Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.
Yoba ta God gumuglo mina goduglme munedi prikwa i, gun yenaiglkwa paugwa.
I siragl pre God yoba kingno morabara dumo i, ye inaiglkwa.
Deno muduno goglo Mudu Murubuglo ake atne edenagledi eruko, Mudu Murubuglo deno muduno goglo ama ake atne edenagledi eruko, eribrika. Ye kuda ikne ikne miurka i pre ene mabuno wakai boramnedi eribi, waragne paugwa.
Nono Mudu Murubuglo duglo boramga paugwa
Na diga i, ene Mudu Murubuglo duglo bogl meglbi, deno muduno goglo pogglau boran, ene ta yage sikraiglkwa.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.
Te, Mudu Murubuglo nono ere i kor edugwa pre ye ta di norabere swara duglo boramga.
Te, yoba deno muduno goglo duglo boramnedi nomano si gigle digwa i, geglkwa plau dugwa. Te, Mudu Murubuglo duglo boramnedi nomano si gigle digwa i, kor meglkwa ya deno muduno wida dugwa i, plau dugwa.
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
God ene Mudu Murubuglo togo, ene meglmara atne moglkwa pre ene ogono nagino i, Mudu Murubuglo yugumo mere yegl yogwa. Te, God yene ere mogl, ene topo si ikne edidre, bitno moglkwa pre ene erme meglkwa i, enene pre ta moglkrikwa. God ene bitno moglko, ene God taraglmo mere yegl meglkwa pre ene ogono nagino mina mabuno siragl mere ta eribi, God kagie kade inabuka i keme erio!
Ba nono munga i, yagl abu u swara eimere mere yegl, nono kiano mina Yaglno Kade bogl u swara kaima pi munga pre mabuno kide yegl ta erekramga paugwa.
Nono yoba munga i, nomano siragl mere paugwa i, yoba pere ta kankrikwa ba no nono pre kan erumga. Kuno yegl mere God nomanemo siragl mere paugwa i, yoba munga i ta pre kan erekunga ba God Murubuglo swara pre pogl sidre, di norukwa.
Yegl pre na prika, nana kana mina kamage eribo, na kiana mina ya nomana mina akie pre pogl sidre, kamage eraglka pre wakai panabuka. Te, giglage dinaglka ama yegl, na kiana mina ya nomana mina akie pre pogl sidre, giglage dinaglka.
Ana na ene pre ye kamage yegl ere teiga, God ye yagl podo kaima moglko, ye nomanemo ya yobuglomo pai kawa tomere kuno yegl mere ye Murubuglomo ene deno muduno mina yobuglo podo kaima tenabedi kamage erika. Na yegl kamage ersre, ama ene Jisas pre mediglkwa pre Jisas ene deno muduno mina ya nomano mina sugl wakai moran, ene deno muduno wida di idre, ye moglmara mogl atne edinaiglmedi kamage erika. Te, Jisas nono dem muduo podo kide norukwa i, ene ege ege nomano mina poglo di pribi, Jisas dem muduo podo norukwa i, ene deno muduno wagle ede mere duglane idre, si kau si tenabedi kamage erika.
Na ene pre ege ege Neno Kade God, ye wakai kaima moglsre, nono Yaglno Kade, ye Kere Yugwa Yagl Jisas Godmo moglkwa i, agle di prika. Na ege ege agle di prika i, God ene nomane tedre, ene ye kamo pre pogl sinaiglmedi eran, ene ye siragl mere moglkwa i pre kan eraiglkwa pre kamage erika.
God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa. Nono God gagiglma munga i, God Murubuglo nono nomano mina di noro, Ene God gagiglma meglmiwe di, yegl di noruko, prumga.
Nono God gagiglma munga i, God Murubuglo nono nomano mina di noro, Ene God gagiglma meglmiwe di, yegl di noruko, prumga.
God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa.
Ene tadaglme erikwa pre ogono nagino gorabuka ba Krais ene meglmara suna moran, God gumuglo mina yoba du meglkwa pre Mudu Murubuglo ene ere i kor edugwa.
Mudu Murubuglo Owo di teigwa i, ye kaima God gagiglema meglkwa.
Ana God Murubuglo nono ege ege ake ple di norukwa. I siragl pre nono yoba munga i, yobuglno ta paikrukwa. Ege mere nono kamage ere, God ka siragl mere di pramga i, pre pogl sikrumga. Pre pogl sikrumga ba God Murubuglo yene ere mogl, nono mitno podo goglsre, gigln akin di, nono kano i pi God di togwa. Kano i pi God di togwa i, nono ka drano mina dikre, nomano mina keme gigln akin dumga ba God Murubuglo nono kano i pi God di togwa.
Te, ene Yagl Kade kogonmo erikwa i, ene nomano mina ka kaima eramnedi prisre, oglka erekre, kogon podo ere pai molo.
Ana ene God kamo pre mediglkwa pre ye ene meglmara nomane wakai tedre, ene gun yenaiglmedi ere, deno muduno wida di, ene meglmara padigl tenabedi prika. Yegl eran, te, Mudu Murubuglo ene yobuglo bogl tenan, ene okuo God bogl wakai kaima moraiglkwa i, ege ege pre gi di moraiglkwa. I siragl pre God nomane wakai ege ege ye yobama togo, ye okuo wakai kaima moramgra we di, pre gi digwa.
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
God ye murubuglo moglkwa. Yegl pre yoba ta ye kagie kade tenaiglkwa i, ye kiano mina ka kaima kagie kade tenaiglkwa pamiwe di, Jisas yegl dugwa.
Yegl paugwa ba ege ta okuo plau dinabuka i mina ya erme pra, yoba kaima ta God Nem kagie kade tenamnedi praiglkwa i, ye muglo meglbi i mo dumo Jerusalem we di prikre, kiano mina God ka kaima kagie kade tenaiglmiwe dugwa. Yoba yegl mere praiglkwa i, Na Nina God ye yoba i na kagna kade naraiglmedi prukwa. God ye murubuglo moglkwa. Yegl pre yoba ta ye kagie kade tenaiglkwa i, ye kiano mina ka kaima kagie kade tenaiglkwa pamiwe di, Jisas yegl dugwa.
Ana Moses ye Yagl Kade bogl ka dinabugledi ye moglmara ogwa igne, laplap i eglke edugwa. Moses laplap i eglke edumere mere yegl, nono Mudu Murubuglo bogl akie munga pre gumano drano ta were kegl dikrumga. I siragl pre nono yoba ta God Murubuglomo bogl munga i, kane paikre, yoko munga. Te, Moses guma dra pogl dumere mere yegl, Yagl Kade abuglagemo nono gumano drano mina pogl dugo, yoba pere kanigwa. Abuglagemo glas pogl dumere mere pogl dugwa pre diga. Te, Moses guma dra pogl dugwa i, ede atne ogwa ba nono Yagl Kade abuglagemo i nogugl edumga i, ede u kade kade ogwa. I siragl pre Yagl Kade Murubuglomo i, ye nono ere i kor kor edugo, nono u Yagl Kade moglmere mere yegl pi munga.
Ana agrama abarama wagle, ene na dena muduna suna meglkwa i, ene prio. God ye nono munara mogl noragledi promis di padigl norukwa pre nono ogono nagino mina ya kiano mina mabuno deglbi yogwa ta eramga i, kide kodinamga paugwa. Kide kodidre, God kuduglmo gogl, ye mabunomo ta panabere yegl keme ege ege eramga paugwa.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Mem ta pre gun yei pai moraglka i, yegl paugwa, ene na pre kamage ere meglbi, te, Jisas Krais Murubuglomo ama na ake ple di naran, na kane yugu kide kodinaglka.
Na prika i, nono Yaglno Kade Jisas Krais ene kiano mina yoko kaima ake ple di te pai morabedi prika.
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
Ana God kamo yogwa i, kor moglsre, kogon yobuglo ere moglkwa. Te, bainet ta dra aket aket nogwa i, podo nogwa ba God kamo bainet i egre tedre, nogwa. Ana yoba bugla togidre, dem muduo i nogugl edimere mere yegl, God kamo i, nono nomano, kwiano ya, deno muduno siragl mere paugwa i, togo i nogugl edugwa. Nono nomano mina siragl mere prumga ya kide wakai deno muduno mina prumga i, ere i nogugl edugwa.
Ana ka ebrie yoba kia ta ogo nagie kide kodinan, kia ta moglkrukwa pre ye ogo nagie goglkwa. Kuno yegl mere yoba ta pre medrabuka ba mabuno wakai ta boglkran, ye yoba ta goglko, ogo nagie taragl yoko yomere mere yegl, ye pre meduglkwa i goglko, u taragl yoko ogwa.
Yoba ta u, Mudu Murubuglo ka ta di naruko, die dinabuka i, nono doko kanamga paugwa
Ene na dena muduna teiga meglkwa i, ka kep yoba kibi mere kide ede u koglo koglo eigwa pre yoba kano tabre pre mediglkrio! God ye kaima ka ta di togo, dimo mo i, ene doko kanaiglkwa paugwa.
God ye Murubuglomo norukwa pre God bogl si dakagl mungo, ye munara mogl norumedi pre kan erumga.
Ene prio, ene yoba kide meglkwa ba ene gagroma taragl wakai te kanimiwa. Yegl pre Neno Kade heven ibo moglkwa i, yoba ta ye di prabuka i, ye ka kaima Mudu Murubuglo yoba i tenabiwe di, yegl dugwa.
Prisre, ye kanigwa i, taragl ta doga drabie mere yegl, udre, ede pere pere pi, ye swara swarade meglmara pi tebe de paigwa. De paigo, God Murubuglo ye mudu si kau si tedre, ere edugo, yene kano dikre, ka pere pere digwa.
God siragl mere taragl mudu ere yomere
Okna kaima ibo, God kamun mina ibo ya dumo makan ere yogwa. Ere yogo, makan erme yomere yekre, wau kaima yogwa. Makandigle nigl kau sugo, mim wai di yogwa. Yegl eruko, God Murubuglomo nigl tebe winabo di wan moglkwa.