə mbʉə-a kʉ̀ʉ kaa nubə ndə LyʉʉhəNyiikə kʉ̀ʉ fɛ, bɔŋ nubə ndə LyʉʉhəNyiikə kʉ̀ʉ kaa nubə ndə mbʉə-a kʉ̀ʉ fɛ, bʉʼka bɔ̂ŋ nɔ bàa nə shʉtə-ʉə, mbɔ i chʉʼ chìi a mɛ̀ʼtə ndə məchìi nubə ndə fyii-a tʉʼ kʉ́ʉ mbɔ a kə́ chìi.

Mə-kə́-chí mbi nə ghʉəʼ-kəLyʉʉhəNyii-kə

16 Bɔŋ mɔ nɔ tʉʼ ghɔ̀ŋ mbɔ b̈ii kə́ chí mbi nə ghʉəʼ-kəLyʉʉhəNyii-kə, kaʼ bii chìi nɔ, bii leʼ kə́ fɔ̀ʼ bə nubə ndə mbʉə-yii tʉʼ kʉ́ʉ fɛ.

22 Bɔŋ L̃yʉʉhəNyiikə nɔ kʉ́ʉnə ŋkʉ̂ʉ, tʉʉjyu, fyiighʉ́ənə, məyá fyii, nuʼ jyujyu, məfɔ̀ʼ bʉʉ, məgìe shʉəŋ, 23 mbuɔnəbə leʼnə məyá ŋwɔŋ, ndəŋ nubə-ɔ̄ŋ nuʼ-Nyii kaa ghɔ ndə i tɛ́ŋ fɛ.

25 Kaʼ bʉʼʉ kə́ chí mbi bʉʼka LyʉʉhəNyiikə, b̈ʉʼʉ kə́ tòʼ haʼ ndə LyʉʉhəNyiikə tʉʼ dʉ̀ʼ fia tʉ bʉʼʉ.

6 Ndə m̃əmɛ̀ʼtə ŋwɔŋ-aŋ ndə mə-kə́-yʉ́ hə kəghɔ-nubə ndə bʉəməsʉʉ kʉ̀ʉ, nɔ lìʼ nə kwu, bɔŋ m̃əmɛ̀ʼtə ŋwɔŋ-aŋ ndə mə-kə́-yʉ́ hə kəghɔ-LyʉʉhəNyiikə, nɔ gwè nə məchímbi ghɔŋbə fyiighʉ́ənə.

19 Byuunɔ bii kínə mbɔ mbʉəhə-ii bɛ njaafɛ̀ʼndɛŋNyii ndə LyʉʉhəNyiikə tʉʼ chí muŋgɔ ndə bii kie kəghɔ-Nyii fe? Kie bii kie ŋwɔŋ-yii fɛ, 20 bʉʼka bə nɔ kə nyúɔ bii nyúɔ nə chuɔŋ. Nɔ, b̈ii lə̀ʼtə Nyii nə mbʉəhə-ii.

17 Bɔŋ wo ndə ɔ tùotə ŋwɔŋ-ɛŋ ghɔŋ Tiekətʉ bu bɛ mbyu kəlyʉʉhə imɔʼ ghɔŋ ɔŋ.

11 Kínə nda kínə ŋkwɔʼtə-woməsʉʉ yaʼkɛŋ haʼ lyʉʉhəkə-i ndə i bɛ mu mbʉə-ɔ? Nɔ bɛ haʼ nɔ, wo kínə ŋkwɔʼtə-Nyii fɛ, yaʼkɛŋ Lyʉʉhə-mbʉ-Nyii-kə.

15 Mɔ kie ndə məbɛ təka, ndʉʉmɛ? Mɔ bu kə́ gháaNyii nə lyʉʉhəkə-ɔŋ bɔŋ-kə́-leʼ gháa ɔ nə ndaahə-ɔŋ ghɔ. Mɔ bu yùɔ lyuutə ndə mələ̀ʼtə Nyii nə lyʉʉhəkə-ɔŋ bɔŋleʼ kə́ yùɔ lyuutə nə ndaahə-ɔŋ.

16 Mbɔ tíŋ hə bɔ̌ŋ fɔŋ məgʉə-e ndə i yɔ́ŋ daa, ɔ chʉʼ kɔ́ bii nə ghʉəʼkə tíŋ hə bɔ̌ŋ Lyʉʉhəkə-i mbɔ bii chʉʼ kie fyii shʉ́əshʉ́ə mu mbʉə-bii. 17 Mbɔ Klai chʉʼ shʉ̀tə yəŋ-chí-kə-i mu fyiihə-ii tíŋ hə bɔ̌ŋ məmɔʼfyiihə-ii ndəŋ ɔŋ, mbɔ ŋkʉ̂ʉ-Nyii bɔŋleʼ dùhə ghûutə-i, i yá sê mu fyii-bii,

17 mbɔ N̈yii mbʉ Tie-məgʉ́ə, ndə ɔ bɛ Tie Tiekətʉ-yʉʼʉ Jiso Klai, kɔ́ bii nə fyii ndə məkie mukətʉ-súunə ndə i gwè hə kəghɔ-LyʉʉhəNyiikə bɔŋleʼ kɛ̀ʼ ŋwɔŋ-ɛŋ tʉ bii mbɔ bii kínə ɔŋ jyujyu,

15 Bʉʼka Lyʉʉhəkə ndə Nyii kə kɔ́ tʉ bii, kə bɛ lyʉʉhə-fʉəhə-kə ndə ĩ gwè nə faa-kwu-kə tʉ bii fɛ, bɔŋ mbʉ kəLyʉʉhə nɔʼ chìi bii bɛ bə vâa-Nyii, kə́ tíi mbɔ, "Baba, Tie-yaʼ!" 16 Mbʉ kəLyʉʉhə nə mbəŋ-ɛŋ nɔ fúu ghɔkə ghɔŋbə lyʉʉhəkə-ʉʼʉ ndə mənú gwù mbɔ bʉʼʉ nɔ bɛ vâa-Nyii.

16 Mbʉ kəLyʉʉhə nə mbəŋ-ɛŋ nɔ fúu ghɔkə ghɔŋbə lyʉʉhəkə-ʉʼʉ ndə mənú gwù mbɔ bʉʼʉ nɔ bɛ vâa-Nyii.

15 Bʉʼka Lyʉʉhəkə ndə Nyii kə kɔ́ tʉ bii, kə bɛ lyʉʉhə-fʉəhə-kə ndə ĩ gwè nə faa-kwu-kə tʉ bii fɛ, bɔŋ mbʉ kəLyʉʉhə nɔʼ chìi bii bɛ bə vâa-Nyii, kə́ tíi mbɔ, "Baba, Tie-yaʼ!"

10 Bɔŋ kaʼ Klai bɛ mu fyii-bii, təmə kaʼ mbʉə-yii kwú bʉʼka bʉ̂ʼʉ, LyʉʉhəNyiikə bu kɔ́ məchímbi tʉ bii bʉʼka bii nɔ bɛ ndyʉndyʉ tʉ Nyii.

14 Bʉə bənchəŋ ndə bɔ̂ŋ tʉʼ yʉ́ kəghɔ-LyʉʉhəNyiikə nɔ bɛ vâa-Nyii.

26 Nɔ bɛ haʼ nɔ, LyʉʉhəNyiikə nɔ gwè ndə məkwáa bʉʼʉ, bʉʼka bʉʼʉ nɔ lʉ́ʉtə. Bʉʼka bʉʼʉ kínə mə gháaNyii ndə ntɛ ndə bʉʼʉ kie ndə məgháa ɔ fɛ, bɔŋ mbʉ kəLyʉʉhəNyii nə mbəŋ-ɛŋ nɔ tʉʼ fʉ̀ʉtə Nyii yie-bʉʼʉ nə ntɛ mədùŋtə ndə ŋgie-chu-bə mə fʉ̀ʼtə fɛ.

11 B̈ii kə́ lə̀ŋnə ndə məfɔ̀ʼ tʉ Nyii, kə bii mə-kə́-shyùu ŋwɔŋ-yii ndə mə fɔ̀ʼ tʉ Tiekətʉ fɛ.

13 Tə Nyii ndə bʉʼʉ yʉ́əʼnə ndəŋ ɔŋ, kɔ́ tʉʉjyu tʉ bii ghɔŋbə fyiighʉ́ənə ilə́ŋnə tíŋ hə bɔ̌ŋ məmɔʼfyiihə-ii ndəŋ ɔŋ mbɔ bəkɔ məyʉ́əʼnə-yii ndəŋ ɔŋ kə́ gɛ̀ nə shʉbə nə ghʉəʼ-kəLyʉʉhəNyii-kə.

24 Nyii nɔ bɛ Lyʉʉhəkə, bɔŋ-kə́-leʼ bɛ haʼ nə ghʉəʼ-kəLyʉʉhəNyii-kə ndə bəkɔ bʉə-bi lə̀ʼtə ɔŋ ndə wo ndə ɔ kɛŋ bɛ yɔŋ shʉəŋ."

23 Bɔŋ ndʉʉ tʉʼ gwè, i bɔŋ-nɔʼ-leʼ buŋ kʉ̀ʼnə, ndə ghʉəʼ-kəLyʉʉhəNyii-kə, ŋkɛŋ bʉə-Nyii bu lə̀ʼtə Nyii ndə wo ndə ɔ kɛŋ bɛ yɔŋ shʉəŋ, bʉʼka mbʉ Tie nɔ tʉʼ kʉ́ʉ ntɛ bʉə-maa-bɔ̄ŋ ndə mələ̀ʼtə ɔŋ. 24 Nyii nɔ bɛ Lyʉʉhəkə, bɔŋ-kə́-leʼ bɛ haʼ nə ghʉəʼ-kəLyʉʉhəNyii-kə ndə bəkɔ bʉə-bi lə̀ʼtə ɔŋ ndə wo ndə ɔ kɛŋ bɛ yɔŋ shʉəŋ."

18 Bɔŋ bʉʼʉ bənchəŋ ndə bə nɔʼ chóʼ mbʉ bɔŋ hə shʉ-bʉʼʉ, bʉʼʉ nɔ tʉʼ nyíɛ mbʉ məgʉə-Tiekətʉ, bə kíahə bʉʼʉ ndə finə-i, bʉʼʉ kə́ lɔ̀ hə ndə ntɛ məgʉ́ə imɔʼ, gɛ̀ dàa ndəŋ ibɛʼ-yə ndə i gʉ́ə. Bʉʼka yɔ̄ŋ-yə nɔ gwè hə kəghɔ-Tiekətʉ ndə ɔ bɛ Lyʉʉhəkə.

1 Bʉʼka bʉʼʉ kie bəŋkɔʼnə-bɔ̄ŋ, mbʉətə bətieŋkɔŋ-bɔŋ, b̈ʉʼʉ sʉ̀ ŋwɔŋtə-ʉʼʉ ndə nubə ndə bəkɔ i bʉ́əhə mbʉəhə-ʉʼʉ ghɔŋbə lyʉʉhəkə-ʉʼʉ. B̈ʉʼʉ kə́ tòʼ ndə ntɛ ndə i bɛ ŋkʉʉ gɛ̀ kùu bʉʼka faa-Nyii-kə mu fyii-bʉʼʉ.

7 bʉʼka Lyʉʉhəkə ndə Nyii kə kɔ́ tʉ bʉʼʉ kaa Lyʉʉhə-kəfaa-kwu-kə fɛ. Bɔŋ L̃yʉʉhəkə-i nɔ kɔ́ ghʉəʼkə, kɔ́ ŋkʉ̂ʉ leʼnə məyá ŋwɔŋ.

7 bʉʼka Lyʉʉhəkə ndə Nyii kə kɔ́ tʉ bʉʼʉ kaa Lyʉʉhə-kəfaa-kwu-kə fɛ. Bɔŋ L̃yʉʉhəkə-i nɔ kɔ́ ghʉəʼkə, kɔ́ ŋkʉ̂ʉ leʼnə məyá ŋwɔŋ.

19 bʉʼka mɔ nɔ kínə mbɔ tíŋ hə bɔ̌ŋ gwia-yii, leʼnə ŋkwaa ndə i gwè hə kəghɔ Lyʉʉhə-Jiso-Klai-kə, bu chìi bə fyúhə mɔ.

23 Tə Jiso Klai Tiekətʉ-yʉʼʉ dʉ̀ʼ buuŋjyu-i tʉ bii.

12 Bʉʼka ŋgieNyiikə nɔ bɛ ŋɛnə bɔŋleʼ kə́ fɔ̀ʼ, chyʉ́ʉ chàa setə-bətʉbətʉ-kə, ĩ nɔ síi ŋíi tə gɛ̀ dàa ndə yəŋkə ndə fyii fə́nə chɔ ghɔŋbə lyʉʉhəkə, gɛ̀ tə dàa kəyəŋ ndə yuhəbə fə́nə chɔ ghɔŋbə ndiimə. Ĩ nɔ kɛ̀ʼ nubə ndə bʉə tʉʼ kwɔ̀ʼtə ghɔŋbə nubə ndə bɔ̂ŋ tʉʼ kʉ́ʉ.

26 Bʉʼka mbɔ haʼ ndə ŋkwê mbʉə-a bɛ təmə lyʉʉhəkə fɛ bɛ kwu, məmɔ̀ʼfyii ndəŋ Nyii təmə fɔ̀ʼ fɛ nɔ bɛ kwu.

Məkínə lyʉʉhə-shʉəŋ-kə ghɔŋbə lyʉʉhə-kəlɛɛŋ-kə

1 Mbʉətə bətieŋkɔŋ-bɔŋ, kə bii mə bɛ́ŋ bʉə bənchəŋ ndə bɔ̂ŋ ghɔ̀ŋ mbɔ bɔ̂ŋ kie mbʉ kəLyʉʉhəNyii mu mbʉə-bɔŋ fɛ, b̈ɔŋ yúotə bɔŋ ndə mənyíɛ mbɔ mbʉ kəlyʉʉhə ndə bɔ̂ŋ kie gwè hə kəghɔ-Nyii mɛɛ. Bʉʼka buŋmbi bʉəyʉkəŋgieNyii nə mbii nɔʼ wɔ̀ʼnə mu kəwʉʉnəmbi.

13 Bəkɔ bʉʼʉ kínə shʉəŋ mbɔ bʉʼʉ káa mu Nyii, ɔ káa mu bʉʼʉ, bʉʼka ɔ nɔʼ kɔ́ Lyʉʉhəkə-i tʉ bʉʼʉ.

13 Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i kɛŋ dʉ̀ʼ mbɔ Tie-yii ndə ɔ bɛ yuo bu kɔ́ LyʉʉhəNyiikə tʉ bʉə ndə bɔ̂ŋ bíʼtə tʉ ɔŋ!"

3 Bɔ̂ŋ nyíɛ fɔbɛʼkə ndə i bɛ nə lɛɛŋhə-viʼi-bə, i gyʉ̀əhə ŋwɔŋ-ɛŋ tə́ŋtə kətʉ-bɔŋ bəmɔʼbəmɔʼ. 4 LyʉʉhəNyiikə jyʉ́ʉhə bɔŋ, bɔ̂ŋ chʉ́ʉhə ndə məkwə́ʼ ŋgie-bətə̂ŋbɛʼ-bə ndə mbʉ kəLyʉʉhə kɔ́ chu-bɔŋ ndə məkwə́ʼ.