Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
Paac’iyaan hinttenttu gelenna mala, minnitenne S’oossaa woossite; ayyaanay giigi utteedda; shin asatetsaa eeshshay daaburanchchaa» yaageedda.
«Barenttu ayaanaa de’uwaan,
hiyyeesaa gideeddawaa eriyaawanttu anjjetteeddawantta;
ayaw gooppe, saluwaa kawutetsay unttunttussa.
Ayaw gooppe, nu ashuu amottiyaawaa Geeshsha Ayyaanay is’s’ee; k’ay Geeshsha Ayyaanay amottiyaawaa nu ashuu is’s’ee; hawanttu ittuu ittuwaanna is’ettiino. Hewaa diraw, hintte dosiyaawaa ootsanaw danddaykkita.
Shin sisite; S’oossaa Ayyaanay hinttentta kaaletsiyaawaa gidooppe, hintte ashuwaa amuwaa mulekka polikkita.
Shin Geeshsha Ayaanaa ayfii, siik’uwaa, nashechchaa, sarotetsaa, danddayaa, keekatetsaa, lo"otetsaa, ammanettiyaawaa, ashikketetsaa, bare huup’iyaa naagiyaawaa. Hewantta malatiyaawantta diggiyaa higgii baawa.
Nuw Geeshsha Ayyaanay de’uwaa immowaappe guyyiyaan, nuuna k’ay I kaaletso.
Asatetsaabaa k’ofussay hayk’uwaa ahee; shin Geeshsha Ayaanaabaa k’ofussay de’uwaanne sarotetsaa ahee.
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
Woy hintte bollay S’oossay hinttenttoo immeedda hinttenttun de’iyaa Geeshsha Ayyaanay ak’iyaa geeshsha golliyaa gidiyaawaa erikkitee? K’ay hintte hintte huup’iyaassa gidikkita. Ayaw gooppe, S’oossay hinttentta gatiyaan shammeedda. Hewaa diraw, hintte asatetsaan Aa bonchchite.
Shin Godaanna ittipetetsaa med’d’iyaa uray ayyaanan aanana ittuwaa gidee.
Ayaw gooppe, asaan de’iyaa asaa ayyaanaappe attin, asaabaa eriyaawe oonee? Hawaadankka, k’ay S’oossaabaa S’oossaa Ayyaanaappe attin, ooninne erenna.
Yaatina, taani wootoo? Taani ta ayyaanan S’oossaa woosana; k’ay ta k’ofankka S’oossaa woosana. Ta ayyaanan yes’s’ana; k’ay ta k’ofankka yes’s’ana.
S’oossay bare bonchchuwaa daruwaadan, bare Geeshsha Ayyaanan, hinttenttoo hintte garssa asatetsan hintte minniyaa wolk’k’aa immanaadaaninne, k’ay ammanuwaa baggana Kiristtoosi hintte wozanaa bare golliyaa med’d’anaadan, taani S’oossaa woossay; k’aykka hintte s’ap’uwaa yeddiide, tokettiide siik’uwaan minnanaadan, S’oossaa woossay.
K’ay Godaa Yesuusi Kiristtoosa S’oossay, bonchchuwaa Aawuu, S’oossaa hintte eranaadan, hinttena aad’d’eedda eranchcha ootsiyaa k’ay S’oossaa hinttenttoo k’onc’c’issiyaa Geeshsha Ayaanaa hinttenttoo immanaadan, taani woossay.
Ayaw gooppe, nuuni nu kooshshaa d’ok’k’u ootsiide, «Abbaa! Ta Aabboo» yaagiide s’eesiyaa, nuuna S’oossaa naanaa kessiyaa Geeshsha Ayaanaa S’oossaappe akkeeddoppe attin, laa’entsuwaa yayyanaw ayile kessiyaa ayaanaa akkibeykko. S’oossaa Ayyaanay bare huup’ew nu ayyaanaanna gidiide, nuuni S’oossaa naanaa gidiyaawaa markkattee.
S’oossaa Ayyaanay bare huup’ew nu ayyaanaanna gidiide, nuuni S’oossaa naanaa gidiyaawaa markkattee.
Ayaw gooppe, nuuni nu kooshshaa d’ok’k’u ootsiide, «Abbaa! Ta Aabboo» yaagiide s’eesiyaa, nuuna S’oossaa naanaa kessiyaa Geeshsha Ayaanaa S’oossaappe akkeeddoppe attin, laa’entsuwaa yayyanaw ayile kessiyaa ayaanaa akkibeykko.
Shin Kiristtoosi hinttenttun de’ooppe, hintte asatetsay nagaraa gaasuwaan hayk’k’eeddawaa; shin hintte ayyaanay s’illotetsaa gaasuwaan hinttenttun pas’a de’ee.
S’oossaa Ayyaanay kaaletsiyaa ubbatuu S’oossaa naanaa.
Hawaadan k’ay Geeshsha Ayyaanay nu daaburaa maaddanaw yee; ayaw gooppe, nuuni S’oossaa wooti woossanaw bessintto erokko; shin Geeshsha Ayyaanay bare huup’ew k’aalaan k’onc’c’issanaw danddayettenna ooliyaan nuw gaannatee.
Minniide ootsite; azalloppite; hintte kumentsaa wozanaappe Godaw ootsite.
Hinttenttu akkana giide nashechchaan naagiyaawe Geeshsha Ayaanaa wolk’k’aan dic’c’anaadan, hinttenttoo immana geedda S’oossay, hintte Aa ammaniyaa diraw, hinttenttoo nashechchaanne sarotetsaa kuntsiide immo.
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
S’oossay Ayaanaa; aw goyinniyaawanttukka Geeshsha Ayaanaa wolk’k’aan S’oossaa S’oossatetsaadan goyinnanaw bessee» yaageedda.
Shin Aawuwaa S’oossaw tumuwaappe goyinniyaawanttu Aa, Geeshsha Ayaanaa wolk’k’aaninne S’oossaa S’oossatetsaadan goyinniyaa wodii matatteedda; ubbaa ha"ikka gakkeedda. Ayaw gooppe, asaa barew goyinnana mala, Aawuu S’oossaykka ha ogiyaan goyinniyaawantta koyyee. S’oossay Ayaanaa; aw goyinniyaawanttukka Geeshsha Ayaanaa wolk’k’aan S’oossaa S’oossatetsaadan goyinnanaw bessee» yaageedda.
Nuuni ubbaykka nas’alaan kamettibeenna som"iyaan Godaa bonchchuwaa be’ana k’ay Geeshsha Ayaana gidiyaa Godaappe yiyaa he bonchchuu nuuna barena malatissiide, bonchchuwaappe bonchchoo laammana.
Hewaa diraw, ta siik’atoo, S’oossay ha ubbabaa nuw immana geeddawaappe hini baggan, nu ashuwaanne nu shemppuwaa tunissiyaa ubbabaappe nu huup’iyaa ane geeshshoytte; k’ay S’oossaw yayyiyaawaan ubbaanna geeyyiide de’eetto.
Ayaw gooppe, S’oossay nuw wolk’k’aa, siik’uwaanne nu huup’iyaa naagiyaawaa immiyaa Geeshsha Ayaanaa immeeddappe attin, yashshaa ayaanaa immibeenna.
Ayaw gooppe, S’oossay nuw wolk’k’aa, siik’uwaanne nu huup’iyaa naagiyaawaa immiyaa Geeshsha Ayaanaa immeeddappe attin, yashshaa ayaanaa immibeenna.
Ayaw gooppe, taani hinttenttu woosaaninne Yesuusi Kiristtoosa Ayyaanaappe yiyaa maaduwaan attanawaa eray.
Nu Godaa Yesuusi Kiristtoosa aad’d’o keekatetsay hinttenanna gido.
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
Ta seeraakko simmooppe; taani ta eraa hintte bolla gussana; ta k’aalaakka hinttena tamaarissana.
Asay ootsiyaa oosuwaa ubbay aw likke malatee; shin Med’inaa Goday koyiro dendduwaa k’ofaa yiggi s’eellee.
Otoruwaa geeduwaa bashshay kaallee; ayyuwaa geeduwaakka kunddetsay kaallee.
Ayyiyaawanttuna zuppetiide, omooduwaa shaakki akkanaappe ashkke gidiide, hiyyeesiide de’iyaawe keeka.
Wolk’k’aama asaa gidiyaawaappe, hank’k’ettanaw elleellenna asaa gidiyaawe lo"a; daro katamatuwaa oliide oyk’k’iyaawaappe, Asay bare huup’iyaa mooddiyaawe aad’d’ee.
Asaa ayyaanay Med’inaa Godaw s’omppiyaa; hewaa diraw, I nu giddo asatetsaa ubbaa pilggi s’eellee.
K’aykka I, «Zarubaabeelaw Med’inaa Goday odeedda k’aalay hawaa; ‹Ta Ayyaanaanappe attina, wolk’k’an woy minotetsan gidenna. Taani Ubbaappe Wolk’k’aama Med’inaa Goday hawaa oday.
Ubbaa Mooddiyaa Med’inaa Godaa Ayyaanay ta bollan de’ee; ayaw gooppe, k’ohetteeddawanttoo lo"o mishiraachchuwaa odana mala, S’oossay taana okkeedda. I taana wozanay me"eeddawanttoo koolettiyaawaanne omoodetteeddawanttoo omooduwaappe kesiyaawaa awaayana malanne k’ashetteeddawanttoo biletsaa awaayana mala kiitteedda.
Taanikka unttunttoo itti wozanaa immana; k’ay ooratsa ayaanaakka unttunttu giddon wotsana. Unttunttuppe shuchchaa wozanaa diggaade, ashuwaa wozanaa unttunttoo immana. He wodiyaan unttunttu ta higgiyaa kaallana; ta azazuwaakka naagana. Unttunttu ta asaa gidana; taanikka unttunttu S’oossaa gidana.
Ubbaa Mooddiyaa Med’inaa Goday ha mek’etsatoo hawaadan yaagee; «Taani shemppuwaa hintte giddo gelissana; yaatooppe hintte pas’a de’ana.
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
Abeet S’oossaw, geeshsha wozanaa ta giddon med’d’a;
minisiyaa ayaanaa ta giddon ooratsa.
Taana ne sintsaappe oloppa;
ne Geeshsha Ayaanaa taappe akkoppa.
Ne atotetsaa nashshechchaa taw zaaraadde imma;
taani new eeno gaade azazettanaadan,
Taana zemppissa.
S’oossaw yarshshiyaa yarshshuu
ashkke ayaanaa; abeet S’oossaw,
«Nagaraa ootsennan aggaarikkitaashaa» giyaa,
me"eedda wozanaa neeni kad’akka.
Med’inaa Goday wozanay me"eeddawanttoo mataana;
k’ay barenttu hidootaa k’ans’s’eeddawantta ashshee.
Asay ashshanaw danddayenna diraw,
asaa kaappatuwaan ammanettoppite.
Unttunttu shemppuu kesiyaa wode,
unttunttu biittaw simmiino;
unttunttu halchchuu ubbay
he gallassikka atti aggee.
Ayaw gooppe, S’oossaa k’aalay med’inaw de’iyaawaannee ootsiyaawaa; laa"u baggana leefetteedda mashshaappekka aad’d’iide kuusee. He k’aalay shemppuunne ayyaanay, kuriinne kolzzii ittippe gakettiyaasaa shaakkana gakkanaw c’addee. K’ay asaa wozanaan de’iyaa koshaanne k’ofaa I shaakkee.
Ayaw gooppe, shemppuu shaaketteedda bollay hayk’k’eeddawaa gidiyaawaadan, hewaadankka k’ay oosuu shaaketteedda ammanuu hayk’k’eeddawaa.
Ta siik’otoo, S’oossaa Ayyaanay taanan de’ee giyaa ubbaa ammanoppite; shin unttunttun de’iyaa ayyaanay S’oossaappeeyye woy gidennentto paac’c’ite. Ayaw gooppe, c’ora worddo nabatuu ubbasaa beeddino.
S’oossay bare Ayaanaa nuw immeedda diraw, nuuni S’oossaa giddon de’iyaawaanne ikka nu giddon de’iyaawaa ereetto.
Hinttenttu iita gidi de’iidde hinttenttu naanaw lo"obaa immiyaawaa erooppe, yaatina saluwaan de’iyaa hinttenttu aawuu barena woossiyaawanttoo Ayaanaa Geeshsha wooti darissiide immanddeeshsha?» yaageedda.
K’ay tamaa lac’uwaadan poddugiyaawe unttunttoo beettiide, shaaketti shaaketti, unttunttu ubbaa bolla wod’d’eedda. Unttunttu ubbaan Geeshsha Ayyaanay kumiide, dumma dumma k’aalaan haasayana mala, unttuntta danddayissina, haasayaa doommeeddino.
S’oossay salotuwaanne sa’aa koyro med’d’eedda. He wode sa’ay giigibeennanne ayaynne baynna mela; c’iimmuwaa bollan d’umay de’ee; S’oossaa Ayyaanay haatsaappe bollanna mayyi utteedda.
Shin asaakko yiide, aad’d’eeda eratetsaa asaw immiyaawe Ubbaa Danddayiyaa S’oossaa Ayaanaa.
Biraa k’ac’inay duus’s’ennan, work’k’aa keriikka me"ennan, haatsaa otuukka pulttuwaa lank’k’iyaan me"ennan, haatsaa pude goochchiyaa wodoruukka duus’s’ennan de’ishiina, biittay kase bare aketeedda biittaakko simmennaan, shemppuukka barena immeedda S’oossaakko simmiide beenna de’ishiina, neena Med’d’eeddawaa k’oppa.
«Ubbaappe d’ok’k’iyaa S’oossay taw ootseedda malalissiyaanne ooratsabaa taani hinttenttoo odanaw koyay.
«Aa malaatay wooti gitee!
I ootsiyaa ooratsabay wooti minee!
Aa kawutetsay med’inaa kawutetsaa;
Aa maataykka yeletaappe yeletaa gakkanaasa.